ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖ਼ਾਨ ਦੀ ਆਉਣ ਵਾਲੀ ਫ਼ਿਲਮ 'ਪਠਾਨ' ਦਾ ਐਕਸ਼ਨ ਭਰਪੂਰ ਟਰੇਲਰ ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ 'ਤੇ ਪ੍ਰਦਰਸ਼ਿਤ ਕੀਤਾ ਗਿਆ। ਬੁਰਜ ਖਲੀਫਾ ਸ਼ਨੀਵਾਰ ਨੂੰ ਸ਼ਾਹਰੁਖ ਅਤੇ ਦੀਪਿਕਾ ਪਾਦੂਕੋਣ ਦੇ 'ਪਠਾਨ' ਨਾਲ ਚਮਕਿਆ। ਇਸ ਮੌਕੇ ਬਾਲੀਵੁੱਡ ਦੇ ਕਿੰਗ ਖ਼ਾਨ ਅਤੇ ਫ਼ਿਲਮ ਦੇ ਨਿਰਦੇਸ਼ਕ ਸਿਧਾਰਥ ਆਨੰਦ ਵੀ ਪ੍ਰਸ਼ੰਸਕਾਂ 'ਚ ਮੌਜੂਦ ਸਨ।
ਦੁਬਈ 'ਚ ਕਿੰਗ ਖ਼ਾਨ ਦਾ ਸਵੈਗ
ਸ਼ਾਹਰੁਖ ਖ਼ਾਨ ਨੇ ਫ਼ਿਲਮ ਦੇ ਟ੍ਰੇਲਰ ਦਾ ਮਸ਼ਹੂਰ ਡਾਇਲਾਗ ਸੁਣਾਇਆ,'ਪਾਰਟੀ ਪਠਾਨ ਕੇ ਘਰ ਰੱਖੋਗੇ ਤੋਂ ਮਹਿਮਾਨ ਨਵਾਜੀ ਕੇ ਲਿਏ ਤੋਂ ਆਏਗਾ ਔਰ ਸਾਥ ਮੇਂ ਪਟਾਖੇ ਭੀ ਆਏਗੇ।' ਇਸ ਤੋਂ ਇਲਾਵਾ ਉਨ੍ਹਾਂ ਨੇ 'ਝੂਮੇ ਜੋ ਪਠਾਨ' ਗੀਤ 'ਤੇ ਪ੍ਰਸ਼ੰਸਕਾਂ ਲਈ ਸਟੈਪ ਵੀ ਕੀਤੇ। ਦੁਬਈ 'ਚ ਹੋਏ ਇਸ ਸਮਾਗਮ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
'ਪਠਾਨ' 'ਚ ਸ਼ਾਹਰੁਖ ਦੀ ਜਾਸੂਸ ਭੂਮਿਕਾ
'ਪਠਾਨ' 'ਚ ਸ਼ਾਹਰੁਖ ਨੇ ਦੇਸ਼ ਲਈ ਇੱਕ ਗੁਪਤ ਜਾਸੂਸ ਦੀ ਭੂਮਿਕਾ ਨਿਭਾਈ ਹੈ, ਜਿਸ ਕੋਲ ਮਾਰਨ ਦਾ ਲਾਇਸੈਂਸ ਵੀ ਹੈ। ਜੌਨ ਅਬ੍ਰਾਹਮ ਨੇ ਫ਼ਿਲਮ 'ਚ ਖਲਨਾਇਕ ਦਾ ਕਿਰਦਾਰ ਨਿਭਾਇਆ ਹੈ, ਜੋ ਭਾਰਤ 'ਤੇ ਘਾਤਕ ਅੱਤਵਾਦੀ ਹਮਲੇ ਦੀ ਯੋਜਨਾ ਬਣਾਉਂਦਾ ਹੈ। ਜੌਨ ਨੂੰ ਰੋਕਣ ਦੇ ਆਪਣੇ ਮਿਸ਼ਨ 'ਚ 'ਪਠਾਨ' ਨੂੰ ਦੀਪਿਕਾ ਪਾਦੂਕੋਣ ਦੀ ਮਦਦ ਮਿਲਦੀ ਹੈ, ਜੋ ਇੱਕ ਜਾਸੂਸ ਦੀ ਭੂਮਿਕਾ ਨਿਭਾ ਰਹੀ ਹੈ।
25 ਜਨਵਰੀ ਨੂੰ ਦੁਨੀਆ ਭਰ ਰਿਲੀਜ਼ ਹੋਵੇਗੀ 'ਪਠਾਨ'
ਸਿਧਾਰਥ ਆਨੰਦ ਦੁਆਰਾ ਨਿਰਦੇਸ਼ਿਤ ਇਹ ਫ਼ਿਲਮ 25 ਜਨਵਰੀ ਨੂੰ ਹਿੰਦੀ, ਤਾਮਿਲ ਅਤੇ ਤੇਲਗੂ 'ਚ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਹਾਲਾਂਕਿ ਟਰੇਲਰ 'ਚ ਨਜ਼ਰ ਨਹੀਂ ਆਏ, ਸਲਮਾਨ ਖ਼ਾਨ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਇਸ ਫ਼ਿਲਮ 'ਚ ਆਪਣੇ ਟਾਈਗਰ ਅੰਦਾਜ਼ 'ਚ ਇੱਕ ਕੈਮਿਓ ਰੋਲ ਨਿਭਾਉਣਗੇ।
ਇਹ ਵੀ ਦੱਸਿਆ ਗਿਆ ਹੈ ਕਿ YRF ਜਾਸੂਸੀ ਬ੍ਰਹਿਮੰਡ ਨੂੰ ਅੱਗੇ ਲਿਜਾਣਾ ਚਾਹੁੰਦਾ ਹੈ ਅਤੇ ਕ੍ਰੈਡਿਟ ਤੋਂ ਬਾਅਦ ਦੇ ਕ੍ਰਮ 'ਚ ਰਿਤਿਕ ਰੋਸ਼ਨ ਨੂੰ ਉਸ ਦੇ ਕਬੀਰ ਅੰਦਾਜ਼ 'ਚ ਦਿਖਾਇਆ ਜਾਵੇਗਾ।
ਨੋਟ - ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਰਾਹੀਂ ਸਾਡੇ ਨਾਲ ਜ਼ਰੂਰ ਸਾਂਝੀ ਕਰੋ।
ਗੈਰ-ਕਾਨੂੰਨੀ ਪਸ਼ੂ ਵਪਾਰ ਅਤੇ ਪਸ਼ੂ ਪ੍ਰੇਮੀ ’ਤੇ ਆਧਾਰਿਤ ਹੈ ਫ਼ਿਲਮ ‘ਲੱਕੜਬੱਘਾ’
NEXT STORY 
