ਬਾਲੀਵੁੱਡ ਅਦਾਕਾਰ ਸ਼ਾਹਿਦ ਕਪੂਰ ਆਪਣੀ ਫਿਲਮ ‘ਦੇਵਾ’ ਨਾਲ ਵੱਡੇ ਪਰਦੇ ’ਤੇ ਧਮਾਲ ਮਚਾਉਣ ਲਈ ਤਿਆਰ ਹਨ। ਇਸ ਐਕਸ਼ਨ ਥ੍ਰਿਲਰ ਫਿਲਮ ’ਚ ਸ਼ਾਹਿਦ ਕਪੂਰ ਅਤੇ ਪੂਜਾ ਹੇਗੜੇ ਦੀ ਜੋੜੀ ਨਜ਼ਰ ਆਵੇਗੀ। ਫਿਲਮ ਦੇ ਟਰੇਲਰ ’ਚ ਸ਼ਾਹਿਦ ਦਾ ਦਮਦਾਰ ਲੁੱਕ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਕਬੀਰ ਸਿੰਘ ਦੀ ਯਾਦ ਆ ਗਈ। ਫਿਲਮ 31 ਜਨਵਰੀ ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ। ਸ਼ਾਹਿਦ ਐਂਗਰੀ ਯੰਗ ਕਾਪ ਦੇ ਕਿਰਦਾਰ ’ਚ ਨਜ਼ਰ ਆਉਣਗੇ। ਫਿਲਮ ’ਚ ਸ਼ਾਹਿਦ ਅਤੇ ਪੂਜਾ ਤੋਂ ਇਲਾਵਾ ਕੁਬਰਾ ਸੇਤ ਅਤੇ ਪਾਵੇਲ ਗੁਲਾਟੀ ਵੀ ਮੁੱਖ ਭੂਮਿਕਾਵਾਂ ’ਚ ਹਨ। ਇਹ ਫਿਲਮ ਨਾਮੀ ਮਲਿਆਲਮ ਫਿਲਮ ਨਿਰਮਾਤਾ ਰੋਸ਼ਨ ਐਂਡਰਿਊਜ਼ ਵੱਲੋਂ ਨਿਰਦੇਸ਼ਤ ਹੈ ਅਤੇ ਜ਼ੀ ਸਟੂਡੀਓਜ਼ ਅਤੇ ਰਾਏ ਕਪੂਰ ਫਿਲਮਜ਼ ਵੱਲੋਂ ਪ੍ਰੋਡਿਊਸ ਕੀਤੀ ਗਈ ਹੈ। ਸ਼ਾਹਿਦ ਕਪੂਰ ਅਤੇ ਪੂਜਾ ਹੇਗੜੇ ਨੇ ਪੰਜਾਬ ਕੇਸਰੀ/ਨਵੋਦਿਆ ਟਾਈਮਜ਼/ਜਗ ਬਾਣੀ/ਹਿੰਦ ਸਮਾਚਾਰ ਦੀ ਜਿਓਤਸਨਾ ਰਾਵਤ ਨਾਲ ਵਿਸ਼ੇਸ਼ ਗੱਲਬਾਤ ਕੀਤੀ। ਪੇਸ਼ ਹਨ ਮੁੱਖ ਅੰਸ਼...
ਸਕ੍ਰਿਪਟ ਪੜ੍ਹ ਕੇ ਮੇਰੇ ਅੰਦਰ ਬੱਚਿਆਂ ਵਰਗੀ ਉਤਸੁਕਤਾ ਆ ਜਾਵੇ ਤਾਂ ਉਹ ਫਿਲਮ ਕਰ ਲੈਂਦਾ ਹਾਂ
ਟਰੇਲਰ ਦੇਖ ਕੇ ਕਬੀਰ ਸਿੰਘ ਦੀ ਯਾਦ ਆ ਰਹੀ ਹੈ, ਕੀ ਦੋਵਾਂ ਕਿਰਦਾਰਾਂ ’ਚ ਕੋਈ ਸਮਾਨਤਾ ਹੈ?
ਨਹੀਂ, ਕਬੀਰ ਸਿੰਘ ਅਤੇ ਦੇਵਾ ਦੋਵੇਂ ਬਿਲਕੁਲ ਵੱਖਰੇ ਕਿਰਦਾਰ ਹਨ। ਜਦੋਂ ਤੁਸੀਂ ਫਿਲਮ ਦੇਖੋਗੇ ਤਾਂ ਇਸ ਦਾ ਜਵਾਬ ਤੁਹਾਨੂੰ ਖ਼ੁਦ ਹੀ ਮਿਲ ਜਾਵੇਗਾ। ਫਿਲਮ ’ਚ ਮੈਂ ਪੁਲਸ ਅਫ਼ਸਰ ਦੀ ਭੂਮਿਕਾ ਨਿਭਾ ਰਿਹਾ ਹਾਂ, ਜੋ ਮਾਫ਼ੀਆ ਦਾ ਸਫ਼ਾਇਆ ਕਰਨਾ ਚਾਹੁੰਦਾ ਹੈ।
ਤੁਹਾਡੀਆਂ ਫਿਲਮਾਂ ਕਾਫ਼ੀ ਵੱਖਰੀਆਂ ਹੁੰਦੀਆਂ ਹਨ। ਕਿਸੇ ਵੀ ਪ੍ਰਾਜੈਕਟ ਨੂੰ ਚੁਣਨ ਦੀ ਪ੍ਰਕਿਰਿਆ ਕੀ ਹੁੰਦੀ ਹੈ?
ਮੈਨੂੰ ਲੱਗਦਾ ਹੈ ਕਿ ਜਦੋਂ ਮੈਂ ਕੋਈ ਫਿਲਮ ਚੁਣਦਾ ਹਾਂ ਤਾਂ ਮੇਰੇ ਅੰਦਰ ਇਕ ਵੱਖਰੀ ਤਰ੍ਹਾਂ ਦਾ ਉਤਸ਼ਾਹ ਹੁੰਦਾ ਹੈ। ਜਿਸ ਸਕ੍ਰਿਪਟ ਨੂੰ ਪੜ੍ਹ ਕੇ ਮੇਰੇ ਅੰਦਰ ਬੱਚਿਆਂ ਵਰਗਾ ਉਤਸ਼ਾਹ ਪੈਦਾ ਹੁੰਦਾ ਹੈ ਕਿ ਵਾਓ, ਇਸ ’ਚ ਤਾਂ ਮੈਂ ਇਹ ਵੀ ਕਰ ਸਕਦਾ ਹਾਂ ਜਾਂ ਇਸ ਫਿਲਮ ’ਚ ਅਜਿਹਾ ਕਰਨ ’ਚ ਮਜ਼ਾ ਆਵੇਗਾ। ਬਸ ਮੈਂ ਉਹ ਫਿਲਮ ਕਰ ਲੈਂਦਾ ਹਾਂ।
ਤੁਸੀਂ ਇੰਡਸਟਰੀ ਨੂੰ ਬਹੁਤ ਸਾਰੀਆਂ ਚੰਗੀਆਂ ਫਿਲਮਾਂ ਦਿੱਤੀਆਂ ਹਨ। ਅਜਿਹਾ ਕੁਝ ਜੋ ਲੱਗਦਾ ਹੈ ਕਿ ਇਹ ਕਰਨ ਲਈ ਮਿਲ ਜਾਵੇ?
ਹਾਂ, ਮੈਂ ਬਾਇਓਪਿਕ ’ਚ ਕੰਮ ਕਰਨਾ ਚਾਹੁੰਦਾ ਹਾਂ। ਇਸ ’ਚ ਇਕ ਚੁਣੌਤੀ ਹੁੰਦੀ ਹੈ, ਤੁਹਾਡੇ ਮਨ ’ਚ ਜੋ ਆ ਰਿਹਾ ਹੈ, ਉਹ ਤੁਸੀਂ ਨਹੀਂ ਕਰ ਸਕਦੇ। ਤੁਹਾਨੂੰ ਉਹੀ ਕਰਨਾ ਹੈ, ਜਿਸ ਦਾ ਕਿਰਦਾਰ ਤੁਸੀਂ ਜਿਉਂ ਰਹੇ ਹੋ। ਉਂਝ ਮੈਂ ਆਰਮੀ ਅਫ਼ਸਰ, ਜਵਾਨ, ਏਅਰਫੋਰਸ ਵਰਗੇ ਕਈ ਅਜਿਹੇ ਕਿਰਦਾਰ ਦੱਸ ਸਕਦਾ ਹਾਂ, ਜੋ ਮੈਂ ਕਰਨਾ ਚਾਹੁੰਦਾ ਹਾਂ।
ਸ਼ਾਹਿਦ ਕਪੂਰ
ਕਿਸੇ ਕਿਰਦਾਰ ਨੂੰ ਨਿਭਾਉਣ ’ਚ ਕਿੰਨਾ ਦਬਾਅ ਰਹਿੰਦਾ ਹੈ?
ਮੈਨੂੰ ਲੱਗਦਾ ਹੈ ਕਿ ਤੁਸੀਂ ਕਿਸੇ ਕਿਰਦਾਰ ਨੂੰ ਜਿੰਨੀ ਡੂੰਘਾਈ ਨਾਲ ਸਮਝੋਗੇ, ਓਨਾ ਹੀ ਬਿਹਤਰ ਤੁਸੀਂ ਉਸ ਨੂੰ ਨਿਭਾ ਸਕਦੇ ਹੋ। ਜਦੋਂ ਤੁਸੀਂ ਕੋਈ ਕਿਰਦਾਰ ਨਿਭਾ ਰਹੇ ਹੁੰਦੇ ਹੋ ਤਾਂ ਅੰਦਰੋਂ ਆਵਾਜ਼ ਆਉਂਦੀ ਹੈ ਕਿ ਮੈਂ ਅਜਿਹਾ ਕਰਾਂਗਾ, ਜੋ ਦਰਸ਼ਕਾਂ ਨੂੰ ਪਸੰਦ ਆਵੇਗਾ। ਜੋ ਵੀ ਕਿਰਦਾਰ ਮੈਂ ਨਿਭਾਉਂਦਾ ਹਾਂ, ਮੈਂ ਕੋਸ਼ਿਸ਼ ਕਰਦਾ ਹਾਂ ਕਿ ਉਸ ’ਚ ਮੇਰੀ ਬਾਡੀ ਲੈਂਗੂਏਂਜ ਵੀ ਵੱਖਰੀ ਹੋਵੇ। ਮੇਰਾ ਬੋਲਣ ਦਾ ਤਰੀਕਾ, ਮੇਰੇ ਚੱਲਣ ਦਾ ਤਰੀਕਾ, ਮੇਰਾ ਹੇਅਰ ਸਟਾਈਲ, ਮੈਂ ਹਰ ਚੀਜ਼ ’ਤੇ ਕੰਮ ਕਰਦਾ ਹਾਂ। ਸੈੱਟ ’ਤੇ ਪਹੁੰਚਣ ਤੋਂ ਪਹਿਲਾਂ ਮੈਂ ਦਿਮਾਗ਼ ਦੀ ਵਰਤੋਂ ਕਰਦਾ ਹਾਂ ਅਤੇ ਉਥੇ ਪਹੁੰਚਣ ਤੋਂ ਬਾਅਦ ਮੈਂ ਉਹੀ ਕਰਦਾ ਹਾਂ, ਜੋ ਮੇਰਾ ਦਿਲ ਮੈਨੂੰ ਕਹਿੰਦਾ ਹੈ ਜਿਸ ਨਾਲ ਮੈਂ ਕਿਰਦਾਰ ਦੀ ਦੁਨੀਆ ’ਚ ਪੂਰੀ ਤਰ੍ਹਾਂ ਉਤਰ ਸਕਾਂ। ਮੈਂ ਸੋਚਣ ਤੋਂ ਜ਼ਿਆਦਾ ਮਹਿਸੂਸ ਕਰਨ ’ਚ ਵਿਸ਼ਵਾਸ ਰੱਖਦਾ ਹਾਂ।
ਫਿਲਮ ਨੂੰ ਲੈ ਕੇ ਤੁਸੀਂ ਕਿੰਨੇ ਉਤਸ਼ਾਹਿਤ, ਕਿੰਨੇ ਨਰਵਸ ਹੋ?
ਸ਼ਾਇਦ ਮੈਂ ਹਾਲੇ ਬਹੁਤ ਨਰਵਸ ਹਾਂ। 2 ਦਿਨਾਂ ’ਚ ਫਿਲਮ ਰਿਲੀਜ਼ ਹੋਣ ਵਾਲੀ ਹੈ। ਹਾਲਾਂਕਿ ਮੈਨੂੰ ਦੇਖ ਕੇ ਲੱਗਦਾ ਨਹੀਂ ਹੋਵੇਗਾ। ਉਂਝ ਫਿਲਮ ਨੂੰ ਲੈ ਕੇ ਮੈਂ ਬਹੁਤ ਉਤਸ਼ਾਹਿਤ ਹਾਂ ਕਿ ਦਰਸ਼ਕਾਂ ਨੂੰ ਇਹ ਜ਼ਰੂਰ ਪਸੰਦ ਆਏਗੀ। ਮੇਰਾ ਕਿਰਦਾਰ ਇਕਦਮ ਰਾਅ ਐਂਡ ਰੀਅਲ ਹੈ।
ਪੂਜਾ ਹੇਗੜੇ
ਤੁਸੀਂ ਇਕ ਪੱਤਰਕਾਰ ਦੇ ਕਿਰਦਾਰ ’ਚ ਹੋ ਅਤੇ ਤੁਸੀਂ ਇੰਨੇ ਪੱਤਰਕਾਰਾਂ ਨੂੰ ਮਿਲਦੇ ਰਹਿੰਦੇ ਹੋ, ਫਿਰ ਤਾਂ ਇਹ ਤੁਹਾਡੇ ਲਈ ਕਾਫ਼ੀ ਆਸਾਨ ਰਿਹਾ ਹੋਵੇਗਾ?
ਹਾਂ, ਪਰ ਇਹ ਕਿਰਦਾਰ ਥੋੜ੍ਹਾ ਵੱਖਰਾ ਹੈ ਅਤੇ ਜੋ ਸੌਖਾ ਲੱਗਦਾ ਹੈ, ਉਹ ਸਭ ਤੋਂ ਔਖਾ ਹੁੰਦਾ ਹੈ। ਇਸ ਵਿਚ ਮੇਰਾ ਕਾਫ਼ੀ ਚੁਲਬੁਲਾ ਅਤੇ ਮੂੰਹਫਟ ਕਿਰਦਾਰ ਹੈ। ਮੈਂ ਚਾਹੁੰਦੀ ਹਾਂ ਕਿ ਵੱਖ-ਵੱਖ ਕਿਰਦਾਰ ਨਿਭਾਉਣ ਲਈ ਮਿਲਣ। ਮੇਰੀ ਅਗਲੀ ਫਿਲਮ ‘ਰੈਟਰੋ’ ਹੈ, ਉਹ ਇਸ ਤੋਂ ਬਿਲਕੁਲ ਵੱਖਰੀ ਹੋਵੇਗੀ। ਮੈਨੂੰ ਅਜਿਹਾ ਲੱਗਦਾ ਹੈ ਕਿ ਤੁਹਾਡੀ ਲਰਨਿੰਗ ਕਦੇ ਖ਼ਤਮ ਨਹੀਂ ਹੋਣੀ ਚਾਹੀਦੀ। ਤੁਹਾਨੂੰ ਹਮੇਸ਼ਾ ਹੀ ਕੁਝ ਨਾ ਕੁਝ ਹਰ ਜਗ੍ਹਾ ਤੋਂ ਸਿੱਖਣਾ ਚਾਹੀਦਾ ਹੈ।
ਜਦੋਂ ਤੁਸੀਂ ਡੈਬਿਊ ਕੀਤਾ ਸੀ ਅਤੇ ਹੁਣ ਜਦੋਂ ਤੁਸੀਂ ਇੰਡਸਟਰੀ ਵਿਚ ਇੰਨਾ ਕੰਮ ਕਰ ਚੁੱਕੇ ਹੋ ਤਾਂ ਇਸ ਦੌਰਾਨ ਤੁਹਾਡੇ ’ਚ ਕੀ ਬਦਲਾਅ ਆਏ ਹਨ?
ਮੇਰਾ ਸੋਚਣ ਦਾ ਤਰੀਕਾ ਬਦਲਿਆ ਹੈ। ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ। ਹੁਣ ਚੀਜ਼ਾਂ ਕੁਝ ਸੌਖੀਆਂ ਲੱਗਦੀਆਂ ਹਨ ਪਰ ਅੱਜ ਵੀ ਜਦੋਂ ਮੈਂ ਕੋਈ ਫਿਲਮ ਸਾਈਨ ਕਰਦੀ ਹਾਂ ਤਾਂ ਨਰਵਸਨੈੱਸ ਓਨੀ ਹੀ ਰਹਿੰਦੀ ਹੈ, ਜਿੰਨੀ ਪਹਿਲਾਂ ਰਹਿੰਦੀ ਸੀ।
ਜਦੋਂ ਵੀ ਕੋਈ ਫਿਲਮ ਰਿਲੀਜ਼ ਹੋਣ ਵਾਲੀ ਹੁੰਦੀ ਹੈ ਤਾਂ ਕੀ ਡਰ ਲੱਗਦਾ ਹੈ?
ਬਹੁਤ ਜ਼ਿਆਦਾ। ਮੈਂ ਤਾਂ ਓਵਰਥਿੰਕਿੰਗ ਕਲੱਬ ਦੀ ਪ੍ਰੈਜ਼ੀਡੈਂਟ ਹਾਂ। ਬਹੁਤ ਸੋਚਦੀ ਹਾਂ, ਮੇਰੇ ਦਿਮਾਗ਼ ’ਚ ਕੁਝ ਨਾ ਕੁਝ ਚੱਲਦਾ ਹੀ ਰਹਿੰਦਾ ਹੈ। ਜਦੋਂ ਮੇਰਾ ਸ਼ਾਟ ਹੁੰਦਾ ਹੈ ਤਾਂ ਮੈਂ ਬਹੁਤ ਕੁਝ ਸੋਚਦੀ ਹਾਂ। ਇਸ ਤੋਂ ਬਾਅਦ ਜਦੋਂ ਮੈਂ ਆਪਣੀ ਪਰਫਾਰਮੈਂਸ ਦੇਖਦੀ ਹਾਂ ਤਾਂ ਮੈਨੂੰ ਲੱਗਦਾ ਹੈ ਕਿ ਚਲੋ ਡਾਇਰੈਕਟਰ ਨੂੰ ਵੀ ਇਹ ਪਸੰਦ ਆਇਆ। ਇਸ ਤੋਂ ਬਾਅਦ ਦਿਮਾਗ਼ ਸ਼ਾਂਤ ਹੁੰਦਾ ਹੈ।
ਸੀਰੀਜ਼ ‘ਬੜਾ ਨਾਮ ਕਰੇਂਗੇ’ ਦੇ ਪ੍ਰੀਮੀਅਰ ’ਤੇ ਪੁੱਜੇ ਸਿਤਾਰੇ
NEXT STORY 
