ਮੁੰਬਈ (ਬਿਊਰੋ)– ਪਿਛਲੇ ਦਿਨੀਂ ਜਦੋਂ ਬਾਲੀਵੁੱਡ ਦੇ ਤਿੰਨ ਵੱਡੇ ਸਿਤਾਰੇ ਇਕ ਤੰਬਾਕੂ ਬ੍ਰਾਂਡ ਦੇ ਇਸ਼ਤਿਹਾਰ ’ਚ ਨਜ਼ਰ ਆਏ ਤਾਂ ਖ਼ੂਬ ਹੰਗਾਮਾ ਮਚਿਆ। ਸਭ ਤੋਂ ਜ਼ਿਆਦਾ ਵਿਵਾਦ ਹੋਇਆ ਸੀ ਇਸ ਐਡ ’ਚ ਅਕਸੇ ਕੁਮਾਰ ਦੇ ਨਜ਼ਰ ਆਉਣ ’ਤੇ। ਜ਼ਬਰਦਸਤ ਟਰੋਲਿੰਗ ਤੋਂ ਬਾਅਦ ਅਕਸ਼ੇ ਨੇ ਮੁਆਫੀ ਮੰਗੀ ਤੇ ਐਡ ਤੋਂ ਪਿੱਛੇ ਹਟਣ ਦਾ ਫ਼ੈਸਲਾ ਕੀਤਾ। ਹੁਣ ਖ਼ਬਰ ਆਈ ਹੈ ਕਿ ਇਕ ਪਾਨ ਮਸਾਲਾ ਬ੍ਰਾਂਡ ਨੇ ‘ਕੇ. ਜੀ. ਐੱਫ. 2’ ਸਟਾਰ ਯਸ਼ ਨੂੰ ਅਪ੍ਰੋਚ ਕੀਤਾ ਪਰ ਕੰਨੜ ਅਦਾਕਾਰ ਨੇ ਇਹ ਐਡ ਕਰਨ ਤੋਂ ਮਨ੍ਹਾ ਕਰ ਦਿੱਤਾ।
ਰਿਪੋਰਟ ਮੁਤਾਕ ਯਸ਼ ਨੂੰ ਪਾਨ ਮਸਾਲਾ ਬ੍ਰਾਂਡ ਨੇ ਇਕ ਐਂਡੋਰਸਮੈਂਟ ਲਈ ਕਰੋੜਾਂ ਦਾ ਆਫਰ ਦਿੱਤਾ ਸੀ ਪਰ ‘ਕੇ. ਜੀ. ਐੱਫ. 2’ ਸਟਾਰ ਨੇ ਬਿਨਾਂ ਦੇਰ ਕੀਤੇ ਤੁਰੰਤ ਇਸ ਐਡ ਨੂੰ ਠੁਕਰਾ ਦਿੱਤਾ। ਯਸ਼ ਦੇ ਐਂਡੋਰਸਮੈਂਟ ਡੀਲਜ਼ ਨੂੰ ਮੈਨੇਜ ਕਰਨ ਵਾਲੀ ਕੰਪਨੀ ਐਕਸੀਡ ਐਂਟਰਟੇਨਮੈਂਟ ਨੇ ਇਸ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : 90 ਦੇ ਦਹਾਕੇ ਦੇ ਮਸ਼ਹੂਰ ਗਾਇਕ ਤਾਜ (ਸਟੀਰੀਓ ਨੇਸ਼ਨ) ਦਾ ਦਿਹਾਂਤ, ਪਿਛਲੇ ਮਹੀਨੇ ਕੋਮਾ ’ਚੋਂ ਆਏ ਸਨ ਬਾਹਰ
ਇਸ ਦੇ ਹੈੱਡ ਅਰਜੁਨ ਬੈਨਰਜੀ ਨੇ ਪ੍ਰੈੱਸ ਸਟੇਟਮੈਂਟ ਜਾਰੀ ਕਰਕੇ ਲਿਖਿਆ, ‘ਪਾਨ ਮਸਾਲਾ ਤੇ ਅਜਿਹੇ ਪ੍ਰੋਡਕਟ ਦਾ ਲੋਕਾਂ ਦੀ ਸਿਹਤ ’ਤੇ ਬੁਰਾ ਅਸਰ ਪੈਂਦਾ ਹੈ। ਇਸ ਦਾ ਪ੍ਰਭਾਵ ਜਾਨਲੇਵਾ ਹੋ ਸਕਦਾ ਹੈ। ਅਸਲ ’ਚ ਯਸ਼ ਵਲੋਂ ਲਿਆ ਗਿਆ ਇਹ ਇਕ ਹੀਰੋਇਕ ਫ਼ੈਸਲਾ ਹੈ, ਜਿਨ੍ਹਾਂ ਨੇ ਪ੍ਰਸ਼ੰਸਕਾਂ ਤੇ ਆਪਣੇ ਫਾਲੋਅਰਜ਼ ਦੇ ਹਿੱਤ ’ਚ ਬੇਹੱਦ ਹੀ ਲੁਭਾਵਨੀ ਡੀਲ ਨੂੰ ਕਰਨ ਤੋਂ ਮਨ੍ਹਾ ਕੀਤਾ।
‘ਆਪਣੀ ਪੈਨ ਇੰਡੀਆ ਅਪੀਲ ਨੂੰ ਦੇਖਦਿਆਂ ਅਸੀਂ ਇਸ ਮੌਕੇ ਦੀ ਵਰਤੋਂ ਆਪਣੇ ਪ੍ਰਸ਼ੰਸਕਾਂ ਤੇ ਫਾਲੋਅਰਜ਼ ਨੂੰ ਸਹੀ ਸੁਨੇਹਾ ਦਿੰਦਿਆਂ ਕਰਨਾ ਚਾਹੁੰਦੇ ਹਾਂ। ਆਪਣਾ ਸਮਾਂ ਤੇ ਮਿਹਨਤ ਉਨ੍ਹਾਂ ਬ੍ਰਾਂਡਸ ’ਤੇ ਖਰਚ ਕਰਨਾ ਚਾਹੁੰਦੇ ਹਾਂ, ਜਿਨ੍ਹਾਂ ਕੋਲ ਵਿਵੇਕ ਹੈ, ਜੋ ਲੰਮੀ ਗੇਮ ਖੇਡਣਾ ਚਾਹੁੰਦੇ ਹਨ, ਸਮਾਨ ਵਿਚਾਰਧਾਰਾ ਵਾਲੇ ਹਨ, ਜਿਵੇਂ ਕਿ ਯਸ਼ ਖ਼ੁਦ ਹੈ।’ ‘ਕੇ. ਜੀ. ਐੱਫ. 2’ ਸਟਾਰ ਯਸ਼ ਦੇ ਪਾਨ ਮਸਾਲਾ ਬ੍ਰਾਂਡ ਨਾਲ ਨਾ ਜੁੜਨ ਦੇ ਫ਼ੈਸਲੇ ਨੂੰ ਲੋਕਾਂ ਨੇ ਸਰਾਹਿਆ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਸਹੁਰੇ ਦੀ ਬਰਸੀ 'ਤੇ ਭਾਵੁਕ ਹੋਈ ਨੂੰਹ ਆਲੀਆ ਭੱਟ, ਸਾਂਝੀ ਕੀਤੀ ਅਣਦੇਖੀ ਤਸਵੀਰ
NEXT STORY 
