ਸ਼ਾਹਕੋਟ,(ਅਰੁਣ): ਐਗਰੀਕਲਚਰ ਕੋਆਪ੍ਰੇਟਿਵ ਸੁਸਾਇਟੀ ਬਾਹਮਣੀਆਂ (ਸ਼ਾਹਕੋਟ) ਦੀ ਨਵੀਂ 11 ਮੈਂਬਰੀ ਕਮੇਟੀ ਦੀ ਕੁਝ ਦਿਨ ਪਹਿਲਾ ਚੋਣ ਕੀਤੀ ਗਈ ਸੀ ਤੇ ਇਸ ਚੋਣ 'ਚ ਅਕਾਲੀ ਦਲ ਦੇ 6 ਮੈਂਬਰ ਤੇ ਕਾਂਗਰਸ ਦੇ 5 ਮੈਂਬਰ ਚੁਣੇ ਗਏ ਸਨ। 11 ਮੈਂਬਰਾਂ 'ਚੋਂ ਪਿੰਡ ਬਾਹਮਣੀਆਂ ਦੇ 8 ਮੈਂਬਰ, ਪਿੰਡ ਥੰਮੂਵਾਲ ਦੇ 2 ਮੈਂਬਰ ਤੇ ਪਿੰਡ ਐਦਲਪੁਰ ਤੋਂ ਇਕ ਮੈਂਬਰ ਚੁਣਿਆ ਗਿਆ ਸੀ। ਪਿੰਡ ਬਾਹਮਣੀਆਂ ਤੋਂ ਚੁਣੇ ਗਏ ਕਮੇਟੀ ਮੈਂਬਰ ਮਾਸਟਰ ਦਿਲਬਾਗ ਸਿੰਘ, ਜੋਗਿੰਦਰ ਸਿੰਘ, ਵਰਿੰਦਰ ਕੌਰ ਧੰਜੂ, ਹਰਪ੍ਰੀਤ ਕੌਰ ਜੰਮੂ ਅਕਾਲੀ ਦਲ ਨਾਲ ਸਬੰਧਿਤ ਹਨ ਤੇ ਸੁਖਵਿੰਦਰ ਕੌਰ, ਰਾਜਿੰਦਰ ਕੌਰ, ਹਰਜਿੰਦਰ ਸਿੰਘ, ਗੁਰਭੇਜ ਸਿੰਘ ਕਾਂਗਰਸ ਨਾਲ ਸਬੰਧਿਤ ਹਨ। ਇਸੇ ਹੀ ਤਰ੍ਹਾਂ ਪਿੰਡ ਐਦਲਪੁਰ ਤੋਂ ਕਮੇਟੀ ਮੈਂਬਰ ਕੁਲਵੰਤ ਸਿੰਘ ਅਕਾਲੀ ਪਾਰਟੀ ਨਾਲ ਸਬੰਧਿਤ ਹਨ। ਇਸੇ ਹੀ ਤਰ੍ਹਾਂ ਪਿੰਡ ਥੰਮੂਵਾਲ ਤੋਂ ਨਵੇਂ ਚੁਣੇ ਗਏ ਕਮੇਟੀ ਮੈਂਬਰ ਬਲਬੀਰ ਸਿੰਘ ਅਕਾਲੀ ਪਾਰਟੀ ਨਾਲ ਜਦ ਕਿ ਕਾਮਰੇਡ ਦਰਸ਼ਨ ਸਿੰਘ ਥੰਮੂਵਾਲ ਕਾਂਗਰਸ ਨਾਲ ਸਬੰਧਿਤ ਹਨ। ਹੁਣ ਕੋਆਪ੍ਰੇਟਿਵ ਸੁਸਾਇਟੀ ਬਾਹਮਣੀਆਂ 'ਚ ਕਮੇਟੀ ਦੇ ਪ੍ਰਧਾਨ ਦੀ ਚੋਣ ਸੇਲਜ਼ਮੈਨ ਮਨਜੀਤ ਸਿੰਘ ਧੰਜੂ ਦੀ-ਰੇਖ ਹੇਠ ਕੀਤੀ ਗਈ।
ਇਸ ਮੌਕੇ ਨੰਬਰਦਾਰ ਸੁਖਵਿੰਦਰ ਸਿੰਘ ਸਾਬਾ ਸਾਬਕਾ ਪ੍ਰਧਾਨ, ਜੋਗਿੰਦਰ ਸਿੰਘ ਸਰਪੰਚ ਬਾਹਮਣੀਆਂ ਖੁਰਦ, ਲਾਡੀ ਨੰਬਰਦਾਰ, ਮਲਕੀਤ ਸਿੰਘ ਮੀਤਾ ਨੰਬਰਦਾਰ, ਜਰਨੈਲ ਸਿੰਘ ਧੰਜੂ ਪੰਚ, ਕਾਮਰੇਡ ਚਰਨ ਸਿੰਘ, ਤਲਵਿੰਦਰ ਸਿੰਘ ਚੰਦੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ। ਇਸ ਚੋਣ 'ਚ ਸਰਬਸੰਮਤੀ ਨਾਲ ਕੁਲਵੰਤ ਸਿੰਘ ਐਦਲਪੁਰ ਦੇ ਸਿਰ ਪ੍ਰਧਾਨਗੀ ਦਾ ਤਾਜ ਸਜਾਇਆ ਗਿਆ ਤੇ ਮਾਸਟਰ ਦਿਲਬਾਗ ਸਿੰਘ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਜੋਗਿੰਦਰ ਸਿੰਘ ਨੂੰ ਜੂਨੀਅਨ ਮੀਤ ਪ੍ਰਧਾਨ ਚੁਣਿਆ ਗਿਆ। ਇਸ ਚੋਣ ਵੇਲੇ ਕਾਂਗਰਸ ਨਾਲ ਸਬੰਧਿਤ 5 ਮੈਂਬਰ ਗੈਰ ਹਾਜ਼ਰ ਰਹੇ ਤੇ ਅਕਾਲੀ ਦਲ ਨਾਲ ਸਬੰਧਿਤ ਮੈਂਬਰਾਂ ਵਲੋਂ ਸਰਬਸੰਮਤੀ ਨਾਲ ਪ੍ਰਧਾਨ ਦੀ ਚੋਣ ਕਰ ਲਈ ਗਈ। ਇਸ ਮੌਕੇ ਅਕਾਲੀ ਦਲ ਦੇ ਹਲਕਾ ਇੰਚਾਰਜ ਬਚਿੱਤਰ ਸਿੰਘ ਕੋਹਾੜ ਤੇ ਸੁਖਵਿੰਦਰ ਸਿੰਘ ਸਾਬਾ ਸਾਬਕਾ ਪ੍ਰਧਾਨ ਨੇ ਨਵੇਂ ਚੁਣੇ ਗਏ ਅਹੁਦੇਦਾਰਾਂ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਡਾ. ਹਰਜਿੰਦਰ ਸਿੰਘ ਮਰੋਕ, ਠੇਕੇਦਾਰ ਮਲਕੀਤ ਸਿੰਘ, ਗੁਰਲਵਪ੍ਰੀਤ ਸਿੰਘ ਧੰਜੂ ਪੰਚ, ਮਨਜੀਤ ਸਿੰਘ ਪੰਚ, ਦੀਦਾਰ ਸਿੰਘ, ਹਰਬੰਸ ਸਿੰਘ ਪ੍ਰਧਾਨ, ਮੁਕੇਸ਼ ਸ਼ਾਹੀ, ਸਿਮਰਤਪਾਲ ਸਿੰਘ ਢੋਟ, ਸਦਰਾ ਸਾਬਕਾ ਸਰਪੰਚ, ਗੁਰਦੀਪ ਸਿੰਘ ਐਦਲਪੁਰ, ਗੁਰਮੇਜ ਸਿੰਘ ਥੰਮੂਵਾਲ, ਸੁਖਜੀਤ ਸਿੰਘ ਸੱਖਾ, ਸੋਨੀ ਡੀ.ਜੇ, ਜਗਦੀਸ਼ ਸਿੰਘ ਰਾਜੂ, ਰਛਪਾਲ ਧੰਜੂ, ਸੁਖਦੇਵ ਧੰਜੂ, ਡਾ. ਹਰਪ੍ਰੀਤ ਸਿੰਘ, ਜਤਿੰਦਰ ਸਿੰਘ ਧੰਜੂ ਆਦਿ ਹਾਜ਼ਰ ਸਨ।
ਪਿਸਤੌਲ ਦੀ ਨੋਕ ’ਤੇ ਅਗਵਾ ਕਰ ਕੇ ਲੁੱਟੇ 7.25 ਲੱਖ
NEXT STORY 
