ਕਪੂਰਥਲਾ (ਮਹਾਜਨ)-ਹਾਏ ਗਰਮੀ, ਨਾ ਦਿਨੇ ਚੈਨ ਅਤੇ ਹੁਣ ਰਾਤ ਦੀ ਨੀਂਦ ਵੀ ਬਰਬਾਦ। ਜੀ ਹਾਂ, ਇਲਾਕੇ ਦੇ ਕੁਝ ਲੋਕ ਇਸੇ ਤਰ੍ਹਾਂ ਦੀ ਮੁਸ਼ਕਿਲ ਨਾਲ ਜੂਝ ਰਹੇ ਹਨ। ਪਹਿਲਾਂ ਤਾਂ ਪਿਛਲੇ ਕੁਝ ਦਿਨਾਂ ਤੋਂ ਪੈ ਰਹੀ ਕਹਿਰ ਦੀ ਗਰਮੀ ਨੇ ਲੋਕਾਂ ਦਾ ਦਿਨ ਦਾ ਚੈਨ ਖੋਹ ਲਿਆ ਸੀ, ਹੁਣ ਰਹਿੰਦੀ ਕਸਰ ਪਾਵਰਕਾਮ ਵਿਭਾਗ ਨੇ ਪੂਰੀ ਕਰ ਦਿੱਤੀ ਹੈ। ਦਿਨ ਭਰ ਦੀ ਥਕਾਵਟ ਤੋਂ ਛੁਟਕਾਰਾ ਪਾਉਣ ਲਈ ਲੋਕ ਰਾਤ ਨੂੰ ਆਪਣੇ ਘਰਾਂ ਵਿਚ ਆਰਾਮ ਕਰਨ ਦੀ ਇੱਛਾ ਨਾਲ ਸੌਂਦੇ ਹਨ ਪਰ ਹੁਣ ਪਾਵਰਕਾਮ ਵਿਭਾਗ ਨੇ ਉਨ੍ਹਾਂ ਤੋਂ ਇਹ ਆਰਾਮ ਵੀ ਖੋਹ ਲਿਆ ਹੈ। ਪਿਛਲੇ ਦੋ ਦਿਨਾਂ ਤੋਂ ਰਾਤ ਸਮੇਂ ਲੱਗੇ ਲੰਬੇ ਅਣ-ਐਲਾਨਿਆ ਬਿਜਲੀ ਕੱਟਾਂ ਕਾਰਨ ਲੋਕਾਂ ਨੂੰ ਜਾਗ ਕੇ ਰਾਤ ਮੱਛਰਾਂ ਨਾਲ ਕੱਟਣੀ ਪੈ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਭਿਆਨਕ ਗਰਮੀ `ਚ ਪਿਛਲੇ ਦੋ ਦਿਨਾਂ ਤੋਂ ਰਾਤ ਨੂੰ 12 ਵਜੇ ਤੋਂ ਬਾਅਦ ਕਿਸੇ ਵੇਲੇ ਵੀ ਲਾਈਟਾਂ ਬੰਦ ਹੋ ਜਾਂਦੀਆਂ ਹਨ, ਜਿਸ ਕਾਰਨ ਲੋਕਾਂ ਲਈ ਪੱਖੇ ਅਤੇ ਕੂਲਰਾਂ ਤੋਂ ਬਿਨਾਂ ਰਾਤ ਕੱਟਣੀ ਮੁਸ਼ਕਿਲ ਹੋ ਗਈ ਹੈ। ਲੋਕਾਂ ਨੂੰ ਅੱਧੀ ਰਾਤ ਨੂੰ ਜਾਗ ਕੇ ਬਿਜਲੀ ਆਉਣ ਦੀ ਉਡੀਕ ਕਰਨੀ ਪੈਂਦੀ ਹੈ। ਜਦਕਿ ਸਰਕਾਰ 24 ਘੰਟੇ ਬਿਜਲੀ ਦੇਣ ਦਾ ਦਾਅਵਾ ਕਰ ਰਹੀ ਹੈ।
ਇਹ ਵੀ ਪੜ੍ਹੋ- ਜਲੰਧਰ 'ਚ ਗੁੰਡਾਗਰਦੀ ਦਾ ਨੰਗਾ ਨਾਚ, ਵੱਡੇ ਡਾਕਖਾਨੇ ਦੇ ਬਾਹਰ ਹੋਈ ਖ਼ੂਨੀ ਝੜਪ, ਚੱਲੇ ਤੇਜ਼ਧਾਰ ਹਥਿਆਰ
ਇਲਾਕਾ ਵਾਸੀ 9 ਘੰਟੇ ਤੱਕ ਬਿਜਲੀ ਸਪਲਾਈ ਲਈ ਤਰਸੇ
ਪਾਵਰਕਾਮ ਵਿਭਾਗ ਵੱਲੋਂ ਮੁਹੱਲਾ ਲਾਹੌਰੀ ਗੇਟ ਦੇ ਕਰੀਬ 650 ਲੋਕਾਂ ਨੂੰ ਰਾਤਾਂ ਦੀ ਨੀਂਦ ਉਡਾ ਦਿੱਤੀ।ਪਿਛਲੇ ਦੋ ਦਿਨਾਂ ਤੋਂ ਮੁਹੱਲਾ ਲਾਹੌਰੀ ਗੇਟ ਅਤੇ ਇਸ ਦੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਲੰਬੇ ਅਣ-ਐਲਾਨਿਆ ਕੱਟ ਲਗਾਏ ਜਾ ਰਹੇ ਹਨ। ਜੇਕਰ ਵੀਰਵਾਰ ਰਾਤ ਦੀ ਗੱਲ ਕਰੀਏ ਤਾਂ ਇਲਾਕੇ ਦੀਆਂ ਲਾਈਟ ਰਾਤ 12 ਵਜੇ ਬੰਦ ਹੋ ਗਈ, ਜੋ ਸ਼ੁਕਰਵਾਰ ਸਵੇਰੇ 9 ਵਜੇ ਚਾਲੂ ਹੋਈ। ਜਿਸ ਕਾਰਨ ਲੋਕਾਂ ਨੂੰ ਭਾਰੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਲੋਕਾਂ ਵਿੱਚ ਸਰਕਾਰ ਤੇ ਪਾਵਰਕਾਮ ਪ੍ਰਤੀ ਗੁੱਸਾ ਦੇਖਿਆ ਜਾ ਸਕਦਾ ਹੈ।
ਟੋਲ-ਫ੍ਰੀ ਨੰਬਰ ਸਿਰਫ਼ ਨਾਮ ਵਿੱਚ।
ਪੰਜਾਬ ਸਰਕਾਰ ਨੇ ਬਿਜਲੀ ਸਬੰਧੀ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਦਰਜ ਕਰਨ ਲਈ ਟੋਲ ਫਰੀ ਨੰਬਰ 1912 ਜਾਰੀ ਕੀਤਾ ਹੈ। ਇਸ ਦੇ ਲਈ ਸਥਾਨਕ ਪਾਵਰਕਾਮ ਵਿਭਾਗ ਨੇ ਆਪਣੇ ਪੱਧਰ `ਤੇ ਸ਼ਹਿਰੀ ਮੰਡਲ ਨਾਲ ਸਬੰਧਤ ਸਮੱਸਿਆ ਲਈ ਸ਼ਿਕਾਇਤ ਨੰਬਰ 9646115824 ਵੀ ਜਾਰੀ ਕੀਤਾ ਹੈ। ਪਰ ਇਨ੍ਹਾਂ ਦੋਵਾਂ ਨੰਬਰਾਂ `ਤੇ ਸ਼ਿਕਾਇਤ ਕਰਨ ਦੇ ਬਾਵਜੂਦ ਲੋਕਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਨਹੀਂ ਹੋ ਰਿਹਾ। ਹੱਦ ਉਦੋਂ ਹੋ ਗਈ ਜਦੋਂ ਵੀਰਵਾਰ ਰਾਤ 12 ਵਜੇ ਬਿਜਲੀ ਗੁੱਲ ਹੋਣ ਤੋਂ ਬਾਅਦ ਸਥਿਤੀ ਜਾਣਨ ਲਈ ਡਾਇਲ ਕੀਤਾ ਗਿਆ ਨੰਬਰ ਸਵੇਰੇ 5 ਵਜੇ ਤੱਕ ਵਿਅਸਤ ਰਿਹਾ, ਜੋ ਸਮਝ ਤੋਂ ਬਾਹਰ ਹੈ।
ਇਹ ਵੀ ਪੜ੍ਹੋ- ਜਲੰਧਰ ਤੋਂ ਵੱਡੀ ਖ਼ਬਰ: PUBG ਦੀ ਦੀਵਾਨਗੀ ਨੇ ਲਈ 12ਵੀਂ ਦੇ ਵਿਦਿਆਰਥੀ ਦੀ ਜਾਨ, ਮਾਂ ਨੇ ਰੋਕਿਆ ਤਾਂ ਕਰ ਲਈ ਖ਼ੁਦਕੁਸ਼ੀ
ਦੇਰੀ ਨਾਲ ਦਫ਼ਤਰ ਪਹੁੰਚਣ ਕਾਰਨ ਤਣਾਅ : ਸੁਖਬੀਰ
ਸੁਖਬੀਰ ਸਿੰਘ ਥਾਪਾ (ਵਿੱਕੀ) ਦਾ ਕਹਿਣਾ ਹੈ ਕਿ ਰਾਤ ਭਰ ਨੀਂਦ ਨਾ ਆਉਣ ਕਾਰਨ ਕਈ ਵਾਰ ਅਸੀਂ ਸਵੇਰੇ ਸਮੇਂ ਸਿਰ ਨਹੀਂ ਉਠ ਪਾਉਂਦੇ। ਇਸ ਕਾਰਨ ਲੋਕਾਂ ਨੂੰ ਦਫ਼ਤਰ ਪਹੁੰਚਣ ਵਿੱਚ ਦੇਰੀ ਹੋ ਜਾਂਦੀ ਹੈ। ਇਸ ਕਾਰਨ ਲੋਕ ਪਰੇਸ਼ਾਨ ਹੋ ਰਹੇ ਹਨ। ਉਸ ਨੇ ਦੱਸਿਆ ਕਿ ਉਸ ਨੇ ਸਵੇਰੇ 9 ਵਜੇ ਪਹੁੰਚਣਾ ਹੁੰਦਾ ਹੈ ਪਰ ਬਿਜਲੀ ਦੇ ਕੱਟ ਕਾਰਨ ਉਹ ਸਾਰੀ ਰਾਤ ਸੌਂ ਨਹੀਂ ਸਕਦਾ। ਸਵੇਰੇ ਨੀਂਦ ਆਉਣ ਕਾਰਨ ਦਫ਼ਤਰ ਪਹੁੰਚਣ ਵਿੱਚ ਦੇਰੀ ਹੋ ਰਹੀ ਹੈ। ਇਸ ਕਾਰਨ ਮੈਨੂੰ ਵਾਰ-ਵਾਰ ਦਫਤਰ ਤੋਂ ਝਿੜਕਾ ਪੈਂਦੀਆਂ ਹਨ। ਇੰਨੇ ਲੰਬੇ ਕੱਟ ਕਾਰਨ ਇਨਵਰਟਰ-ਬੈਟਰੀ ਵੀ ਜਵਾਬ ਦੇ ਜਾਂਦੇ ਹਨ।
ਬਿਜਲੀ ਦੇ ਕੱਟ ਕਾਰਨ ਹੋਈ ਪਰੇਸ਼ਾਨੀ : ਬਬਲੂ
ਬਬਲੂ ਦਾ ਕਹਿਣਾ ਹੈ ਕਿ ਪਾਵਰਕਾਮ ਵੱਲੋਂ ਪਿਛਲੇ 2 ਦਿਨਾਂ ਤੋਂ ਲਾਏ ਜਾ ਰਹੇ ਲੰਬੇ ਕੱਟਾਂ ਕਾਰਨ ਲੋਕਾਂ ਨੂੰ ਰਾਤ ਭਰ ਨੀਂਦ ਨਹੀਂ ਆ ਰਹੀ। ਗਰਮੀ ਕਾਰਨ ਲੋਕ ਬਿਮਾਰ ਹੋ ਰਹੇ ਹਨ। ਲੋਕਾਂ ਨੂੰ ਹੁਣ ਆਰਾਮ ਵੀ ਨਹੀਂ ਮਿਲ ਰਿਹਾ। ਬਿਜਲੀ ਨਾ ਹੋਣ ਕਾਰਨ ਸਵੇਰੇ-ਸਵੇਰੇ ਪਾਣੀ ਦੀ ਸਪਲਾਈ ਵੀ ਬੰਦ ਹੋ ਜਾਂਦੀ ਹੈ, ਜਿਸ ਕਾਰਨ ਘਰੇਲੂ ਕੰਮਕਾਜ ਵੀ ਘਰਵਾਲਿਆਂ ਵੱਲੋਂ ਨਹੀਂ ਕੀਤਾ ਜਾ ਰਿਹਾ। ਕੰਮਕਾਜ ‘ਤੇ ਪਹੁੰਚਣ ‘ਚ ਦੇਰੀ ਹੋ ਰਹੀ ਹੈ। ਜਿਸ ਕਾਰਨ ਤਣਾਅ ਦੀ ਸਥਿਤੀ ਬਣੀ ਹੋਈ ਹੈ।
ਇਹ ਵੀ ਪੜ੍ਹੋ- ਛੁੱਟੀ 'ਤੇ ਆਏ ਫ਼ੌਜੀ ਦੀ ਸੂਏ 'ਚੋਂ ਮਿਲੀ ਗਲੀ-ਸੜੀ ਲਾਸ਼, ਪੁੱਤ ਨੂੰ ਇਸ ਹਾਲ 'ਚ ਵੇਖ ਭੁੱਬਾਂ ਮਾਰ ਰੋਇਆ ਪਰਿਵਾਰ
ਰਾਤ ਨੂੰ 10 ਤੋਂ 15 ਵਾਰ ਲੱਗ ਰਹੇ ਹਨ ਬਿਜਲੀ ਕੱਟ : ਆਸ਼ੀਸ਼ ਕੁਮਾਰ
ਆਸ਼ੀਸ਼ ਕੁਮਾਰ (ਗਿਫ਼ਟੀ) ਦਾ ਕਹਿਣਾ ਹੈ ਕਿ ਇਹ ਸਮੱਸਿਆ ਕਿਸੇ ਇੱਕ ਵਿਅਕਤੀ ਦੀ ਨਹੀਂ ਹੈ। ਬਿਜਲੀ ਦੇ ਅੰਨ੍ਹੇਵਾਹ ਕੱਟਾਂ ਕਾਰਨ ਅਜਿਹੇ ਮਾਮਲੇ ਲਗਾਤਾਰ ਸਾਹਮਣੇ ਆ ਰਹੇ ਹਨ। ਜਿਆਦਾਤਰ ਖੇਤਰਾਂ ਵਿੱਚ ਦਿਨ ਦੇ ਮੁਕਾਬਲੇ ਰਾਤ ਨੂੰ ਬਿਜਲੀ ਦੇ ਕੱਟ ਜਿਆਦਾ ਲੱਗ ਰਹੇ ਹਨ। ਰਾਤ ਨੂੰ 10 ਤੋਂ 15 ਵਾਰ ਤੇ ਕਈ ਵਾਰ ਤਾਂ ਪੂਰੀ ਰਾਤ ਵੀ ਬਿਜਲੀ ਕੱਟ ਲੱਗਣ ਕਾਰਨ ਲੋਕਾਂ ਦੇ ਘਰਾਂ ਦੇ ਏ.ਸੀ., ਪੱਖੇ, ਕੂਲਰ ਤੇ ਹੋਰ ਗਰਮੀ ਬਚਾਉਣ ਵਾਲੇ ਯੰਤਰ ਕੰਮ ਨਹੀਂ ਕਰ ਪਾਉਂਦੇ। ਯੰਤਰ ਬੰਦ ਹੁੰਦੇ ਹੀ ਨੀਂਦ ਨਾ ਆਉਣ ਕਾਰਨ ਲੋਕਾਂ ਦੀ ਸਿਹਤ `ਤੇ ਮਾੜਾ ਅਸਰ ਪੈ ਰਿਹਾ ਹੈ। ਲੋਕਾਂ ਦੇ ਵਿਵਹਾਰ ‘ਚ ਚਿੜਚਿੜਾਪਨ ਹੈ।
ਵਾਰ-ਵਾਰ ਸ਼ਿਕਾਇਤ ਕਰਨ `ਤੇ ਵੀ ਸਮੱਸਿਆ ਦਾ ਹੱਲ ਨਹੀਂ ਹੋਇਆ : ਗੌਰਵ
ਕਾਰੋਬਾਰੀ ਗੌਰਵ ਗਿੱਲ ਦਾ ਕਹਿਣਾ ਹੈ ਕਿ ਇਕ ਤਾਂ ਪਹਿਲਾਂ ਹੀ ਬਿਜਲੀ ਦੇ ਕੱਟ ਨਾਲ ਰਾਤ ਦਾ ਚੈਨ ਉੱਡ ਜਾਂਦਾ ਹੈ। ਉਪਰੋਂ ਬਿਜਲੀ ਕੱਟ ਦੀ ਸਥਿਤੀ ਜਾਣਨ ਅਤੇ ਸ਼ਿਕਾਇਤ ਦਰਜ ਕਰਨ ਲਈ ਪਾਵਰਕਾਮ ਵੱਲੋਂ ਜਾਰੀ ਨੰਬਰ ‘ਤੇ ਵਾਰ-ਵਾਰ ਫੋਨ ਕਰਨ ‘ਤੇ ਉਨ੍ਹਾਂ ਵੱਲੋਂ ਕੋਈ ਜਵਾਬ ਨਹੀ ਦਿੱਤਾ ਜਾਂਦਾ ਹੈ। ਇਥੋਂ ਤੱਕ ਕਿ ਜ਼ਿਆਦਾਤਰ ਉਨ੍ਹਾਂ ਦਾ ਫੋਨ ਵਿਅਸਤ ਹੀ ਰਹਿੰਦਾ ਹੈ। ਰਾਤ ‘ਚ ਹੋਣ ਵਾਲੀ ਪਰੇਸ਼ਾਨੀ ਤੋਂ ਬਚਣ ਲਈ ਪਾਵਰਕਾਮ ਦੇ ਕੁਝ ਕਰਮਚਾਰੀ ਕਥਿਤ ਤੌਰ ‘ਤੇ ਸਰਕਾਰੀ ਨੰਬਰ ਨੂੰ ਵਿਅਸਤ ਕਰਕੇ ਖੁਦ ਆਰਾਮ ਨਾਲ ਆਪਣੇ ਆਸ਼ੀਆਨੇ ‘ਚ ਸੌ ਜਾਂਦੇ ਹਨ ਤੇ ਉਧਰ ਜਨਤਾ ਪਰੇਸ਼ਾਨ ਰਹਿੰਦੀ ਹੈ, ਜਿਸ ਪਾਸੇ ਕਿਸੇ ਦਾ ਕੋਈ ਧਿਆਨ ਨਹੀ ਹੈ।
ਇਹ ਵੀ ਪੜ੍ਹੋ- ਸੁਲਤਾਨਪੁਰ ਲੋਧੀ 'ਚ ਵੱਡੀ ਵਾਰਦਾਤ, ਨਾਮੀ ਕਾਰੋਬਾਰੀ ਦਾ ਬੇਰਹਿਮੀ ਨਾਲ ਕਤਲ, ਘਰ 'ਚੋਂ ਖ਼ੂਨ ਨਾਲ ਲਥਪਥ ਮਿਲੀ ਲਾਸ਼
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਨਵਾਂਸ਼ਹਿਰ ਦੀ ਪੁਲਸ ਨੇ ਵੱਖ-ਵੱਖ ਮਾਮਲਿਆਂ ’ਚ 23.5 ਗ੍ਰਾਮ ਹੈਰੋਇਨ ਸਣੇ 6 ਵਿਅਕਤੀ ਕੀਤੇ ਗ੍ਰਿਫ਼ਤਾਰ
NEXT STORY 
