ਗੈਜੇਟ ਡੈਸਕ- 13 ਜਨਵਰੀ 2026 ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X ਦੀਆਂ ਸੇਵਾਵਾਂ ਵਿਸ਼ਵ ਪੱਧਰ 'ਤੇ ਪ੍ਰਭਾਵਿਤ ਹੋਈਆਂ, ਜਿਸ ਕਾਰਨ ਹਜ਼ਾਰਾਂ ਯੂਜ਼ਰਸ ਨੂੰ ਭਾਰੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ। ਜਾਣਕਾਰੀ ਮੁਤਾਬਕ ਇਸ ਆਊਟੇਜ ਦਾ ਅਸਰ ਭਾਰਤ, ਅਮਰੀਕਾ, ਬ੍ਰਿਟੇਨ ਅਤੇ ਕੈਨੇਡਾ ਸਮੇਤ ਕਈ ਵੱਡੇ ਦੇਸ਼ਾਂ ਵਿੱਚ ਦੇਖਣ ਨੂੰ ਮਿਲਿਆ।
ਜਾਣਕਾਰੀ ਅਨੁਸਾਰ, ਯੂਜ਼ਰਸ ਨੂੰ ਪਲੇਟਫਾਰਮ ਦੇ ਮੁੱਖ ਫੀਚਰਜ਼ ਜਿਵੇਂ ਕਿ ਟਾਈਮਲਾਈਨ ਲੋਡ ਕਰਨ, ਨਵੀਆਂ ਪੋਸਟਾਂ ਪਾਉਣ ਅਤੇ ਡਾਇਰੈਕਟ ਮੈਸੇਜ (DM) ਭੇਜਣ ਵਿੱਚ ਕਾਫੀ ਮੁਸ਼ਕਿਲ ਆਈ। 'ਡਾਊਨਡਿਟੈਕਟਰ' ਵੈੱਬਸਾਈਟ ਅਨੁਸਾਰ, 28,000 ਤੋਂ ਵੱਧ ਯੂਜ਼ਰਸ ਨੇ ਇਸ ਸੰਬੰਧੀ ਰਿਪੋਰਟ ਦਰਜ ਕਰਵਾਈ ਹੈ। ਬਹੁਤ ਸਾਰੇ ਯੂਜ਼ਰਸ ਆਪਣੇ ਅਕਾਊਂਟ ਲੌਗ-ਇਨ ਕਰਨ ਵਿੱਚ ਵੀ ਅਸਮਰੱਥ ਰਹੇ।
ਐਲੋਨ ਮਸਕ ਦੇ ਐਲਾਨ ਤੋਂ ਬਾਅਦ ਆਈ ਖਰਾਬੀ
ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਤਕਨੀਕੀ ਖਰਾਬੀ ਪਲੇਟਫਾਰਮ ਦੇ ਮਾਲਕ ਐਲੋਨ ਮਸਕ ਵੱਲੋਂ X ਦੇ ਐਲਗੋਰਿਦਮ ਕੋਡ ਨੂੰ 'ਓਪਨ ਸੋਰਸ' ਕਰਨ ਦੇ ਐਲਾਨ ਤੋਂ ਮਹਿਜ਼ ਦੋ ਦਿਨ ਬਾਅਦ ਆਈ ਹੈ। ਮਸਕ ਨੇ 10 ਜਨਵਰੀ ਨੂੰ ਕਿਹਾ ਸੀ ਕਿ ਪਾਰਦਰਸ਼ਤਾ ਵਧਾਉਣ ਲਈ ਉਹ ਨਿਊਜ਼ ਫੀਡ ਅਤੇ ਵਿਗਿਆਪਨ ਪ੍ਰਣਾਲੀ ਦੇ ਕੋਡ ਨੂੰ ਜਨਤਕ ਕਰਨਗੇ।
ਫਿਲਹਾਲ X ਵੱਲੋਂ ਇਸ ਆਊਟੇਜ ਦੇ ਅਸਲ ਕਾਰਨਾਂ ਬਾਰੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਜਿਹੀਆਂ ਸਮੱਸਿਆਵਾਂ ਤਕਨੀਕੀ ਨੁਕਸ, ਸਰਵਰ ਵਿੱਚ ਖਰਾਬੀ ਜਾਂ ਇੰਟਰਨੈਟ ਬੁਨਿਆਦੀ ਢਾਂਚੇ ਵਿੱਚ ਦਿੱਕਤ ਕਾਰਨ ਆ ਸਕਦੀਆਂ ਹਨ। ਹਾਲਾਂਕਿ, ਡਾਊਨਡਿਟੈਕਟਰ 'ਤੇ ਰਿਪੋਰਟਾਂ ਦੀ ਗਿਣਤੀ ਯੂਜ਼ਰਸ ਦੁਆਰਾ ਦਿੱਤੀ ਜਾਣਕਾਰੀ 'ਤੇ ਅਧਾਰਤ ਹੁੰਦੀ ਹੈ, ਇਸ ਲਈ ਪ੍ਰਭਾਵਿਤ ਲੋਕਾਂ ਦੀ ਅਸਲ ਗਿਣਤੀ ਵੱਖਰੀ ਹੋ ਸਕਦੀ ਹੈ।
900 ਕਰੋੜ 'ਚ ਖਰੀਦੀ ਗਈ 4 ਲੋਕਾਂ ਦੀ 'ਟੀਮ'! ਦੁਨੀਆ ਹੈਰਾਨ, ਇੰਟਰਨੈੱਟ 'ਤੇ ਮਚੀ ਸਨਸਨੀ
NEXT STORY 
