ਮੁੰਬਈ: ਮਨੋਰੰਜਨ ਜਗਤ ਦੇ ਸਭ ਤੋਂ ਪਸੰਦੀਦਾ ਜੋੜਿਆਂ ਵਿੱਚੋਂ ਇੱਕ ਮਾਹੀ ਵਿਜ ਅਤੇ ਜੈ ਭਾਨੁਸ਼ਾਲੀ ਨੇ ਅਧਿਕਾਰਤ ਤੌਰ 'ਤੇ ਆਪਣੇ ਵੱਖ ਹੋਣ ਦਾ ਐਲਾਨ ਕਰ ਦਿੱਤਾ ਹੈ। ਐਤਵਾਰ ਨੂੰ ਇੱਕ ਸਾਂਝਾ ਬਿਆਨ ਜਾਰੀ ਕਰਦਿਆਂ ਇਸ ਜੋੜੇ ਨੇ ਆਪਣੇ 14 ਸਾਲ ਪੁਰਾਣੇ ਵਿਆਹ ਨੂੰ ਖ਼ਤਮ ਕਰਨ ਦੀ ਜਾਣਕਾਰੀ ਸਾਂਝੀ ਕੀਤੀ। ਤਲਾਕ ਦੇ ਐਲਾਨ ਤੋਂ ਕੁਝ ਘੰਟਿਆਂ ਬਾਅਦ ਮਾਹੀ ਵਿਜ ਦੀਆਂ ਕੁਝ ਇੰਸਟਾਗ੍ਰਾਮ ਸਟੋਰੀਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ, ਜਿਨ੍ਹਾਂ ਵਿੱਚ ਨਿਰਾਸ਼ਾ ਅਤੇ ਚੰਗੇ ਇਨਸਾਨ ਬਣੇ ਰਹਿਣ ਬਾਰੇ ਲਿਖਿਆ ਸੀ। ਕਈ ਮੀਡੀਆ ਅਦਾਰਿਆਂ ਅਤੇ ਸੋਸ਼ਲ ਮੀਡੀਆ ਪੇਜਾਂ ਨੇ ਦਾਅਵਾ ਕੀਤਾ ਕਿ ਇਹ ਨੋਟਸ ਜੈ ਭਾਨੁਸ਼ਾਲੀ ਲਈ ਹਨ।
ਇਨ੍ਹਾਂ ਅਫਵਾਹਾਂ 'ਤੇ ਰੋਕ ਲਗਾਉਂਦੇ ਹੋਏ ਮਾਹੀ ਨੇ ਜੈ ਨਾਲ ਆਪਣੀ ਇੱਕ ਤਸਵੀਰ ਸਾਂਝੀ ਕੀਤੀ ਅਤੇ ਲਿਖਿਆ, "ਇਹ ਅਸੀਂ ਹਾਂ। ਲਾਈਕਸ ਅਤੇ ਕਮੈਂਟਸ ਲਈ ਮੀਡੀਆ ਕਿਸੇ ਵੀ ਪੱਧਰ ਤੱਕ ਡਿੱਗ ਸਕਦਾ ਹੈ। ਮੇਰੀਆਂ ਸਟੋਰੀਜ਼ ਜੈ ਲਈ ਨਹੀਂ ਹਨ, ਇਸ ਨੂੰ ਗੰਦਾ ਕਰਨਾ ਬੰਦ ਕਰੋ"। ਮਾਹੀ ਨੇ ਸਪੱਸ਼ਟ ਕੀਤਾ ਕਿ ਉਹ ਅਤੇ ਜੈ ਅਜੇ ਵੀ ਚੰਗੇ ਦੋਸਤ ਹਨ।
ਇਹ ਵੀ ਪੜ੍ਹੋ: ਧਰਮਿੰਦਰ ਦੇ ਦਿਹਾਂਤ ਮਗਰੋਂ ਹੇਮਾ ਮਾਲਿਨੀ ਨੇ ਪਹਿਲੀ ਵਾਰ ਤੋੜੀ ਚੁੱਪੀ; ਦੱਸਿਆ ਕਿਉਂ ਰੱਖੀ ਸੀ ਵੱਖ ਪ੍ਰਾਰਥਨਾ ਸਭਾ
ਕੋਈ 'ਵਿਲੇਨ' ਨਹੀਂ, ਸ਼ਾਂਤੀ ਨਾਲ ਲਿਆ ਫੈਸਲਾ
ਜੋੜੇ ਨੇ ਆਪਣੇ ਬਿਆਨ ਵਿੱਚ ਸਪੱਸ਼ਟ ਕੀਤਾ ਕਿ ਇਸ ਫੈਸਲੇ ਲਈ ਕੋਈ 'ਵਿਲੇਨ' ਜ਼ਿੰਮੇਵਾਰ ਨਹੀਂ ਹੈ ਅਤੇ ਉਹ ਡਰਾਮੇ ਦੀ ਬਜਾਏ ਸ਼ਾਂਤੀ ਨੂੰ ਤਰਜੀਹ ਦੇ ਰਹੇ ਹਨ। ਉਨ੍ਹਾਂ ਲਿਖਿਆ, "ਅੱਜ ਅਸੀਂ ਜ਼ਿੰਦਗੀ ਦੇ ਸਫ਼ਰ ਵਿੱਚ ਵੱਖ ਹੋਣ ਦੀ ਚੋਣ ਕਰ ਰਹੇ ਹਾਂ, ਪਰ ਅਸੀਂ ਹਮੇਸ਼ਾ ਇੱਕ-ਦੂਜੇ ਦਾ ਸਾਥ ਦਿੰਦੇ ਰਹਾਂਗੇ"। ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕਿਸੇ ਨਕਾਰਾਤਮਕ ਨਤੀਜੇ 'ਤੇ ਨਾ ਪਹੁੰਚਣ।
ਇਹ ਵੀ ਪੜ੍ਹੋ: ਸਿਨੇਮਾ ਜਗਤ ਨੂੰ ਵੱਡਾ ਝਟਕਾ; ਹੁਣ ਇਸ ਅਦਾਕਾਰ ਨੇ ਛੱਡੀ ਦੁਨੀਆ
ਬੱਚਿਆਂ ਦੀ ਮਿਲ ਕੇ ਕਰਨਗੇ ਪਰਵਰਿਸ਼
ਮਾਹੀ ਅਤੇ ਜੈ ਦੇ ਤਿੰਨ ਬੱਚੇ ਹਨ—ਤਾਰਾ, ਖੁਸ਼ੀ ਅਤੇ ਰਾਜਵੀਰ। ਜੋੜੇ ਨੇ ਵਚਨਬੱਧਤਾ ਜਤਾਈ ਹੈ ਕਿ ਉਹ ਆਪਣੇ ਬੱਚਿਆਂ ਲਈ ਸਭ ਤੋਂ ਵਧੀਆ ਮਾਪੇ ਅਤੇ ਦੋਸਤ ਬਣੇ ਰਹਿਣਗੇ ਅਤੇ ਉਨ੍ਹਾਂ ਦੀ ਪਰਵਰਿਸ਼ ਮਿਲ ਕੇ (Co-parenting) ਕਰਨਗੇ। ਦੱਸਣਯੋਗ ਹੈ ਕਿ ਇਸ ਜੋੜੇ ਨੇ ਸਾਲ 2011 ਵਿੱਚ ਵਿਆਹ ਕਰਵਾਇਆ ਸੀ। 2017 ਵਿੱਚ ਉਨ੍ਹਾਂ ਨੇ ਦੋ ਬੱਚਿਆਂ (ਖੁਸ਼ੀ ਅਤੇ ਰਾਜਵੀਰ) ਨੂੰ ਗੋਦ ਲਿਆ ਸੀ ਅਤੇ 2019 ਵਿੱਚ ਉਨ੍ਹਾਂ ਦੀ ਬੇਟੀ ਤਾਰਾ ਦਾ ਜਨਮ ਹੋਇਆ।
ਇਹ ਵੀ ਪੜ੍ਹੋ: ਵਿਆਹ ਦੇ 33 ਸਾਲਾਂ ਬਾਅਦ ਪਤੀ ਨੂੰ ਤਲਾਕ ਦਵੇਗੀ ਅਰਚਨਾ ਪੂਰਨ ਸਿੰਘ ?
ਪਹਿਲਾਂ ਵੀ ਉੱਡੀਆਂ ਸਨ ਅਫਵਾਹਾਂ
ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਨਵੰਬਰ ਵਿੱਚ ਵੀ ਇਸ ਜੋੜੇ ਦੇ ਵੱਖ ਹੋਣ ਦੀਆਂ ਅਫਵਾਹਾਂ ਉੱਡੀਆਂ ਸਨ, ਜਿਨ੍ਹਾਂ ਨੂੰ ਉਸ ਸਮੇਂ ਮਾਹੀ ਨੇ ਖਾਰਜ ਕਰ ਦਿੱਤਾ ਸੀ। ਹਾਲਾਂਕਿ, ਹੁਣ ਉਨ੍ਹਾਂ ਨੇ ਅਧਿਕਾਰਤ ਤੌਰ 'ਤੇ ਆਪਣੇ ਰਾਹ ਵੱਖ ਕਰਨ ਦਾ ਫੈਸਲਾ ਕਰ ਲਿਆ ਹੈ।
ਇਹ ਵੀ ਪੜ੍ਹੋ: ਮਨੋਰੰਜਨ ਜਗਤ ਤੋਂ ਆਈ ਮੰਦਭਾਗੀ ਖਬਰ; ਕੈਂਸਰ ਤੋਂ ਜੰਗ ਹਾਰਿਆ ਦਿੱਗਜ ਅਦਾਕਾਰ Ahn
Birthday ਮੌਕੇ ਦੀਪਿਕਾ ਪਾਦੁਕੋਣ ਦੀ ਖ਼ਾਸ ਪਹਿਲ ! ਲਾਂਚ ਕੀਤਾ ਆਨਸੈੱਟ ਪ੍ਰੋਗਰਾਮ, ਨਵੇਂ ਟੈਲੇਂਟ ਲਈ ਖੁੱਲੇਗਾ ਰਾਹ
NEXT STORY 
