ਮੁੰਬਈ (ਬਿਊਰੋ)– ‘ਕੇ. ਜੀ. ਐੱਫ.’ ਦੇ ਦੀਵਾਨਿਆਂ ਲਈ ਖ਼ੁਸ਼ਖ਼ਬਰੀ ਹੈ। ਪਹਿਲੀ ਜਾਣਕਾਰੀ ਤਾਂ ਇਹ ਹੈ ਕਿ ਕੰਨੜ ਸੁਪਰਸਟਾਰ ਯਸ਼ ਦੀ ਫ਼ਿਲਮ ਦੇ ਸੀਕੁਅਲ ਯਾਨੀ ‘ਕੇ. ਜੀ. ਐੱਫ. 2’ ਦੇ ਟਰੇਲਰ ਰਿਲੀਜ਼ ਦੀ ਤਾਰੀਖ਼ ਆ ਗਈ ਹੈ। ਡਾਇਰੈਕਟਰ ਪ੍ਰਸ਼ਾਂਤ ਨੀਲ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸੇ ਮਹੀਨੇ 27 ਮਾਰਚ ਨੂੰ ‘ਕੇ. ਜੀ. ਐੱਫ. 2’ ਦਾ ਟਰੇਲਰ ਰਿਲੀਜ਼ ਹੋਵੇਗਾ, ਉਥੇ ਇਸ ਫ਼ਿਲਮ ਦਾ ਪਹਿਲਾ ਰੀਵਿਊ ਵੀ ਆ ਗਿਆ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਸ਼ਾਹਰੁਖ਼ ਖ਼ਾਨ ਨੂੰ ਪ੍ਰਸ਼ੰਸਕ ਨੇ ਦਿੱਤੀ ਨਸੀਹਤ, ਕਿਹਾ- ‘ਫ਼ਿਲਮਾਂ ’ਚ ਆਉਂਦੇ ਰਹੋ, ਖ਼ਬਰਾਂ ’ਚ ਨਹੀਂ’
ਮਾਲੀਵੁੱਡ ਅਦਾਕਾਰ ਤੇ ਡਿਸਟ੍ਰੀਬਿਊਟਰ ਪ੍ਰਿਥਵੀਰਾਜ ਸੁਕੁਮਾਰਨ ਨੇ ਇਹ ਫ਼ਿਲਮ ਦੇਖ ਲਈ ਹੈ ਤੇ ਉਨ੍ਹਾਂ ਨੇ ਆਪਣਾ ਰੀਵਿਊ ਵੀ ਸਾਂਝਾ ਕੀਤਾ ਹੈ। ਪ੍ਰਿਥਵੀਰਾਜ ਨੇ ਦੱਸਿਆ ਕਿ ਫ਼ਿਲਮ ਦੇਖ ਕੇ ਉਨ੍ਹਾਂ ਦਾ ਦਿਮਾਗ ਹਿੱਲ ਗਿਆ ਹੈ। ‘ਕੇ. ਜੀ. ਐੱਫ. 2’ ਇਸੇ ਸਾਲ 14 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਵਾਲੀ ਹੈ।
ਸਾਲ 2022 ਦੀਆਂ ਵੱਡੀਆਂ ਫ਼ਿਲਮਾਂ ਦੀ ਲਿਸਟ ’ਚ ‘ਕੇ. ਜੀ. ਐੱਫ. 2’ ਸਭ ਤੋਂ ਉੱਪਰ ਹੈ। ਫ਼ਿਲਮ ’ਚ ਇਸ ਵਾਰ ਯਸ਼ ਨਾਲ ਸੰਜੇ ਦੱਤ, ਸ਼੍ਰੀਨਿਧੀ ਸ਼ੈੱਟੀ, ਰਵੀਨਾ ਟੰਡਨ ਤੇ ਪ੍ਰਕਾਸ਼ ਰਾਜ ਨਜ਼ਰ ਆਉਣ ਵਾਲੇ ਹਨ। ਹਰ ਕਿਸੇ ਦੇ ਮਨ ’ਚ ਸਵਾਲ ਹੈ ਕਿ ਆਖਿਰ ਰੌਕੀ ਭਾਈ ਨੇ ਅਜਿਹਾ ਕੀ ਕੀਤਾ ਕਿ ਫੌਜ ਭੇਜ ਕੇ ਸਰਕਾਰ ਨੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ? ਅਧੀਰਾ ਦਾ ਕੀ ਹੋਇਆ? ਉਂਝ ਇਨ੍ਹਾਂ ਤਮਾਮ ਸਵਾਲਾਂ ਦੇ ਜਵਾਬ ਸਿਰਫ ਪ੍ਰਿਥਵੀਰਾਜ ਸੁਕੁਮਾਰਨ ਕੋਲ ਹਨ।
ਫ਼ਿਲਮ ਦੇ ਡਾਇਰੈਕਟਰ ਪ੍ਰਸ਼ਾਂਤ ਨੀਲ ਨੇ ਟਵਿਟਰ ’ਤੇ ਫ਼ਿਲਮ ਦੇ ਟਰੇਲਰ ਰਿਲੀਜ਼ ਦੀ ਤਾਰੀਖ਼ ਦਾ ਐਲਾਨ ਕੀਤਾ ਹੈ। ਫ਼ਿਲਮ ਦਾ ਟਰੇਲਰ 27 ਮਾਰਚ ਨੂੰ ਸ਼ਾਮ 6 ਵਜ ਕੇ 40 ਮਿੰਟ ’ਤੇ ਰਿਲੀਜ਼ ਹੋਵੇਗਾ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਇੰਤਜ਼ਾਰ ਖ਼ਤਮ! ਸਾਹਮਣੇ ਆਈ ਸਲਮਾਨ ਖ਼ਾਨ ਦੀ ਫ਼ਿਲਮ ‘ਟਾਈਗਰ 3’ ਦੀ ਰਿਲੀਜ਼ ਡੇਟ
NEXT STORY 
