ਮੁੰਬਈ: ਹਾਲ ਹੀ ’ਚ ‘ਰਾਮਾਇਣ’ ਦੇ ਰਾਵਣ ਭਾਵ ਅਰਵਿੰਦ ਤ੍ਰਿਵੇਦੀ ਅਤੇ ‘ਸ਼ਕਤੀਮਾਨ’ ਮੁਕੇਸ਼ ਖੰਨਾ ਦੀ ਮੌਤ ਦੀ ਝੂਠੀ ਖ਼ਬਰ ਸੋਸ਼ਲ ਮੀਡੀਆ ’ਤੇ ਫੈਲੀ ਅਤੇ ਹੁਣ ਅਦਾਕਾਰ ਪਰੇਸ਼ ਰਾਵਲ ਦੇ ਦਿਹਾਂਤ ਦੀ ਝੂਠੀ ਖ਼ਬਰ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
ਸੋਸ਼ਲ ਮੀਡੀਆ ’ਤੇ ਇਕ ਪੋਸਟ ਵਾਇਰਲ ਹੋ ਰਹੀ ਹੈ ਜਿਸ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਪਰੇਸ਼ ਰਾਵਲ ਦਾ 14 ਮਈ ਨੂੰ ਸਵੇਰੇ 7 ਵਜੇ ਦਿਹਾਂਤ ਹੋ ਗਿਆ। ਦੇਖਦੇ ਹੀ ਦੇਖਦੇ ਇਹ ਪੋਸਟ ਸੋਸ਼ਲ ਮੀਡੀਆ ’ਤੇ ਅੱਗ ਦੀ ਤਰ੍ਹਾਂ ਵਾਇਰਲ ਹੋ ਗਈ। ਪਰੇਸ਼ ਰਾਵਲ ਵੀ ਆਪਣੇ ਦਿਹਾਂਤ ਦੀ ਅਫ਼ਵਾਹ ਨੂੰ ਦੇਖ ਹੈਰਾਨ ਰਹਿ ਗਏ ਅਤੇ ਉਨ੍ਹਾਂ ਨੇ ਇਸ ’ਤੇ ਇਕ ਬੇਹੱਦ ਹੀ ਮਜ਼ੇਦਾਰ ਪ੍ਰਤੀਕਿਰਿਆ ਦਿੱਤੀ।
ਦਿਹਾਂਤ ਦੀ ਅਫ਼ਵਾਹ ’ਤੇ ਅਦਾਕਾਰ ਨੇ ਦਿੱਤੀ ਇਹ ਪ੍ਰਤੀਕਿਰਿਆ
ਪਰੇਸ਼ ਰਾਵਲ ਨੇ ਟਵਿਟਰ ’ਤੇ ਆਪਣੇ ਦਿਹਾਂਤ ਦੀ ਅਫ਼ਵਾਹ ਵਾਲੇ ਵਾਇਰਲ ਪੋਸਟ ਨੂੰ ਕੋਟ ਕਰਦੇ ਹੋਏ ਲਿਖਿਆ ਕਿ ‘ਗ਼ਲਤਫਹਿਮੀ ਲਈ ਮੁਆਫ਼ੀ ਹੈ ਕਿਉਂਕਿ ਮੈਂ ਤਾਂ ਅੱਜ ਸਵੇਰੇ 7 ਵਜੇ ਸੁੱਤਾ ਸੀ’।
ਹਾਲ ਹੀ ਉੱਡੀ ਸੀ ਮੁਕੇਸ਼ ਖੰਨਾ ਦੇ ਦਿਹਾਂਤ ਦੀ ਝੂਠੀ ਖ਼ਬਰ
ਹਾਲ ਹੀ ’ਚ ਮੁਕੇਸ਼ ਖੰਨਾ ਦੇ ਦਿਹਾਂਤ ਦੀ ਖ਼ਬਰ ਫੈਲੀ ਸੀ। ਕਈ ਪ੍ਰਸ਼ੰਸਕ ਤਾਂ ਉਨ੍ਹਾਂ ਦੇ ਦਿਹਾਂਤ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਪੋਸਟ ਸਾਂਝੀ ਕਰਨ ਲੱਗੇ ਫਿਰ ਮੁਕੇਸ਼ ਖੰਨਾ ਨੂੰ ਸਫ਼ਾਈ ਦੇਣ ਲਈ ਸਾਹਮਣੇ ਆਉਣਾ ਪਿਆ। ਉਨ੍ਹਾਂ ਨੇ ਆਪਣੇ ਦਿਹਾਂਤ ਦੀਆਂ ਖ਼ਬਰਾਂ ਨੂੰ ਅਫ਼ਵਾਹ ਦੱਸਿਆ ਅਤੇ ਕਿਹਾ ਕਿ ਉਹ ਬਿਲਕੁੱਲ ਠੀਕ ਹਨ’।
ਬਾਲੀਵੁੱਡ ਹਸੀਨਾਵਾਂ ਜਿਨ੍ਹਾਂ ਦਾ ਵਿਆਹੇ ਬੰਦਿਆਂ 'ਤੇ ਆਇਆ ਦਿਲ ਪਰ ਪਰਵਾਨ ਨਾ ਚੜ੍ਹਿਆ ਪਿਆਰ
NEXT STORY 
