ਮੁੰਬਈ (ਏਜੰਸੀ)- ਸੋਸ਼ਲ ਮੀਡੀਆ ਇੰਨਫਲਾਂਸਰ ਅਤੇ ਅਦਾਕਾਰਾ ਉਰਫੀ ਜਾਵੇਦ ਨੇ ਕਿਹਾ ਕਿ ਉਨ੍ਹਾਂ ਦਾ ਵੀਜ਼ਾ ਰਿਜੈਕਟ ਹੋਣ ਕਾਰਨ ਉਹ ਕਾਨਸ ਫਿਲਮ ਫੈਸਟੀਵਲ ਵਿੱਚ ਸ਼ਾਮਲ ਨਹੀਂ ਹੋ ਸਕੇਗੀ। ਉਰਫੀ ਜਾਵੇਦ ਦੇ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ ਕਿ ਉਹ ਇਸ ਸਾਲ ਦੇ ਕਾਨਸ ਫਿਲਮ ਫੈਸਟੀਵਲ ਵਿੱਚ ਆਪਣੀ ਧਮਾਕੇਦਾਰ ਐਂਟਰੀ ਨਾਲ ਸਾਰਿਆਂ ਨੂੰ ਹੈਰਾਨ ਕਰ ਦੇਵੇਗੀ ਪਰ ਦੁੱਖ ਦੀ ਗੱਲ ਹੈ ਕਿ ਉਰਫੀ ਇਸ ਵੱਕਾਰੀ ਸਮਾਗਮ ਵਿੱਚ ਸ਼ਾਮਲ ਨਹੀਂ ਹੋ ਸਕੇਗੀ, ਕਿਉਂਕਿ ਉਨ੍ਹਾਂ ਦਾ ਵੀਜ਼ਾ ਰਿਜੈਕਟ ਹੋ ਗਿਆ ਹੈ। ਹਾਲ ਹੀ ਵਿੱਚ, ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਭਾਵਨਾਤਮਕ ਪੋਸਟ ਸਾਂਝੀ ਕੀਤੀ ਅਤੇ ਇਸ ਰਿਜੈਕਸ਼ਨ ਬਾਰੇ ਆਪਣੇ ਵਿਚਾਰ ਪ੍ਰਗਟ ਕੀਤੇ।
ਇਹ ਵੀ ਪੜ੍ਹੋ: 2 ਇੰਚ ਤੋਂ ਜ਼ਿਆਦਾ High Heels ਪਹਿਨਣ ਲਈ ਇਸ ਸ਼ਹਿਰ 'ਚ ਲੈਣਾ ਪੈਦਾ ਹੈ ਪਰਮਿਟ, ਜਾਣੋ ਅਜੀਬ ਨਿਯਮ
ਉਰਫੀ ਨੇ ਲਿਖਿਆ, ਮੈਂ ਸੋਸ਼ਲ ਮੀਡੀਆ 'ਤੇ ਕੁਝ ਵੀ ਅਪਲੋਡ ਨਹੀਂ ਕੀਤਾ ਅਤੇ ਕਿਤੇ ਵੀ ਨਜ਼ਰ ਨਹੀਂ ਆਈ, ਕਿਉਂਕਿ ਮੈਂ ਇੱਕ ਪੜਾਅ ਵਿੱਚੋਂ ਲੰਘ ਰਹੀ ਸੀ। ਮੇਰਾ ਕਾਰੋਬਾਰ ਨਹੀਂ ਚੱਲਿਆ। ਮੈਂ ਕਈ ਚੀਜ਼ਾਂ ਟਰਾਈ ਕੀਤੀਆਂ ਪਰ ਉੱਥੇ ਵੀ ਮੈਨੂੰ ਰਿਜੈਕਸ਼ਨ ਹੀ ਮਿਲਿਆ। ਮੈਨੂੰ ਵੀ ਕਾਨਸ ਜਾਣ ਦਾ ਮੌਕਾ ਮਿਲਿਆ ਸੀ (ਦੀਪਾ ਖੋਸਲਾ ਅਤੇ ਕਸ਼ਿਤਿਜ ਕੰਕਰੀਆ ਦਾ ਬਹੁਤ ਧੰਨਵਾਦ) ਪਰ ਕਿਸਮਤ ਨੇ ਮੇਰੇ ਲਈ ਕੁਝ ਹੋਰ ਹੀ ਲਿਖਿਆ ਸੀ ਅਤੇ ਮੇਰਾ ਵੀਜ਼ਾ ਰਿਜੈਕਟ ਹੋ ਗਿਆ। ਕੁਝ ਕ੍ਰੇਜ਼ੀ ਪਹਿਰਾਵੇ ਦੇ ਆਈਡੀਆ 'ਤੇ ਕੰਮ ਕਰ ਰਹੀ ਸੀ। ਮੈਂ ਅਤੇ ਮੇਰੀ ਟੀਮ ਬਹੁਤ ਨਿਰਾਸ਼ ਹੋਏ। ਨਿਰਾਸ਼ਾ ਦੇ ਬਾਵਜੂਦ, ਉਰਫੀ ਨੇ ਇਸ ਰਿਜੈਕਸ਼ਨ ਨੂੰ ਪ੍ਰੇਰਨਾ ਵਿੱਚ ਬਦਲ ਦਿੱਤਾ ਅਤੇ ਆਪਣੇ ਪ੍ਰਸੰਸ਼ਕਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਵੀ ਆਪਣੀ ਰਿਜੈਕਸ਼ਨ ਸਟੋਰੀਜ਼ ਸਾਂਝੀਆਂ ਕਰਨ, ਜਿਸ ਨਾਲ ਇੱਕ-ਦੂਜੇ ਨੂੰ ਪ੍ਰੇਰਿਤ ਕੀਤਾ ਜਾ ਸਕੇ।
ਇਹ ਵੀ ਪੜ੍ਹੋ: ਅੱਖਾਂ 'ਚ ਹੰਝੂ ਅਤੇ ਜ਼ੁਬਾਨ 'ਤੇ ਰਾਧੇ-ਰਾਧੇ..., ਪ੍ਰੇਮਾਨੰਦ ਜੀ ਨਾਲ ਮੁਲਾਕਾਤ ਦੌਰਾਨ ਅਨੁਸ਼ਕਾ ਸ਼ਰਮਾ ਹੋਈ ਭਾਵੁਕ
ਉਨ੍ਹਾਂ ਲਿਖਿਆ, ਮੈਨੂੰ ਯਕੀਨ ਹੈ ਕਿ ਤੁਹਾਡੇ ਵਿੱਚੋਂ ਬਹੁਤ ਸਾਰੇ ਲੋਕ ਰਿਜੈਕਸ਼ਨ ਦਾ ਸਾਹਮਣਾ ਕਰ ਰਹੇ ਹੋਣਗੇ ਅਤੇ ਮੈਂ ਤੁਹਾਡੀਆਂ ਕਹਾਣੀਆਂ ਜਾਣਨਾ ਚਾਹੁੰਦੀ ਹਾਂ। ਆਓ ਇੱਕ-ਦੂਜੇ ਦਾ ਸਮਰਥਨ ਕਰੀਏ ਅਤੇ ਹੌਂਸਲਾ ਵਧਾਈਏ। ਰਿਜੈਕਸ਼ਨ ਦੁਨੀਆਂ ਦਾ ਅੰਤ ਨਹੀਂ ਹੁੰਦਾ। ਇਸ ਤੋਂ ਤੁਹਾਨੂੰ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਤ ਹੋਣਾ ਚਾਹੀਦਾ ਹੈ। ਕਿਰਪਾ ਕਰਕੇ #rejected ਦੀ ਵਰਤੋਂ ਕਰਕੇ ਆਪਣੀਆਂ ਸਟੋਰੀਆਂ ਸਾਂਝੀਆਂ ਕਰੋ ਅਤੇ ਮੈਨੂੰ ਟੈਗ ਕਰੋ। ਮੈਂ ਇਹਨਾਂ ਨੂੰ ਆਪਣੀਆਂ ਸਟੋਰੀਆਂ ਵਿੱਚ ਸਾਂਝਾ ਕਰਾਂਗੀ ਤਾਂ ਜੋ ਦੂਸਰੇ ਵੀ ਪ੍ਰੇਰਿਤ ਹੋ ਸਕਣ। ਰਿਜੈਕਸ਼ਨ ਤੋਂ ਬਾਅਦ ਉਦਾਸ ਹੋਣਾ ਅਤੇ ਰੋਣਾ ਆਮ ਗੱਲ ਹੈ। ਮੈਂ ਵੀ ਰੋਂਦੀ ਹਾਂ ਪਰ ਉਸ ਤੋਂ ਬਾਅਦ ਕੀ? ਹਰ ਰਿਜੈਕਸ਼ਨ ਵਿੱਚ ਇੱਕ ਮੌਕਾ ਛੁਪਿਆ ਹੁੰਦਾ ਹੈ, ਬੱਸ ਧਿਆਨ ਨਾਲ ਦੇਖੋ। ਜ਼ਿੰਦਗੀ ਵਿੱਚ ਇੰਨੇ ਸਾਰੇ ਰਿਜੈਕਸ਼ਨ ਤੋਂ ਬਾਅਦ ਵੀ ਮੈਂ ਰੁਕੀ ਨਹੀਂ, ਅਤੇ ਤੁਹਾਨੂੰ ਵੀ ਨਹੀਂ ਰੁਕਣਾ ਚਾਹੀਦਾ।
ਇਹ ਵੀ ਪੜ੍ਹੋ: ਮਸ਼ਹੂਰ ਸੋਸ਼ਲ ਮੀਡੀਆ ਇੰਨਫਲਾਂਸਰ 'ਤੇ ਹਮਲਾ, ਰੋਂਦੇ ਹੋਏ ਦੀ ਵੀਡੀਓ ਹੋਈ ਵਾਇਰਲ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
2 ਇੰਚ ਤੋਂ ਜ਼ਿਆਦਾ High Heels ਪਹਿਨਣ ਲਈ ਇਸ ਸ਼ਹਿਰ 'ਚ ਲੈਣਾ ਪੈਂਦਾ ਹੈ ਪਰਮਿਟ, ਜਾਣੋ ਅਜੀਬ ਨਿਯਮ
NEXT STORY 
