ਮੁੰਬਈ- ਬਾਲੀਵੁੱਡ ਅਭਿਨੇਤਾ ਮਿਥੁਨ ਚੱਕਰਵਰਤੀ ਦੇ ਹੱਥ 'ਤੇ ਸੱਟ ਲੱਗਣ ਦੇ ਬਾਵਜੂਦ ਵੀ ਉਹ ਕੋਲਕਾਤਾ ਦੀਆਂ ਸੜਕਾਂ 'ਤੇ ਰੈਲੀ ਕਰਦੇ ਹੋਏ ਨਜ਼ਰ ਆਏ ਸਨ। ਮਿਥੁਨ ਸਮੇਤ ਸੈਂਕੜੇ ਭਾਜਪਾ ਸਮਰਥਕ ਬੁੱਧਵਾਰ ਨੂੰ ਕੋਲਕਾਤਾ ਦੀਆਂ ਸੜਕਾਂ 'ਤੇ ਉਤਰ ਆਏ। ਮਿਥੁਨ ਅਤੇ ਸਾਬਕਾ ਕੇਂਦਰੀ ਮੰਤਰੀ ਸੁਭਾਸ਼ ਸਰਕਾਰ ਦੀ ਅਗਵਾਈ ਵਿੱਚ ਇਸ ਰੈਲੀ 'ਚ ਪੱਕੇ ਵਰਕਰਾਂ ਨੇ ਹਿੱਸਾ ਲਿਆ। ਦਰਅਸਲ, ਇਹ ਰੈਲੀ 'ਆਰਜੀ ਕਾਰ' ਹਸਪਤਾਲ ਵਿੱਚ ਹਾਲ ਹੀ 'ਚ ਇੱਕ ਮਹਿਲਾ ਡਾਕਟਰ ਦੀ ਬੇਰਹਿਮੀ ਨਾਲ ਹੋਈ ਹੱਤਿਆ ਦੇ ਸਬੰਧ 'ਚ ਕੱਢੀ ਗਈ ਸੀ। ਇੱਥੇ ਦੱਸ ਦੇਈਏ ਕਿ ਮਿਥੁਨ ਚੱਕਰਵਰਤੀ ਦਾ ਹੱਥ 'ਤੇ ਹਫਤੇ ਪਹਿਲਾਂ ਹੀ ਸੱਟ ਲੱਗੀ ਸੀ ਅਤੇ ਉਹ ਹਾਲ ਹੀ 'ਚ 'ਆਰਜੀ ਕਾਰ' ਹਸਪਤਾਲ 'ਚ ਵਾਪਰੀ ਘਟਨਾ ਲਈ ਇਨਸਾਫ ਦੀ ਮੰਗ ਕਰਨ ਲਈ ਕੋਲਕਾਤਾ ਦੀਆਂ ਸੜਕਾਂ 'ਤੇ ਨਿਕਲੇ ਸਨ। ਸਿਹਤ ਖਰਾਬ ਹੋਣ ਕਾਰਨ ਉਹ ਪੈਦਲ ਨਹੀਂ ਚੱਲ ਰਹੇ ਸਨ, ਸਗੋਂ ਖੁੱਲ੍ਹੀ ਜੀਪ ਦੀ ਮੂਹਰਲੀ ਸੀਟ 'ਤੇ ਬੈਠ ਕੇ ਪ੍ਰੋਗਰਾਮ 'ਚ ਹਿੱਸਾ ਲੈਂਦੇ ਨਜ਼ਰ ਆਏ।
ਇਹ ਖ਼ਬਰ ਵੀ ਪੜ੍ਹੋ -ਰੋਹਨਪ੍ਰੀਤ ਸਿੰਘ ਦਾ ਨਵਾਂ ਗਾਣਾ 'ਕਾਲਾ ਮਾਲ' ਮਚਾ ਰਿਹਾ ਹੈ ਇੰਟਰਨੈੱਟ 'ਤੇ ਧਮਾਲ
ਇਹ ਰੈਲੀ 1893 'ਚ ਸ਼ਿਕਾਗੋ 'ਚ ਵਿਸ਼ਵ ਧਰਮਾਂ ਦੀ ਸੰਸਦ ਵਿੱਚ ਸਵਾਮੀ ਵਿਵੇਕਾਨੰਦ ਦੇ ਇਤਿਹਾਸਕ ਭਾਸ਼ਣ ਦੀ ਯਾਦ 'ਚ ਆਯੋਜਿਤ ਕੀਤੀ ਗਈ ਸੀ। ਇਹ ਰੈਲੀ ਕੋਲਕਾਤਾ ਸੈਂਟਰਲ ਦੇ ਸ਼ਿਮਲਾ ਰੋਡ 'ਤੇ ਸਵਾਮੀ ਵਿਵੇਕਾਨੰਦ ਦੇ ਜੱਦੀ ਘਰ ਤੋਂ ਸ਼ੁਰੂ ਹੋ ਕੇ ਸ਼ਿਆਮਬਾਜ਼ਾਰ ਫਾਈਵ ਪੁਆਇੰਟ ਕਰਾਸਿੰਗ 'ਤੇ ਸਮਾਪਤ ਹੋਈ।ਇਸ ਸਮਾਗਮ ਦੇ ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਇਹ ਰੈਲੀ ਸਵਾਮੀ ਵਿਵੇਕਾਨੰਦ ਦੇ ਆਦਰਸ਼ਾਂ ਨੂੰ ਯਾਦ ਕਰਨ ਲਈ ਸੱਦੀ ਗਈ ਸੀ। 11 ਸਤੰਬਰ 1893 ਨੂੰ ਅਮਰੀਕਾ ਦੇ ਸ਼ਿਕਾਗੋ ਸ਼ਹਿਰ 'ਚ ਸਵਾਮੀ ਵਿਵੇਕਾਨੰਦ ਨੇ ਪੂਰੀ ਦੁਨੀਆ 'ਚ ਚੇਤਨਾ ਜਗਾਈ ਸੀ ਪਰ ਅੱਜ 131 ਸਾਲ ਬਾਅਦ ਉਨ੍ਹਾਂ ਦੇ ਆਪਣੇ ਸ਼ਹਿਰ ਕੋਲਕਾਤਾ ਵਿੱਚ ਲੋਕ ਚੇਤਨਾ ਦੇ ਡੰਕੇ ਨਾਲ ਲਗਾਤਾਰ ਜ਼ਖਮੀ ਹੋ ਰਹੇ ਹਨ। ਆਰਜੀ ਕਾਰ ਹਸਪਤਾਲ 'ਚ ਇੱਕ ਡਾਕਟਰ ਨਾਲ ਬਲਾਤਕਾਰ ਅਤੇ ਕਤਲ ਦੀ ਘਟਨਾ ਨੇ ਸਮੁੱਚੇ ਸਮਾਜ ਦੀ ਮਨੁੱਖਤਾ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਇਸ ਲਈ ਰੋਸ ਵਜੋਂ ਉਸ ਨੇ ਸ਼ਿਕਾਗੋ ਭਾਸ਼ਣ ਵਾਲੇ ਦਿਨ ਇਹ ਪ੍ਰੋਗਰਾਮ ਕਰਵਾਇਆ। ਲੋਕਾਂ ਨੇ ਇਸ ਰੈਲੀ 'ਚ ਹਿੱਸਾ ਲੈਣ ਲਈ ਮਿਥੁਨ ਵਰਗੇ ਬੀਮਾਰ ਸਟਾਰ ਦਾ ਵੀ ਧੰਨਵਾਦ ਕੀਤਾ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਗੁਰਦਾਸ ਮਾਨ ਕਾਰਨ ਸ਼ੈਰੀ ਮਾਨ ਨੇ ਪਾਇਆ ਇਹ ਵੱਡਾ ਮੁਕਾਮ
NEXT STORY 
