ਵੈੱਬ ਡੈਸਕ - ਗਰਮੀਆਂ ਦੇ ਮੌਸਮ 'ਚ ਜਿਨ੍ਹਾਂ ਘਰਾਂ 'ਚ AC ਨਹੀਂ ਹੁੰਦਾ, ਉਨ੍ਹਾਂ ਲਈ ਸਭ ਤੋਂ ਵੱਡੀ ਸਮੱਸਿਆ ਘਰ ਦੀ ਛੱਤ ਦਾ ਗਰਮ ਹੋਣਾ ਹੁੰਦੀ ਹੈ। ਤੇਜ਼ ਧੁੱਪ ਕਾਰਨ ਛੱਤ ਭੱਠੀ ਵਾਂਗ ਤਪਣ ਲੱਗਦੀ ਹੈ, ਖ਼ਾਸਕਰ ਜੇਕਰ ਤੁਸੀਂ ਟਾਪ ਫਲੋਰ 'ਤੇ ਰਹਿੰਦੇ ਹੋ। ਅਜਿਹੀ ਹਾਲਤ ਵਿੱਚ ਪੱਖਾ ਅਤੇ ਕੂਲਰ ਵੀ ਗਰਮ ਹਵਾ ਦੇਣ ਲੱਗਦੇ ਹਨ ਪਰ ਕੁਝ ਆਸਾਨ ਅਤੇ ਸਸਤੇ ਘਰੇਲੂ ਨੁਸਖਿਆਂ ਨਾਲ ਤੁਸੀਂ ਆਪਣੇ ਘਰ ਨੂੰ ਠੰਡਾ ਰੱਖ ਸਕਦੇ ਹੋ:
ਗ੍ਰੀਨ ਨੈੱਟ (ਹਰਾ ਜਾਲ)
- ਨਰਸਰੀਆਂ ਜਾਂ ਬਗੀਚਿਆਂ 'ਚ ਵਰਤਿਆ ਜਾਣ ਵਾਲਾ ਹਰਾ ਜਾਲ ਸੂਰਜ ਦੀਆਂ ਸਿੱਧੀਆਂ ਕਿਰਨਾਂ ਨੂੰ ਛੱਤ 'ਤੇ ਪੈਣ ਤੋਂ ਰੋਕਦਾ ਹੈ। ਇਸ ਨੂੰ ਲਗਾਉਣ ਨਾਲ ਛੱਤ ਗਰਮ ਨਹੀਂ ਹੁੰਦੀ ਅਤੇ ਹੇਠਲੇ ਕਮਰਿਆਂ 'ਚ ਤਪਸ਼ ਕਾਫੀ ਘੱਟ ਜਾਂਦੀ ਹੈ।
ਜੂਟ ਦੀਆਂ ਬੋਰੀਆਂ
- ਇਹ ਇਕ ਬਹੁਤ ਹੀ ਦੇਸੀ ਅਤੇ ਸਸਤਾ ਜੁਗਾੜ ਹੈ। ਸ਼ਾਮ ਦੇ ਸਮੇਂ ਛੱਤ 'ਤੇ ਜੂਟ ਦੀਆਂ ਬੋਰੀਆਂ ਵਿਛਾ ਕੇ ਉਨ੍ਹਾਂ 'ਤੇ ਹਲਕਾ ਪਾਣੀ ਛਿੜਕ ਦਿਓ। ਗਿੱਲੀਆਂ ਬੋਰੀਆਂ ਗਰਮੀ ਨੂੰ ਜਜ਼ਬ ਕਰ ਲੈਂਦੀਆਂ ਹਨ, ਜਿਸ ਨਾਲ ਪੱਖੇ ਅਤੇ ਕੂਲਰ ਦੀ ਹਵਾ ਵੀ ਠੰਡੀ ਮਹਿਸੂਸ ਹੁੰਦੀ ਹੈ।
ਟੈਰੇਸ ਗਾਰਡਨ
- ਛੱਤ 'ਤੇ ਗਮਲੇ ਰੱਖਣ ਜਾਂ ਛੋਟੀ ਕਿਆਰੀ ਬਣਾਉਣ ਨਾਲ ਵੀ ਤਾਪਮਾਨ ਘੱਟ ਕੀਤਾ ਜਾ ਸਕਦਾ ਹੈ। ਮਿੱਟੀ ਅਤੇ ਪੌਦਿਆਂ ਨੂੰ ਦਿੱਤਾ ਜਾਣ ਵਾਲਾ ਪਾਣੀ ਛੱਤ ਨੂੰ ਠੰਡਾ ਰੱਖਣ ਵਿੱਚ ਮਦਦ ਕਰਦਾ ਹੈ ਅਤੇ ਧੁੱਪ ਦੇ ਸਿੱਧੇ ਅਸਰ ਨੂੰ ਰੋਕਦਾ ਹੈ।
ਪਾਣੀ ਦਾ ਛਿੜਕਾਅ
- ਸੂਰਜ ਡੁੱਬਣ ਤੋਂ ਬਾਅਦ ਛੱਤ 'ਤੇ ਪਾਣੀ ਦਾ ਛਿੜਕਾਅ ਕਰਨਾ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਯਾਦ ਰਹੇ ਕਿ ਦੁਪਹਿਰ ਵੇਲੇ ਪਾਣੀ ਨਾ ਪਾਓ, ਕਿਉਂਕਿ ਇਸ ਨਾਲ ਹੁੰਮਸ ਵਧ ਸਕਦੀ ਹੈ। ਸ਼ਾਮ ਨੂੰ ਪਾਣੀ ਪਾਉਣ ਨਾਲ ਛੱਤ ਜਲਦੀ ਠੰਡੀ ਹੋ ਜਾਂਦੀ ਹੈ।
ਰਾਤ ਨੂੰ ਖਿੜਕੀਆਂ ਖੋਲ੍ਹਣਾ
- ਰਾਤ ਦੇ ਸਮੇਂ ਬਾਹਰ ਦਾ ਤਾਪਮਾਨ ਘੱਟ ਜਾਂਦਾ ਹੈ। ਜੇਕਰ ਤੁਸੀਂ ਰਾਤ ਨੂੰ ਕਮਰਿਆਂ ਦੀਆਂ ਖਿੜਕੀਆਂ ਖੋਲ੍ਹ ਦਿੰਦੇ ਹੋ, ਤਾਂ ਹਵਾ ਦੀ ਆਵਾਜਾਈ ਵਧਦੀ ਹੈ, ਜਿਸ ਨਾਲ ਪੱਖੇ ਦੀ ਹਵਾ ਵੀ ਠੰਡੀ ਹੋ ਜਾਂਦੀ ਹੈ ਅਤੇ ਚੰਗੀ ਨੀਂਦ ਆਉਂਦੀ ਹੈ।
ਇਨ੍ਹਾਂ ਘਰੇਲੂ ਨੁਸਖਿਆਂ ਨੂੰ ਅਪਣਾ ਕੇ ਤੁਸੀਂ ਇਸ ਭਿਆਨਕ ਗਰਮੀ 'ਚ ਵੀ ਆਪਣੇ ਘਰ ਨੂੰ ਕੁਦਰਤੀ ਤੌਰ 'ਤੇ ਠੰਡਾ ਰੱਖ ਸਕਦੇ ਹੋ।
ਸਿਰਫ਼ 5 ਮਿੰਟਾਂ 'ਚ ਘਰ 'ਚ ਤਿਆਰ ਕਰੋ ਲਾਜਵਾਬ ਨਾਰੀਅਲ ਦੀ ਚਟਣੀ
NEXT STORY 
