ਗੈਜੇਟ ਡੈਸਕ - ਵਟਸਐਪ 'ਤੇ ਯੂਜ਼ਰ ਐਕਸਪੀਰੀਅੰਸ ਨੂੰ ਬਿਹਤਰ ਬਣਾਉਣ ਲਈ ਐਪ 'ਚ ਸਮੇਂ-ਸਮੇਂ 'ਤੇ ਨਵੇਂ ਫੀਚਰ ਸ਼ਾਮਲ ਕੀਤੇ ਜਾਂਦੇ ਹਨ। ਹੁਣ ਇਹ ਖੁਲਾਸਾ ਹੋਇਆ ਹੈ ਕਿ ਕੰਪਨੀ ਮੈਸੇਜਿਸ , ਫੋਟੋਆਂ ਅਤੇ ਵੀਡੀਓਜ਼ ਨੂੰ ਫਾਲੋ ਕਰਨ ਲਈ ਇਕ ਵਿਊ ਵਨਸ ਫੀਚਰ 'ਤੇ ਕੰਮ ਕਰ ਰਹੀ ਹੈ। ਇਸ ਫੀਚਰ ਦੇ ਆਉਣ ਨਾਲ, ਇਕ ਵਾਰ ਦੇਖੇ ਜਾਣ ਤੋਂ ਬਾਅਦ ਮੈਸੇਜ ਆਪਣੇ ਆਪ ਗਾਇਬ ਹੋ ਜਾਣਗੇ। ਇਹ ਫੀਚਰ ਇਸ ਸਮੇਂ ਵਿਕਾਸ ਅਧੀਨ ਹੈ ਅਤੇ ਜਲਦੀ ਹੀ ਪੇਸ਼ ਕੀਤੀ ਜਾ ਸਕਦੀ ਹੈ।
ਵਟਸਐਪ ਡਿਵੈਲਪਮੈਂਟ ਨੂੰ ਟਰੈਕ ਕਰਨ ਵਾਲੀ ਵੈੱਬਸਾਈਟ WabetaInfo ਦੇ ਅਨੁਸਾਰ, ਇਸ ਫੀਚਰ ਦੇ ਸੰਕੇਤ ਐਂਡਰਾਇਡ ਅਤੇ iOS ਦੋਵਾਂ ਲਈ ਬੀਟਾ ਵਰਜਨ 'ਚ ਮਿਲੇ ਹਨ। ਹਾਲਾਂਕਿ, ਇਹ ਫੀਚਰ ਅਜੇ ਟੈਸਟਿੰਗ ਲਈ ਉਪਲਬਧ ਨਹੀਂ ਹੈ। ਰਿਪੋਰਟ 'ਚ ਜ਼ਿਕਰ ਕੀਤਾ ਗਿਆ ਹੈ ਕਿ ਕੰਪਨੀ ਸੰਵੇਦਨਸ਼ੀਲ ਜਾਣਕਾਰੀ ਸਾਂਝੀ ਕਰਦੇ ਸਮੇਂ ਉਪਭੋਗਤਾਵਾਂ ਨੂੰ ਵਧੇਰੇ ਨਿਯੰਤਰਣ ਦੇਣਾ ਚਾਹੁੰਦੀ ਹੈ।
ਵਰਤਣ ਦਾ ਤਰੀਕਾ :-
ਰਿਪੋਰਟਾਂ ਦੇ ਅਨੁਸਾਰ, ਉਪਭੋਗਤਾ ਮੈਸੇਜ ਟਾਈਪ ਕਰਨ ਤੋਂ ਬਾਅਦ ਸੈਂਡ ਬਟਨ ਨੂੰ ਦੇਰ ਤੱਕ ਦਬਾ ਕੇ ਇਸ ਫੀਚਰ ਨੂੰ ਚਲਾ ਕੇ ਦੇਖ ਸਕਣਗੇ ਤੇ ਸੈਂਡ ਵਾਇਸ ਵੌਨਸ ਵਿਕਲਪ ਦਿਖਾਈ ਦੇਵੇਗਾ, ਜਿਸ ਨਾਲ ਟੈਕਸਟ ਨੂੰ ਇਕ ਅਜਿਹੇ ਫਾਰਮੈਟ 'ਚ ਭੇਜਿਆ ਜਾ ਸਕੇਗਾ ਜਿਸਨੂੰ ਪ੍ਰਾਪਤਕਰਤਾ ਸਿਰਫ ਇਕ ਵਾਰ ਪੜ੍ਹ ਸਕਦਾ ਹੈ।
ਇਕ ਵਾਰ ਦੇਖਣ ਤੋਂ ਬਾਅਦ, ਮੈਸੇਜ ਗਾਇਬ ਹੋ ਜਾਵੇਗਾ ਅਤੇ ਦੁਬਾਰਾ ਨਹੀਂ ਦੇਖਿਆ ਜਾ ਸਕਦਾ। ਜਿਵੇਂ ਵਿਊ ਵਨਸ ਫੀਚਰ ਫੋਟੋਆਂ ਅਤੇ ਵੀਡੀਓਜ਼ ਨਾਲ ਕੰਮ ਕਰਦਾ ਹੈ, ਉਸੇ ਤਰ੍ਹਾਂ ਪ੍ਰਾਪਤਕਰਤਾ ਮੈਸੇਜ ਨੂੰ ਕਾਪੀ, ਫਾਰਵਰਡ ਜਾਂ ਸਾਂਝਾ ਕਰਨ ਦੇ ਯੋਗ ਨਹੀਂ ਹੋਵੇਗਾ। ਮੈਸੇਜ ਸੁਰੱਖਿਅਤ ਹੋਣ ਦੀ ਸੰਭਾਵਨਾ ਨੂੰ ਘਟਾਉਣ ਲਈ ਸਕ੍ਰੀਨਸ਼ਾਟ ਅਤੇ ਸਕ੍ਰੀਨ ਰਿਕਾਰਡਿੰਗਾਂ ਨੂੰ ਵੀ ਸੀਮਤ ਕੀਤਾ ਜਾ ਸਕਦਾ ਹੈ। ਇਹ ਫੀਚਰ ਨਿੱਜੀ ਅਤੇ ਗਰੁੱਪ ਚੈਟਾਂ ਦੋਵਾਂ 'ਚ ਕੰਮ ਕਰੇਗੀ, ਹਾਲਾਂਕਿ ਇਹ ਚੈਨਲਾਂ 'ਚ ਉਪਲਬਧ ਹੋਣ ਦੀ ਸੰਭਾਵਨਾ ਨਹੀਂ ਹੈ। ਫਿਲਹਾਲ, ਕੰਪਨੀ ਨੇ ਇਸ ਫੀਚਰ ਬਾਰੇ ਕਿਸੇ ਵੀ ਜਾਣਕਾਰੀ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
ਭਾਰਤ ’ਚ 2031 ਤੱਕ 5-ਜੀ ਗਾਹਕਾਂ ਦੀ ਗਿਣਤੀ 1.1 ਅਰਬ ਤੱਕ ਪਹੁੰਚਣ ਦਾ ਅੰਦਾਜ਼ਾ : ਰਿਪੋਰਟ
NEXT STORY 
