ਜਲੰਧਰ: ਭਾਰਤ ਦੀ ਸਮਾਰਟਫੋਨ ਨਿਰਮਾਤਾ ਕੰਪਨੀ ਮਾਇਕ੍ਰੋਮੈਕਸ ਯੂਨਾਇਟ ਸੀਰੀਜ਼ ਦੇ ਨਵੇਂ ਸਮਾਰਟਫੋਨ ਯੂਨਾਇਟ 4 ਅਤੇ ਯੂਨਾਈਟ 4 ਪ੍ਰੋ ਲਾਂਚ ਕਰ ਦਿੱਤੇ ਹਨ। ਮਾਇਕ੍ਰੋਮੈਕਸ ਯੂਨਾਈਟ 4 ਦੀ ਕੀਮਤ 6, 999 ਅਤੇ ਯੂਨਾਇਟ 4 ਪ੍ਰੋ ਦੀ ਕੀਮਤ 7,499 ਰੁਪਏ ਹੈ ਯੂਨਾਈਟ 4 ਆਫਲਾਈਨ ਰਿਟੇਲ ਸਟੋਰ ਅਤੇ ਮਾਇਕ੍ਰਮੈਕਸ ਯੂਨਾਇਟ 4 ਪ੍ਰੋ ਐਕਸਕਲੂਸਿਵ ਤੌਰ 'ਤੇ ਸਨੈਪਡੀਲ 'ਤੇ ਮਿਲੇਗਾ।
ਇਹ ਦੋਨਾਂ ਸਮਾਰਟਫੋਨ ਫਿੰਗਰਪ੍ਰਿੰਟ ਸਕੈਨਰ ਅਤੇ ਡੁਅਲ ਸਿਮ ਸਪੋਰਟ ਕਰਦੇ ਹਨ। ਇਨਾਂ ਹੈਂਡਸੇਟ 'ਚ 8 MP ਦਾ ਰਿਅਰ ਆਟੋਫੋਕਸ ਕੈਮਰਾ ਅਤੇ 5 MP ਦਾ ਫ੍ਰੰਟ ਕੈਮਰਾ ਹੈ। ਮਾਇਕ੍ਰੋਮੈਕਸ ਯੂਨਾਇਟ 4 ਅਤੇ ਯੂਨਾਇਟ 4 ਪ੍ਰੋ 'ਚ 5 ਇੰਚ ਐੱਚ. ਡੀ (720x1280 ਪਿਕਸਲ) ਰੈਜ਼ੋਲਿਊਸ਼ਨ ਆਈ. ਪੀ.ਐੱਸ ਡਿਸਪਲੇ ਹੈ। ਯੂਨਾਇਟ 4 'ਚ 1 ਗੀਗਾਹਰਟਜ਼ ਕਵਾਡ-ਕੋਰ ਮੀਡੀਆਟੈੱਕ ( ਐੱਮ. ਟੀ6735ਪੀ) ਪ੍ਰੋਸੈਸਰ ਹੈ। ਇਸ ਫੋਨ 'ਚ 1GB ਰੈਮ ਹੈ। ਇਨ-ਬਿਲਟ ਸਟੋਰੇਜ 872 ਹੈ ਜਿਸ ਨੂੰ ਮਾਇਕ੍ਰੋ ਐੱਸ. ਡੀ ਕਾਰਡ ਦੇ ਜ਼ਰੀਏ (32GB) ਵਧਾਇਆ ਜਾ ਸਕਦਾ ਹੈ। ਯੂਨਾਇਟ 4 ਐਂਡ੍ਰਾਇਡ 6.0 ਮਾਰਸ਼ਮੈਲੋ ਆਧਾਰਿਤ ਇੰਡਸ ਓ. ਐੱਸ 2.0 'ਤੇ ਚੱਲਦਾ ਹੈ।
ਉਥੇ ਹੀ ਮਾਇਕ੍ਰੋਮੈਕਸ ਯੂਨਾਇਟ 4 ਪ੍ਰੋ 'ਚ 1.3 ਗੀਗਾਹਰਟਜ਼ ਕਵਾਡ-ਕੋਰ ਸਪ੍ਰੇਡਟਰਮ (ਐੱਸ. ਸੀ9832) ਪ੍ਰੋਸੈਸਰ ਹੈ। ਇਸ 'ਚ 2GB ਰੈਮ ਹੈ। ਇਨ-ਬਿਲਟ ਸਟੋਰੇਜ 16GB ਹੈ ਜਿਸ ਨੂੰ ਮਾਇਕ੍ਰੋ ਐੱਸ. ਡੀ ਕਾਰਡ ਜ਼ਰੀਏ (32GB ਤੱਕ) ਵਧਾਇਆ ਜਾ ਸਕਦਾ ਹੈ। ਮਾਇਕ੍ਰਮੈਕਸ ਦਾ ਕਹਿਣਾ ਹੈ ਕਿ ਐਂਡ੍ਰਾਇਡ 5.1 ਲਾਲੀਪਾਪ 'ਤੇ ਚੱਲਣ ਵਾਲੇ ਯੂਨਾਇਟ 4 ਪ੍ਰੋ ਨੂੰ ਐਂਡ੍ਰਾਇਡ ਮਾਰਸ਼ਮੈਲੋ 'ਤੇ ਅਪਡੇਟ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਅਜੇ ਇਸ ਦੇ ਸਮੇਂ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਫੋਨ 'ਚ 3900 MAh ਦੀ ਬੈਟਰੀ ਹੈ।
ਲਾਇਫ ਨੇ ਲਾਂਚ ਕੀਤਾ ਨਵਾਂ ਸਮਾਰਟਫੋਨ, ਕੀਮਤ 4,000 ਰੁਪਏ ਤੋਂ ਵੀ ਘੱਟ
NEXT STORY 
