ਮੁੰਬਈ- ਸੁਪਰਸਟਾਰ ਨਾਗਾਰਜੁਨ ਅਕੀਨੇਨੀ ਦੇ ਖਿਲਾਫ ਹੈਦਰਾਬਾਦ ਦੇ ਮਾਧਾਪੁਰ ਪੁਲਸ ਸਟੇਸ਼ਨ 'ਚ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ, ਜਿਸ 'ਚ ਉਨ੍ਹਾਂ 'ਤੇ ਨਾਜਾਇਜ਼ ਜ਼ਮੀਨ 'ਤੇ ਕਬਜ਼ਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਇਹ ਸ਼ਿਕਾਇਤ ਐਨਜੀਓ ਜਨਮ ਕੋਸਮ ਮਾਨਸਾਕਸ਼ੀ ਫਾਊਂਡੇਸ਼ਨ ਦੇ ਪ੍ਰਧਾਨ ਕਾਸ਼ੀਰੇਡੀ ਭਾਸਕਰ ਰੈੱਡੀ ਨੇ ਦਰਜ ਕਰਵਾਈ ਹੈ। ਭਾਸਕਰ ਰੈੱਡੀ ਨੇ ਦੋਸ਼ ਲਾਇਆ ਕਿ ਨਾਗਾਰਜੁਨ ਨੇ ਗੈਰ-ਕਾਨੂੰਨੀ ਢੰਗ ਨਾਲ ਐੱਨ ਕਨਵੈਨਸ਼ਨ ਸੈਂਟਰ ਦਾ ਨਿਰਮਾਣ ਕੀਤਾ, ਜਿਸ ਨੂੰ ਅਗਸਤ 'ਚ ਢਾਹ ਦਿੱਤਾ ਗਿਆ ਸੀ, ਜਿਸ ਦੀ ਕੀਮਤ ਸੈਂਕੜੇ ਕਰੋੜ ਰੁਪਏ ਸੀ। ਵਿਵਾਦਿਤ ਜ਼ਮੀਨ ਕਥਿਤ ਤੌਰ 'ਤੇ ਥੰਮੀਕੁੰਟਾ ਝੀਲ ਦੇ ਫੁੱਲ ਟੈਂਕ ਪੱਧਰ (FTL) ਅਤੇ ਬਫਰ ਜ਼ੋਨ ਦੇ ਅੰਦਰ ਆਉਂਦੀ ਹੈ।
ਨਾਗਾਰਜੁਨ ਦੀ ਗ੍ਰਿਫਤਾਰੀ ਦੀ ਮੰਗ
ਭਾਸਕਰ ਰੈੱਡੀ ਦੇ ਅਨੁਸਾਰ, ਅਦਾਕਾਰ ਪਿਛਲੇ ਕਈ ਸਾਲਾਂ ਤੋਂ ਕਬਜੇ ਵਾਲੀ ਜ਼ਮੀਨ ਤੋਂ ਗੈਰ-ਕਾਨੂੰਨੀ ਢੰਗ ਨਾਲ ਭਾਰੀ ਮਾਤਰਾ 'ਚ ਮਾਲੀਆ ਕਮਾ ਰਿਹਾ ਹੈ। ਉਨ੍ਹਾਂ ਨੇ ਇਨ੍ਹਾਂ ਕਥਿਤ ਉਲੰਘਣਾਵਾਂ ਲਈ ਨਾਗਾਰਜੁਨ ਵਿਰੁੱਧ ਸਖ਼ਤ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ, ਜਿਸ 'ਚ ਉਸ ਦੀ ਗ੍ਰਿਫ਼ਤਾਰੀ ਵੀ ਸ਼ਾਮਲ ਹੈ। ਪੁਲਸ ਨੇ ਅਜੇ ਤੱਕ ਸ਼ਿਕਾਇਤ ਦੇ ਸਬੰਧ 'ਚ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਐਨ ਕਨਵੈਨਸ਼ਨ ਸੈਂਟਰ ਵਿਆਹਾਂ ਅਤੇ ਕਾਰਪੋਰੇਟ ਫੰਕਸ਼ਨਾਂ ਸਮੇਤ ਵੱਖ-ਵੱਖ ਸਮਾਗਮਾਂ ਲਈ ਇੱਕ ਪ੍ਰਸਿੱਧ ਸਥਾਨ ਰਿਹਾ ਹੈ।
ਨਾਜਾਇਜ਼ ਨਿਰਮਾਣ ਹਟਾਉਣ ਲਈ ਮੁਹਿੰਮ
ਹੈਦਰਾਬਾਦ ਡਿਜ਼ਾਸਟਰ ਰਿਸਪਾਂਸ ਐਂਡ ਪ੍ਰਾਪਰਟੀ ਮਾਨੀਟਰਿੰਗ ਐਂਡ ਕੰਜ਼ਰਵੇਸ਼ਨ (HYDRAA) ਏਜੰਸੀ ਨੇ 24 ਅਗਸਤ ਨੂੰ ਅਦਾਕਾਰ ਅਕੀਨੇਨੀ ਨਾਗਾਰਜੁਨ ਦੀ ਜਾਇਦਾਦ, ਐਨ ਕਨਵੈਨਸ਼ਨ, ਨੂੰ ਢਾਹ ਦਿੱਤਾ। ਇਹ ਕਾਰਵਾਈ ਜਲਘਰਾਂ ਅਤੇ ਜਨਤਕ ਜ਼ਮੀਨਾਂ 'ਤੇ ਨਾਜਾਇਜ਼ ਉਸਾਰੀਆਂ ਨੂੰ ਹਟਾਉਣ ਲਈ ਚੱਲ ਰਹੀ ਮੁਹਿੰਮ ਦਾ ਹਿੱਸਾ ਸੀ।
ਵਾਤਾਵਰਣ ਦੇ ਨਿਯਮਾਂ ਦੀ ਉਲੰਘਣਾ
ਕਨਵੈਨਸ਼ਨ ਸੈਂਟਰ 10 ਏਕੜ 'ਚ ਫੈਲਿਆ ਹੋਇਆ ਹੈ, ਜਿਸ 'ਚ ਕਈ ਜ਼ਮੀਨੀ ਵਰਤੋਂ ਅਤੇ ਵਾਤਾਵਰਨ ਨਿਯਮਾਂ ਦੀ ਉਲੰਘਣਾ ਕੀਤੀ ਗਈ ਸੀ। ਕੇਂਦਰ ਨੇ ਥੰਮੀਕੁੰਟਾ ਝੀਲ 'ਤੇ ਕਬਜ਼ਾ ਕਰ ਲਿਆ ਸੀ, ਜਿਸ ਨੇ ਫੁੱਲ ਟੈਂਕ ਲੈਵਲ (FTL) ਦੇ ਅੰਦਰ 1.12 ਏਕੜ ਅਤੇ ਝੀਲ ਦੇ ਬਫਰ ਜ਼ੋਨ ਦੇ ਅੰਦਰ ਵਾਧੂ 2 ਏਕੜ ਜ਼ਮੀਨ 'ਤੇ ਕਬਜ਼ਾ ਕੀਤਾ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
'ਬਿੱਗ ਬੌਸ 18' ਦੇ ਘਰ ਆਵੇਗਾ ਗਧਾ, ਸਲਮਾਨ ਖ਼ਾਨ ਕਰਨਗੇ Welcome!
NEXT STORY 
