ਐਂਟਰਟੇਨਮੈਂਟ ਡੈਸਕ - ਫਿਲਮਫੇਅਰ ਓਟੀਟੀ ਐਵਾਰਡਜ਼ ਦੇ 5ਵੇਂ ਐਡੀਸ਼ਨ ਦੀ ਮੇਜ਼ਬਾਨੀ ਮੁੰਬਈ 'ਚ ਕੀਤੀ ਗਈ। 1 ਦਸੰਬਰ ਨੂੰ ਆਯੋਜਿਤ ਫਿਲਮਫੇਅਰ ਐਵਾਰਡਸ ਇੱਕ ਸ਼ਾਨਦਾਰ ਸ਼ਾਮ ਸੀ। ਇਸ ਐਡੀਸ਼ਨ 'ਚ 39 ਸ਼੍ਰੇਣੀਆਂ 'ਚ ਸਰਵੋਤਮ ਵੈੱਬ ਸੀਰੀਜ਼ ਅਤੇ ਫ਼ਿਲਮਾਂ ਬਾਰੇ ਗੱਲ ਹੋਈ। ਡਿਜੀਟਲ ਮਨੋਰੰਜਨ ਦੀ ਦੁਨੀਆ ਦੀਆਂ ਚੋਟੀ ਦੀਆਂ ਮਸ਼ਹੂਰ ਹਸਤੀਆਂ, ਨਿਰਦੇਸ਼ਕਾਂ ਅਤੇ ਤਕਨੀਕੀ ਮਾਹਰਾਂ ਨੇ ਇਸ ਸਮਾਰੋਹ 'ਚ ਹਿੱਸਾ ਲਿਆ।
ਰਾਜਕੁਮਾਰ ਰਾਓ ਵੈੱਬ ਸੀਰੀਜ਼ ਸ਼੍ਰੇਣੀ 'ਚ ਵੱਡੇ ਜੇਤੂਆਂ 'ਚੋਂ ਸਭ ਤੋਂ ਅੱਗੇ ਸਨ। ਰਾਜਕੁਮਾਰ ਨੇ 'ਗਨਸ ਐਂਡ ਗੁਲਾਬ' 'ਚ ਆਪਣੀ ਭੂਮਿਕਾ ਲਈ ਸਰਵੋਤਮ ਕਾਮੇਡੀ ਅਦਾਕਾਰ (ਪੁਰਸ਼) ਪੁਰਸਕਾਰ ਜਿੱਤਿਆ। ਇਸ ਦੌਰਾਨ ਫ਼ਿਲਮ ਸ਼੍ਰੇਣੀ 'ਚ ਕਰੀਨਾ ਕਪੂਰ ਖ਼ਾਨ ਨੂੰ 'ਜਾਨੇ ਜਾਨ' 'ਚ ਆਪਣੀ ਭੂਮਿਕਾ ਲਈ ਸਰਵੋਤਮ ਅਦਾਕਾਰਾ ਦਾ ਪੁਰਸਕਾਰ ਮਿਲਿਆ, ਜਦਕਿ ਦਿਲਜੀਤ ਦੋਸਾਂਝ ਨੂੰ 'ਅਮਰ ਸਿੰਘ ਚਮਕੀਲਾ' ਵਿੱਚ ਆਪਣੀ ਅਦਾਕਾਰੀ ਲਈ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਮਿਲਿਆ।
ਫੀਮੇਲ ਐਕਟਿੰਗ ਸ਼੍ਰੇਣੀ 'ਚ ਕਾਮੇਡੀ ਸੀਰੀਜ਼ 'ਚ ਸਰਵੋਤਮ ਅਦਾਕਾਰਾ ਦਾ ਪੁਰਸਕਾਰ ਗੀਤਾਂਜਲੀ ਕੁਲਕਰਨੀ ਨੂੰ 'ਗੁਲਕ' ਸੀਜ਼ਨ 4 ਲਈ ਦਿੱਤਾ ਗਿਆ, ਜਦੋਂ ਕਿ ਡਰਾਮਾ ਲੜੀ 'ਚ ਸਰਵੋਤਮ ਅਦਾਕਾਰਾ ਦਾ ਪੁਰਸਕਾਰ ਮਨੀਸ਼ਾ ਕੋਇਰਾਲਾ ਨੂੰ 'ਹੀਰਾਮੰਡੀ' 'ਚ ਉਸ ਦੇ ਦਮਦਾਰ ਪ੍ਰਦਰਸ਼ਨ ਲਈ ਦਿੱਤਾ ਗਿਆ ਹੈ।
ਸਰਵੋਤਮ ਸਹਾਇਕ ਅਦਾਕਾਰ
ਫੈਜ਼ਲ ਮਲਿਕ ਨੂੰ 'ਪੰਚਾਇਤ' ਸੀਜ਼ਨ 3 ਲਈ ਸਰਵੋਤਮ ਸਹਾਇਕ ਕਾਮੇਡੀ ਅਦਾਕਾਰ ਸੀਰੀਜ਼ (ਪੁਰਸ਼) ਵਜੋਂ ਸਨਮਾਨਿਤ ਕੀਤਾ ਗਿਆ। ਜਦਕਿ, ਆਰ ਮਾਧਵਨ ਨੂੰ 'ਦਿ ਰੇਲਵੇ ਮੈਨ' ਲਈ ਸਰਵੋਤਮ ਸਹਾਇਕ ਅਦਾਕਾਰ ਸੀਰੀਜ਼ (ਪੁਰਸ਼) ਦਾ ਖਿਤਾਬ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ- ਮਹਿੰਗੀਆਂ ਕਾਰਾਂ ਤੋਂ ਲੈ ਕੇ ਬੰਗਲਿਆਂ ਤਕ, ਬੇਹੱਦ ਖੂਬਸੂਰਤ ਹੈ ਦਿਲਜੀਤ ਦਾ Life style
ਸਰਬੋਤਮ ਸਹਾਇਕ ਅਦਾਕਾਰਾ
ਸਰਵੋਤਮ ਸਹਾਇਕ ਅਦਾਕਾਰਾ ਦੀ ਸ਼੍ਰੇਣੀ 'ਚ ਨਿਧੀ ਵਿਸ਼ਟ ਨੇ 'ਮਾਮਲਾ ਲੀਗਲ ਹੈ' (ਕਾਮੇਡੀ) 'ਚ ਉਸਦੀ ਭੂਮਿਕਾ ਲਈ ਪੁਰਸਕਾਰ ਜਿੱਤਿਆ ਅਤੇ ਮੋਨਾ ਸਿੰਘ ਨੂੰ 'ਮੇਡ ਇਨ ਹੈਵਨ' ਸੀਜ਼ਨ 2 (ਡਰਾਮਾ) 'ਚ ਉਸ ਦੀ ਸ਼ਾਨਦਾਰ ਅਦਾਕਾਰੀ ਲਈ ਸਨਮਾਨਿਤ ਕੀਤਾ ਗਿਆ।
ਹੋਰ ਐਵਾਰਡਜ਼
ਬਿਸਵਪਤੀ ਸਰਕਾਰ ਨੂੰ 'ਕਾਲਾ ਪਾਣੀ' ਲਈ ਸਰਵੋਤਮ ਮੂਲ ਕਹਾਣੀ ਲੜੀ ਦਾ ਪੁਰਸਕਾਰ ਦਿੱਤਾ ਗਿਆ। ਹੋਰਾਂ 'ਚ ਸਰਵੋਤਮ ਸਿਨੇਮੈਟੋਗ੍ਰਾਫ਼ੀ ਸੀਰੀਜ਼ ਦਾ ਐਵਾਰਡ ਸੁਦੀਪ ਚੈਟਰਜੀ, ਮਹੇਸ਼ ਲਿਮਏ, ਹੁਏਨਸਟੈਂਗ ਮੋਹਪਾਤਰਾ ਅਤੇ ਰਾਗੁਲ ਹੇਰੀਅਨ ਧਰਮੂਮਨ ਨੇ 'ਹੀਰਾਮੰਡੀ' ਲਈ ਅਤੇ ਸਰਵੋਤਮ ਐਡੀਸ਼ਨ ਸੀਰੀਜ਼ ਦਾ ਐਵਾਰਡ 'ਦਿ ਰੇਲਵੇ ਮੈਨ' ਲਈ ਯਸ਼ਾ ਜੈਦੇਵ ਰਾਮਚੰਦਾਨੀ ਨੂੰ ਦਿੱਤਾ ਗਿਆ।
ਕ੍ਰਿਏਟਵ ਸ਼੍ਰੇਣੀ 'ਚ ਸਰਵੋਤਮ ਡਾਇਲਾਗ ਸੀਰੀਜ਼ ਦਾ ਖ਼ਿਤਾਬ ਸੁਮਿਤ ਅਰੋੜਾ ਨੂੰ ਮਿਲਿਆ ਹੈ। ਉਸ ਨੇ ਇਹ ਖਿਤਾਬ 'ਗਨਜ਼ ਐਂਡ ਗੁਲਾਬ' ਲਈ ਜਿੱਤਿਆ ਹੈ। ਜਦਕਿ ਬੈਸਟ ਓਰੀਜਨਲ ਸਕ੍ਰੀਨਪਲੇ ਸੀਰੀਜ਼ ਦਾ ਐਵਾਰਡ ਪ੍ਰਤਿਭਾਸ਼ਾਲੀ ਤਿੱਕੜੀ ਅਜਾ ਨਿਦਿਮੋਰੂ, ਕ੍ਰਿਸ਼ਨਾ ਡੀਕੇ ਅਤੇ ਸੁਮਨ ਕੁਮਾਰ ਨੂੰ 'ਗਨਸ ਐਂਡ ਗੁਲਾਬ' ਵਿੱਚ ਕੰਮ ਕਰਨ ਲਈ ਦਿੱਤਾ ਗਿਆ।
ਇਹ ਵੀ ਪੜ੍ਹੋ- ਉਡੀਕਾਂ ਖ਼ਤਮ! ਰਿਲੀਜ਼ ਹੋਇਆ ਪੰਜਾਬੀ ਫ਼ਿਲਮ 'ਵੱਡਾ ਘਰ' ਦਾ ਟਰੇਲਰ
'ਸਕੈਮ 2003: ਦਿ ਤੇਲਗੀ ਸਟੋਰੀ' ਨੇ ਕਿਰਨ ਯਾਦੋਪਵਿਤ, ਕੇਦਾਰ ਪਾਟੰਕਰ ਅਤੇ ਕਰਨ ਵਿਆਸ ਦੇ ਨਾਲ ਉਨ੍ਹਾਂ ਦੇ ਅਸਾਧਾਰਣ ਰੂਪਾਂਤਰਣ ਲਈ ਸਭ ਤੋਂ ਵਧੀਆ ਅਨੁਕੂਲਿਤ ਸਕ੍ਰੀਨਪਲੇ ਸੀਰੀਜ਼ ਵੀ ਜਿੱਤੀ। 'ਦਿ ਰੇਲਵੇ ਮੈਨ' ਨੇ ਸਰਵੋਤਮ VFX (ਸੀਰੀਜ਼) ਲਈ ਜਿੱਤਿਆ, ਜਦੋਂ ਕਿ ਫਿਲਮਗੇਟ ਏਬੀ ਅਤੇ ਹਾਈਵ ਸਟੂਡੀਓਜ਼ ਨੇ ਵਿਜ਼ੂਅਲ ਇਫੈਕਟਸ ਨੂੰ ਸੰਭਾਲਿਆ।
ਸਰਵੋਤਮ ਸਾਊਂਡ ਡਿਜ਼ਾਈਨ (ਸੀਰੀਜ਼) ਦਾ ਐਵਾਰਡ 'ਕਾਲਾ ਪਾਣੀ' ਲਈ ਸੰਜੇ ਮੌਰੀਆ ਅਤੇ ਐਲਵਿਨ ਰੇਗੋ ਨੇ ਜਿੱਤਿਆ, ਜਦੋਂ ਕਿ ਸਰਵੋਤਮ ਸਾਉਂਡਟਰੈਕ (ਸੀਰੀਜ਼) ਦਾ ਖਿਤਾਬ ਸੰਜੇ ਲੀਲਾ ਭੰਸਾਲੀ, ਰਾਜਾ ਹਸਨ ਅਤੇ ਸ਼ਰਮਿਸ਼ਠਾ ਚੈਟਰਜੀ ਨੂੰ 'ਹੀਰਾਮੰਡੀ: ਦਿ ਡਾਇਮੰਡ' 'ਚ ਉਨ੍ਹਾਂ ਦੇ ਕੰਮ ਲਈ ਦਿੱਤਾ ਗਿਆ।
ਸਰਵੋਤਮ ਡੈਬਿਊ ਨਿਰਦੇਸ਼ਕ, ਸੀਰੀਜ਼ 'ਦਿ ਰੇਲਵੇ ਮੈਨ' ਲਈ ਸ਼ਿਵ ਰਾਵੇਲ ਨੂੰ ਦਿੱਤਾ ਗਿਆ, ਜਿਸ ਨੇ ਉਸ ਦੇ ਨਿਰਦੇਸ਼ਕ ਕਰੀਅਰ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਫਿਲਮਫੇਅਰ ਓਟੀਟੀ ਐਵਾਰਡਸ 'ਚ 'ਗਨਸ ਐਂਡ ਗੁਲਾਬ' ਨੇ ਆਲੋਚਕ ਸ਼੍ਰੇਣੀ 'ਚ ਸਰਵੋਤਮ ਲੜੀ ਦਾ ਪੁਰਸਕਾਰ ਜਿੱਤਿਆ, ਜਦੋਂ ਕਿ 'ਮੁੰਬਈ ਡਾਇਰੀਜ਼' ਸੀਜ਼ਨ 2 ਨੇ ਸਰਵੋਤਮ ਨਿਰਦੇਸ਼ਕ ਦਾ ਪੁਰਸਕਾਰ ਜਿੱਤਿਆ।
ਸੀਰੀਜ਼ 'ਚ ਸਰਵੋਤਮ ਅਦਾਕਾਰ (ਪੁਰਸ਼) ਐਵਾਰਡ ਕੇਕੇ ਮੇਨਨ ਨੂੰ 'ਬੰਬੇ ਮੇਰੀ ਜਾਨ' ਲਈ ਮਿਲਿਆ, ਜਦਕਿ ਹੁਮਾ ਕੁਰੈਸ਼ੀ ਨੂੰ 'ਮਹਾਰਾਣੀ S03' ਲਈ ਸਰਵੋਤਮ ਅਦਾਕਾਰਾ ਦਾ ਖਿਤਾਬ ਮਿਲਿਆ। ਫ਼ਿਲਮਾਂ 'ਚ 'ਜਾਨੇ ਜਾਨ' ਨੇ ਸਰਵੋਤਮ ਫ਼ਿਲਮ ਦਾ ਐਵਾਰਡ ਜਿੱਤਿਆ, ਜਦੋਂ ਕਿ ਜੈਦੀਪ ਅਹਲਾਵਤ ਅਤੇ ਅਨੰਨਿਆ ਪਾਂਡੇ ਨੂੰ ਸਰਵੋਤਮ ਅਦਾਕਾਰ ਅਤੇ ਅਦਾਕਾਰਾ ਦਾ ਐਵਾਰਡ ਦਿੱਤਾ ਗਿਆ। ‘ਖੋ ਗਏ ਹਮ ਕਹਾਂ’ ਲਈ ਅਰਜੁਨ ਵਰੇਨ ਸਿੰਘ ਨੂੰ ਵਿਸ਼ੇਸ਼ ਸਨਮਾਨ ਮਿਲਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮਾਂ ਨਾ ਬਣ ਪਾਉਣ ਕਾਰਨ ਇਸ ਅਦਾਕਾਰਾ ਨੂੰ ਮਿਲੇ ਤਾਅਨੇ, ਕਿਹਾ ਲੋਕ....
NEXT STORY 
