ਐਂਟਰਟੇਨਮੈਂਟ ਡੈਸਕ : ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਅਤੇ ਪਰਿਣੀਤੀ ਚੋਪੜਾ ਤੋਂ ਬਾਅਦ ਹੁਣ ਚੋਪੜਾ ਪਰਿਵਾਰ ਦੀ ਇੱਕ ਹੋਰ ਧੀ ਦੁਲਹਨ ਬਣਨ ਜਾ ਰਹੀ ਹੈ। ਅਦਾਕਾਰਾ ਮੀਰਾ ਚੋਪੜਾ ਵਿਆਹ ਕਰਨ ਜਾ ਰਹੀ ਹੈ। ਸੋਮਵਾਰ 11 ਮਾਰਚ ਨੂੰ ਅਦਾਕਾਰਾ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਰਾਜਸਥਾਨ ਦੇ ਖੂਬਸੂਰਤ ਸ਼ਹਿਰ ਜੈਪੁਰ 'ਚ ਹੋ ਰਹੇ ਹਨ। ਮੀਰਾ ਚੋਪੜਾ ਦੀਆਂ ਮਹਿੰਦੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਜੈਪੁਰ 'ਚ ਹੋ ਰਹੀਆਂ ਨੇ ਵਿਆਹ ਦੀਆਂ ਰਸਮਾਂ
ਪ੍ਰਿਯੰਕਾ ਚੋਪੜਾ ਦੀ ਚਚੇਰੀ ਭੈਣ ਅਤੇ ਅਦਾਕਾਰਾ ਮੀਰਾ ਚੋਪੜਾ ਦਾ ਜੈਪੁਰ 'ਚ ਵਿਆਹ ਹੋ ਰਿਹਾ ਹੈ। ਅਦਾਕਾਰਾ ਮੰਗਲਵਾਰ ਨੂੰ ਪਰਿਵਾਰ ਅਤੇ ਦੋਸਤਾਂ ਦੀ ਮੌਜੂਦਗੀ 'ਚ ਕਾਰੋਬਾਰੀ ਰਕਸ਼ਿਤ ਕੇਜਰੀਵਾਲ ਨਾਲ ਵਿਆਹ ਦੇ ਬੰਧਨ 'ਚ ਬੱਝੇਗੀ। ਦੁਲਹਨ ਦੀ ਅੱਜ ਮਹਿੰਦੀ ਦੀ ਰਸਮ ਹੋਈ ਹੈ ਅਤੇ ਉਸ ਦੀ ਮਹਿੰਦੀ ਭਰੇ ਹੱਥਾਂ ਦੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਮੀਰਾ ਦੀ ਮਹਿੰਦੀ ਹੈ ਖ਼ਾਸ
ਤੁਸੀਂ ਤਸਵੀਰ 'ਚ ਦੇਖ ਸਕਦੇ ਹੋ ਕਿ ਮੀਰਾ ਨੇ ਆਪਣੇ ਹੋਣ ਵਾਲੇ ਪਤੀ ਦੇ ਨਾਮ ਦੀ ਆਰ. ਕੇ. ਮਹਿੰਦੀ ਨਾਲ ਆਪਣੇ ਹੱਥਾਂ 'ਤੇ ਲਿਖਿਆ ਹੈ। ਇਸ ਦੇ ਨਾਲ ਹੀ ਸ਼ਿਵ ਅਤੇ ਪਾਰਵਤੀ ਮੰਤਰ ਵੀ ਲਿਖੇ ਗਏ ਹਨ।
ਮੀਰਾ ਮਹਿੰਦੀ ਲੁੱਕ
ਇਸ ਮੌਕੇ ਅਭਿਨੇਤਰੀ ਸਫੈਦ ਫਲੋਰ-ਲੰਬਾਈ ਦੇ ਅਨਾਰਕਲੀ ਸੂਟ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ, ਜਦੋਂਕਿ ਲਾੜੇ ਨੇ ਨੀਲੇ ਰੰਗ ਦਾ ਥ੍ਰੀ-ਪੀਸ ਪਾਇਆ ਹੋਇਆ ਹੈ। ਦੱਸ ਦੇਈਏ ਕਿ ਇਸ ਜੋੜੇ ਨੇ 11 ਮਾਰਚ ਨੂੰ ਉਸੇ ਦਿਨ ਪ੍ਰੀ-ਵੈਡਿੰਗ ਫੰਕਸ਼ਨ ਰੱਖਿਆ ਹੈ। ਮਹਿੰਦੀ ਦੀ ਰਸਮ ਸ਼ਾਮ 5 ਵਜੇ ਸੀ। ਇਸ ਲਈ ਰਾਤ 8 ਵਜੇ ਸੰਗੀਤ ਅਤੇ ਕਾਕਟੇਲ ਪਾਰਟੀ ਸ਼ੁਰੂ ਹੋਈ।
ਭੈਣ ਪ੍ਰਿਅੰਕਾ ਚੋਪੜਾ ਨਹੀਂ ਹੋਵੇਗੀ ਸ਼ਾਮਲ
ਮੀਰਾ ਚੋਪੜਾ ਕੱਲ ਯਾਨੀ 12 ਮਾਰਚ ਨੂੰ ਰਕਸ਼ਿਤ ਨਾਲ ਵਿਆਹ ਦੇ ਬੰਧਨ 'ਚ ਬੱਝੇਗੀ। ਸਵੇਰੇ ਹਲਦੀ ਦੀ ਰਸਮ ਹੋਵੇਗੀ ਅਤੇ ਸ਼ਾਮ ਨੂੰ ਮੀਰਾ ਅਤੇ ਰਕਸ਼ਿਤ ਫੇਰੇ ਲੈਣਗੇ। ਭੈਣ ਪ੍ਰਿਯੰਕਾ ਚੋਪੜਾ ਇਸ ਵਿਆਹ 'ਚ ਸ਼ਾਮਲ ਨਹੀਂ ਹੋ ਰਹੀ ਹੈ। ਇਨ੍ਹੀਂ ਦਿਨੀਂ ਪੀਸੀ ਧੀ ਮੈਰੀ ਅਤੇ ਪਤੀ ਨਿਕ ਨਾਲ ਅਮਰੀਕਾ 'ਚ ਹੈ।
ਵਿਆਹ ਤੋਂ ਬਾਅਦ ਹੋਵੇਗੀ ਰਿਸੈਪਸ਼ਨ ਪਾਰਟੀ
ਵਿਆਹ ਜੈਪੁਰ ਦੇ ਕੁੰਡਾ ਦੇ ਇੱਕ ਲਗਜ਼ਰੀ ਹੋਟਲ 'ਚ ਹੋਵੇਗਾ। ਵਿਆਹ ਤੋਂ ਬਾਅਦ ਮੀਰਾ ਚੋਪੜਾ ਅਤੇ ਰਕਸ਼ਿਤ ਦੀ ਰਿਸੈਪਸ਼ਨ ਪਾਰਟੀ ਵੀ ਹੋਵੇਗੀ। ਜੋੜਾ ਪੂਲ ਸਾਈਡ ਰਿਸੈਪਸ਼ਨ ਦਾ ਆਨੰਦ ਮਾਣੇਗਾ। ਮੀਰਾ ਲੰਬੇ ਸਮੇਂ ਤੋਂ ਫਿਲਮੀ ਦੁਨੀਆ 'ਚ ਸਰਗਰਮ ਹੈ। ਉਹ 'ਸੈਕਸ਼ਨ 375', 'ਸਫੇਦ' ਵਰਗੀਆਂ ਫ਼ਿਲਮਾਂ ਲਈ ਜਾਣਿਆ ਜਾਂਦਾ ਹੈ।
ਰਾਮਾਇਣ ਵਿਚ ਰਣਬੀਰ ਕਪੂਰ ਨੂੰ 'ਸ਼੍ਰੀ ਰਾਮ' ਦਾ ਕਿਰਦਾਰ ਮਿਲਣ 'ਤੇ ਅਰੁਣ ਗੋਵਿਲ ਦਾ ਪਹਿਲਾ ਬਿਆਨ
NEXT STORY 
