ਨਵੀਂ ਦਿੱਲੀ (ਬਿਊਰੋ) : ਮਸ਼ਹੂਰ ਪੰਜਾਬੀ ਅਤੇ ਬਾਲੀਵੁੱਡ ਗਾਇਕ ਗੁਰੂ ਰੰਧਾਵਾ ਉਂਝ ਤਾਂ ਆਪਣੇ ਗਾਣਿਆਂ ਨੂੰ ਲੈ ਕੇ ਹਮੇਸ਼ਾ ਸੋਸ਼ਲ ਮੀਡੀਆ 'ਤੇ ਛਾਏ ਰਹਿੰਦੇ ਹਨ ਪਰ ਇਸ ਵੇਲੇ ਉਹ ਕਿਸੀ ਹੋਰ ਵਜ੍ਹਾ ਕਾਰਨ ਸੁਰਖੀਆਂ ਬਟੋਰ ਰਹੇ ਹਨ। ਹਾਲ ਹੀ 'ਚ ਗਾਇਕ ਗੁਰੂ ਰੰਧਾਵਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਲੜਕੀ ਨਾਲ ਤਸਵੀਰ ਸ਼ੇਅਰ ਕੀਤੀ, ਜਿਸ ਦੇ ਨਾਲ ਉਨ੍ਹਾਂ ਲਿਖਿਆ, 'ਨਵਾਂ ਸਾਲ ਨਵੀਂ ਸ਼ੁਰੂਆਤ।' ਗੁਰੂ ਰੰਧਾਵਾ ਦੇ ਨਾਲ 'ਮਿਸਟਰੀ ਗਰਲ' ਦੀ ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋਈ ਪਰ ਇਸ ਤਸਵੀਰ 'ਚ ਗੁਰੂ ਰੰਧਾਵਾ ਨੇ ਲੜਕੀ ਦਾ ਚਿਹਰਾ ਨਹੀਂ ਦਿਖਾਇਆ। ਬਸ ਦੋਵੇਂ ਹੱਥ ਫੜ੍ਹ ਕੇ ਇਕੱਠੇ ਮਸਤੀ ਕਰਦੇ ਨਜ਼ਰ ਆ ਰਹੇ ਸਨ। ਅਜਿਹੇ 'ਚ ਲੋਕਾਂ ਨੂੰ ਇਹ ਜਾਣਨ ਦੀ ਬੇਚੈਨੀ ਹੋ ਗਈ ਕਿ ਆਖ਼ਿਰ ਗੁਰੂ ਰੰਧਾਵਾ ਦੀ 'ਮਿਸਟਰੀ ਗਰਲ' ਕੌਣ ਹੈ ਅਤੇ ਕੀ ਗੁਰੂ ਰੰਧਾਵਾ ਮੰਗਣੀ ਕਰਨ ਵਾਲੇ ਹਨ?
ਇਨ੍ਹਾਂ ਸਾਰੀਆਂ ਅਟਕਲਾਂ ਦੌਰਾਨ ਹੁਣ ਗੁਰੂ ਰੰਧਾਵਾ ਨੇ ਖ਼ੁਦ ਪ੍ਰਸ਼ੰਸਕਾਂ ਦੇ ਸਾਰੇ ਸਵਾਲਾਂ ਦਾ ਜਵਾਬ ਦੇ ਦਿੱਤੀ ਹੈ ਤੇ 'ਮਿਸਟਰੀ ਗਰਲ' ਦੇ ਚਿਹਰੇ ਤੋਂ ਪਰਦਾ ਉਠਾ ਦਿੱਤਾ ਹੈ। ਗੁਰੂ ਰੰਧਾਵਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਹਾਲ ਹੀ 'ਚ ਇਕ ਹੋਰ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਲੜਕੀ ਨਜ਼ਰ ਆ ਰਹੀ ਹੈ, ਜਿਸ ਨਾਲ ਗਾਇਕ ਦੀ ਮੰਗਣੀ ਦੀ ਚਰਚਾ ਚੱਲ ਰਹੀ ਹੈ। ਗੁਰੂ ਦੀ ਇਸ ਤਸਵੀਰ 'ਚ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਆਖ਼ਰੀ ਫ਼ਿਲਮ 'ਦਿਲ ਬੇਚਾਰਾ' ਦੀ ਲੀਡ ਅਦਾਕਾਰਾ ਸੰਜਨਾ ਸੰਘੀ ਨਜ਼ਰ ਆ ਰਹੀ ਹੈ। ਜੀ ਹਾਂ, ਗੁਰੂ ਰੰਧਾਵਾ ਦੀ ਉਹ 'ਮਿਸਟਰੀ ਗਰਲ' ਸੰਜਨਾ ਸੰਘੀ ਹਨ ਪਰ ਇਸ ਤਸਵੀਰ ਨਾਲ ਗੁਰੂ ਨੇ ਇਹ ਵੀ ਸਾਫ਼ ਕਰ ਦਿੱਤਾ ਹੈ ਕਿ ਸੰਜਨਾ ਨਾਲ ਉਨ੍ਹਾਂ ਦਾ ਨਵਾਂ ਗੀਤ ਆ ਰਿਹਾ ਹੈ।
ਦੱਸ ਦੇਈਏ ਕਿ ਗੁਰੂ ਨੇ ਜਿਹੜੀ ਪਹਿਲਾਂ ਤਸਵੀਰ ਸ਼ੇਅਰ ਕੀਤੀ ਸੀ, ਉਸ 'ਤੇ ਕੁਝ ਬਾਲੀਵੁੱਡ ਸੈਲੇਬਸ ਨੇ ਵੀ ਵਧਾਈ ਦਿੱਤੀ ਸੀ, ਜਿਸ ਤੋਂ ਬਾਅਦ ਲੋਕਾਂ ਨੂੰ ਇਸ ਗੱਲ 'ਤੇ ਭਰੋਸਾ ਹੋ ਰਿਹਾ ਸੀ ਕਿ ਗੁਰੂ ਰੰਧਾਵਾ ਜਲਦ ਹੀ ਮੰਗਣੀ ਕਰਨ ਵਾਲੇ ਹਨ ਪਰ ਹੁਣ ਤਾਂ ਗੁਰੂ ਰੰਧਾਵਾ ਨੇ ਖ਼ੁਦ ਇਨ੍ਹਾਂ ਖ਼ਬਰਾਂ ਨੂੰ ਖਾਰਜ ਕਰ ਦਿੱਤਾ। ਹਾਲਾਂਕਿ ਆਪਣੀ ਤਸਵੀਰ ਨਾਲ ਗੁਰੂ ਰੰਧਾਵਾ ਨੇ ਗਾਣੇ ਦੇ ਨਾਂ ਤੇ ਥੀਮ ਸਬੰਧੀ ਕੋਈ ਜਾਣਕਾਰੀ ਸ਼ੇਅਰ ਨਹੀਂ ਕੀਤੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ ਵਿਚ ਜ਼ਰੂਰ ਦੱਸੋ।
ਬਜ਼ੁਰਗ ਬੀਬੀ ਨੂੰ ਗ਼ਲਤ ਬੋਲਣ ਦੇ ਮਾਮਲੇ 'ਚ ਕੰਗਣਾ ਰਣੌਤ ਖ਼ਿਲਾਫ਼ ਬਠਿੰਡਾ 'ਚ ਸ਼ਿਕਾਇਤ ਦਰਜ
NEXT STORY 
