ਮੁੰਬਈ: ਟੀਵੀ ਜਗਤ ਦਾ ਮਸ਼ਹੂਰ ਜੋੜਾ ਰਾਹੁਲ ਵੈਦਿਆ ਅਤੇ ਦਿਸ਼ਾ ਪਰਮਾਰ ਅੱਜਕੱਲ੍ਹ ਆਪਣੀ ਨਿੱਜੀ ਜ਼ਿੰਦਗੀ ਦੇ ਇੱਕ ਬਹੁਤ ਹੀ ਖਾਸ ਪੜਾਅ ਦਾ ਆਨੰਦ ਮਾਣ ਰਹੇ ਹਨ। ਇਸ ਵਾਰ 'ਗੁੜੀ ਪੜਵਾ' ਦਾ ਤਿਉਹਾਕ ਇਸ ਜੋੜੇ ਲਈ ਬੇਹੱਦ ਖਾਸ ਰਹੀ, ਕਿਉਂਕਿ ਉਨ੍ਹਾਂ ਨੇ ਇਸ ਸ਼ੁਭ ਦਿਹਾੜੇ 'ਤੇ ਆਪਣੇ ਨਵੇਂ ਆਲੀਸ਼ਾਨ ਘਰ ਵਿੱਚ 'ਗ੍ਰਹਿ ਪ੍ਰਵੇਸ਼' ਕੀਤਾ ਹੈ। ਰਾਹੁਲ ਅਤੇ ਦਿਸ਼ਾ ਨੇ ਸੋਸ਼ਲ ਮੀਡੀਆ 'ਤੇ ਇਸ ਪੂਜਾ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਗਈਆਂ ਤਸਵੀਰਾਂ ਵਿੱਚ ਰਾਹੁਲ ਅਤੇ ਦਿਸ਼ਾ ਆਪਣੀ ਨਿੱਕੀ ਧੀ ਨਵਿਆ ਨਾਲ ਪੂਜਾ ਕਰਦੇ ਨਜ਼ਰ ਆ ਰਹੇ ਹਨ। ਤਸਵੀਰਾਂ ਵਿੱਚ ਸਭ ਤੋਂ ਵੱਧ ਖਿੱਚ ਦਾ ਕੇਂਦਰ ਉਨ੍ਹਾਂ ਦੀ ਬੇਟੀ ਨਵਿਆ ਰਹੀ, ਜੋ ਪੂਜਾ ਦੌਰਾਨ ਸ਼ਰਾਰਤਾਂ ਅਤੇ ਮਸਤੀ ਕਰਦੀ ਦਿਖਾਈ ਦਿੱਤੀ।
ਇਹ ਵੀ ਪੜ੍ਹੋ: 'ਸਿਰਫ਼ ਚਿਹਰਾ ਹੀ ਨਹੀਂ, ਮੇਰਾ ਪੂਰਾ ਸਰੀਰ..!' 'ਆਸ਼ਿਕੀ' ਫੇਮ ਅਦਾਕਾਰਾ ਦਾ ਛਲਕਿਆ ਦਰਦ
9 ਕਰੋੜ ਦਾ ਹੈ ਆਲੀਸ਼ਾਨ ਫਲੈਟ
ਰਿਪੋਰਟਾਂ ਮੁਤਾਬਕ ਰਾਹੁਲ ਵੈਦਿਆ ਦਾ ਇਹ ਨਵਾਂ ਘਰ ਮੁੰਬਈ ਦੀ DLH ਗਰੁੱਪ ਬਿਲਡਿੰਗ ਵਿੱਚ ਸਥਿਤ ਹੈ। ਇਹ ਫਲੈਟ ਲਗਭਗ 3000 ਸਕੁਏਅਰ ਫੁੱਟ ਵਿੱਚ ਫੈਲਿਆ ਹੋਇਆ ਹੈ। ਇਸ ਆਲੀਸ਼ਾਨ ਘਰ ਦੀ ਕੀਮਤ ਕਰੀਬ 9 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਜੇਕਰ ਗੱਲ ਰਾਹੁਲ ਵੈਦਿਆ ਦੀ ਕਮਾਈ ਦੀ ਕਰੀਏ ਤਾਂ ਉਨ੍ਹਾਂ ਦੀ ਨੈੱਟ ਵਰਥ ਲਗਭਗ 12-15 ਕਰੋੜ ਰੁਪਏ। ਰਾਹੁਲ ਇੱਕ ਸਟੇਜ ਸ਼ੋਅ ਲਈ ਕਰੀਬ 15 ਲੱਖ ਰੁਪਏ ਚਾਰਜ ਕਰਦੇ ਹਨ। ਦੂਜੇ ਪਾਸੇ, ਦਿਸ਼ਾ ਪਰਮਾਰ ਜੋ ਕਿ ਇੱਕ ਸਫਲ ਅਦਾਕਾਰਾ ਹੈ, ਫਿਲਹਾਲ ਆਪਣੀ ਬੇਟੀ ਦੀ ਪਰਵਰਿਸ਼ ਕਾਰਨ ਅਦਾਕਾਰੀ ਤੋਂ ਦੂਰ ਹੈ ਅਤੇ ਆਪਣਾ ਪੂਰਾ ਸਮਾਂ ਪਰਿਵਾਰ ਨੂੰ ਦੇ ਰਹੀ ਹੈ।
ਇਹ ਵੀ ਪੜ੍ਹੋ: ਧੁਰੰਦਰ-2 'ਚ 'ਬੜੇ ਸਾਹਿਬ' ਦੇ ਕਿਰਦਾਰ ਤੋਂ ਉੱਠਿਆ ਪਰਦਾ, ਜਾਣੋ ਕੌਣ ਹੈ ਇਹ Actor ਜਿਸ ਨੇ ਨਿਭਾਇਆ 'ਦਾਊਦ' ਦਾ ਰੋਲ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਅਕਸ਼ੇ ਕੁਮਾਰ ਨਾਲ ਸਿਰਫ਼ ਆਨ-ਸਕ੍ਰੀਨ ਹੀ ਨਹੀਂ, ਆਫ-ਸਕ੍ਰੀਨ ਵੀ ਚੱਲਦੇ ਹਨ ਪ੍ਰੈਂਕਸ : ਰਾਜਪਾਲ ਯਾਦਵ
NEXT STORY 
