ਮੁੰਬਈ (ਬਿਊਰੋ)– ਮਾਡਲ ਤੇ ਅਦਾਕਾਰਾ ਗੌਹਰ ਖ਼ਾਨ ਨੇ 25 ਦਸੰਬਰ ਨੂੰ ਆਪਣੇ ਬੁਆਏਫਰੈਂਡ ਜ਼ੈਦ ਦਰਬਾਰ ਨਾਲ ਨਿਕਾਹ ਕਰਵਾ ਲਿਆ ਹੈ। ਨਿਕਾਹ ਦੀਆਂ ਕੁਝ ਅਣਦੇਖੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ ’ਚ ਗੌਹਰ ਤੇ ਜ਼ੈਦ ਦਾ ਬਿਹਤਰੀਨ ਅੰਦਾਜ਼ ਸਾਹਮਣੇ ਆਇਆ ਹੈ।
ਗੌਹਰ ਖ਼ਾਨ ਨੇ ਨਿਕਾਹ ਤੋਂ ਬਾਅਦ ਕਰਵਾਏ ਗਏ ਫੋਟੋਸ਼ੂਟ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਖੁਦ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦਿਆਂ ਉਸ ਨੇ ਲਿਖਿਆ, ‘ਹਮੇਸ਼ਾ ਮੇਰੇ, ਹਮੇਸ਼ਾ ਸਾਡਾ।’ ਗੌਹਰ ਨੇ ਨਿਕਾਹ ਦੀ ਰਿਸੈਪਸ਼ਨ ’ਚ ਮਸ਼ਹੂਰ ਫੈਸ਼ਨ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਦਾ ਡਿਜ਼ਾਈਨ ਕੀਤਾ ਲਹਿੰਗਾ ਪਹਿਨਿਆ ਸੀ।
ਗੋਲਡਨ ਤੇ ਮਹਿਰੂਨ ਰੰਗ ਦੇ ਇਸ ਲਹਿੰਗੇ ’ਚ ਗੌਹਰ ਬੇਹੱਦ ਖੂਬਸੂਰਤ ਨਜ਼ਰ ਆਈ। ਉਥੇ ਬਲੈਕ ਸ਼ੇਰਵਾਨੀ ’ਚ ਜ਼ੈਦ ਦਾ ਲੁੱਕ ਵੀ ਬੇਹੱਦ ਰਾਇਲ ਸੀ।
ਇਸ ਤੋਂ ਪਹਿਲਾਂ ਗੌਹਰ ਨੇ ਨਿਕਾਹ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀਆਂ ਸਨ, ਜਿਨ੍ਹਾਂ ਨੂੰ ਵਾਇਰਲ ਹੋਣ ’ਚ ਦੇਰ ਨਹੀਂ ਲੱਗੀ। ਨਿਕਾਹ ’ਚ ਜ਼ੈਦ ਤੇ ਗੌਹਰ ਨੇ ਮੈਚਿੰਗ ਆਊਟਫਿੱਟਸ ਪਹਿਨੇ ਸਨ। ਗੌਹਰ ਜਿਥੇ ਵ੍ਹਾਈਟ ਸ਼ਰਾਰੇ ’ਚ ਬੇਹੱਦ ਪਿਆਰੀ ਦਿਖੀ, ਉਥੇ ਜ਼ੈਦ ਨਾਲ ਉਸ ਦੇ ਰੋਮਾਂਟਿਕ ਅੰਦਾਜ਼ ਨੇ ਖੂਬ ਸੁਰਖ਼ੀਆਂ ਬਟੋਰੀਆਂ।
ਜ਼ੈਦ ਤੇ ਗੌਹਰ ਦੀ ਮੁਲਾਕਾਤ ਇਕ ਐਪ ਲਈ ਵੀਡੀਓ ਬਣਾਉਂਦੇ ਸਮੇਂ ਹੋਈ ਸੀ।
ਜ਼ੈਦ ਤੇ ਗੌਹਰ ਵਿਚਾਲੇ 12 ਸਾਲ ਦੀ ਉਮਰ ਦਾ ਫਾਸਲਾ ਹੈ। ਗੌਹਰ ਜਿਥੇ 37 ਸਾਲ ਦੀ ਹੈ, ਉਥੇ ਜ਼ੈਦ 25 ਸਾਲਾਂ ਦੇ ਹਨ।
ਨਿਕਾਹ ਤੋਂ ਪਹਿਲਾਂ ਦੋਵਾਂ ਦੀ ਹਲਦੀ ਸੈਰੇਮਨੀ ਦੀਆਂ ਤਸਵੀਰਾਂ ਵਾਇਰਲ ਹੋਈਆਂ ਸਨ। ਇਨ੍ਹਾਂ ’ਚ ਗੌਹਰ ਪੀਲੇ ਤੇ ਲਾਲ ਰੰਗ ਦੇ ਲਹਿੰਗੇ ’ਚ ਬੇਹੱਦ ਪਿਆਰੀ ਲੱਗ ਰਹੀ ਸੀ।
ਜ਼ੈਦ ਪੇਸ਼ੇ ਤੋਂ ਡਾਂਸਰ ਤੇ ਅਦਾਕਾਰ ਹੈ। ਉਹ ਬਾਲੀਵੁੱਡ ’ਚ ਬਤੌਰ ਅਦਾਕਾਰ ਸਥਾਪਿਤ ਹੋਣਾ ਚਾਹੁੰਦਾ ਹੈ।
ਨੋਟ– ਗੌਹਰ ਤੇ ਜ਼ੈਦ ਦੀਆਂ ਇਹ ਤਸਵੀਰਾਂ ਤੁਹਾਨੂੰ ਕਿਵੇਂ ਦੀਆਂ ਲੱਗੀਆਂ? ਸਾਨੂੰ ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਪਿਤਾ ਦੀ ਚਿੱਠੀ ਨੂੰ ਯਾਦ ਕਰ ਚੱਲਦੇ ਇੰਟਰਵਿਊ ’ਚ ਰੋ ਪਈ ਸੋਨੀਆ ਮਾਨ (ਵੀਡੀਓ)
NEXT STORY 
