ਗੈਜੇਟ ਡੈਸਕ - ਫਰਵਰੀ ਦੇ ਪਿਆਰ ਭਰੇ ਮੌਸਮ 'ਚ ਆਪਣੇ ਪਾਰਟਨਰ ਜਾਂ ਕਰਸ਼ ਨੂੰ ਪ੍ਰਭਾਵਿਤ ਕਰਨ ਵਾਲਿਆਂ ਲਈ ਇੰਸਟਾਗ੍ਰਾਮ ਇਕ ਵੱਡੀ ਖੁਸ਼ਖਬਰੀ ਲੈ ਕੇ ਆਇਆ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ਨੇ ਵੈਲੇਨਟਾਈਨ ਡੇਅ ਨੂੰ ਖਾਸ ਬਣਾਉਣ ਲਈ ਸਟੋਰੀਜ਼, ਰੀਲਜ਼ ਅਤੇ ਚੈਟਸ 'ਚ ਕਈ ਧਮਾਕੇਦਾਰ ਬਦਲਾਅ ਕੀਤੇ ਹਨ। ਇਹ ਨਵੇਂ ਫੀਚਰਸ ਯੂਜ਼ਰਸ ਨੂੰ ਆਪਣੀਆਂ ਭਾਵਨਾਵਾਂ ਨੂੰ ਵਧੇਰੇ ਰਚਨਾਤਮਕ ਅਤੇ ਰੋਮਾਂਟਿਕ ਤਰੀਕੇ ਨਾਲ ਪ੍ਰਗਟ ਕਰਨ 'ਚ ਮਦਦ ਕਰਨਗੇ।
ਸਟੋਰੀਜ਼ ਅਤੇ ਰੀਲਜ਼ 'ਚ ਦਿਖੇਗਾ 'ਪਿਆਰ ਦਾ ਰੰਗ'
ਇੰਸਟਾਗ੍ਰਾਮ ਨੇ ਵਿਸ਼ੇਸ਼ ਤੌਰ 'ਤੇ ਵੈਲੇਨਟਾਈਨ ਡੇਅ ਲਈ ਐਨੀਮੇਟਡ ਫੋਂਟ ਅਤੇ ਟੈਕਸਟ ਇਫੈਕਟਸ ਪੇਸ਼ ਕੀਤੇ ਹਨ। ਹੁਣ ਤੁਸੀਂ ਆਪਣੀਆਂ ਤਸਵੀਰਾਂ ਨੂੰ ਹਾਰਟ-ਸ਼ੇਪਡ ਫ੍ਰੇਮ 'ਚ ਬਦਲ ਸਕਦੇ ਹੋ। ਇਸ ਤੋਂ ਇਲਾਵਾ, ਜੇਕਰ ਤੁਸੀਂ ਸਟੋਰੀ ਕਮੈਂਟਸ 'ਚ ਕੁਝ ਖਾਸ ਸ਼ਬਦ ਲਿਖਦੇ ਹੋ, ਤਾਂ ਸਕ੍ਰੀਨ 'ਤੇ ਸ਼ਾਨਦਾਰ ਐਨੀਮੇਸ਼ਨ ਦਿਖਾਈ ਦੇਣਗੇ। ਆਪਣੇ ਕਰੀਬੀਆਂ ਨੂੰ ਟੈਗ ਕਰਨ ਲਈ ਖਾਸ ਡਿਜ਼ਾਈਨ ਵਾਲੇ 'ਮੈਂਸ਼ਨ ਸਟਿੱਕਰ' ਵੀ ਲਾਂਚ ਕੀਤੇ ਗਏ ਹਨ।
ਚੈਟਿੰਗ ਦਾ ਅੰਦਾਜ਼ ਹੋਇਆ ਰੋਮਾਂਟਿਕ
ਸਿਰਫ਼ ਸਟੋਰੀਜ਼ ਹੀ ਨਹੀਂ, ਬਲਕਿ ਤੁਹਾਡੀ ਪਰਸਨਲ ਚੈਟ ਵੀ ਹੁਣ ਰੋਮਾਂਟਿਕ ਰੰਗ 'ਚ ਰੰਗੀ ਜਾਵੇਗੀ। ਇੰਸਟਾਗ੍ਰਾਮ ਨੇ ਚੈਟਸ ਲਈ ਨਵੀਂ ਵੈਲੇਨਟਾਈਨ ਥੀਮ ਲਾਂਚ ਕੀਤੀ ਹੈ, ਜੋ ਲਾਈਟ ਅਤੇ ਡਾਰਕ ਦੋਵਾਂ ਮੋਡਸ ਲਈ ਉਪਲਬਧ ਹੈ। ਇਸ ਦੇ ਨਾਲ ਹੀ 'ਇੰਸਟਾਗ੍ਰਾਮ ਨੋਟਸ' 'ਚ ਕਈ ਅਜਿਹੇ ਲੁਕਵੇਂ ਸ਼ਬਦ ਅਤੇ ਹਿੰਟ ਦਿੱਤੇ ਗਏ ਹਨ, ਜੋ ਟਾਈਪ ਕਰਦੇ ਹੀ ਖਾਸ ਡਿਜ਼ਾਈਨ ਨੂੰ ਟ੍ਰਿਗਰ ਕਰਦੇ ਹਨ।
ਵੀਡੀਓ ਐਡਿਟਿੰਗ ਲਈ ਨਵੇਂ ਟੂਲਸ
ਵੀਡੀਓ ਬਣਾਉਣ ਦੇ ਸ਼ੌਕੀਨਾਂ ਲਈ 'ਐਡਿਟਸ' ਐਪ 'ਚ ਹਾਰਟਬੀਟ ਅਤੇ ਹਾਰਪ ਵਰਗੇ ਸਾਊਂਡ ਇਫੈਕਟਸ ਸ਼ਾਮਲ ਕੀਤੇ ਗਏ ਹਨ। ਹਾਈ-ਐਨਰਜੀ ਵੀਡੀਓਜ਼ ਲਈ 100x ਸਪੀਡ ਕੰਟਰੋਲ ਵਰਗਾ ਸ਼ਾਨਦਾਰ ਫੀਚਰ ਵੀ ਦਿੱਤਾ ਗਿਆ ਹੈ, ਜਿਸ ਨਾਲ ਰੀਲਜ਼ ਬਣਾਉਣ ਦਾ ਮਜ਼ਾ ਦੁੱਗਣਾ ਹੋ ਜਾਵੇਗਾ।
ਸਿਰਫ਼ 16 ਫਰਵਰੀ ਤੱਕ ਮੌਕਾ
ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇੰਸਟਾਗ੍ਰਾਮ ਦੇ ਇਹ ਖਾਸ ਵੈਲੇਨਟਾਈਨ ਫੀਚਰਸ ਸਿਰਫ਼ 12 ਫਰਵਰੀ ਤੋਂ 16 ਫਰਵਰੀ ਤੱਕ ਹੀ ਉਪਲਬਧ ਰਹਿਣਗੇ। ਹਾਲਾਂਕਿ, ਐਡਿਟਸ ਐਪ ਵਿਚ ਦਿੱਤੇ ਗਏ ਟੂਲਸ ਹਮੇਸ਼ਾ ਲਈ ਵਰਤੇ ਜਾ ਸਕਣਗੇ। ਇਸ ਲਈ ਜੇਕਰ ਤੁਸੀਂ ਵੀ ਕਿਸੇ ਨੂੰ ਇੰਪ੍ਰੈਸ ਕਰਨਾ ਚਾਹੁੰਦੇ ਹੋ, ਤਾਂ ਤੁਰੰਤ ਇਹਨਾਂ ਨਵੇਂ ਅਪਡੇਟਸ ਦਾ ਫਾਇਦਾ ਉਠਾਓ।
Spam Calls ਤੋਂ ਮਿਲੇਗਾ ਛੁਟਕਾਰਾ ! TRAI ਲਿਆ ਰਿਹਾ ਨਵਾਂ ਨਿਯਮ; ਆਪਣੇ-ਆਪ ਬਲਾਕ ਹੋਣਗੇ ਫਰਜ਼ੀ ਨੰਬਰ
NEXT STORY 
