ਜਲੰਧਰ (ਗੁਲਸ਼ਨ)–ਸਮਾਰਟ ਸਿਟੀ ਪ੍ਰਾਜੈਕਟ ਤਹਿਤ ਕਰੀਬ ਸਾਢੇ 6 ਕਰੋੜ ਰੁਪਏ ਦੀ ਲਾਗਤ ਨਾਲ ਸਿਟੀ ਰੇਲਵੇ ਸਟੇਸ਼ਨ ਦੇ ਸਰਕੂਲੇਟਿੰਗ ਏਰੀਆ ਨੂੰ ਨਵਾਂ ਰੂਪ ਦੇਣ ਦਾ ਕੰਮ ਆਖਿਰਕਾਰ ਸ਼ੁਰੂ ਹੋ ਹੀ ਗਿਆ। ਸ਼ੁੱਕਰਵਾਰ ਦੁਪਹਿਰੇ ਸਟੇਸ਼ਨ ਦੇ ਮੁੱਖ ਦਰਵਾਜ਼ੇ ਦੇ ਸਾਹਮਣੇ ਡਿੱਚ ਮਸ਼ੀਨਾਂ ਚੱਲਣੀਆਂ ਸ਼ੁਰੂ ਹੋ ਗਈਆਂ। ਵਰਣਨਯੋਗ ਹੈ ਕਿ ਅੰਗਰੇਜ਼ਾਂ ਦੇ ਜ਼ਮਾਨੇ ਦੇ ਬਣੇ ਸਿਟੀ ਰੇਲਵੇ ਸਟੇਸ਼ਨ ਦੇ ਸੁੰਦਰੀਕਰਨ ਦਾ ਕੰਮ ਸਮਾਰਟ ਸਿਟੀ ਪ੍ਰਾਜੈਕਟ ਤਹਿਤ ਕੀਤਾ ਜਾਣਾ ਸੀ, ਇਸ ਵਿਚ ਰੇਲਵੇ ਲਾਈਨਾਂ ਦੇ ਉਪਰ ਬਣਨ ਵਾਲੇ ਫੁੱਟਓਵਰ ਬ੍ਰਿਜ, ਲਿਫਟ, ਐਸਕੇਲੇਟਰ ਸਮੇਤ ਕਈ ਹੋਰ ਕੰਮ ਰੇਲਵੇ ਆਪਣੇ ਪੱਧਰ ’ਤੇ ਕਰਵਾਉਣਾ ਚਾਹੁੰਦਾ ਸੀ, ਜਿਸ ਦੇ ਲਈ ਕਰੀਬ ਸਾਢੇ 6 ਕਰੋੜ ਰੁਪਏ ਦਾ ਐਸਟੀਮੇਟ ਬਣਾਇਆ ਗਿਆ ਸੀ।
ਇਸ ਦੇ ਲਈ ਸਮਾਰਟ ਸਿਟੀ ਦੇ ਅਧਿਕਾਰੀਆਂ ਦੀਆਂ ਰੇਲਵੇ ਅਥਾਰਿਟੀ ਨਾਲ ਕਈ ਮੀਟਿੰਗਾਂ ਹੋਈਆਂ। ਕਈ ਵਾਰ ਸੋਧਾਂ ਕਰਨ ਤੋਂ ਬਾਅਦ ਡਰਾਇੰਗ ਫਾਈਨਲ ਹੋਈ। ਰੇਲਵੇ ਨੇ ਇਸ ਕੰਮ ਲਈ ਟੈਂਡਰ ਵੀ ਲਾ ਦਿੱਤਾ। ਠੇਕਾ ਵੀ ਅਲਾਟ ਕਰ ਦਿੱਤਾ ਗਿਆ ਪਰ ਫਿਰ ਵੀ ਕੰਮ ਸ਼ੁਰੂ ਨਹੀਂ ਹੋ ਸਕਿਆ ਕਿਉਂਕਿ ਰੇਲਵੇ ਦੇ ਖਾਤੇ ਵਿਚ ਫੰਡ ਟਰਾਂਸਫਰ ਨਹੀਂ ਹੋਇਆ ਸੀ। ਹੁਣ ਫੰਡ ਟਰਾਂਸਫਰ ਹੋਣ ਤੋਂ ਬਾਅਦ ਰੇਲਵੇ ਨੇ ਤੁਰੰਤ ਸੁਲਤਾਨਪੁਰ ਦੇ ਇਕ ਠੇਕੇਦਾਰ ਨੂੰ ਠੇਕਾ ਅਲਾਟ ਕਰ ਕੇ ਕੰਮ ਦੀ ਅਪਰੂਵਲ ਦੇ ਦਿੱਤੀ। 6 ਜਨਵਰੀ ਨੂੰਅਪਰੂਵਲ ਮਿਲਣ ਤੋਂ ਬਾਅਦ ਠੇਕੇਦਾਰ ਨੇ ਕੰਮ ਸ਼ੁਰੂ ਕਰ ਦਿੱਤਾ। ਸੂਤਰਾਂ ਦੇ ਮੁਤਾਬਕ ਇਸ ਕੰਮ ਨੂੰ ਪੂਰਾ ਕਰਨ ਲਈ ਠੇਕੇਦਾਰ ਨੂੰ 4 ਮਹੀਨਿਆਂ ਦਾ ਸਮਾਂ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : NRI ਪਤੀ ਦੇ ਇਸ ਕਾਰੇ ਨੇ ਚੱਕਰਾਂ ’ਚ ਪਾਇਆ ਟੱਬਰ, ਪਤਨੀ ਨੂੰ ਬੋਲਿਆ- ‘ਤੈਨੂੰ ਛੱਡ ਸਕਦਾ ਪਰ ਪ੍ਰੇਮਿਕਾ ਨੂੰ ਨਹੀਂ’
ਸਕੂਟਰ/ਸਾਈਕਲ ਪਾਰਕਿੰਗ ਵਾਲੀ ਜਗ੍ਹਾ ਤੋਂ ਸ਼ੁਰੂ ਹੋਵੇਗਾ ਨਵਾਂ ਫੁੱਟਓਵਰ ਬ੍ਰਿਜ
ਸਰਕੂਲੇਟਿੰਗ ਏਰੀਆ ਦੀ ਨਵੀਂ ਡਰਾਇੰਗ ਦਾ ਰੇਲਵੇ ਰੋਡ ਤੋਂ ਦੋਮੋਰੀਆ ਪੁਲ ਵੱਲ ਜਾਣ ਵਾਲੀ ਨਵੀਂ ਅਪਰੋਚ ਰੋਡ ਤੋਂ ਇਲਾਵਾ ਸਕੂਟਰ/ਸਾਈਕਲ ਸਟੈਂਡ ਵਾਲੀ ਜਗ੍ਹਾ ’ਤੇ ਇਕ ਨਵਾਂ ਫੁੱਟਓਵਰ ਬ੍ਰਿਜ ਬਣਾਇਆ ਜਾਵੇਗਾ, ਜਿਹੜਾ ਆਰ. ਪੀ. ਐੱਫ. ਥਾਣੇ ਦੇ ਨੇੜੇ ਪਾਰਸਲ ਦਫਤਰ ਦੇ ਉਪਰੋਂ ਪਲੇਟਫਾਰਮ ਨੰਬਰ 1 ਅਤੇ 2 ’ਤੇ ਉਤਰੇਗਾ। ਇਸ ਜਗ੍ਹਾ ਲਿਫਟ ਦਾ ਵੀ ਪ੍ਰਪੋਜ਼ਲ ਦਿੱਤਾ ਗਿਆ ਹੈ।
ਸਰਕੂਲੇਟਿੰਗ ਏਰੀਏ ਵਿਚ ਬਣੇ ਮੰਦਰ ਦੇ ਨਾਲ ਕਾਰ ਪਾਰਕਿੰਗ, ਕੁਲੀਆਂ ਲਈ ਬਣੀ ਸ਼ੈੱਡ ਦੇ ਨੇੜੇ ਸਕੂਟਰ/ਸਾਈਕਲ ਪਾਰਕਿੰਗ ਬਣੇਗੀ। ਇਸ ਤੋਂ ਇਲਾਵਾ ਸਟੇਸਨ ਦੇ ਮੁੱਖ ਦਰਵਾਜ਼ੇ ਦੇ ਅੱਗੇ ਏਅਰਪੋਰਟ ਵਾਂਗ ਯਾਤਰੀਆਂ ਨੂੰ ਪਿਕ ਐਂਡ ਡਰਾਪ ਦੀ ਸਹੂਲਤ ਵੀ ਮਿਲੇਗੀ। ਨਵੇਂ ਪ੍ਰਾਜੈਕਟ ਵਿਚ ਮੇਨ ਗੇਟ ਦੇ ਸਾਹਮਣੇ ਅੰਗਰੇਜ਼ੀ ਦੇ ‘ਵੀ’ ਅੱਖਰ ਵਰਗਾ ਏਰੀਆ ਦੇਖਣ ਨੂੰ ਮਿਲੇਗਾ। ਇਸ ਪ੍ਰਾਜੈਕਟ ਤਹਿਤ ਸਟੇਸ਼ਨ ਦੇ ਬਾਹਰੀ ਹਿੱਸੇ ਨੂੰ ਕਾਫੀ ਹਰਿਆ-ਭਰਿਆ ਬਣਾਇਆ ਜਾਵੇਗਾ।
ਇਹ ਵੀ ਪੜ੍ਹੋ : ਬਰਡ ਫਲੂ ਨੂੰ ਲੈ ਕੇ ਡੇਰਾ ਬਿਆਸ ਨੇ ਜਾਰੀ ਕੀਤੇ ਨਿਰਦੇਸ਼
ਸਟੇਸ਼ਨ ਦੇ ਬਾਹਰ ਐੱਸ. ਬੀ. ਆਈ. ਬੈਂਕ ਵਾਲੀ ਜਗ੍ਹਾ ਵੀ ਹੋਈ ਖਾਲੀ
ਦੂਜੇ ਪਾਸੇ ਸਿਟੀ ਰੇਲਵੇ ਸਟੇਸ਼ਨ ਦੇ ਬਾਹਰ ਬਣੇ ਸਟੇਟ ਬੈਂਕ ਆਫ ਇੰਡੀਆ ਵਾਲੀ ਜਗ੍ਹਾ ਵੀ ਖਾਲੀ ਹੋ ਗਈ ਹੈ। ਬ੍ਰਾਂਚ ਹੁਣ ਨਿਊ ਰੇਲਵੇ ਰੋਡ ’ਤੇ ਸਥਿਤ ਐੱਸ. ਬੀ.ਆਈ. ਵਾਲੀ ਬ੍ਰਾਂਚ ਵਿਚ ਮਰਜ ਹੋ ਗਈ ਹੈ। ਸੂਤਰਾਂ ਦੇ ਮੁਤਾਬਕ ਬੈਂਕ ਵਾਲੀ ਜਗ੍ਹਾ ਦਾ ਪਿਛਲੇ ਕਾਫੀ ਸਮੇਂ ਤੋਂ ਰੇਲਵੇ ਨੂੰ ਕਿਰਾਇਆ ਨਹੀਂ ਆ ਰਿਹਾ ਸੀ, ਜਿਸ ਕਾਰਣ ਰੇਲਵੇ ਆਪਣੀ ਜਗ੍ਹਾ ਖਾਲੀ ਕਰਵਾਉਣੀ ਚਾਹੁੰਦਾ ਸੀ। ਹੁਣ ਸਰਕੂਲੇਟਿੰਗ ਏਰੀਆ ਦਾ ਕੰਮ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਬੈਂਕ ਨਿਊ ਰੇਲਵੇ ਰੋਡ ’ਤੇ ਸ਼ਿਫਟ ਹੋ ਗਿਆ ਹੈ। ਹੁਣ ਰੇਲਵੇ ਦੇ ਕਮਰਸ਼ੀਅਲ ਸਟਾਫ ਨੂੰ ਵੀ ਕਾਫੀ ਦਿਕਤ ਆਵੇਗੀ ਕਿਉਂਕਿ ਹੁਣ ਉਨ੍ਹਾਂ ਨੂੰ ਕੈਸ਼ ਜਮ੍ਹਾ ਕਰਵਾਉਣ ਲਈ ਥੋੜ੍ਹਾ ਦੂਰ ਜਾਣਾ ਪਵੇਗਾ।
ਇਹ ਵੀ ਪੜ੍ਹੋ : ਕਿਸਾਨ ਅੰਦੋਲਨ ਦੌਰਾਨ ਫਿਲੌਰ ਦੇ ਇਸ ਨੌਜਵਾਨ ਅਤੇ ਮਜ਼ਦੂਰ ਨੇ ਜ਼ਿੰਦਗੀ ਲਾਈ ਸੰਘਰਸ਼ ਦੇ ਲੇਖੇ
ਨੋਟ- ਇਸ ਖ਼ਬਰ ਨਾਲ ਸਬੰਧਤ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਕਾਂਗਰਸ ਨੇ ਪਿਛਲੇ 3 ਸਾਲਾਂ ਤੋਂ ਸਕਾਲਰਸ਼ਿਪ ਦੀ ਰਾਸ਼ੀ ਕਿਉਂ ਨਹੀਂ ਕੀਤੀ ਜਾਰੀ: ਪਵਨ ਟੀਨੂੰ
NEXT STORY 
