ਮੁੰਬਈ: ਟੀ.ਵੀ. ਅਦਾਕਾਰਾ ਅਵਿਕਾ ਗੌਰ ਹਮੇਸ਼ਾ ਕਿਸੇ ਨਾ ਕਿਸੇ ਕਾਰਨ ਕਰਕੇ ਚਰਚਾ ’ਚ ਰਹਿੰਦੀ ਹੈ। ਪਿਛਲੇ ਦਿਨੀਂ ਅਦਾਕਾਰਾ ਅਤੇ ਉਨ੍ਹਾਂ ਦਾ ਪਰਿਵਾਰ ਕੋਰੋਨਾ ਪਾਜ਼ੇਟਿਵ ਪਾਇਆ ਗਿਆ ਸੀ। ਹਾਲਾਂਕਿ ਹੁਣ ਉਨ੍ਹਾਂ ਦਾ ਪਰਿਵਾਰ ਇਸ ਵਾਇਰਸ ਨੂੰ ਮਾਤ ਦੇ ਚੁੱਕਾ ਹੈ। ਉਸ ਦਰਦ ’ਚੋਂ ਲੰਘਣ ਤੋਂ ਬਾਅਦ ਹੁਣ ਅਵਿਕਾ ਨੇ ਸੋਸ਼ਲ ਮੀਡੀਆ ’ਤੇ ਇਕ ਲੰਬੀ ਪੋਸਟ ਸਾਂਝੀ ਕੀਤੀ ਹੈ ਅਤੇ ਲੋਕਾਂ ਨੂੰ ਖ਼ਾਸ ਅਪੀਲ ਕੀਤੀ ਹੈ।
ਅਵਿਕਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਆਪਣੀਆਂ ਗਲੈਮਰਸ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਲਿਖਿਆ ਕਿ ‘ਮੇਰੇ ਪੂਰੇ ਪਰਿਵਾਰ ਨੇ ਇਸ ਵਾਇਰਸ ਨਾਲ ਲੜਾਈ ਕੀਤੀ ਅਤੇ ਇਸ ’ਤੇ ਜਿੱਤ ਹਾਸਲ ਕੀਤੀ ਪਰ ਇਹ ਬਿਲਕੁੱਲ ਵੀ ਸੁੱਖ ਵਾਲਾ ਅਹਿਸਾਸ ਨਹੀਂ ਸੀ, ਬਹੁਤ ਹੀ ਜ਼ਿਆਦਾ ਡਰਾਵਨਾ ਸੀ। ਮੈਨੂੰ ਖੁਸ਼ੀ ਹੈ ਕਿ ਅਸੀਂ ਸਭ ਬਚ ਗਏ ਪਰ ਮੈਂ ਨਹੀਂ ਚਾਹੁੰਦੀ ਕਿ ਕੋਈ ਵੀ ਇਸ ਦਰਦ ’ਚੋਂ ਲੰਘੇ’।
ਅਵਿਕਾ ਨੇ ਪ੍ਰਸ਼ੰਸਕਾਂ ਨੂੰ ਅਪੀਲ ਕਰਦੇ ਹੋਏ ਲਿਖਿਆ ਕਿ ‘ਜਿਨ੍ਹਾਂ ਨੇ ਇਸ ਵਾਇਰਸ ਨਾਲ ਲੜਾਈ ਲੜੀ ਹੈ ਅਤੇ ਇਸ ਨੂੰ ਜਿੱਤਿਆ ਹੈ ਕਿ ਕਿ੍ਰਪਾ ਕਰਕੇ ਪਲਾਜ਼ਮਾ ਦਾਨ ਕਰੋਂ ਇਹ ਤੁਹਾਡੇ ਸਰੀਰ ਤੋਂ ਜ਼ਿਆਦਾ ਨਹੀਂ ਲੈਂਦਾ ਅਤੇ ਹਸਪਤਾਲਾਂ ’ਚੋਂ ਇਸ ਨੂੰ ਕੱਢਣ ’ਚ ਬਹੁਤ ਸਾਵਧਾਨੀ ਵਰਤੀ ਜਾ ਰਹੀ ਹੈ ਜਦੋਂ ਵੀ ਤੁਹਾਡੀ ਵਾਰੀ ਹੋਵੇ ਕਿ੍ਰਪਾ ਟੀਕਾ ਲਗਵਾਓ! ਇਹ ਤੁਹਾਨੂੰ ਵਾਇਰਸ ਤੋਂ ਬਚਾਉਣ ’ਚ ਮਦਦ ਨਹੀਂ ਕਰ ਸਕਦਾ ਪਰ ਇਹ ਤੁਹਾਨੂੰ ਪ੍ਰਭਾਵ ਤੋਂ ਮਹੱਤਵਪੂਰਨ ਰੂਪ ਨਾਲ ਬਚਾਏਗਾ।
ਇਸ ਦੇ ਨਾਲ ਹੀ ਅਵਿਕਾ ਨੇ ਅੱਗੇ ਲਿਖਿਆ ਕਿ ‘ਮੈਂ ਇਥੇ ਪ੍ਰਚਾਰ ਕਰਨ ਲਈ ਨਹੀਂ ਆਈ ਹਾਂ, ਮੈਂ ਇਥੇ ਸਿਰਫ਼ ਤੁਹਾਨੂੰ ਘਰ ਰਹਿਣ ਦਾ ਅਨੁਰੋਧ ਕਰ ਰਹੀ ਹਾਂ। ਜਦੋਂ ਤੱਕ ਬਹੁਤ ਜ਼ਰੂਰੀ ਨਾ ਹੋਵੇ ਕਿ੍ਰਪਾ ਕਰਕੇ ਘਰ ਤੋਂ ਬਾਹਰ ਨਾ ਜਾਓ। ਸਾਨੂੰ ਇਸ ਨਾਲ ਮਿਲ ਕੇ ਲੜਣਾ ਹੋਵੇਗਾ ਤਾਂ ਜੋ ਅਸੀਂ ਫਿਰ ਤੋਂ ਖੁੱਲ੍ਹ ਕੇ ਜੀ ਸਕੀਏ। ਮੈਂ ਤੁਹਾਡੇ ਸਾਰਿਆਂ ਨਾਲ ਵਾਅਦਾ ਕਰਦੀ ਹਾਂ ਕਿ ਮੈਂ ਵੀ ਬਦਲਾਅ ਕਰਨ ਲਈ ਆਪਣੀ ਪੂਰੀ ਸ਼ਕਤੀ ਲਗਾਵਾਂਗੀ। ਮੈਨੂੰ ਇਹ ਕਹਿਣ ਦੀ ਲੋੜ ਨਹੀਂ ਹੈ ਪਰ ਕਿ੍ਰਪਾ ਕਰਕੇ ਮਾਸਕ ਪਾਓ।
ਦੱਸ ਦੇਈਏ ਕਿ ਅਵਿਕਾ ਗੌਰ ‘ਸਸੁਰਾਲ ਸਿਮਰ ਕਾ’ ਅਤੇ ‘ਬਾਲਿਕਾ ਵਧੁ’ ਵਰਗੇ ਮਸ਼ਹੂਰ ਸੀਰੀਅਲਸ ’ਚ ਕੰਮ ਕਰ ਚੁੱਕੀ ਹੈ। ‘ਬਾਲਿਕਾ ਵਧੁ’ ’ਚ ਅਵਿਕਾ ਦੇ ਕਿਰਦਾਰ ਨੂੰ ਪ੍ਰੰਸ਼ਸਕਾਂ ਨੇ ਖ਼ੂਬ ਪਿਆਰ ਦਿੱਤਾ ਸੀ।
ਸੁਨੀਲ ਸ਼ੈੱਟੀ ਨੇ ਕੋਰੋਨਾ ਪੀੜਤਾਂ ਦੀ ਮਦਦ ਲਈ ਵਧਾਇਆ ਹੱਥ, ਕਿਹਾ- ‘ਜੇਕਰ ਤੁਹਾਨੂੰ ਜ਼ਰੂਰਤ ਹੈ ਤਾਂ ਮੈਨੂੰ ਡਾਇਰੈਕਟ ਮੈਸੇਜ ਕਰੋ’
NEXT STORY 
