ਜਲੰਧਰ — ਅੱਜ ਦੇ ਦੌਰ ਵਿੱਚ ਜਦੋਂ ਰਿਸ਼ਤਾ ਕੀਤਾ ਜਾਂਦਾ ਹੈ, ਤਾਂ ਮੁੰਡੇ ਅਤੇ ਕੁੜੀ ਵਾਲੇ ਇੱਕ-ਦੂਜੇ ਦੇ ਕਰੈਕਟਰ, ਜਾਇਦਾਦ, ਬੈਂਕ ਖਾਤੇ ਅਤੇ ਇੱਥੋਂ ਤੱਕ ਕਿ ਲੋਨ ਤੱਕ ਦੀ ਤਸੱਲੀ ਕਰਦੇ ਹਨ, ਪਰ ਇਹ ਨਹੀਂ ਵੇਖਦੇ ਕਿ ਮੁੰਡਾ ਜਾਂ ਕੁੜੀ ਸਰੀਰਕ ਤੌਰ 'ਤੇ ਫਿੱਟ ਹਨ ਜਾਂ ਨਹੀਂ। ਜਗਬਾਣੀ ਦੇ ਸੀਨੀਅਰ ਪੱਤਰਕਾਰ ਰਮਨਦੀਪ ਸਿੰਘ ਸੋਢੀ ਨਾਲ ਇਕ ਇੰਟਰਵਿਊ ਵਿਚ ਸਿਹਤ ਮਾਹਰ ਡਾਕਟਰ ਨੇ ਕਿਹਾ ਕਿ ਜੇਕਰ ਮਰਦ ਜਾਂ ਔਰਤ ਸਰੀਰਕ ਤੌਰ 'ਤੇ ਫਿੱਟ ਨਹੀਂ ਹਨ, ਤਾਂ ਉਨ੍ਹਾਂ ਨੂੰ ਵਿਆਹ ਤੋਂ ਪਹਿਲਾਂ ਡਾਕਟਰਾਂ ਨਾਲ ਜ਼ਰੂਰ ਸਲਾਹ ਕਰਨੀ ਚਾਹੀਦੀ ਹੈ ਤਾਂ ਜੋ ਆਉਣ ਵਾਲੇ ਕਲੇਸ਼ ਅਤੇ ਮੁਸ਼ਕਿਲਾਂ ਤੋਂ ਬਚਿਆ ਜਾ ਸਕੇ। ਡਾਕਟਰ ਨੇ ਖਾਸ ਤੌਰ 'ਤੇ ਮਰਦਾਂ ਅਤੇ ਔਰਤਾਂ ਲਈ ਵਿਆਹ ਤੋਂ ਪਹਿਲਾਂ ਕੁਝ ਜ਼ਰੂਰੀ ਟੈਸਟ ਕਰਵਾਉਣ ਦੀ ਸਿਫਾਰਸ਼ ਕੀਤੀ ਹੈ, ਜਿਸ ਦਾ ਖਰਚਾ ਲਗਭਗ 10,000 ਰੁਪਏ ਤੱਕ ਆ ਸਕਦਾ ਹੈ।
ਇਹ ਵੀ ਪੜ੍ਹੋ: ਅਰਜੁਨ ਰਾਮਪਾਲ ਨੇ 14 ਸਾਲ ਛੋਟੀ ਪ੍ਰੇਮਿਕਾ ਨਾਲ ਕਰਾਈ ਮੰਗਣੀ, ਬਿਨਾਂ ਵਿਆਹ 2 ਬੱਚਿਆਂ ਦੇ ਹਨ ਮਾਪੇ
ਮਰਦਾਂ ਲਈ ਜ਼ਰੂਰੀ ਤਿੰਨ ਟੈਸਟ:
ਮਰਦਾਂ ਨੂੰ ਵਿਆਹ ਤੋਂ ਪਹਿਲਾਂ ਹੇਠ ਲਿਖੇ ਤਿੰਨ ਟੈਸਟ ਜ਼ਰੂਰ ਕਰਵਾਉਣੇ ਚਾਹੀਦੇ ਹਨ:
1. ਸਪਰਮ ਕਾਊਂਟ ਟੈਸਟ: ਇਹ ਜਾਂਚ ਕਰਦਾ ਹੈ ਕਿ ਸਪਰਮ (ਸ਼ੁਕਰਾਣੂ) ਦੀ ਗਿਣਤੀ ਅਤੇ ਗੁਣਵੱਤਾ ਸਹੀ ਹੈ ਜਾਂ ਨਹੀਂ।
2. ਸਕਰੋਟਲ ਸਕੈਨਿੰਗ: ਇਹ ਟੈਸਟ ਗੋਲੀਆਂ (ਟੈਸਟੀਕਲਜ਼) ਵਿੱਚ ਕਿਸੇ ਤਰ੍ਹਾਂ ਦੀ ਦਿੱਕਤ ਜਾਂ ਸਮੱਸਿਆ ਨੂੰ ਵੇਖਣ ਲਈ ਕੀਤਾ ਜਾਂਦਾ ਹੈ।
3. ਪਨਾਇਲ ਡੋਪਲੇ ਟੈਸਟ (ਇਰੈਕਟਲ ਡਿਸਫੰਕਸ਼ਨ ਟੈਸਟ): ਇਹ ਲਿੰਗ ਵਿੱਚ ਖੂਨ ਦੇ ਦੌਰੇ ਦੀ ਕਮੀ ਦੀ ਜਾਂਚ ਕਰਦਾ ਹੈ।
ਇਹਨਾਂ ਟੈਸਟਾਂ ਵਿੱਚ ਕੋਈ ਦਿੱਕਤ ਆਉਣ 'ਤੇ ਤੁਰੰਤ ਡਾਕਟਰ ਨਾਲ ਸਲਾਹ ਕਰਨ ਲਈ ਕਿਹਾ ਜਾਂਦਾ ਹੈ।
ਔਰਤਾਂ ਲਈ ਜ਼ਰੂਰੀ ਟੈਸਟ:
ਮਰਦਾਂ ਵਾਂਗ, ਔਰਤਾਂ ਨੂੰ ਵੀ ਵਿਆਹ ਤੋਂ ਪਹਿਲਾਂ ਆਪਣਾ ਅਲਟਰਾਸਾਊਂਡ ਕਰਵਾਉਣਾ ਚਾਹੀਦਾ ਹੈ ਤਾਂ ਜੋ ਇਹ ਪਤਾ ਲੱਗ ਸਕੇ ਕਿ ਉਨ੍ਹਾਂ ਨੂੰ ਪੀਸੀਓਡੀ (PCOD) ਤਾਂ ਨਹੀਂ ਹੈ ਜਾਂ ਉਨ੍ਹਾਂ ਦੀਆਂ ਟਿਊਬਾਂ ਵਿੱਚ ਕੋਈ ਬਲੋਕੇਜ ਤਾਂ ਨਹੀਂ ਹੈ। ਇਸ ਤੋਂ ਇਲਾਵਾ, ਇੱਕ ਜ਼ਰੂਰੀ ਟੈਸਟ ਹੈ AMH ਲੈਵਲ ਟੈਸਟ (ਐਂਟੀ ਮਿਊਲਰੀਅਨ ਹਾਰਮੋਨਿਕ ਟੈਸਟ), ਇਹ ਟੈਸਟ ਦੱਸਦਾ ਹੈ ਕਿ ਕੀ ਔਰਤ ਕੁਦਰਤੀ ਤੌਰ 'ਤੇ ਬੱਚੇ ਨੂੰ ਜਨਮ ਦੇ ਸਕਦੀ ਹੈ, ਜਾਂ ਕੀ ਬੱਚਾ ਪੈਦਾ ਕਰਨ ਲਈ IVF ਦੀ ਜ਼ਰੂਰਤ ਪਵੇਗੀ। ਡਾਕਟਰ ਦਾ ਕਹਿਣਾ ਹੈ ਕਿ ਜੇਕਰ ਔਰਤ ਦਾ AMH ਲੈਵਲ ਵੱਧ ਹੋਵੇ ਅਤੇ ਮਰਦਾਂ ਦੇ 75% ਤੋਂ ਵੱਧ ਸਪਰਮ ਐਕਟਿਵ ਹੋਣ, ਜਿਨ੍ਹਾਂ ਦਾ ਹੈਡ ਅਤੇ ਟੇਲ ਪਰਫੈਕਟ ਹੋਵੇ, ਤਾਂ ਗਰਭਧਾਰਨ ਕੁਦਰਤੀ ਤੌਰ 'ਤੇ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ: ਪੈਰਾਂ 'ਚ ਚੱਪਲ, ਘਟਿਆ ਭਾਰ ! ਮਸ਼ਹੂਰ ਕਾਮੇਡੀਅਨ ਦੀ ਅਜਿਹੀ ਹਾਲਤ ਵੇਖ ਹਰ ਕੋਈ ਹੈਰਾਨ
ਬੱਚਾ ਕੰਸੀਵ ਕਰਨ ਵਿੱਚ ਦੇਰੀ ਦਾ ਕਾਰਨ:
ਅੱਜ ਦੇ ਨੌਜਵਾਨ ਪਹਿਲਾਂ ਆਪਣੇ ਕਰੀਅਰ ਅਤੇ ਆਜ਼ਾਦੀ ਨੂੰ ਤਰਜੀਹ ਦਿੰਦੇ ਹਨ, ਅਤੇ ਬੱਚਾ ਪੈਦਾ ਕਰਨਾ ਉਨ੍ਹਾਂ ਦੀ ਪਹਿਲੀ ਤਰਜੀਹ ਨਹੀਂ ਰਿਹਾ। ਪਰ ਸਮਾਂ ਲੰਘਣ ਨਾਲ ਬੇਬੀ ਕੰਸੀਵ ਕਰਨ ਦਾ ਸਮਾਂ ਲੰਘ ਜਾਂਦਾ ਹੈ, ਕਿਉਂਕਿ ਉਮਰ ਦੇ ਨਾਲ ਔਰਤ ਦੇ ਆਂਡੇ ਅਤੇ ਮਰਦ ਦਾ ਸਪਰਮ ਵੀ ਕਮਜ਼ੋਰ ਹੋ ਜਾਂਦਾ ਹੈ। ਮਰਦ ਦੇ ਸਪਰਮ ਦਾ ਹੈਡ (ਸਿਰ) ਅਤੇ ਟੇਲ (ਪੂਛ) ਦੋਵੇਂ ਉਮਰ ਦੇ ਨਾਲ ਘੱਟ ਜਾਂਦੇ ਹਨ, ਜਦੋਂ ਕਿ ਬੱਚੇ ਦੀ ਉਤਪੱਤੀ ਲਈ ਹੈਡ ਅਤੇ ਐਨਰਜੀ ਨਾਲ ਭਰਪੂਰ ਟੇਲ ਦਾ ਹੋਣਾ ਜ਼ਰੂਰੀ ਹੈ। ਡਾਕਟਰ ਨੇ ਸਲਾਹ ਦਿੱਤੀ ਹੈ ਕਿ ਜੇਕਰ ਵਿਆਹ ਤੋਂ ਬਾਅਦ ਡੇਢ ਜਾਂ ਦੋ ਸਾਲ ਤੱਕ ਕੁਦਰਤੀ ਤੌਰ 'ਤੇ ਗਰਭਧਾਰਨ ਨਹੀਂ ਹੁੰਦਾ, ਤਾਂ ਬਾਬਿਆਂ ਜਾਂ ਹਕੀਮਾਂ ਕੋਲ ਜਾਣ ਦੀ ਬਜਾਏ ਉਨ੍ਹਾਂ ਨੂੰ ਮੈਡੀਕਲ ਹੈਲਪ ਲੈਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ: 3 ਮਹੀਨੇ ਰੀਚਾਰਜ ਦੀ ਟੈਨਸ਼ਨ ਹੋਈ ਖਤਮ ! Airtel ਦੇ ਇਸ ਜੁਗਾੜੂ ਪਲਾਨ ਨੇ ਕਰਾਈ Users ਦੀ ਮੌਜ
ਮਰਦਾਨਗੀ ਨੂੰ ਪ੍ਰਭਾਵਿਤ ਕਰਨ ਵਾਲੇ ਕਾਰਕ:
ਡਾਕਟਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਮਰਦਾਂ ਵਿੱਚ ਬਚਪਨ ਦੀਆਂ ਗਲਤੀਆਂ (ਜਿਵੇਂ ਕਿ ਇੱਕ ਹਫ਼ਤੇ ਵਿੱਚ ਇੱਕ ਤੋਂ ਵੱਧ ਵਾਰ ਗਲਤ ਹਰਕਤਾਂ) ਕੱਲ੍ਹ ਨੂੰ ਢਿੱਲੇਪਣ ਦਾ ਸ਼ਿਕਾਰ ਬਣਾ ਸਕਦੀਆਂ ਹਨ, ਜਿਸ ਨਾਲ ਬੱਚੇ ਦੀ ਉਤਪੱਤੀ, ਟਾਈਮਿੰਗ ਅਤੇ ਇਰੈਕਸ਼ਨ ਵਿੱਚ ਸਮੱਸਿਆਵਾਂ ਆਉਂਦੀਆਂ ਹਨ।
ਇਹ ਵੀ ਪੜ੍ਹੋ: Year Ender 2025: ਇਨ੍ਹਾਂ ਮਹਾਨ ਕਲਾਕਾਰਾਂ ਦੀ 2025 'ਚ ਕੈਂਸਰ ਨਾਲ ਹੋਈ ਮੌਤ, ਜਾਣੋ ਇਸਦੇ ਸ਼ੁਰੂਆਤੀ ਲੱਛਣ
ਖੁਰਾਕ ਦੀ ਮਹੱਤਤਾ:
ਸਿਹਤਮੰਦ ਵੀਰਜ ਲਈ ਚੰਗਾ ਖਾਣ-ਪੀਣ ਬਹੁਤ ਜ਼ਰੂਰੀ ਹੈ। ਸਭ ਤੋਂ ਵਧੀਆ ਖੁਰਾਕ ਵਿੱਚ ਦੁੱਧ, ਦਹੀਂ, ਦੇਸੀ ਘਿਓ ਅਤੇ ਪਨੀਰ ਸ਼ਾਮਲ ਹਨ। ਆਯੁਰਵੈਦਿਕ ਜੜੀ-ਬੂਟੀਆਂ ਜਿਵੇਂ ਕਿ ਸਾਲਮ ਮਿਸ਼ਰੀ, ਸਾਲਮ ਮੰਜਾ, ਕੌਂਚ ਬੀਜ, ਈਰਾਨੀ ਕਰਕਰਾ, ਕੇਸਰ, ਸ਼ਿਲਾਜੀਤ, ਸ਼ਤਾਵਰੀ, ਸਵਰਨ ਭਸਮ ਅਤੇ ਲੋਹ ਭਸਮ ਵੀਰਜ ਨੂੰ ਗਾੜ੍ਹਾ ਕਰਨ ਅਤੇ ਮਰਦਾਨਗੀ ਦੀ ਅਸਲੀ ਤਾਕਤ ਦੇਣ ਵਿੱਚ ਮਦਦ ਕਰਦੀਆਂ ਹਨ। ਇੱਕ ਔਰਤ ਨੂੰ ਜ਼ਿਆਦਾ ਫਰਟਾਈਲ ਬਣਾਉਣ ਲਈ ਉਸ ਦਾ ਬੈਲੀ ਫੈਟ (ਪੇਟ ਦੀ ਚਰਬੀ) ਜਿੰਨੀ ਘੱਟ ਹੋਵੇਗੀ, ਓਨੀ ਹੀ ਜ਼ਿਆਦਾ ਉਹ ਕੁਦਰਤੀ ਤੌਰ 'ਤੇ ਜਲਦੀ ਗਰਭ ਧਾਰਨ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ: ਵੱਡੀ ਖਬਰ; ਇਨ੍ਹਾਂ 6 ਦੇਸ਼ਾਂ 'ਚ ਬੈਨ ਹੋਈ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਦਰ', ਜਾਣੋ ਵਜ੍ਹਾ
ਵੋਟਾਂ ਵਿਚਾਲੇ ਜਲੰਧਰ ਸ਼ਹਿਰ ਵਿਚ ਵੱਡਾ ਧਮਾਕਾ, ਇਕ ਦੀ ਮੌਤ
NEXT STORY 
