ਮੁੰਬਈ (ਬਿਊਰੋ)– ‘ਬਿੱਗ ਬੌਸ’ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦਾ ਕ੍ਰੇਜ਼ ਕਿਸੇ ਤੋਂ ਲੁਕਿਆ ਨਹੀਂ ਹੈ। ਜਦੋਂ ਫਿਨਾਲੇ ਦੀ ਗੱਲ ਆਉਂਦੀ ਹੈ ਤਾਂ ਲੋਕਾਂ ਦਾ ਕ੍ਰੇਜ਼ ਕੁਝ ਜ਼ਿਆਦਾ ਹੀ ਵੱਧ ਜਾਂਦਾ ਹੈ। ਕੁਝ ਦਿਨਾਂ ਬਾਅਦ ਹੀ ਸਪੱਸ਼ਟ ਹੋ ਜਾਵੇਗਾ ਕਿ ਇਸ ਵਾਰ ਟਰਾਫੀ ਕਿਸ ਦੇ ਨਾਂ ਹੋਵੇਗੀ। ਪੁਰਾਣੇ ਸੀਜ਼ਨ ਦੀ ਗੱਲ ਕਰੀਏ ਤਾਂ ਕਿਤੇ ਨਾ ਕਿਤੇ ਮੁਕਾਬਲੇਬਾਜ਼ਾਂ ਦੀ ਪ੍ਰਸਿੱਧੀ ਨੂੰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਉਹ ਸ਼ੋਅ ਦੀ ਵਿਜੇਤਾ ਹੋਵੇਗੀ ਪਰ ਇਸ ਵਾਰ ਦੋਵਾਂ ਮੁਕਾਬਲੇਬਾਜ਼ਾਂ ਵਿਚਾਲੇ ਬਰਾਬਰੀ ਦੀ ਟੱਕਰ ਹੈ।
ਪ੍ਰਿਅੰਕਾ ਚਾਹਰ ਚੌਧਰੀ, ਸ਼ਿਵ ਠਾਕਰੇ, ਐੱਮ. ਸੀ. ਸਟੈਨ, ਅਰਚਨਾ ਗੌਤਮ ਤੇ ਸ਼ਾਲੀਨ ਭਨੋਟ ਇਸ ਸਮੇਂ ‘ਬਿੱਗ ਬੌਸ’ 16’ ਦੇ ਟਾਪ 5 ’ਚ ਹਨ। ਜੇਕਰ ਉਨ੍ਹਾਂ ਨੂੰ ਲੋਕਾਂ ਤੋਂ ਮਿਲ ਰਹੇ ਹੁੰਗਾਰੇ ਵੱਲ ਧਿਆਨ ਦਿੱਤਾ ਜਾਵੇ ਤਾਂ ਸ਼ਿਵ ਤੇ ਪ੍ਰਿਅੰਕਾ ਅਖੀਰ ਤੱਕ ਜਾ ਸਕਦੇ ਹਨ। ਜਿਥੇ ਇਕ ਪਾਸੇ ਪ੍ਰਿਅੰਕਾ ਚਾਹਰ ਚੌਧਰੀ ਮਜ਼ਬੂਤ ਮੁਕਾਬਲੇਬਾਜ਼ ਹੈ ਤੇ ਉਹ ਹਰ ਮੁੱਦੇ ’ਤੇ ਖੁੱਲ੍ਹ ਕੇ ਗੱਲ ਕਰਦੀ ਹੈ, ਉਥੇ ਹੀ ਦੂਜੇ ਪਾਸੇ ਸ਼ਿਵ ਦਾ ਗੇਮ ਪਲਾਨ ਲੋਕਾਂ ਨੂੰ ਕਾਫੀ ਪਸੰਦ ਆਉਂਦਾ ਹੈ।
ਸੋਸ਼ਲ ਮੀਡੀਆ ’ਤੇ ਪ੍ਰਿਅੰਕਾ ਤੇ ਸ਼ਿਵ ਦੇ ਪ੍ਰਸ਼ੰਸਕਾਂ ਨੇ ਆਪਣੇ ਪਸੰਦੀਦਾ ਪ੍ਰਤੀਯੋਗੀ ਨੂੰ ਜੇਤੂ ਐਲਾਨ ਦਿੱਤਾ ਹੈ। ਟਵਿਟਰ ’ਤੇ ‘ਵਿਜੇ ਭਵ ਸ਼ਿਵ ਠਾਕਰੇ’ ਟਰੈਂਡ ਚੱਲ ਰਿਹਾ ਹੈ। ਪ੍ਰਿਅੰਕਾ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਦਾਅਵੇ ਵੀ ਕੀਤੇ ਜਾ ਰਹੇ ਹਨ। ਸਿਰਫ ਪ੍ਰਸ਼ੰਸਕ ਹੀ ਨਹੀਂ, ਹੁਣ ਤਾਂ ਖ਼ੁਦ ‘ਬਿੱਗ ਬੌਸ’ ਨੇ ਵੀ ਪ੍ਰਿਅੰਕਾ ਨੂੰ ਨੇਤਾ ਮੰਨ ਲਿਆ ਹੈ। ਹਾਲ ਹੀ ਦੇ ਇਕ ਪ੍ਰੋਮੋ ’ਚ ‘ਬਿੱਗ ਬੌਸ’ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ, ‘‘ਪ੍ਰਿਅੰਕਾ ਤੁਹਾਡੀ ਆਵਾਜ਼ ਭਾਵੇਂ ਪਰਿਵਾਰ ਵਾਲਿਆਂ ਨੂੰ ਪਸੰਦ ਨਾ ਆਈ ਹੋਵੇ ਪਰ ਇਹ ਲੋਕਾਂ ਦੇ ਦਿਲਾਂ ’ਚ ਜ਼ਰੂਰ ਪਹੁੰਚ ਗਈ ਹੈ। ਪ੍ਰਿਅੰਕਾ ਆਪਣੇ ਦੋਸਤ ਨਾਲ ਘਰ ਆਈ ਸੀ ਪਰ ਉਸ ਦੋਸਤ ਦੇ ਨਾਲ ਹੋਣ ਦੇ ਬਾਵਜੂਦ ਉਹ ਅਕਸਰ ਇਸ ਘਰ ’ਚ ਇਕੱਲੀ ਹੀ ਪੈ ਜਾਂਦੀ ਸੀ।’’
‘ਬਿੱਗ ਬੌਸ’ ਨੇ ਅੱਗੇ ਕਿਹਾ ਕਿ ਜਦੋਂ ਵੀ ‘ਬਿੱਗ ਬੌਸ ਸੀਜ਼ਨ 16’ ਦਾ ਨਾਮ ਲਿਆ ਜਾਵੇਗਾ, ਤੁਹਾਡੀ ਆਵਾਜ਼ ਲੋਕਾਂ ਦੇ ਦਿਮਾਗ ’ਚ ਜ਼ਰੂਰ ਆਵੇਗੀ। ਅਜਿਹੇ ’ਚ ‘ਬਿੱਗ ਬੌਸ 8’ ਦੇ ਜੇਤੂ ਗੌਤਮ ਗੁਲਾਟੀ ਵੀ ਪੂਰੀ ਤਰ੍ਹਾਂ ਪ੍ਰਿਅੰਕਾ ਦੇ ਪੱਖ ’ਚ ਨਜ਼ਰ ਆ ਰਹੇ ਹਨ।
ਸਿਰਫ ਗੌਤਮ ਹੀ ਨਹੀਂ ਉਹ ਸਿਤਾਰੇ ਵੀ ਪ੍ਰਿਅੰਕਾ ਨੂੰ ਸਪੋਰਟ ਕਰ ਰਹੇ ਹਨ, ਜਿਨ੍ਹਾਂ ਨੇ ਕਲਰਸ ਚੈਨਲ ਨਾਲ ਕੰਮ ਕੀਤਾ ਹੈ। ਸਰਗੁਣ ਮਹਿਤਾ ਵੀ ਪ੍ਰਸ਼ੰਸਕਾਂ ਨੂੰ ਪ੍ਰਿਅੰਕਾ ਨੂੰ ਵੋਟ ਕਰਨ ਦੀ ਅਪੀਲ ਕਰ ਰਹੀ ਹੈ। ਹੁਣ ਦੇਖਣਾ ਇਹ ਹੈ ਕਿ ਪ੍ਰਿਅੰਕਾ ਇਨ੍ਹਾਂ ਸਾਰੀਆਂ ਉਮੀਦਾਂ ’ਤੇ ਖਰੀ ਉਤਰਦੀ ਹੈ ਜਾਂ ਨਹੀਂ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਕਿਆਰਾ ਦਾ ਸਹੁਰੇ ਘਰ ਢੋਲ ਨਾਲ ਹੋਇਆ ਜ਼ੋਰਦਾਰ ਸੁਆਗਤ, ਪਤੀ ਸਿਡ ਨਾਲ ਕੀਤਾ ਡਾਂਸ
NEXT STORY 
