ਗੈਜੇਟ ਡੈਸਕ– ਐਪਲ ਅਗਲੇ ਸਾਲ ਆਪਣੇ ਸਸਤੇ ਆਈਫੋਨ ਮਾਡਲ SE 2 ਨੂੰ ਲਾਂਚ ਕਰਨ ਵਾਲੀ ਹੈ। ਇਸ ਫੋਨ ਨੂੰ ਲੈ ਕੇ ਕਈ ਲੀਕਸ ਸਾਹਮਣੇ ਆ ਚੁੱਕੇ ਹਨ ਜਿਨ੍ਹਾਂ ’ਚ ਇਸ ਦੀ ਕੀਮਤ ਅਤੇ ਫੀਚਰਜ਼ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਗਈ ਹੈ। ਮੈਕ ਰੂਮਰਸ ਦੀ ਰਿਪੋਰਟ ਮੁਤਾਬਕ, ਐਪਲ iPhone SE 2 ਦਾ ਪ੍ਰੋਡਕਸ਼ਨ ਅਗਲੇ ਸਾਲ ਫਰਵਰੀ ’ਚ ਸ਼ੁਰੂ ਕਰੇਗੀ ਅਤੇ ਇਸ ਦੇ ਮਾਰਚ ’ਚ ਲਾਂਚ ਲਾਂਚ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
ਕੀਮਤ ਨੂੰ ਲੈ ਕੇ ਸਾਹਮਣੇ ਆਈ ਜਾਣਕਾਰੀ
ਕੀਮਤ ਦੀ ਗੱਲ ਕਰੀਏ ਤਾਂ iPhone SE 2 ਦੀ ਸ਼ੁਰੂਆਤੀ ਕੀਮਤ ਅਮਰੀਕਾ ’ਚ 399 ਡਾਲਰ (ਕਰੀਬ 28,000 ਰੁਪਏ) ਹੋ ਸਕਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਸ਼ੁਰੂ ’ਚ ਇਸ ਆਈਫੋਨ ਮਾਡਲ ਦੇ 20 ਤੋਂ 40 ਲੱਖ ਯੂਨਿਟਸ ਦੀ ਪ੍ਰੋਡਕਸ਼ਨ ਕੀਤੀ ਜਾਵੇਗੀ।
ਬਿਹਤਰ ਹੋਗੇ ਸਪੈਸ਼ੀਫਿਕੇਸ਼ੰਸ
iPhone SE 2 ਦਾ ਡਿਜ਼ਾਈਨ ਕਰੀਬ ਤਿੰਨ ਸਾਲ ਪੁਰਾਣੇ ਆਈਫੋਨ 8 ਵਰਗਾ ਹੀ ਹੋ ਸਕਦਾ ਹੈ। ਇਸ ਵਿਚ ਪਾਵਰਫੁੱਲ ਏ13 ਪ੍ਰੋਸੈਸਰ ਮਿਲਣ ਦੀ ਉਮੀਦ ਹੈ ਉਥੇ ਹੀ ਇਸ ਵਿਚ ਟੱਚ-ਆਈ.ਡੀ. ਬਟਨ ਵੀ ਸ਼ਾਮਲ ਹੇ ਸਕਦਾ ਹੈ।
ਦੋ ਸਟੋਰੇਜ ਆਪਸ਼ੰਸ
ਐਪਲ ਦਾ ਇਹ ਆਈਫੋਨ ਮਾਡਲ ਦੋ ਸਟੋਰੇਜ ਆਪਸ਼ੰਸ 3 ਜੀ.ਬੀ. ਰੈਮ+64 ਜੀ.ਬੀ. ਇੰਟਰਨਲ ਸਟੋਰੇਜ ਅਤੇ 3 ਜੀ.ਬੀ. ਰੈਮ+128 ਜੀ.ਬੀ. ਇੰਟਰਨਲ ਸਟੋਰੇਜ ’ਚ ਲਾਂਚ ਹੋ ਸਕਦਾ ਹੈ। ਰਿਪੋਰਟਾਂ ਮੁਤਾਬਕ, ਐਪਲ ਇਸ ਫੋਨ ’ਚ ਸਿੰਗਲ ਰੀਅਰ ਕੈਮਰਾ ਦੇਵੇਗੀ, ਇਸ ਦੇ ਨਾਲ ਹੀ ਇਸ ਵਿਚ ਐੱਲ.ਸੀ.ਡੀ. ਡਿਸਪਲੇਅ ਵੀ ਮਿਲ ਸਕਦੀ ਹੈ ਜਿਸ ਨੂੰ ਸ਼ਾਇਦ ਐੱਲ.ਜੀ. ਕੰਪਨੀ ਤਿਆਰ ਕਰ ਰਹੀ ਹੈ।
Gmail ’ਚ ਆਇਆ ਇਹ ਕਮਾਲ ਦਾ ਫੀਚਰ, ਇੰਝ ਕਰੇਗਾ ਕੰਮ
NEXT STORY 
