ਆਟੋ ਡੈਸਕ : ਜੇਕਰ ਤੁਸੀਂ ਨਵੇਂ ਸਾਲ ਵਿੱਚ ਨਵਾਂ ਇਲੈਕਟ੍ਰਿਕ ਸਕੂਟਰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਡੀ ਜੇਬ 'ਤੇ ਬੋਝ ਵਧਣ ਵਾਲਾ ਹੈ। ਭਾਰਤ ਦੀ ਮਸ਼ਹੂਰ ਇਲੈਕਟ੍ਰਿਕ ਟੂ-ਵ੍ਹੀਲਰ ਕੰਪਨੀ Ather Energy ਨੇ ਆਪਣੇ ਸਾਰੇ ਇਲੈਕਟ੍ਰਿਕ ਸਕੂਟਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਨ ਦਾ ਵੱਡਾ ਐਲਾਨ ਕੀਤਾ ਹੈ। ਕੰਪਨੀ ਮੁਤਾਬਕ ਇਹ ਨਵੀਆਂ ਕੀਮਤਾਂ 1 ਜਨਵਰੀ 2026 ਤੋਂ ਲਾਗੂ ਹੋਣਗੀਆਂ।
3,000 ਰੁਪਏ ਤੱਕ ਮਹਿੰਗੇ ਹੋਣਗੇ ਸਕੂਟਰ
ਸਰੋਤਾਂ ਅਨੁਸਾਰ ਏਥਰ ਐਨਰਜੀ ਆਪਣੇ ਸਕੂਟਰਾਂ ਦੀਆਂ ਕੀਮਤਾਂ ਵਿੱਚ 3,000 ਰੁਪਏ ਤੱਕ ਦਾ ਵਾਧਾ ਕਰਨ ਜਾ ਰਹੀ ਹੈ। ਕੰਪਨੀ ਨੇ ਇਸ ਕੀਮਤ ਵਾਧੇ ਦੇ ਪਿੱਛੇ ਕਈ ਮੁੱਖ ਕਾਰਨ ਦੱਸੇ ਹਨ, ਜਿਨ੍ਹਾਂ ਵਿੱਚ ਕੱਚੇ ਮਾਲ ਦੀਆਂ ਵਧਦੀਆਂ ਕੀਮਤਾਂ, ਵਿਦੇਸ਼ੀ ਮੁਦਰਾ ਦਰਾਂ ਵਿੱਚ ਉਤਰਾਅ-ਚੜ੍ਹਾਅ ਅਤੇ ਗਲੋਬਲ ਸਪਲਾਈ ਚੇਨ ਵਿੱਚ ਆ ਰਹੀਆਂ ਰੁਕਾਵਟਾਂ ਸ਼ਾਮਲ ਹਨ। ਕੰਪਨੀ ਦਾ ਮੰਨਣਾ ਹੈ ਕਿ ਉਤਪਾਦਨ ਦੀ ਲਾਗਤ ਅਤੇ ਗੁਣਵੱਤਾ ਨੂੰ ਬਰਕਰਾਰ ਰੱਖਣ ਲਈ ਇਹ ਕਦਮ ਚੁੱਕਣਾ ਜ਼ਰੂਰੀ ਹੋ ਗਿਆ ਸੀ।
ਕਿਹੜੇ ਮਾਡਲ 'ਤੇ ਕਿੰਨੀ ਪਵੇਗੀ ਮਾਰ?
ਏਥਰ ਐਨਰਜੀ ਵਰਤਮਾਨ ਵਿੱਚ ਭਾਰਤ ਵਿੱਚ 'Ritz' ਅਤੇ '450' ਸੀਰੀਜ਼ ਦੇ ਸਕੂਟਰ ਵੇਚਦੀ ਹੈ। ਕੀਮਤਾਂ ਵਿੱਚ ਵਾਧੇ ਤੋਂ ਬਾਅਦ ਵੱਖ-ਵੱਖ ਮਾਡਲਾਂ ਦੀ ਸੰਭਾਵਿਤ ਕੀਮਤ (ਐਕਸ-ਸ਼ੋਰੂਮ) ਇਸ ਤਰ੍ਹਾਂ ਹੋਵੇਗੀ:
• Ather Rizta S: ਇਸ ਮਸ਼ਹੂਰ ਮਾਡਲ ਦੀ ਕੀਮਤ ₹1,14,546 ਤੋਂ ਵਧ ਕੇ ₹1,17,546 ਹੋ ਜਾਵੇਗੀ।
• Ather Rizta Z: ਇਸ ਦੀ ਮੌਜੂਦਾ ਕੀਮਤ ₹1,34,047 ਤੋਂ ਵਧ ਕੇ ₹1,37,047 ਹੋਣ ਦੀ ਉਮੀਦ ਹੈ।
• Ather 450S: ਕੰਪਨੀ ਦਾ ਸਭ ਤੋਂ ਕਿਫਾਇਤੀ ਮਾਡਲ ਹੁਣ ₹1,22,889 ਦੀ ਬਜਾਏ ₹1,25,889 ਵਿੱਚ ਮਿਲੇਗਾ।
• Ather 450X: ਇਸ ਮਾਡਲ ਦੀ ਕੀਮਤ ₹1,50,046 ਤੋਂ ਵਧ ਕੇ ₹1,53,046 ਤੱਕ ਪਹੁੰਚ ਜਾਵੇਗੀ।
• Ather 450 Apex: ਕੰਪਨੀ ਦਾ ਸਭ ਤੋਂ ਮਹਿੰਗਾ ਫਲੈਗਸ਼ਿਪ ਮਾਡਲ ਹੁਣ ₹1,85,946 (ਐਕਸ-ਸ਼ੋਰੂਮ) ਦੀ ਸ਼ੁਰੂਆਤੀ ਕੀਮਤ 'ਤੇ ਉਪਲਬਧ ਹੋਵੇਗਾ।
31 ਦਸੰਬਰ ਤੱਕ ਖਰੀਦਣਾ ਰਹੇਗਾ ਫਾਇਦੇਮੰਦ
ਜੇਕਰ ਤੁਸੀਂ ਏਥਰ ਦਾ ਸਕੂਟਰ ਖਰੀਦਣਾ ਚਾਹੁੰਦੇ ਹੋ, ਤਾਂ ਜਨਵਰੀ ਤੋਂ ਪਹਿਲਾਂ ਖਰੀਦਣਾ ਤੁਹਾਡੇ ਲਈ ਫਾਇਦੇਮੰਦ ਸੌਦਾ ਹੋ ਸਕਦਾ ਹੈ। 31 ਦਸੰਬਰ ਤੱਕ ਗਾਹਕ ਪੁਰਾਣੀਆਂ ਕੀਮਤਾਂ 'ਤੇ ਹੀ ਸਕੂਟਰ ਬੁੱਕ ਕਰ ਸਕਦੇ ਹਨ। ਦੱਸਣਯੋਗ ਹੈ ਕਿ ਏਥਰ ਸਕੂਟਰ ਆਪਣੀ ਸ਼ਾਨਦਾਰ ਬੈਟਰੀ ਤਕਨਾਲੋਜੀ, ਭਰੋਸੇਯੋਗ ਸੇਵਾ ਅਤੇ ਬਿਹਤਰੀਨ ਪ੍ਰਦਰਸ਼ਨ ਲਈ ਗਾਹਕਾਂ ਵਿੱਚ ਕਾਫੀ ਹਰਮਨ ਪਿਆਰੇ ਹਨ।
ਸਾਲ ਭਰ ਲਈ ਰੀਚਾਰਜ ਦੀ ਟੈਨਸ਼ਨ ਖਤਮ, ਇਸ ਕੰਪਨੀ ਨੇ ਨਵੇਂ ਸਾਲ 'ਤੇ ਯੂਜ਼ਰਸ ਦੀ ਕਰਾਈ ਮੌਜ
NEXT STORY 
