ਆਟੋ ਡੈਸਕ- ਸਾਲ 2018 'ਚ ਭਾਰਤ 'ਚ ਇਕ ਤੋਂ ਵੱਧ ਕੇ ਇਕ ਬਾਈਕ ਲਾਂਚ ਹੋਈਆਂ। ਮਹਿੰਗੀਆਂ ਤੋਂ ਲੈ ਕੇ ਸਸਤੀ ਬਾਈਕ ਇਸ ਸਾਲ ਭਾਰਤੀ ਬਾਜ਼ਾਰ 'ਚ ਆਈਆਂ ਹਨ, ਗਾਹਕ ਹਮੇਸ਼ਾ ਮੁਲ ਦੇ ਨਾਲ ਬਾਈਕ ਦਾ ਮਾਇਲੇਜ ਵੇਖਦਾ ਹੈ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੀਆਂ ਬਾਈਕਸ ਦੇ ਬਾਰੇ 'ਚ ਦੱਸਾਂਗੇ ਜੋ ਸਾਲ 2018 'ਚ ਸਭ ਤੋਂ ਸ਼ਾਨਦਾਰ ਮਾਇਲੇਜ ਦੇਣ ਵਾਲੀ ਬਾਈਕਸ ਹਨ।
1. ਬਜਾਜ ਪਲੈਟਿਨਾ (Bajaj Platina ComforTec)
ਭਾਰਤੀ ਬਾਜ਼ਾਰ 'ਚ ਬਜਾਜ਼ ਕੰਪਨੀ ਨੇ ਆਪਣੀ ਇਕ ਵੱਖ ਹੀ ਪਹਿਚਾਣ ਬਣਾ ਰੱਖੀ ਹੈ। Bajaj Platina ComforTec ਕਾਫ਼ੀ ਲੰਬੇ ਸਮੇਂ ਤੋਂ ਗਾਹਕਾਂ ਦੀ ਪਸੰਦ ਬਣੀ ਹੋਈ ਹੈ। ਇਸ ਬਾਈਕ 'ਚ ਕੰਪਨੀ ਨੇ 102 ਸੀ. ਸੀ. ਦਾ ਇੰਜਣ ਲਗਾਇਆ ਹੈ ਜੋ 7.9PS ਦਾ ਵੱਧ ਤੋਂ ਵੱਧ ਪਾਵਰ 'ਤੇ 8.34Nm ਦਾ ਵੱਧ ਤੋਂ ਵੱਧ ਟਾਰਕ ਦਿੰਦਾ ਹੈ। ਮਾਇਲੇਜ ਦੀ ਗੱਲ ਕਰੀਏ ਤਾਂ ਇਹ ਬਾਈਕ ਆਪਣੇ ਮੁਕਾਬਲੇ ਦੀ ਬਾਈਕਸ ਨੂੰ ਕੜੀ ਟੱਕਰ ਦਿੰਦੀ ਹੈ। ਕੰਪਨੀ ਦੇ ਦਾਵਿਆਂ ਦੇ ਮੁਤਾਬਕ Bajaj Platina Comfertec 90 ਕਿਲੋਮੀਟਰ ਪ੍ਰਤੀ ਲਿਟਰ ਦਾ ਮਾਇਲੇਜ ਦਿੰਦੀ ਹੈ। ਬਾਈਕ ਦੀ ਕੀਮਤ 47,475 ਰੁਰੁਪਏ (ਐਕਸ-ਸ਼ੋਰੂਮ) ਹੈ।
2. ਬਜਾਜ ਸੀਟੀ 100 (Bajaj CT100)
ਬਜਾਜ ਸੀਟੀ 100 ਮਾਰਕੀਟ 'ਚ ਜ਼ਿਆਦਾ ਵਿਕਣ ਵਾਲੀ ਮੋਟਰਸਾਈਕਲ 'ਚ ਸ਼ਾਮਲ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਬਾਈਕ 99.1 km/l ਦਾ ਦਮਦਾਰ ਮਾਇਲੇਜ ਦਿੰਦਾ ਹੈ। ਇਹ ਬਾਈਕ 97.27cc ਸਿੰਗਲ-ਸਿਲੰਡਰ ਇੰਜਣ ਦੇ ਨਾਲ ਆਉਂਦਾ ਹੈ ਜੋ 7.7 ਪੀ. ਐੱਸ ਦਾ ਪਾਵਰ ਤੇ 8.2Nm ਦਾ ਟਾਰਕ ਦਿੰਦਾ ਹੈ। CT 100 ਦੀ ਕੀਮਤ 31,802 ਰੁਪਏ (ਐਕਸ-ਸ਼ੋਰੂਮ, ਦਿੱਲੀ) ਵਲੋਂ ਸ਼ੁਰੂ ਹੁੰਦੀ ਹੈ।
3. Hero Splendor Pro
ਸਪਲੈਂਡਰ ਪ੍ਰੋ ਹੀਰੋ ਮੋਟੋਕਾਰਪ ਦੀ ਪੇਸ਼ਕਸ਼ ਹੈ। ਇਸ ਬਾਈਕ 'ਚ 97.2 ਸੀ. ਸੀ ਸਿੰਗਲ-ਸਿਲੰਡਰ ਏਅਰ ਕੂਲਡ ਇੰਜਣ ਦੁਆਰਾ ਸੰਚਾਲਿਤ, ਸਪਲੈਂਡਰ ਪ੍ਰੋ 8.3 ਹਾਰਸ ਪਾਵਰ ਤੇ 8.05 ਐੱਨ. ਐੱਮ ਟਾਰਕ ਪ੍ਰਦਾਨ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਮਾਇਲੇਜ ਦੇ ਮਾਮਲੇ 'ਚ ਦਮਦਾਰ ਹੈ ਜੋ 93.2 km/l ਦਿੰਦਾ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 48,520 ਰੁਪਏ (ਐਕਸ-ਸ਼ੋਰੂਮ ਦਿੱਲੀ) ਹੈ।
4. TVS ਸਟਾਰ ਸਿਟੀ ਪਲੱਸ
ਹਾਲ ਹੀ 'ਚ TVS ਨੇ ਆਪਣੀ ਨਵੀਂ ਬਾਈਕ ਸਟਾਰ ਸਿਟੀ ਪਲੱਸ (Star City Plus) ਲਾਂਚ ਕੀਤੀ ਸੀ। ਦਿੱਲੀ 'ਚ ਇਸ ਦੀ ਐਕਸਸ਼ੋਰੂਮ ਕੀਮਤ 50,534 ਰੁਪਏ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ 86 ਕਿਲੋਮੀਟਰ ਪ੍ਰਤੀ ਲਿਟਰ ਦਾ ਮਾਇਲੇਜ ਦਿੰਦੀ ਹੈ। ਸਟਾਰ ਸਿਟੀ ਪਲੱਸ 'ਚ 110cc ਦਾ ਇੰਜਣ ਹੈ, ਜੋ ਕਿ 7000rpm 'ਤੇ 8.3 bhp ਤੇ 5,000 rpm 'ਤੇ 8.7 Nm ਦਾ ਟਾਰਕ ਦਿੰਦਾ ਹੈ।
5. ਹੀਰੋ ਸਪੈਂਲਡਰ Hero Splendor+ i3S
ਹੀਰੋ ਆਪਣੇ ਸੈਗਮੈਂਟ 'ਚ ਸਭ ਤੋਂ ਜਿਆਦਾ ਵਿਕਣ ਵਾਲੀਆਂ ਮੋਟਰਸਾਈਕਲਜ਼ 'ਚੋਂ ਇਕ ਰਿਹਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਹੀਰੋ ਸਪਲੈਂਡਰ+ i3S ਦਮਦਾਰ ਮਾਇਲੇਜ ਦਿੰਦਾ ਹੈ। ਇਹ ਇਕ ਲਿਟਰ 'ਚ 102.5 ਕਿਲੋਮੀਟਰ ਤੱਕ ਚੱਲ ਸਕਦਾ ਹੈ। ਇਹ i3S ਟੈਕਨਾਲੋਜੀ ਨਾਲ ਲੈਸ ਕੀਤਾ ਗਿਆ ਹੈ। ਇਹ ਬਾਈਕ 97.2cc ਸਿੰਗਲ-ਸਿਲੰਡਰ ਇੰਜਣ ਦੇ ਨਾਲ ਆਉਂਦਾ ਹੈ ਤੇ ਇਸ ਦੀ ਕੀਮਤ 51,911 ਰੁਪਏ ਹੈ।
10GB ਰੈਮ ਨਾਲ ਲੈਸ ਹੋਵੇਗਾ ਲੇਨੋਵੋ ਦਾ ਨਵਾਂ ਸਮਾਰਟਫੋਨ!
NEXT STORY 
