ਨਵੀਂ ਦਿੱਲੀ - ਮੋਟੋਰੋਲਾ ਦਾ ਇਕ ਕੈਮਰਾ ਫੋਕਸ ਫਲੈਗਸ਼ਿਪ ਸਮਾਰਟਫੋਨ 'ਮੋਟੋ ਏਜ +' ਸਸਤਾ ਹੋ ਗਿਆ ਹੈ। ਕੰਪਨੀ ਨੇ ਇਸ ਸਮਾਰਟਫੋਨ ਦੀ ਕੀਮਤ 'ਚ 10 ਹਜ਼ਾਰ ਰੁਪਏ ਦੀ ਕਟੌਤੀ ਕੀਤੀ ਹੈ। ਕੰਪਨੀ ਨੇ ਇਸ ਨੂੰ ਪਿਛਲੇ ਸਾਲ ਮਈ ਵਿਚ ਲਾਂਚ ਕੀਤਾ ਸੀ। ਖਾਸ ਗੱਲ ਇਹ ਹੈ ਕਿ ਫੋਨ 'ਚ 108 ਮੈਗਾਪਿਕਸਲ ਦਾ ਮੁੱਖ ਕੈਮਰਾ ਹੈ। ਲਾਂਚਿੰਗ ਦੇ ਸਮੇਂ ਇਸ ਨੂੰ 74,999 ਰੁਪਏ ਦੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਸੀ। ਹਾਲਾਂਕਿ ਹੁਣ ਇਸ ਦੀ ਕੀਮਤ ਕਟੌਤੀ ਤੋਂ ਬਾਅਦ 64,999 ਰੁਪਏ ਹੈ। ਇਹ ਫਲਿੱਪਕਾਰਟ 'ਤੇ ਵਿਕਰੀ ਲਈ ਉਪਲਬਧ ਹੈ।
ਇਹ ਵੀ ਪੜ੍ਹੋ : FASTag 'ਚੋਂ ਕੱਟੇ ਗਏ ਹਨ ਜ਼ਿਆਦਾ ਪੈਸੇ ਤਾਂ ਨਾ ਕਰੋ ਚਿੰਤਾ, ਇਥੇ ਪ੍ਰਾਪਤ ਕਰ ਸਕਦੇ ਹੋ ਰਿਫੰਡ
ਕੰਪਨੀ ਦਾ ਪਹਿਲਾ ਸਮਾਰਟਫੋਨ
ਮੋਟੋ ਏਜ + ਕੰਪਨੀ ਦਾ ਪਹਿਲਾ ਸਮਾਰਟਫੋਨ ਹੈ ਜੋ 108 ਮੈਗਾਪਿਕਸਲ ਕੈਮਰਾ ਨਾਲ ਲਿਆਂਦਾ ਗਿਆ ਹੈ। ਮੋਟੋ ਏਜ + ਸਮਾਰਟਫੋਨ ਆੱਕਟਾ-ਕੋਰ ਕੁਆਲਕਾਮ ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੈ। ਮੋਟੋਰੋਲਾ ਦੇ ਸਮਾਰਟਫੋਨ 'ਚ 12 ਜੀ.ਬੀ. ਰੈਮ ਅਤੇ 256 ਜੀ.ਬੀ. ਇੰਟਰਨਲ ਸਟੋਰੇਜ ਹੈ। ਸਮਾਰਟਫੋਨ 'ਚ 6.7 ਇੰਚ ਦੀ ਫੁੱਲ ਐਚ.ਡੀ. ਪਲੱਸ ਡਿਸਪਲੇਅ ਹੈ, ਜਿਸ ਦਾ ਰੈਜ਼ੋਲਿਊਸ਼ਨ 1080X2340 ਪਿਕਸਲ ਹੈ। ਸਮਾਰਟਫੋਨ 'ਚ ਕਾਰਨਿੰਗ ਗੋਰਿਲਾ ਗਲਾਸ 5 ਦੀ ਸੁਰੱਖਿਆ ਦਿੱਤੀ ਗਈ ਹੈ। ਮੋਟੋ ਏਜ + ਸਮਾਰਟਫੋਨ ਐਂਡਰਾਇਡ 10 ਓਪਰੇਟਿੰਗ ਸਿਸਟਮ 'ਤੇ ਚਲਦਾ ਹੈ। ਇਸ ਮਟਰੋਲਾ ਸਮਾਰਟਫੋਨ ਨੂੰ ਐਂਡਰਾਇਡ 11 ਅਤੇ ਐਂਡਰਾਇਡ 12 ਦਾ ਅਪਡੇਟਸ ਵੀ ਮਿਲੇਗਾ।
ਇਹ ਵੀ ਪੜ੍ਹੋ : Apple iphone ਦੇ ਸ਼ੌਕੀਨਾਂ ਲਈ ਖ਼ੁਸ਼ਖ਼ਬਰੀ , ਇਸ ਮਾਡਲ 'ਤੇ ਮਿਲ ਰਹੀ ਹੈ 11 ਹਜ਼ਾਰ ਦੀ ਛੋਟ
ਸੈਲਫੀ ਲਈ 25 ਮੈਗਾਪਿਕਸਲ ਦਾ ਫਰੰਟ ਕੈਮਰਾ
ਇਹ ਇਕ ਕੈਮਰਾ ਫੋਕਸਡ ਸਮਾਰਟਫੋਨ ਹੈ। ਮੋਟੋ ਏਜ + ਸਮਾਰਟਫ਼ੋਨ ਵਿਚ ਤਿੰਨ ਰਿਅਰ ਕੈਮਰਾ ਹਨ। 108 ਮੈਗਾਪਿਕਸਲ ਦੇ ਮੁੱਖ ਕੈਮਰੇ ਤੋਂ ਇਲਾਵਾ, ਪਿਛਲੇ ਪਾਸੇ ਇੱਕ 16 ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਐਂਗਲ ਲੈਂਜ਼ ਵੀ ਹੈ, ਇੱਕ 8 ਮੈਗਾਪਿਕਸਲ ਦਾ ਟੈਲੀਫੋਟੋ ਲੈਂਜ਼. ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਫੋਨ 'ਚ 25 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਸਮਾਰਟਫੋਨ 6K ਵੀਡੀਓ ਰਿਕਾਰਡਿੰਗ ਸਪੋਰਟ ਦੇ ਨਾਲ ਆਇਆ ਹੈ।
ਇਹ ਵੀ ਪੜ੍ਹੋ : Mobikwik ਉਪਭੋਗਤਾ ਨੂੰ ਝਟਕਾ, ਹੁਣ ਦੇਣਾ ਹੋਵੇਗਾ ਵਾਲੇਟ ਮੈਂਟੇਨੈਂਸ ਚਾਰਜ
ਟਰਬੋਪਾਵਰ ਫਾਸਟ ਚਾਰਜਿੰਗ ਨਾਲ 5000 ਐਮ.ਏ.ਐਚ. ਦੀ ਬੈਟਰੀ
ਇਹ ਮਟਰੋਲਾ ਸਮਾਰਟਫੋਨ ਸਟੀਰੀਓ ਸਪੀਕਰਾਂ ਦੇ ਨਾਲ ਆਉਂਦਾ ਹੈ। ਮੋਟੋ ਏਜ + ਸਮਾਰਟਫੋਨ ਵਿਚ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਹੈ। ਫੋਨ 'ਚ 5,000 ਐਮ.ਏ.ਐਚ. ਦੀ ਬੈਟਰੀ ਹੈ, ਜੋ ਟਰਬੋਪਾਵਰ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਮੋਟੋ ਏਜ ਪਲੱਸ ਸਮਾਰਟਫੋਨ ਰਿਵਰਸ ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਮਟਰੋਲਾ ਦਾ ਫੋਨ ਇੱਕ ਆਈ.ਪੀ. 52 ਰੇਟਿੰਗ ਦੇ ਨਾਲ ਆਉਂਦਾ ਹੈ।
ਇਹ ਵੀ ਪੜ੍ਹੋ : Gmail, Netflix ਅਤੇ Linkedin ਦਾ ਡਾਟਾ ਹੋਇਆ ਲੀਕ, ਆਪਣੇ ਖ਼ਾਤੇ ਬਾਰੇ ਇੰਝ ਲਗਾਓ ਪਤਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਟੈਸਟਿੰਗ ਦੌਰਾਨ ਨਜ਼ਰ ਆਇਆ ਬਜਾਜ ਪਲਸਰ 250, ਜਲਦੀ ਹੀ ਲਾਂਚ ਹੋਣ ਦੀ ਉਮੀਦ
NEXT STORY 
