ਨਵੀਂ ਦਿੱਲੀ - ਕੀ ਤੁਹਾਡੇ ਘਰ 'ਚ ਵੀ 2-3 AC, ਕਈ ਗੀਜ਼ਰ ਜਾਂ ਮਾਈਕ੍ਰੋਵੇਵ ਵਰਗੇ ਭਾਰੀ ਬਿਜਲੀ ਉਪਕਰਨ ਚੱਲ ਰਹੇ ਹਨ? ਜੇਕਰ ਹਾਂ, ਤਾਂ ਤੁਹਾਨੂੰ ਆਪਣੇ ਬਿਜਲੀ ਕੁਨੈਕਸ਼ਨ 'ਚ ਤਬਦੀਲੀ ਕਰਨ ਦੀ ਤੁਰੰਤ ਲੋੜ ਹੋ ਸਕਦੀ ਹੈ। ਜੇਕਰ ਤੁਸੀਂ ਅਜਿਹਾ ਨਹੀਂ ਕਰਦੇ, ਤਾਂ ਬਿਜਲੀ ਵਿਭਾਗ ਵੱਲੋਂ ਤੁਹਾਡੇ 'ਤੇ ਸਖ਼ਤ ਕਾਰਵਾਈ ਕੀਤੀ ਜਾ ਸਕਦੀ ਹੈ ਅਤੇ ਤੁਹਾਡਾ ਕੁਨੈਕਸ਼ਨ ਵੀ ਕੱਟਿਆ ਜਾ ਸਕਦਾ ਹੈ।
ਕਦੋਂ ਪੈਂਦੀ ਹੈ ਥ੍ਰੀ-ਫੇਜ਼ ਕੁਨੈਕਸ਼ਨ ਦੀ ਲੋੜ?
ਸਰੋਤਾਂ ਅਨੁਸਾਰ, ਜਦੋਂ ਘਰ 'ਚ ਬਿਜਲੀ ਦੀ ਖਪਤ ਵਧ ਜਾਂਦੀ ਹੈ, ਤਾਂ ਸਿੰਗਲ ਫੇਜ਼ ਕੁਨੈਕਸ਼ਨ ਨੂੰ ਥ੍ਰੀ-ਫੇਜ਼ 'ਚ ਬਦਲਣਾ ਜ਼ਰੂਰੀ ਹੁੰਦਾ ਹੈ। ਆਮ ਤੌਰ 'ਤੇ, ਜੇਕਰ ਤੁਹਾਡੇ ਘਰ ਦਾ ਕੁੱਲ ਬਿਜਲੀ ਲੋਡ 5 ਤੋਂ 7 ਕਿਲੋਵਾਟ ਤੋਂ ਉੱਪਰ ਹੈ, ਤਾਂ ਥ੍ਰੀ-ਫੇਜ਼ ਕੁਨੈਕਸ਼ਨ ਲਗਵਾਉਣਾ ਲਾਜ਼ਮੀ ਹੋ ਜਾਂਦਾ ਹੈ। ਭਾਰਤ ਦੇ ਵੱਖ-ਵੱਖ ਰਾਜਾਂ ਦੇ ਡਿਸਕੌਮ ਨਿਯਮਾਂ ਅਨੁਸਾਰ, 5 ਕਿਲੋਵਾਟ ਤੋਂ ਵੱਧ ਲੋਡ ਹੋਣ 'ਤੇ ਇਹ ਕੁਨੈਕਸ਼ਨ ਲੈਣਾ ਜ਼ਰੂਰੀ ਹੈ।
ਇਨ੍ਹਾਂ ਸੰਕੇਤਾਂ ਵੱਲ ਦਿਓ ਧਿਆਨ
ਜੇਕਰ ਤੁਹਾਡੇ ਘਰ 'ਚ 2-3 AC, ਗੀਜ਼ਰ, ਪਾਣੀ ਦੀ ਮੋਟਰ, ਮਾਈਕ੍ਰੋਵੇਵ ਜਾਂ ਇੰਡਕਸ਼ਨ ਵਰਗੀਆਂ ਚੀਜ਼ਾਂ ਇੱਕਠੀਆਂ ਚੱਲਦੀਆਂ ਹਨ, ਤਾਂ ਤੁਹਾਡੀ ਖਪਤ ਜ਼ਿਆਦਾ ਹੈ। ਜੇਕਰ AC ਚਲਾਉਣ ਵੇਲੇ ਤੁਹਾਡੇ ਘਰ 'ਚ ਬਾਰ-ਬਾਰ ਟ੍ਰਿਪਿੰਗ ਹੁੰਦੀ ਹੈ ਜਾਂ ਬਿਜਲੀ ਦਾ ਲੋਡ ਘੱਟ ਹੋਣ ਕਾਰਨ ਲਾਈਟ ਡਿਮ ਹੋ ਜਾਂਦੀ ਹੈ, ਤਾਂ ਇਹ ਸਪੱਸ਼ਟ ਸੰਕੇਤ ਹੈ ਕਿ ਤੁਹਾਨੂੰ ਥ੍ਰੀ-ਫੇਜ਼ ਕੁਨੈਕਸ਼ਨ ਦੀ ਲੋੜ ਹੈ।
ਨਿਯਮਾਂ ਦੀ ਉਲੰਘਣਾ 'ਤੇ ਹੋਵੇਗੀ ਸਖ਼ਤ ਕਾਰਵਾਈ
ਇਲੈਕਟ੍ਰੀਸਿਟੀ ਐਕਟ 2003 ਦੇ ਅਨੁਸਾਰ, ਜੇਕਰ ਕੋਈ ਖਪਤਕਾਰ ਆਪਣੇ ਮਨਜ਼ੂਰਸ਼ੁਦਾ ਲੋਡ ਤੋਂ ਵੱਧ ਬਿਜਲੀ ਦੀ ਵਰਤੋਂ ਕਰਦਾ ਹੈ, ਤਾਂ ਇਸਨੂੰ ਬਿਜਲੀ ਦੀ ਗਲਤ ਵਰਤੋਂ ਮੰਨਿਆ ਜਾਂਦਾ ਹੈ। ਅਜਿਹੀ ਸਥਿਤੀ 'ਚ, ਬਿਜਲੀ ਵਿਭਾਗ ਵੱਲੋਂ ਭਾਰੀ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ ਅਤੇ ਕਈ ਗੁਣਾ ਵਾਧੂ ਚਾਰਜ ਵੀ ਵਸੂਲੇ ਜਾ ਸਕਦੇ ਹਨ।
ਇਸ ਲਈ, ਕਿਸੇ ਵੀ ਕਾਨੂੰਨੀ ਕਾਰਵਾਈ ਜਾਂ ਬਿਜਲੀ ਕੱਟੇ ਜਾਣ ਤੋਂ ਬਚਣ ਲਈ ਖਪਤਕਾਰਾਂ ਨੂੰ ਆਪਣੇ ਇਲਾਕੇ ਦੇ ਬਿਜਲੀ ਵਿਭਾਗ ਨਾਲ ਸੰਪਰਕ ਕਰਕੇ ਆਪਣੇ ਲੋਡ ਦੀ ਜਾਂਚ ਕਰਵਾਉਣੀ ਚਾਹੀਦੀ ਹੈ ਅਤੇ ਲੋੜ ਅਨੁਸਾਰ ਕੁਨੈਕਸ਼ਨ ਅਪਡੇਟ ਕਰਵਾਉਣਾ ਚਾਹੀਦਾ ਹੈ।
ਭਾਰਤ 'ਚ ਲਾਂਚ ਹੋਈ ਵੀਅਤਨਾਮ ਦੀ ਧਾਕੜ ਇਲੈਕਟ੍ਰਿਕ ਕਾਰ ! 30 ਮਿੰਟ ਚਾਰਜ ਕਰਨ 'ਤੇ ਚੱਲੇਗੀ 517KM
NEXT STORY 
