ਮੁੰਬਈ (ਬਿਊਰੋ)– ਰਣਵੀਰ ਸਿੰਘ ਤੇ ਜੌਨੀ ਸਿੰਸ ਦੀ ਐਡ ਸੋਸ਼ਲ ਮੀਡੀਆ ’ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਜਿਥੇ ਇਕ ਪਾਸੇ ਲੋਕ ਇਸ ਬੋਲਡ ਐਡ ਦਾ ਹਿੱਸਾ ਬਣ ਕੇ ਰਣਵੀਰ ਦੀ ਤਾਰੀਫ਼ ਕਰ ਰਹੇ ਹਨ, ਉਥੇ ਹੀ ਦੂਜੇ ਪਾਸੇ ਟੀ. ਵੀ. ਅਦਾਕਾਰਾ ਰਸ਼ਮੀ ਦੇਸਾਈ ਨੇ ਇਸ ਐਡ ਦੀ ਸਖ਼ਤ ਆਲੋਚਨਾ ਕੀਤੀ ਹੈ।
ਰਸ਼ਮੀ ਦੇਸਾਈ ਨੇ ਸੋਸ਼ਲ ਮੀਡੀਆ ’ਤੇ ਇਸ ਐਡ ਦੀ ਆਲੋਚਨਾ ਕੀਤੀ ਤੇ ਕਿਹਾ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਇਹ ਵਿਗਿਆਪਨ ਟੀ. ਵੀ. ਇੰਡਸਟਰੀ ਦਾ ‘ਅਪਮਾਨ’ ਹੈ। ਰਸ਼ਮੀ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ’ਤੇ ਰਣਵੀਰ ਸਿੰਘ ਤੇ ਜੌਨੀ ਸਿੰਸ ਦੀ ਐਡ ਵੀਡੀਓ ’ਤੇ ਪ੍ਰਤੀਕਿਰਿਆ ਦਿੰਦਿਆਂ ਲਿਖਿਆ ਕਿ ਇਸ ਨੂੰ ਦੇਖ ਕੇ ਉਹ ਬਹੁਤ ‘ਦੁੱਖ’ ਮਹਿਸੂਸ ਕਰ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇ ਵਾਲਾ ਦੇ ਸਾਲ 2024 ਦੇ ਪਹਿਲੇ ਗੀਤ ‘ਡਰਿੱਪੀ’ ਨੇ ਬਿੱਲਬੋਰਡ ’ਤੇ ਪਾਈ ਧੱਕ
‘ਸਾਡੇ ਨਾਲ ਹਮੇਸ਼ਾ ਛੋਟਾ ਸਲੂਕ ਕੀਤਾ ਜਾਂਦਾ ਹੈ’
ਰਸ਼ਮੀ ਨੇ ਕਿਹਾ ਕਿ ਟੀ. ਵੀ. ਅਦਾਕਾਰਾਂ ਨਾਲ ਹਮੇਸ਼ਾ ਛੋਟਾ ਸਲੂਕ ਕੀਤਾ ਜਾਂਦਾ ਹੈ। ਉਸ ਨੇ ਇਹ ਵੀ ਕਿਹਾ ਕਿ ਇਸ ਐਡ ’ਚ ਜੋ ਦਿਖਾਇਆ ਗਿਆ ਹੈ, ਅਜਿਹਾ ਕੁਝ ਵੀ ਟੀ. ਵੀ. ਸ਼ੋਅਜ਼ ’ਚ ਨਹੀਂ ਦਿਖਾਇਆ ਗਿਆ ਹੈ।
ਰਸ਼ਮੀ ਨੇ ਲਿਖਿਆ, ‘‘ਮੈਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਖ਼ੇਤਰੀ ਫ਼ਿਲਮ ਇੰਡਸਟਰੀ ਤੋਂ ਕੀਤੀ ਤੇ ਫਿਰ ਟੀ. ਵੀ. ਇੰਡਸਟਰੀ ’ਚ ਕੰਮ ਕਰਨਾ ਸ਼ੁਰੂ ਕੀਤਾ। ਲੋਕ ਇਸ ਨੂੰ ਛੋਟੀ ਸਕ੍ਰੀਨ ਕਹਿੰਦੇ ਹਨ। ਜਿਥੇ ਆਮ ਲੋਕ ਖ਼ਬਰਾਂ, ਕ੍ਰਿਕਟ, ਸਾਰੀਆਂ ਬਾਲੀਵੁੱਡ ਫ਼ਿਲਮਾਂ ਤੇ ਹੋਰ ਬਹੁਤ ਕੁਝ ਦੇਖਦੇ ਹਨ। ਇਸ ਰੀਲ ਨੂੰ ਦੇਖਣ ਤੋਂ ਬਾਅਦ, ਜਿਸ ਦੀ ਕਿਸੇ ਨੂੰ ਉਮੀਦ ਨਹੀਂ ਸੀ, ਮੈਨੂੰ ਲੱਗਾ ਕਿ ਇਹ ਪੂਰੀ ਟੀ. ਵੀ. ਇੰਡਸਟਰੀ ਤੇ ਟੀ. ਵੀ. ’ਤੇ ਕੰਮ ਕਰਨ ਵਾਲੇ ਲੋਕਾਂ ਦਾ ਅਪਮਾਨ ਹੈ ਕਿਉਂਕਿ ਸਾਡੇ ਨਾਲ ਹਮੇਸ਼ਾ ਛੋਟਾ ਸਲੂਕ ਕੀਤਾ ਜਾਂਦਾ ਹੈ ਤੇ ਅਜਿਹਾ ਮਹਿਸੂਸ ਕਰਵਾਇਆ ਜਾਂਦਾ ਹੈ। ਜਦੋਂ ਅਸੀਂ ਵੀ ਵੱਡੇ ਪਰਦੇ ’ਤੇ ਕੰਮ ਕਰਨਾ ਚਾਹੁੰਦੇ ਹਾਂ ਤਾਂ ਸਾਡੇ ਨਾਲ ਅਜਿਹਾ ਵਿਵਹਾਰ ਕੀਤਾ ਜਾਂਦਾ ਹੈ।’’
ਰਸ਼ਮੀ ਨੇ ਆਪਣੀ ਪੋਸਟ ’ਚ ਅੱਗੇ ਕਿਹਾ ਕਿ ਰਣਵੀਰ ਸਿੰਘ ਤੇ ਜੌਨੀ ਸਿੰਸ ਦੀ ਐਡ ’ਚ ਜੋ ਚੀਜ਼ਾਂ ਦਿਖਾਈ ਦਿੰਦੀਆਂ ਹਨ, ਉਹ ਛੋਟੇ ਪਰਦੇ ’ਤੇ ਨਹੀਂ, ਸਗੋਂ ਵੱਡੇ ਪਰਦੇ ’ਤੇ ਦਿਖਾਈਆਂ ਜਾਂਦੀਆਂ ਹਨ। ਉਸ ਨੇ ਲਿਖਿਆ, ‘‘ਹਰ ਕੋਈ ਸਖ਼ਤ ਮਿਹਨਤ ਕਰ ਰਿਹਾ ਹੈ ਪਰ ਅਫਸੋਸ ਇਹ ਸਭ ਟੀ. ਵੀ. ’ਤੇ ਨਹੀਂ ਦਿਖਾਇਆ ਗਿਆ। ਇਹ ਸਭ ਵੱਡੇ ਪਰਦੇ ’ਤੇ ਹੁੰਦਾ ਹੈ।’’
ਰਸ਼ਮੀ ਨੇ ਐਡ ਨੂੰ ‘ਥੱਪੜ ਵਾਂਗ’ ਦੱਸਿਆ
ਰਸ਼ਮੀ ਨੂੰ ਇਹ ਐਡ ਇੰਨੀ ਬੁਰੀ ਲੱਗੀ ਕਿ ਉਸ ਨੂੰ ਇਹ ‘ਥੱਪੜ ਵਾਂਗ’ ਲੱਗੀ। ਉਸ ਨੇ ਅੱਗੇ ਕਿਹਾ, ‘‘ਅਸਲ ’ਚ ਟੀ. ਵੀ. ਸ਼ੋਅਜ਼ ’ਚ ਕੁਝ ਵੀ ਗਲਤ ਨਹੀਂ ਦਿਖਾਇਆ ਗਿਆ ਹੈ ਪਰ ਮੇਰੇ ਅਨੁਸਾਰ ਇਹ ਟੀ. ਵੀ. ਇੰਡਸਟਰੀ ਲਈ ਇਕ ਹਕੀਕਤ ਜਾਂਚ ਹੈ ਕਿਉਂਕਿ ਮੈਨੂੰ ਲੱਗਦਾ ਹੈ ਕਿ ਇਹ ਇਕ ਥੱਪੜ ਵਾਂਗ ਹੈ। ਸ਼ਾਇਦ ਮੈਂ ਬਹੁਤ ਜ਼ਿਆਦਾ ਪ੍ਰਤੀਕਿਰਿਆ ਕਰ ਰਹੀ ਹਾਂ ਪਰ ਅਸੀਂ ਆਪਣੇ ਦਰਸ਼ਕਾਂ ਨੂੰ ਸੱਭਿਆਚਾਰ ਤੇ ਪਿਆਰ ਦਿਖਾਇਆ ਹੈ ਤੇ ਮੈਂ ਦੁਖੀ ਹਾਂ ਕਿਉਂਕਿ ਟੀ. ਵੀ. ਇੰਡਸਟਰੀ ’ਚ ਮੇਰਾ ਸਫ਼ਰ ਸਨਮਾਨਜਨਕ ਰਿਹਾ ਹੈ। ਮੈਨੂੰ ਉਮੀਦ ਹੈ ਕਿ ਤੁਸੀਂ ਮੇਰੀਆਂ ਭਾਵਨਾਵਾਂ ਨੂੰ ਸਮਝੋਗੇ।’’
ਰਣਵੀਰ ਪੁਰਸ਼ਾਂ ਦੀ ਸੈਕਸੁਅਲ ਹੈਲਥ ਕੇਅਰ ਕੰਪਨੀ ਦਾ ਬ੍ਰਾਂਡ ਅੰਬੈਸਡਰ ਹੈ। ਉਸ ਨੇ ਹਾਲ ਹੀ ’ਚ ਮਸ਼ਹੂਰ ਪੋਰਨ ਸਟਾਰ ਜੌਨੀ ਸਿੰਸ ਨਾਲ ਇਸ ਬ੍ਰਾਂਡ ਲਈ ਇਕ ਐਡ ਸ਼ੂਟ ਕੀਤੀ ਹੈ। ਇਸ ਐਡ ਦਾ ਬਿਰਤਾਂਤ ਟੀ. ਵੀ. ਦੇ ਸੱਸ-ਨੂੰਹ ਸੀਰੀਅਲ ਦੀ ਸ਼ੈਲੀ ’ਚ ਹੈ। ਰਸ਼ਮੀ ਦੀ ਗੱਲ ਕਰੀਏ ਤਾਂ ਉਹ ‘ਬਿੱਗ ਬੌਸ 15’ ਦਾ ਹਿੱਸਾ ਸੀ ਤੇ ‘ਬਿੱਗ ਬੌਸ ਓ. ਟੀ. ਟੀ.’ ’ਤੇ ਵੀ ਨਜ਼ਰ ਆਈ ਸੀ। ਉਹ ਏਕਤਾ ਕਪੂਰ ਦੇ ਟੀ. ਵੀ. ਸੀਰੀਅਲ ‘ਨਾਗਿਨ 6’ ’ਚ ਵੀ ਨਜ਼ਰ ਆਈ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਅਦਾਕਾਰਾ ਦੀਪਿਕਾ ਪਾਦੂਕੋਣ ਮੁੜ ਕਰੇਗੀ ਦੇਸ਼ ਦਾ ਨਾਂ ਰੋਸ਼ਨ
NEXT STORY 
