ਨਵੀਂ ਦਿੱਲੀ (ਏਜੰਸੀ)- ਨਾਗਾਲੈਂਡ ਦੀ ਪਿੱਠਭੂਮੀ 'ਤੇ ਬਣੀ ਨਿਰਦੇਸ਼ਕ ਤੇਜਾ ਰੀਓ ਦੀ ਪਹਿਲੀ ਫੀਚਰ ਫਿਲਮ "ਅੰਗ" ਨੇ ਟੋਰਾਂਟੋ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ (TIFF) 2026 ਵਿੱਚ ਵੱਕਾਰੀ 'ਪਲੇਟਫਾਰਮ' ਮੁਕਾਬਲਾ ਜਿੱਤ ਲਿਆ ਹੈ। ਇਸ ਦੇ ਨਾਲ ਹੀ ਇਹ ਫਿਲਮ 2027 ਦੇ ਆਸਕਰ ਪੁਰਸਕਾਰਾਂ ਵਿੱਚ ਅੰਤਰਰਾਸ਼ਟਰੀ ਫੀਚਰ ਫਿਲਮ ਸ਼੍ਰੇਣੀ ਲਈ ਸਿੱਧੇ ਤੌਰ 'ਤੇ ਯੋਗ ਹੋ ਗਈ ਹੈ। ਇਹ ਇਸ ਸਾਲ TIFF ਦੇ 'ਪਲੇਟਫਾਰਮ' ਮੁਕਾਬਲੇ ਲਈ ਚੁਣੀ ਗਈ ਇਕਲੌਤੀ ਭਾਰਤੀ ਫਿਲਮ ਸੀ, ਜਿਸ ਨੇ ਐਤਵਾਰ ਨੂੰ ਇਸ ਸ਼੍ਰੇਣੀ ਦਾ ਸਰਵਉੱਚ ਪੁਰਸਕਾਰ ਆਪਣੇ ਨਾਂ ਕੀਤਾ।
ਇਸੇ ਸਾਲ ਤੋਂ ਲਾਗੂ ਹੋਏ ਨਵੇਂ ਨਿਯਮਾਂ ਮੁਤਾਬਕ 'ਪਲੇਟਫਾਰਮ' ਪ੍ਰਤੀਯੋਗਤਾ ਦੇ ਜੇਤੂ ਨੂੰ ਆਸਕਰ ਦੀ ਅੰਤਰਰਾਸ਼ਟਰੀ ਫੀਚਰ ਫ਼ਿਲਮ ਸ਼੍ਰੇਣੀ ਵਿੱਚ ਵਿਚਾਰ ਲਈ ਸਿੱਧੀ ਪਾਤਰਤਾ ਪ੍ਰਾਪਤ ਹੁੰਦੀ ਹੈ। TIFF ਦੀ 'ਪਲੇਟਫਾਰਮ' ਸ਼੍ਰੇਣੀ ਵਿੱਚ ਅਜਿਹੀਆਂ ਫ਼ਿਲਮਾਂ ਸ਼ਾਮਲ ਕੀਤੀਆਂ ਜਾਂਦੀਆਂ ਹਨ, ਜੋ ਨਿਰਦੇਸ਼ਕ ਦੀ ਵਿਲੱਖਣ ਸ਼ੈਲੀ, ਦਮਦਾਰ ਨਿਰਦੇਸ਼ਨ ਅਤੇ ਨਵੇਂ ਤਰੀਕੇ ਦੀ ਕਹਾਣੀ ਬਿਆਨ ਕਰਨ ਲਈ ਜਾਣੀਆਂ ਜਾਂਦੀਆਂ ਹਨ।
1960 ਦੇ ਦਹਾਕੇ ਦੇ ਨਾਗਾਲੈਂਡ ਦੀ ਪਿੱਠਭੂਮੀ 'ਤੇ ਬਣੀ "ਅੰਗ" ਕੋਨਿਆਕ ਪਿੰਡ ਦੇ ਇੱਕ ਬਜ਼ੁਰਗ ਮੁਖੀਆ ਅਤੇ ਉਸਦੇ ਪੁੱਤਰ ਦੀ ਕਹਾਣੀ ਹੈ। ਇਹ ਦੋਵੇਂ ਆਪਣੇ ਪੁਰਖਿਆਂ ਦੀ ਆਸਥਾ ਅਤੇ ਜੀਵਨਸ਼ੈਲੀ ਨੂੰ ਬਚਾਈ ਰੱਖਣ ਵਾਲੇ ਆਖਰੀ ਲੋਕਾਂ ਵਿੱਚ ਸ਼ਾਮਲ ਹਨ, ਜਦੋਂ ਉਨ੍ਹਾਂ ਦੇ ਆਲੇ-ਦੁਆਲੇ ਦੀ ਦੁਨੀਆ ਤੇਜ਼ੀ ਨਾਲ ਬਦਲ ਰਹੀ ਹੈ।
ਸਲਮਾਨ ਖਾਨ ਦੇ ਸਮਰਥਨ 'ਚ ਆਏ ਰੋਹਿਤ ਸ਼ੈੱਟੀ, ਟ੍ਰੋਲ ਕਰਨ ਵਾਲਿਆਂ ਨੂੰ ਕਿਹਾ- 'ਹੁਣ ਬਹੁਤ ਹੋ ਗਿਆ'
NEXT STORY 
