ਮੁੰਬਈ (ਏਜੰਸੀ)- ਬਾਲੀਵੁੱਡ ਅਦਾਕਾਰਾ ਸੈਯਾਮੀ ਖੇਰ ਨਿਰਦੇਸ਼ਕ ਪ੍ਰਿਯਦਰਸ਼ਨ ਦੀ ਫਿਲਮ 'ਹੈਵਾਨ' ਦੀ ਸ਼ਾਨਦਾਰ ਸਟਾਰ ਕਾਸਟ ਦਾ ਹਿੱਸਾ ਬਣ ਗਈ ਹੈ। ਬਾਲੀਵੁੱਡ ਦੇ ਦਮਦਾਰ ਸਿਤਾਰੇ ਅਕਸ਼ੈ ਕੁਮਾਰ ਅਤੇ ਸੈਫ ਅਲੀ ਖਾਨ ਫਿਲਮ 'ਹੈਵਾਨ' ਵਿੱਚ ਨਜ਼ਰ ਆਉਣਗੇ। ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ ਅਤੇ ਦਰਸ਼ਕ ਪਹਿਲਾਂ ਹੀ ਇਸ ਨੂੰ ਲੈ ਕੇ ਉਤਸ਼ਾਹਿਤ ਹਨ। ਫਿਲਮ 'ਹੈਵਾਨ' ਸੈਯਾਮੀ ਲਈ ਖਾਸ ਹੈ, ਕਿਉਂਕਿ ਇਹ ਉਸਦਾ ਪਹਿਲਾ ਮੌਕਾ ਹੈ ਜਦੋਂ ਉਹ ਅਕਸ਼ੈ, ਸੈਫ ਅਤੇ ਪ੍ਰਿਯਦਰਸ਼ਨ ਵਰਗੇ ਦਿੱਗਜਾਂ ਨਾਲ ਕੰਮ ਕਰ ਰਹੀ ਹੈ।
ਆਪਣੀ ਖੁਸ਼ੀ ਜ਼ਾਹਰ ਕਰਦੇ ਹੋਏ ਸੈਯਾਮੀ ਨੇ ਕਿਹਾ, "ਹੈਵਾਨ ਦੇ ਸੈੱਟ 'ਤੇ ਕਦਮ ਰੱਖਣਾ ਮੇਰੇ ਲਈ ਬਹੁਤ ਹੀ ਭਾਵੁਕ ਅਤੇ ਸੁੰਦਰ ਪਲ ਸੀ। ਮੈਨੂੰ ਅਜੇ ਵੀ ਯਾਦ ਹੈ ਜਦੋਂ ਮੈਂ ਛੋਟੀ ਸੀ ਅਤੇ ਥੀਏਟਰ ਵਿੱਚ ਬੈਠ ਕੇ ਅਕਸ਼ੈ ਸਰ ਨੂੰ ਇੱਕ ਨਵੇਂ ਅੰਦਾਜ਼ ਵਿੱਚ ਐਕਸ਼ਨ ਕਰਦੇ ਦੇਖ ਕੇ ਦੰਗ ਰਹਿ ਜਾਂਦੀ ਸੀ ਜਾਂ ਸੈਫ ਸਰ ਦੀ ਕਾਮੇਡੀ 'ਤੇ ਹੱਸਦੇ-ਹੱਸਦੇ ਲੋਟਪੋਟ ਹੋ ਜਾਂਦੀ ਸੀ। ਉਦੋਂ ਮੈਂ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਇੱਕ ਦਿਨ ਮੈਂ ਉਨ੍ਹਾਂ ਲੋਕਾਂ ਨਾਲ ਇਕ ਹੀ ਸੈੱਟ 'ਤੇ ਖੜ੍ਹੀ ਹੋਵਾਂਗੀ, ਜਿਨ੍ਹਾਂ ਦੀਆਂ ਫਿਲਮਾਂ ਨੇ ਮੈਨੂੰ ਸਿਨੇਮਾ ਨਾਲ ਪਿਆਰ ਕਰਨਾ ਸਿਖਾਇਆ ਸੀ।"
ਸੈਯਾਮੀ ਨੇ ਕਿਹਾ, ''ਅੱਜ ਜਦੋਂ ਮੈਂ ਸ਼ੂਟਿੰਗ 'ਤੇ ਆਲੇ-ਦੁਆਲੇ ਦੇਖਦੀ ਹਾਂ, ਤਾਂ ਮੈਨੂੰ ਆਪਣੇ ਆਪ ਨੂੰ ਯਾਦ ਦਿਵਾਉਣਾ ਪੈਂਦਾ ਹੈ ਕਿ ਇਹ ਹਕੀਕਤ ਹੈ। ਉਹੀ ਚਿਹਰੇ ਜੋ ਮੈਂ ਇੱਕ ਦਰਸ਼ਕ ਦੇ ਰੂਪ ਵਿੱਚ ਸਕ੍ਰੀਨ 'ਤੇ ਦੇਖਦੀ ਸੀ, ਮੈਂ ਅੱਜ ਉਨ੍ਹਾਂ ਨਾਲ ਫਰੇਮ ਸਾਂਝਾ ਕਰ ਰਹੀ ਹਾਂ ਅਤੇ ਫਿਰ ਪ੍ਰਿਯਦਰਸ਼ਨ ਸਰ ਹਨ, ਮੇਰੇ ਲਈ ਉਹ ਸਿਰਫ਼ ਇੱਕ ਨਿਰਦੇਸ਼ਕ ਨਹੀਂ ਹਨ, ਸਗੋਂ ਇੱਕ ਕਹਾਣੀਕਾਰ ਹਨ ਜਿਨ੍ਹਾਂ ਨੇ ਸਾਨੂੰ ਸਿਨੇਮਾ ਦੀਆਂ ਬਹੁਤ ਸਾਰੀਆਂ ਯਾਦਗਾਰੀ ਫਿਲਮਾਂ ਦਿੱਤੀਆਂ ਹਨ। ਉਨ੍ਹਾਂ ਦੀਆਂ ਫਿਲਮਾਂ ਦੇ ਕਾਰਨ ਹੀ ਮੈਨੂੰ ਫਿਲਮਾਂ ਨਾਲ ਇੰਨਾ ਲਗਾਅ ਹੋਇਆ ਅਤੇ ਅੱਜ ਉਨ੍ਹਾਂ ਦੇ ਨਿਰਦੇਸ਼ਨ ਹੇਠ ਕੰਮ ਕਰਨਾ ਮੇਰੇ ਲਈ ਇੱਕ ਸੁਪਨੇ ਦੇ ਸੱਚ ਹੋਣ ਵਰਗਾ ਹੈ। ਸ਼ੂਟਿੰਗ ਹੁਣੇ ਸ਼ੁਰੂ ਹੋਈ ਹੈ, ਪਰ ਮੈਂ ਹਰ ਪਲ ਨੂੰ ਮਹਿਸੂਸ ਕਰ ਰਹੀ ਹਾਂ। ਉਤਸ਼ਾਹ, ਘਬਰਾਹਟ ਅਤੇ ਸ਼ੁਕਰਗੁਜ਼ਾਰੀ ਨਾਲ ਭਰਪੂਰ ਹਾਂ। ਮੇਰਾ ਦਿਲ ਖੁਸ਼ੀ ਨਾਲ ਭਰਿਆ ਹੋਇਆ ਹੈ ਅਤੇ ਮੈਨੂੰ ਬਹੁਤ ਮਾਣ ਹੈ ਕਿ ਮੈਂ ਇਸ ਖਾਸ ਫਿਲਮ ਦਾ ਹਿੱਸਾ ਹਾਂ।'
'ਸਪਾਈਂਗ ਸਟਾਰ' ਨੂੰ 30ਵੇਂ ਬੁਸਾਨ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਦੀ ਨਵੀਂ ਮੁਕਾਬਲਾ ਸ਼੍ਰੇਣੀ 'ਚ ਕੀਤਾ ਗਿਆ ਸ਼ਾਮਲ
NEXT STORY 
