ਜਲੰਧਰ- ਕਾਰ ਨਿਰਮਾਤਾ ਕੰਪਨੀ ਟੋਇਟਾ ਨੇ ਆਖਰਕਰ ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟ ਮਾਡਲ ਭਾਰਤ 'ਚ ਲਾਂਚ ਕਰ ਦਿੱਤਾ ਹੈ। ਇਸ ਨੂੰ ਇਨੋਵਾ ਕਰਿਸਟਾ ਦੀ ਪਹਿਲੀ ਐਨੀਵਰਸਿਰੀ 'ਤੇ ਲਾਂਚ ਕੀਤਾ ਗਿਆ ਹੈ। ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟ ਦੇ ਬਾਰੇ 'ਚ ਦੱਸ ਦਈਏ ਕਿ ਇਹ ਪੈਟਰੋਲ ਅਤੇ ਡੀਜਲ ਦੋਨੋਂ ਹੀ ਇੰਜਣ ਆਪਸ਼ਨਾਂ 'ਚ ਗਾਹਕਾਂ ਨੂੰ ਮਿਲੇਗੀ। ਟੋਇਟਾ ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟਸ ਦੇ ਪੈਟਰੋਲ ਵੇਰਿਅੰਟ ਦੀ ਸ਼ੁਰੂਆਤੀ ਕੀਮਤ 17.79 ਲੱਖ ਅਤੇ ਡੀਜਲ ਦੀ 18.91 ਲੱਖ ਰੁ . (ਐਕਸ-ਸ਼ੋਰੂਮ, ਦਿੱਲੀ) ਹੈ। ਟੋਇਟਾ ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟ 'ਚ ਖਾਸ ਤੌਰ 'ਤੇ ਕਾਸਮੈਟਿਕ ਬਦਲਾਵ ਕੀਤੇ ਗਏ ਹਨ ਜਿਸਦੇ ਨਾਲ ਇਹ ਕਾਫ਼ੀ ਅਲਗ ਹੋ ਗਈ ਹੈ।
ਨਵੇਂ ਫੀਚਰਸ
ਫ੍ਰੰਟ ਗਰਿਲ ਅਤੇ ਰਿਅਰ ਟੇਲ ਗੇਟ ਨੂੰ ਗਰਾਸ ਬਲੈਕ 'ਚ ਪੇਂਟ ਕੀਤਾ ਗਿਆ ਹੈ। ਬਾਡੀਕਿਟ ਅਤੇ ਵ੍ਹੀਲਸ ਨੂੰ ਕਰਾਸਰੋਵਰ ਸਟਾਇਲ ਦਿੱਤਾ ਗਿਆ ਹੈ। ਫ੍ਰੰਟ ਬੰਪਰ 'ਤੇ ਵੀ ਕ੍ਰੋਮ ਫਿਨੀਸ਼ਿੰਗ ਅਤੇ ਟੇਲ ਗੇਟ ਦੇ ਸਪਾਇਲਰ ਦਾ ਡਿਜਾਇਨ ਥੋੜ੍ਹਾ ਬਦਲਾ ਗਿਆ ਹੈ। ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟਸ ਦੇ ਵ੍ਹੀਲ ਸਾਇਜ਼ ਨੂੰ 17 ਇੰਚ ਤੋਂ ਘਟਾ ਕੇ 16 ਇੰਚ ਕਰ ਦਿੱਤਾ ਹੈ ਅਤੇ ਹੁਣ ਇਸ 'ਚ 16 ਇੰਚ ਦੇ ਨਵੇਂ ਅਲੌਏ ਵ੍ਹੀਲ ਲਗਾਏ ਗਏ ਹੈ, ਇਹ ਹੀ ਵ੍ਹੀਲ ਟੂਰਿੰਗ ਸਪੋਰਟ 'ਚ ਬਲੈਕ ਕਲਰ 'ਚ ਦਿੱਤੇ ਗਏ ਹਨ।
ਇੰਜਣ ਪਾਵਰ
ਟੋਇਟਾ ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟਸ ਮੈਨੂਅਲ ਅਤੇ ਆਟੋਮੈਟਿਕ ਗਿਅਰਬਾਕਸ ਆਪਸ਼ਨ ਦੇ ਨਾਲ ਪੈਟਰੋਲ ਅਤੇ ਡੀਜਲ ਇੰਜਣ 'ਚ ਉਪਲੱਬਧ ਹੈ। ਪੈਟਰੋਲ ਵਰਜਨ 'ਚ 2.7 ਲਿਟਰ ਦਾ ਇੰਜਣ ਲਗਾ ਹੈ ਜੋ 164 bhp ਦੀ ਪਾਵਰ ਦੇ ਨਾਲ 245 Nm ਦਾ ਅਧਿਕਤਮ ਟਾਰਕ ਜਨਰੇਟ ਕਰਦੀ ਹੈ। ਇਹ ਇੰਜਣ 5-ਸਪੀਡ ਮੈਨੂਅਲ ਅਤੇ 6 ਸਪੀਡ ਆਟੋਮੈਟਿਕ ਟਰਾਂਸਮਿਸ਼ਨ ਨਾਲ ਲੈਸ ਹੈ। ਡੀਜਲ ਵੇਰਿਅੰਟ ਦੋ ਆਪਸ਼ਨਾਂ 'ਚ ਉਪਲੱਬਧ ਹੈ। ਮੈਨੂਅਲ ਡੀਜਲ ਵੇਰਿਅੰਟ 'ਚ 2.4 ਲਿਟਰ ਦਾ ਇੰਜਣ ਹੈ ਜੋ ਕਿ 148 bhp ਦੀ ਬੇਮਿਸਾਲ ਪਾਵਰ ਦੇ ਨਾਲ 343 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਨੂੰ 5-ਸਪੀਡ ਮੈਨੂਅਲ ਗਿਅਰਬਾਕਸ ਨਾਲ ਲੈਸ ਕੀਤਾ ਗਿਆ ਹੈ। ਉਥੇ ਹੀ ਆਟੋਮੈਟਿਕ ਟੋਇਟਾ ਇਨੋਵਾ ਕਰਿਸਟਾ ਟੂਰਿੰਗ ਸਪੋਰਟਸ 'ਚ 2.8 ਲਿਟਰ ਦਾ ਇੰਜਣ ਦਿੱਤਾ ਗਿਆ ਹੈ ਜੋ 172bhp ਦੀ ਪਾਵਰ ਦੇ ਨਾਲ 360Nm ਦਾ ਟਾਰਕ ਵੀ ਦਿੰਦਾ ਹੈ। ਇਸ ਨੂੰ 6-ਸਪੀਡ ਆਟੋਮੈਟਿਕ ਗਿਅਰਬਾਕਸ ਨਾਲ ਲੈਸ ਕੀਤਾ ਗਿਆ ਹੈ।
ਸੈਲਫੀ ਦੇ ਸ਼ੌਕੀਨਾਂ ਲਈ ਪਹਿਲੀ ਪਸੰਦ ਬਣ ਸਕਦੇ ਹਨ ਇਹ ਬੈਸਟ ਸੈਲਫੀ ਕੈਮਰਾ ਸਮਾਰਟਫੋਨ
NEXT STORY 
