ਮੁੰਬਈ- ਸਾਲ 2021 ਬਾਲੀਵੁੱਡ ਲਈ ਕਈ ਮਾਇਨਿਆਂ 'ਤੋਂ ਫਿੱਕਾ ਰਿਹਾ ਹੈ। ਕੋਰੋਨਾ ਦੀ ਦੂਜੀ ਲਹਿਰ ਦੌਰਾਨ ਮਾਰਚ 'ਚ ਸਿਨੇਮਾਘਰਾਂ ਦੇ ਬੰਦ ਹੋਣ ਦੇ ਚੱਲਦੇ ਕਈ ਫਿਲਮਾਂ ਨੂੰ ਓ.ਟੀ.ਟੀ 'ਤੇ ਰਿਲੀਜ਼ ਕਰਨਾ ਪਿਆ ਪਰ ਇਥੇ ਵੀ ਇਨ੍ਹਾਂ ਫਿਲਮਾਂ ਨੂੰ ਚੰਗਾ ਰਿਸਪਾਂਸ ਨਹੀਂ ਮਿਲਿਆ। ਇਸ ਸਾਲ ਰਿਲੀਜ਼ ਹੋਣ ਵਾਲੀਆਂ ਕਈਆਂ ਫਿਲਮਾਂ ਅਜਿਹੀਆਂ ਸਨ ਜੋ ਦਰਸ਼ਕਾਂ ਦੇ ਨਾ ਤਾਂ ਦਿਲ 'ਚ ਉਤਰੀਆਂ, ਨਾ ਹੀ ਦਿਮਾਗ 'ਚ, ਕੁੱਲ ਮਿਲਾ ਕੇ ਫਿੱਕੀਆਂ ਰਹੀਆਂ। ਹੁਣ ਸਾਲ ਖਤਮ ਹੋਣ ਵਾਲਾ ਹੈ। ਅਜਿਹੇ 'ਚ ਅਸੀਂ ਤੁਹਾਨੂੰ ਯਾਦ ਦਿਵਾਉਣਾ ਚਾਹੁੰਦੇ ਹਾਂ ਕਿ ਅਜਿਹੀਆਂ ਹੀ ਕੁਝ ਫਿਲਮਾਂ ਜੋ ਆਪਣਾ ਅਸਰ ਛੱਡਣ 'ਚ ਪੂਰੀ ਤਰ੍ਹਾਂ ਨਾਲ ਨਾਕਾਮ ਰਹੀਆਂ। ਆਓ ਇਕ ਨਜ਼ਰ ਮਾਰਦੇ ਹਾਂ ਅਜਿਹੀਆਂ ਹੀ ਪੰਜ ਬਾਲੀਵੁੱਡ ਫਿਲਮਾਂ 'ਤੇ, ਜਿਨ੍ਹਾਂ ਨੂੰ ਆਈ.ਐੱਮ.ਡੀ.ਬੀ. ਰੇਟਿੰਗ ਦੇ ਆਧਾਰ 'ਤੇ ਚੁਣਿਆ ਗਿਆ ਹੈ।
1. ਰਾਧੇ: ਯੋਰ ਮੋਸਟ ਵਾਂਟਿੰਡ ਭਾਈ
ਇਸ ਲਿਸਟ 'ਚ ਸਭ ਤੋਂ ਪਹਿਲਾਂ ਨੰਬਰ ਆਉਂਦਾ ਹੈ ਫਿਲਮ 'ਰਾਧੇ: ਯੋਰ ਮੋਸਟ ਵਾਂਟਿੰਡ ਭਾਈ' ਦਾ। ਫਿਲਮ ਨੂੰ ਸਲਮਾਨ ਖ਼ਾਨ ਵਰਗਾ ਸੁਪਰਸਟਾਰ ਵੀ ਬਚਾ ਨਹੀਂ ਪਾਇਆ ਅਤੇ ਇਹ ਬੇਅਸਰ ਸਾਬਿਤ ਹੋਈ। ਈਦ 'ਤੇ ਰਿਲੀਜ਼ ਹੋਈ ਇਸ ਫਿਲਮ ਨੂੰ ਆਈ.ਐੱਮ.ਡੀ.ਬੀ. 'ਤੇ 10 'ਚੋਂ 1.9 ਦੀ ਰੇਟਿੰਗ ਹੀ ਮਿਲ ਸਕੀ।
2. ਹੰਗਾਮਾ 2
ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਨੇ ਇਸ ਫਿਲਮ ਨਾਲ ਇਕ ਲੰਬੇ ਸਮੇਂ ਤੋਂ ਬਾਅਦ ਪਰਦੇ 'ਤੇ ਵਾਪਸੀ ਕੀਤੀ। ਆਪਣੇ ਸੁਪਰਹਿੱਟ ਸਾਂਗ 'ਚੁਰਾ ਕੇ ਦਿਲ ਤੇਰਾ' 'ਤੇ ਦੁਬਾਰਾ ਭੂਮਿਕਾ ਨਿਭਾਉਣ ਦੇ ਬਾਵਜੂਦ ਵੀ 'ਹੰਗਾਮਾ 2' ਬੁਰੀ ਤਰ੍ਹਾਂ ਫਲਾਪ ਹੋ ਗਈ। ਫਿਲਮ ਨੂੰ ਲੈ ਕੇ ਕਈ ਮੀਮਸ ਵਾਇਰਲ ਹੋਏ ਹਾਲਾਂਕਿ ਰਾਜਪਾਲ ਯਾਦਵ ਦੀ ਕਾਮੇਡੀ ਨੂੰ ਦਰਸ਼ਕਾਂ ਨੇ ਪਸੰਦ ਕੀਤਾ। ਇਸ ਨੂੰ ਆਈ.ਐੱਮ.ਡੀ.ਬੀ. 'ਤੇ 10 'ਚੋਂ 3.1 ਰੇਟਿੰਗ ਹੀ ਮਿਲੀ।
3. ਸਰਦਾਰ ਦਾ ਗ੍ਰੈਂਡਸਨ
ਅਦਾਕਾਰ ਅਰਜੁਨ ਕਪੂਰ ਤੇ ਰਕੁਲ ਪ੍ਰੀਤ ਸਿੰਘ ਦੀ ਜੋੜੀ ਵੀ ਕੁਝ ਖਾਸ ਕਮਾਲ ਨਹੀਂ ਕਰ ਪਾਈ। ਇਥੇ ਤੱਕ ਕਿ ਕਮਾਲ ਦੀ ਅਦਾਕਾਰਾ ਨੀਨਾ ਗੁਪਤਾ ਵੀ ਦਾਦੀ ਦੇ ਕਿਰਦਾਰ 'ਚ ਦਰਸ਼ਕਾਂ ਦਾ ਮਨ ਜਿੱਤਣ 'ਚ ਨਾਕਾਮਯਾਬ ਹੀ ਰਹੀ। ਇਸ ਦੇ ਨਾਲ ਹੀ ਫਿਲਮ ਨੂੰ ਆਈ.ਐੱਮ.ਡੀ.ਬੀ. 'ਤੇ 10 'ਚੋਂ 4.2 ਦੀ ਰੇਟਿੰਗ ਮਿਲੀ।
4. ਰੂਹੀ
ਹਾਰਦਿਕ ਮਹਿਤਾ ਹਾਰਰ ਕਾਮੇਡੀ ਫਿਲਮ 'ਰੂਹੀ' ਇਸਤਰੀ ਵਰਗਾ ਜਾਦੂ ਕਾਇਮ ਨਹੀਂ ਕਰ ਪਾਈ। ਫਿਲਮ 'ਚ ਰਾਜਕੁਮਾਰ ਰਾਓ, ਜ੍ਹਾਨਵੀ ਕਪੂਰ ਤੇ ਵਰੁਣ ਸ਼ਰਮਾ ਲੀਡ ਰੋਲ 'ਚ ਸਨ ਪਰ ਕਮਜ਼ੋਰ ਕਹਾਣੀ ਦੀ ਵਜ੍ਹਾ ਨਾਲ ਇਸ ਫਿਲਮ ਨੂੰ ਆਈ.ਐੱਮ.ਡੀ.ਬੀ. 'ਤੇ 10 'ਚੋਂ 4.3 ਰੇਟਿੰਗ ਹੀ ਮਿਲੀ।
5. ਦਿ ਗਰਲ ਆਨ ਦਿ ਟਰੇਨ
ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ ਅਦਿੱਤੀ ਰਾਓ ਹੈਦਰੀ ਦੀ ਇਹ ਫਿਲਮ ਇਸ ਨਾਂ ਨਾਲ ਸੁਪਰਹਿੱਟ ਹਾਲੀਵੁੱਡ ਫਿਲਮ ਦੀ ਰੀਮੇਕ ਸੀ। ਫਿਲਮ ਨੈੱਟਫਲਿਕਸ 'ਤੇ ਕਦੋਂ ਆਈ ਪਤਾ ਹੀ ਨਹੀਂ ਚੱਲਿਆ ਅਤੇ ਇਸ ਦੇ ਚੱਲਦੇ ਇਸ ਨੂੰ 10 'ਚੋਂ 4.4 ਦੀ ਰੇਟਿੰਗ ਹੀ ਮਿਲ ਸਕੀ।
ਪਨਵੇਲ ਸਥਿਤ ਫਾਰਮ ਹਾਊਸ 'ਚ ਕ੍ਰਿਸਮਸ ਮਨਾਉਣ ਗਏ ਸਲਮਾਨ ਖਾਨ ਨੂੰ ਸੱਪ ਨੇ ਡੱਸਿਆ
NEXT STORY 
