ਗੈਜੇਟ ਡੈਸਕ– ਲੈਪਟਾਪ ਦਾ ਇਸਤੇਮਾਲ ਲਗਭਗ ਹਰ ਵਿਅਕਤੀ ਕਰ ਰਿਹਾ ਹੈ। ਲੈਪਟਾਪ ਰਾਹੀਂ ਯੂਜ਼ਰਜ਼ ਆਪਣੇ ਜ਼ਰੂਰੀ ਕੰਮ ਕਿਤੇ ਵੀ ਆਸਾਨੀ ਨਾਲ ਕਰ ਸਕਦੇ ਹਨ। ਇਹ ਬੇਹੱਦ ਕੰਪੈਕਟ ਹੁੰਦਾ ਹੈ ਜਿਸ ਦੇ ਚੱਲਦੇ ਇਸ ਨੂੰ ਆਸਾਨੀ ਨਾਲ ਕਿਤੇ ਵੀ ਲੈ ਕੇ ਜਾ ਸਕਦੇ ਹੋ। ਵਿਦਿਆਰਥੀਆਂ ਸਮੇਤ ਕੁਝ ਯੂਜ਼ਰਜ਼ ਅਜਿਹੇ ਹੁੰਦੇ ਹਨ ਜੋ ਲੈਪਟਾਪ ਖਰੀਦਣਾ ਚਾਹੁੰਦੇ ਹਨ ਪਰ ਉਨ੍ਹਾਂ ਦਾ ਬਜਟ ਘੱਟ ਹੁੰਦਾ ਹੈ। ਜੇਕਰ ਤੁਸੀਂ ਵੀ ਇਨ੍ਹਾਂ ’ਚੋਂ ਇਕ ਹੋ ਤਾਂ ਅਸੀਂ ਤੁਹਾਨੂੰ ਅਜੁਹੇ ਲੈਪਟਾਪਸ ਬਾਰੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਦੀ ਕੀਮਤ 11,000 ਰੁਪਏ ਤੋਂ ਵੀ ਘੱਟ ਹੈ।
Xolo Chromebook
ਜ਼ੋਲੋ ਕ੍ਰੋਮਬੁੱਕ ਦੀ ਕੀਮਤ 9,999 ਰੁਪਏ ਹੈ। ਇਸ ਵਿਚ 11.6-ਇੰਚ ਦੀ ਸਕਰੀਨ ਦਿੱਤੀ ਗਈ ਹੈ ਜਿਸ ਦਾ ਪਿਕਸਲ ਰੈਜ਼ੋਲਿਊਸ਼ਨ 1368x768 ਹੈ। ਇਹ 1.88 ਗੀਗਾਹਰਟਜ਼ ਰਾਕਚਿਪ ਆਰ.ਕੇ.3288 ਕੁਆਡ-ਕੋਰ ਪ੍ਰੋਸੈਸਰ ਨਾਲ ਲੈਸ ਹੈ। ਇਸ ਵਿਚ 4200mAh ਦੀ ਬੈਟਰੀ ਦਿੱਤੀ ਗਈ ਹੈ ਜੋ ਇਕ ਵਾਰ ਚਾਰਜ ਕਰਨ ’ਤੇ 10 ਘੰਟੇ ਤਕ ਚੱਲ ਸਕਦੀ ਹੈ। ਇਸ ਵਿਚ 2 ਜੀ.ਬੀ. ਡੀ.ਡੀ.ਆਰ.3ਐੱਲ. ਦੀ ਮੈਮਰੀ ਦਿੱਤੀ ਗਈ ਹੈ। ਨਾਲ ਹੀ ਇਹ ਬਲੂਟੁੱਥ 4.0 ਨੂੰ ਸਪੋਰਟ ਕਰਦਾ ਹੈ।
iBall CompBook Excelance
ਇਸ ਲੈਪਟਾਪ ਦੀ ਕੀਮਤ 9,999 ਰੁਪਏ ਹੈ। ਇਹ ਵਿੰਡੋਜ਼ 10 ਹੋਮ ਸਿੰਗਲ ਲੈਂਗਵੇਜ਼ ’ਤੇ ਕੰਮ ਕਰਦਾ ਹੈ। ਨਾਲ ਹੀ ਇਹ ਇਨਟੈੱਲ ਐਟੋਮ ਪ੍ਰੋਸੈਸਰ ਨਾਲ ਲੈਸ ਹੈ। ਇਸ ਵਿਚ 11.6-ਇੰਚ ਦੀ ਸਕਰੀਨ ਹੈ ਜਿਸ ਦਾ ਪਿਕਸਲ ਰੈਜ਼ੋਲਿਊਸ਼ਨ 1368x768 ਹੈ। ਇਸ ਨੂੰ ਪਾਵਰ ਦੇਣ ਲਈ 10,000mAh ਦੀ ਬੈਟਰੀ ਦਿੱਤੀ ਗਈ ਹੈ। ਇਸ ਵਿਚ ਵੀ ਬਲੂਟੁੱਥ 4.0 ਸਪੋਰਟ ਦਿੱਤੀ ਗਈ ਹੈ। ਇਹ 64 ਬਿਟ ਵਿੰਡੋਜ਼ 10 ’ਤੇ ਚੱਲਦਾ ਹੈ। ਇਸ ਵਿਚ 2 ਜੀ.ਬੀ. ਡੀ.ਡੀ.ਆਰ.3 ਰੈਮ ਅਤੇ 32 ਜੀ.ਬੀ. ਦੀ ਇੰਟਰਨਲ ਸਟੋਰੇਜ ਹੈ।
RDP ThinBook
ਇਹ ਲੈਪਟਾਪ ਭਾਰਤੀ ਯੂਜ਼ਰਜ਼ ਲਈ 9,999 ਰੁਪਏ ’ਚ ਲਾਂਚ ਕੀਤਾ ਗਿਆ ਹੈ। ਇਸ ਵਿਚ 14.1-ਇੰਚ ਦੀ ਐੱਚ.ਡੀ. ਡਿਸਪਲੇਅ ਦਿੱਤੀ ਗਈ ਹੈ। ਕੰਪਨੀ ਮੁਤਾਬਕ ਇਹ ਭਾਰਤ ਦਾ ਸਭ ਤੋਂ ਪਹਿਲਾਂ ਅਲਟਰਾ ਸਲਿੱਮ ਅਫੋਰਡੇਬਲ ਲੈਪਟਾਪ ਹੈ। ਇਸ ਵਿਚ ਇਨਟੈੱਲ ਦਾ ਕਵਾਡ ਕੋਰ ਪ੍ਰੋਸੈਸਰ ਹੈ। ਡਿਵਾਈਸ ਨੂੰ ਤੁਹਾਨੂੰ 2 ਜੀ.ਬੀ. ਦੀ ਰੈਮ ਅਤੇ 32 ਜੀ.ਬੀ. ਦੀ ਸਟੋਰੇਜ ਮਿਲਦੀ ਹੈ। ਲੈਪਟਾਪ ’ਚ ਤੁਹਾਨੂੰ 10,000 mAh ਦੀ ਲਿਥੀਅਮ ਪਾਲੀਮਰ ਬੈਟਰੀ ਮਿਲਦੀ ਹੈ।
Micromax Canvas Lapbook
ਇਸ ਦੀ ਕੀਮਤ 10,499 ਰੁਪਏ ਹੈ। ਇਸ ਵਿਚ 11.6-ਇੰਚ ਦੀ ਡਿਸਪਲੇਅ ਹੈ। ਨਾਲ ਹੀ ਇਹ ਇਨਟੈੱਲ ਐਟਾਮ ਪ੍ਰੋਸੈਸਰ ਅਤੇ 2 ਜੀ.ਬੀ. ਰੈਮ ਨਾਲ ਲੈਸ ਹੈ। ਇਸ ਵਿਚ 32 ਜੀ.ਬੀ. ਦੀ ਇੰਟਰਨਲ ਮੈਮਰੀ ਦਿੱਤੀ ਗਈ ਹੈ। ਇਸ ਵਿਚ 2 ਯੂ.ਐੱਸ.ਬੀ. ਪੋਰਟਸ, ਐੱਚ.ਡੀ.ਐੱਮ.ਆਈ. ਪੋਰਟ ਵਰਗੇ ਆਪਸ਼ਨ ਵੀ ਹਨ।
airtel ਨੇ ਲਾਂਚ ਕੀਤਾ 289 ਰੁਪਏ ਵਾਲ ਨਵਾਂ ਪ੍ਰੀਪੇਡ ਪਲਾਨ
NEXT STORY