ਐਂਟਰਟੇਨਮੈਂਟ ਡੈਸਕ– ਇਨ੍ਹੀਂ ਦਿਨੀਂ ਇਕ ਨਵੀਂ ਸੋਸ਼ਲ ਮੀਡੀਆ ਐਪ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਇਸ ਐਪ ਦਾ ਨਾਂ ਹੈ ‘ਥਰੈੱਡਸ’, ਜੋ ਫੇਸਬੁੱਕ ਤੇ ਇੰਸਟਾਗ੍ਰਾਮ ਦੇ ਫਾਊਂਡਰ ਮਾਰਕ ਜ਼ੁਕਰਬਰਗ ਵਲੋਂ ਲਾਂਚ ਕੀਤੀ ਗਈ ਹੈ।
ਨਵੀਂ ਐਪ ’ਤੇ ਹਰ ਆਮ ਤੇ ਖ਼ਾਸ ਆਪਣੀ ਐਂਟਰੀ ਮਾਰ ਰਿਹਾ ਹੈ ਤੇ ਦੋਸਤਾਂ, ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕਰ ਰਿਹਾ ਹੈ। ਇਨ੍ਹਾਂ ’ਚੋਂ ਇਕ ਦਿਲਜੀਤ ਦੋਸਾਂਝ ਵੀ ਹਨ, ਜੋ ਥਰੈੱਡਸ ’ਤੇ ਆਉਂਦਿਆਂ ਹੀ ਪ੍ਰਸ਼ੰਸਕਾਂ ਦੇ ਸੁਨੇਹਿਆਂ ਦੇ ਰਿਪਲਾਈ ਵੀ ਦੇ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਤੇ ਡਿਵਾਈਨ ਦੀ ਜੋੜੀ ਨੇ ਪਾਈ ਧੱਕ, ਕੁਝ ਘੰਟਿਆਂ 'ਚ ਹੀ Millions 'ਚ ਪਹੁੰਚੇ 'ਚੋਰਨੀ' ਦੇ Views
ਇਸ ਦੌਰਾਨ ਇਕ ਪ੍ਰਸ਼ੰਸਕ ਨੇ ਦਿਲਜੀਤ ਦੋਸਾਂਝ ਨੂੰ ਕੰਗਨਾ ਰਣੌਤ ਬਾਰੇ ਪੁੱਛ ਲਿਆ, ਜਿਸ ਦਾ ਦਿਲਜੀਤ ਨੇ ਬੜੀ ਨਰਮੀ ਨਾਲ ਜਵਾਬ ਦਿੱਤਾ। ਦਿਲਜੀਤ ਨੂੰ ਪ੍ਰਸ਼ੰਸਕ ਨੇ ਪੁੱਛਿਆ, ‘‘ਕੰਗਨਾ ਨਹੀਂ ਆਈ ਪਰ ਇਥੇ ਯਾਰ।’’
ਇਸ ਦੇ ਜਵਾਬ ’ਚ ਦਿਲਜੀਤ ਦੋਸਾਂਝ ਨੇ ਲਿਖਿਆ, ‘‘ਸਵਾਦ ਨਹੀਂ ਲਈ ਦੇ, ਉਦੋਂ ਗੱਲ ‘ਪੰਜਾਬ’ ਦੀ ਸੀ, ਆਪਣਾ ਪਰਸਨਲ ਕਿਸੇ ਨਾਲ ਰੌਲਾ ਨਹੀਂ ਭੈਣ ਜੀ।’’
ਦੱਸ ਦੇਈਏ ਕਿ ਕਿਸਾਨ ਅੰਦੋਲਨ ਦੌਰਾਨ ਕੰਗਨਾ ਰਣੌਤ ਨੇ ਦਿਲਜੀਤ ਦੋਸਾਂਝ ਸਣੇ ਬਾਕੀ ਕਈ ਕਲਾਕਾਰਾਂ ਦੀ ਨਿੰਦਿਆ ਕੀਤੀ ਸੀ। ਕੰਗਨਾ ਰਣੌਤ ਵਲੋਂ ਲਗਾਤਾਰ ਕਿਸਾਨ ਅੰਦੋਲਨ ਦਾ ਵਿਰੋਧ ਕੀਤਾ ਗਿਆ ਸੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
‘ਨੇਤਾ ਪੜ੍ਹੇ-ਲਿਖੇ ਨਹੀਂ, ਦੇਸ਼ ਪ੍ਰਤੀ ਕੋਈ ਵਿਜ਼ਨ ਨਹੀਂ’, ਬਿਆਨ ਨੂੰ ਲੈ ਕੇ ਕਾਜੋਲ ਹੋ ਰਹੀ ਟਰੋਲ
NEXT STORY 
