ਮੁੰਬਈ : ਹਿੰਦੀ ਸਿਨੇਮਾ ਦੇ ਪਹਿਲੇ ਸੁਪਰਸਟਾਰ ਰਾਜੇਸ਼ ਖੰਨਾ ਦੇ ਕਰੀਅਰ ਵਿੱਚ ਸਾਲ 1969 ਇੱਕ ਅਜਿਹਾ ਮੀਲ ਪੱਥਰ ਸਾਬਤ ਹੋਇਆ ਜਿਸ ਨੇ ਉਨ੍ਹਾਂ ਦੀ ਕਿਸਮਤ ਪੂਰੀ ਤਰ੍ਹਾਂ ਬਦਲ ਦਿੱਤੀ। ਇਸ ਸਾਲ ਉਨ੍ਹਾਂ ਦੀਆਂ 6 ਫਿਲਮਾਂ ਰਿਲੀਜ਼ ਹੋਈਆਂ ਅਤੇ ਸਾਰੀਆਂ ਦੀਆਂ ਸਾਰੀਆਂ ਹਿੱਟ ਰਹੀਆਂ, ਪਰ ਫਿਲਮ 'ਆਰਾਧਨਾ' ਨੇ ਜੋ ਇਤਿਹਾਸ ਰਚਿਆ, ਉਸ ਦੇ ਕਿੱਸੇ ਅੱਜ ਵੀ ਮਸ਼ਹੂਰ ਹਨ। ਹਾਲਾਂਕਿ, ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਇਸ 'ਆਲ ਟਾਈਮ ਬਲਾਕਬਸਟਰ' ਫਿਲਮ ਨੂੰ ਬਣਾਉਣ ਸਮੇਂ ਕਈ ਮੁਸੀਬਤਾਂ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਸ਼ੁਰੂਆਤ ਵਿੱਚ ਇਸ ਦੇ ਫਲਾਪ ਹੋਣ ਦਾ ਡਰ ਸੀ।
ਇਹ ਵੀ ਪੜ੍ਹੋ: ਸਿਰਫ 18 ਸਾਲ ਦੀ ਉਮਰ 'ਚ ਖਰੀਦੀ ਕਰੋੜਾਂ ਦੀ ਲਗਜ਼ਰੀ ਕਾਰ, ਜਾਣੋ ਆਖਿਰ ਕੌਣ ਹੈ ਇਹ ਅਦਾਕਾਰਾ ?
ਨਾਮ ਬਦਲਣ ਤੋਂ ਲੈ ਕੇ ਕਾਸਟਿੰਗ ਤੱਕ ਦੀਆਂ ਮੁਸ਼ਕਲਾਂ
ਫਿਲਮ ਦੇ ਨਿਰਦੇਸ਼ਕ ਸ਼ਕਤੀ ਸਾਮੰਤ ਨੇ ਪਹਿਲਾਂ ਇਸ ਫਿਲਮ ਦਾ ਨਾਮ 'ਸੁਬਹ ਪਿਆਰ ਕੀ' ਰੱਖਿਆ ਸੀ, ਪਰ ਬਾਅਦ ਵਿੱਚ ਇਸ ਨੂੰ ਬਦਲ ਕੇ 'ਆਰਾਧਨਾ' ਕਰ ਦਿੱਤਾ ਗਿਆ। ਇਹ ਕਹਾਣੀ ਹਾਲੀਵੁੱਡ ਫਿਲਮ 'ਟੂ ਈਚ ਹਿਜ਼ ਓਨ' (To Each His Own) ਤੋਂ ਪ੍ਰੇਰਿਤ ਸੀ। ਫਿਲਮ ਦੀ ਮੁੱਖ ਅਦਾਕਾਰਾ ਲਈ ਪਹਿਲਾਂ ਅਪਰਨਾ ਸੇਨ ਨੂੰ ਚੁਣਿਆ ਗਿਆ ਸੀ, ਪਰ ਸ਼ੂਟਿੰਗ ਤੋਂ ਕੁਝ ਦਿਨ ਪਹਿਲਾਂ ਉਨ੍ਹਾਂ ਨੇ ਮਨ੍ਹਾ ਕਰ ਦਿੱਤਾ, ਜਿਸ ਤੋਂ ਬਾਅਦ ਸ਼ਰਮੀਲਾ ਟੈਗੋਰ ਦੀ ਐਂਟਰੀ ਹੋਈ।
ਇਹ ਵੀ ਪੜ੍ਹੋ: ਰਣਵੀਰ ਸਿੰਘ ਨੇ ਵ੍ਹੀਲਚੇਅਰ ਕ੍ਰਿਕਟਰ ਭੀਮਾ ਖੁੰਟੀ ਨਾਲ ਕੀਤੀ ਮੁਲਾਕਾਤ, ਹਰ ਪਾਸੇ ਹੋਣ ਲੱਗੀ ਚਰਚਾ
ਰਾਜੇਸ਼ ਖੰਨਾ ਨੂੰ ਇੰਝ ਮਿਲਿਆ 'ਡਬਲ ਰੋਲ'
ਹੈਰਾਨੀ ਦੀ ਗੱਲ ਇਹ ਹੈ ਕਿ ਫਿਲਮ ਦੇ ਪਹਿਲੇ ਹਾਫ ਵਿੱਚ ਹੀ ਰਾਜੇਸ਼ ਖੰਨਾ ਦੇ ਕਿਰਦਾਰ ਦੀ ਮੌਤ ਹੋਣੀ ਸੀ। ਲੇਖਕ ਗੁਲਸ਼ਨ ਨੰਦਾ ਦੇ ਸੁਝਾਅ 'ਤੇ ਫਿਲਮ ਵਿੱਚ ਬਦਲਾਅ ਕੀਤੇ ਗਏ ਅਤੇ ਰਾਜੇਸ਼ ਖੰਨਾ ਨੂੰ ਡਬਲ ਰੋਲ ਦਿੱਤਾ ਗਿਆ। ਫਿਲਮ ਵਿੱਚ ਰਾਜੇਸ਼ ਖੰਨਾ ਨੇ ਪਿਓ ਅਤੇ ਪੁੱਤ (ਅਰੁਣ ਅਤੇ ਸੂਰਜ) ਦੀ ਦੋਹਰੀ ਭੂਮਿਕਾ ਨਿਭਾਈ ਸੀ। ਇਸ ਤੋਂ ਇਲਾਵਾ, ਫਿਲਮ ਦਾ ਕਲਾਈਮੈਕਸ ਵੀ ਆਖਰੀ ਸਮੇਂ 'ਤੇ ਬਦਲਣਾ ਪਿਆ ਕਿਉਂਕਿ ਇਹ ਇੱਕ ਹੋਰ ਫਿਲਮ 'ਏਕ ਸ਼੍ਰੀਮਾਨ ਏਕ ਸ਼੍ਰੀਮਤੀ' ਨਾਲ ਮਿਲਦਾ-ਜੁਲਦਾ ਸੀ।
ਇਹ ਵੀ ਪੜ੍ਹੋ: 'ਧੁਰੰਦਰ' ਦੀ ਯਲੀਨਾ ਦੇ ਹੱਥ ਲੱਗਾ ਵੱਡਾ ਪ੍ਰੋਜੈਕਟ ! ਨਿਭਾਏਗੀ 50 ਦੇ ਦਹਾਕੇ ਦੀ ਇਸ ਮਸ਼ਹੂਰ ਅਦਾਕਾਰਾ ਦਾ ਕਿਰਦਾਰ
ਠੰਡਾ ਰਿਹਾ ਸੀ ਪਹਿਲਾ ਹਫਤਾ, ਫਿਰ ਪਲਟੀ ਕਿਸਮਤ
ਜਦੋਂ ਫਿਲਮ ਰਿਲੀਜ਼ ਹੋਈ ਤਾਂ ਡਿਸਟ੍ਰੀਬਿਊਟਰਾਂ ਨੂੰ ਇਸ ਤੋਂ ਜ਼ਿਆਦਾ ਉਮੀਦਾਂ ਨਹੀਂ ਸਨ, ਕਿਉਂਕਿ ਉਸ ਸਮੇਂ ਰਾਜੇਸ਼ ਖੰਨਾ ਇੰਡਸਟਰੀ ਵਿੱਚ ਨਵਾਂ ਚਿਹਰਾ ਸਨ। ਮੁੰਬਈ ਅਤੇ ਦਿੱਲੀ ਦੇ ਪਹਿਲੇ ਸ਼ੋਅਜ਼ 'ਤੇ ਲੋਕਾਂ ਦਾ ਹੁੰਗਾਰਾ ਬਹੁਤ ਠੰਡਾ ਸੀ ਅਤੇ ਸਭ ਨੇ ਮੰਨ ਲਿਆ ਸੀ ਕਿ ਫਿਲਮ ਫਲਾਪ ਹੋ ਜਾਵੇਗੀ ਪਰ ਜਿਵੇਂ ਹੀ ਫਿਲਮ ਦੇ ਗੀਤ 'ਮੇਰੇ ਸਪਨੋਂ ਕੀ ਰਾਨੀ' ਅਤੇ 'ਰੂਪ ਤੇਰਾ ਮਸਤਾਨਾ' ਲੋਕਾਂ ਦੀ ਜ਼ੁਬਾਨ 'ਤੇ ਚੜ੍ਹੇ, ਸਿਨੇਮਾਘਰਾਂ ਦੇ ਬਾਹਰ ਲੰਬੀਆਂ ਕਤਾਰਾਂ ਲੱਗਣੀਆਂ ਸ਼ੁਰੂ ਹੋ ਗਈਆਂ ਅਤੇ ਇਕ ਮਹੀਨੇ ਦੇ ਅੰਦਰ ਹੀ ਥੀਏਟਰ 'ਹਾਊਸਫੁੱਲ' ਹੋਣ ਲੱਗੇ।
ਇਹ ਵੀ ਪੜ੍ਹੋ: ਟਰੰਪ ਨੇ ਦੇ 'ਤੀ ਚਿਤਾਵਨੀ: ‘ਹੋਰਮੁਜ਼ ਸਟ੍ਰੇਟ’ ਖੁੱਲ੍ਹੇਗਾ ਹੀ ਖੁੱਲ੍ਹੇਗਾ, ਚਾਹੇ ਇਰਾਨ ਸਹਿਯੋਗ ਕਰੇ ਜਾਂ ਨਾ
80 ਲੱਖ ਦੇ ਬਜਟ 'ਚ ਬਣੀ ਫਿਲਮ ਨੇ ਕੀਤੀ ਕਰੋੜਾਂ ਦੀ ਕਮਾਈ
IMDb ਦੀ ਰਿਪੋਰਟ ਅਨੁਸਾਰ, 'ਆਰਾਧਨਾ' ਦਾ ਬਜਟ ਕਰੀਬ 80 ਲੱਖ ਰੁਪਏ ਸੀ, ਜਦੋਂ ਕਿ ਇਸ ਨੇ ਬਾਕਸ ਆਫਿਸ 'ਤੇ 7 ਕਰੋੜ ਰੁਪਏ ਦੀ ਬੰਪਰ ਕਮਾਈ ਕੀਤੀ। ਰਾਜੇਸ਼ ਖੰਨਾ ਦੀ ਜੀਵਨੀ 'ਤੇ ਲਿਖੀ ਕਿਤਾਬ 'ਰਾਜੇਸ਼ ਖੰਨਾ: ਕੁਝ ਤੋ ਲੋਗ ਕਹੇਂਗੇ' ਵਿੱਚ ਦੱਸਿਆ ਗਿਆ ਹੈ ਕਿ ਇਸ ਫਿਲਮ ਦੀ ਸਫਲਤਾ ਨੇ ਰਾਜੇਸ਼ ਖੰਨਾ ਨੂੰ ਰਾਤੋ-ਰਾਤ ਦੇਸ਼ ਦਾ ਸਭ ਤੋਂ ਚਹੇਤਾ ਸਟਾਰ ਬਣਾ ਦਿੱਤਾ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਕੇਸ 'ਚ ਵੱਡੀ ਅਪਡੇਟ
NEXT STORY 
