ਵੈੱਬ ਡੈਸਕ- ਆਲੀਆ ਭੱਟ ਨੇ ਇਕ ਵਾਰ ਫਿਰ ਆਪਣੇ ਲੁੱਕ ਨਾਲ ਸਾਰਿਆਂ ਨੂੰ ਦੀਵਾਨਾ ਬਣਾ ਦਿੱਤਾ ਹੈ। ਉਸ ਨੇ ਪੈਰਿਸ ਫੈਸ਼ਨ ਵੀਕ 'ਚ ਰੈਂਪ ਵਾਕ ਕੀਤਾ। ਉਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਹਰ ਸਾਲ ਪੈਰਿਸ ਫੈਸ਼ਨ ਵੀਕ ਦਾ ਹਿੱਸਾ ਬਣਦੀ ਹੈ।
ਇਸ ਸਾਲ ਐਸ਼ ਦੇ ਨਾਲ ਆਲੀਆ ਭੱਟ ਨੇ ਵੀ ਹਿੱਸਾ ਲਿਆ ਹੈ।ਆਲੀਆ ਨੇ ਸੋਮਵਾਰ ਨੂੰ ਪੈਰਿਸ ਫੈਸ਼ਨ ਵੀਕ 'ਚ ਲੋਰੀਅਲ ਬ੍ਰਾਂਡ ਲਈ ਰੈਂਪ ਵਾਕ ਕੀਤਾ। ਉਸ ਦੀਆਂ ਰੈਂਪ ਵਾਕ ਕਰਨ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ।ਆਲੀਆ ਨੇ ਸਿਲਵਰ ਮੈਟਲਿਕ ਡਰੈੱਸ ਪਹਿਨੀ ਸੀ। ਜਿਸ 'ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਉਸ ਨੇ ਸਧਾਰਨ ਮੇਕਅਪ ਨਾਲ ਆਪਣੇ ਲੁੱਕ ਨੂੰ ਪੂਰਾ ਕੀਤਾ।
ਹੇਅਰਸਟਾਈਲ ਦੀ ਗੱਲ ਕਰੀਏ ਤਾਂ ਉਸ ਦੇ ਵਾਲ ਖੁੱਲ੍ਹੇ ਸਨ। ਰੈਂਪ 'ਤੇ ਵਾਕ ਕਰਦੇ ਹੋਏ ਆਲੀਆ ਨੇ ਪ੍ਰਸ਼ੰਸਕਾਂ ਨੂੰ ਫਲਾਇੰਗ ਕਿੱਸ ਦਿੱਤੀ। ਉਸ ਦੇ ਪੋਜ਼ ਵੀ ਕਾਫੀ ਵਾਇਰਲ ਹੋ ਰਹੇ ਹਨ। ਆਲੀਆ ਦੇ ਚਿਹਰੇ ਦੀ ਚਮਕ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਰਹੀ ਹੈ।
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਆਲੀਆ ਦੀ 'ਜਿਗਰਾ' ਜਲਦ ਹੀ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਇਹ ਫਿਲਮ 12 ਅਕਤੂਬਰ ਨੂੰ ਰਿਲੀਜ਼ ਹੋਵੇਗੀ।
ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ ਅਤੇ ਇਹ ਇੱਕ ਭੈਣ-ਭਰਾ ਦੀ ਕਹਾਣੀ ਹੈ। 'ਜਿਗਰਾ' ਤੋਂ ਬਾਅਦ ਆਲੀਆ ਸੰਜੇ ਲੀਲਾ ਭੰਸਾਲੀ ਦੀ 'ਲਵ ਐਂਡ ਵਾਰ' 'ਚ ਨਜ਼ਰ ਆਵੇਗੀ। ਇਸ ਫਿਲਮ 'ਚ ਉਸ ਦੇ ਨਾਲ ਰਣਬੀਰ ਕਪੂਰ ਅਤੇ ਵਿੱਕੀ ਕੌਸ਼ਲ ਨਜ਼ਰ ਆਉਣਗੇ।
ਐਸ਼ਵਰਿਆ ਦੀ ਹਾਲਤ ਦੇਖ ਪਰੇਸ਼ਾਨ ਹੋਏ ਅਮਿਤਾਭ ਬੱਚਨ, ਬੋਲੇ- 'ਦੋ ਰਾਤਾਂ ਸੌ ਨਹੀਂ ਸਕਿਆ'
NEXT STORY 
