ਗੈਜੇਟ ਡੈਸਕ - ਸਮਾਰਟ ਪ੍ਰੀਪੇਡ ਮੀਟਰ ਪੁਰਾਣੇ ਮੀਟਰਾਂ ਦੇ ਮੁਕਾਬਲੇ ਬਿਜਲੀ ਦੀ ਖਪਤ ਦਾ ਬਿਲਕੁਲ ਸਹੀ ਹਿਸਾਬ ਰੱਖਦੇ ਹਨ। ਅਕਸਰ ਅਣਜਾਣੇ 'ਚ ਕੀਤੀਆਂ ਗਈਆਂ ਗਲਤੀਆਂ ਕਾਰਨ ਬਿਜਲੀ ਦਾ ਬਿੱਲ ਬਹੁਤ ਜ਼ਿਆਦਾ ਆਉਣ ਲੱਗਦਾ ਹੈ, ਪਰ ਜੇਕਰ ਤੁਸੀਂ ਆਪਣੀਆਂ ਕੁਝ ਆਦਤਾਂ 'ਚ ਬਦਲਾਅ ਕਰੋ, ਤਾਂ ਹਰ ਮਹੀਨੇ ਵੱਡੀ ਬਚਤ ਕੀਤੀ ਜਾ ਸਕਦੀ ਹੈ।
ਸਟੈਂਡਬਾਏ ਲੋਡ ਦੀ ਚੋਰੀ ਰੋਕੋ
ਬਹੁਤ ਸਾਰੇ ਲੋਕ ਨਹੀਂ ਜਾਣਦੇ ਕਿ ਟੀਵੀ, ਸੈੱਟ-ਟਾਪ ਬਾਕਸ ਅਤੇ ਮੋਬਾਈਲ ਚਾਰਜਰ ਵਰਗੇ ਉਪਕਰਨ ਸਵਿੱਚ ਆਫ਼ ਹੋਣ ਤੋਂ ਬਾਅਦ ਵੀ ਜੇਕਰ ਪਲੱਗ 'ਚ ਲੱਗੇ ਰਹਿਣ, ਤਾਂ ਉਹ ਬਿਜਲੀ ਖਿੱਚਦੇ ਰਹਿੰਦੇ ਹਨ। ਇਸ ਨੂੰ 'ਫੈਂਟਮ ਲੋਡ' ਜਾਂ ਸਟੈਂਡਬਾਏ ਲੋਡ ਕਿਹਾ ਜਾਂਦਾ ਹੈ। ਸਮਾਰਟ ਮੀਟਰ ਇਸ ਛੋਟੀ ਜਿਹੀ ਖਪਤ ਨੂੰ ਵੀ ਦਰਜ ਕਰਦਾ ਹੈ, ਇਸ ਲਈ ਵਰਤੋਂ ਨਾ ਹੋਣ 'ਤੇ ਪਲੱਗ ਬਾਹਰ ਕੱਢਣਾ ਯਕੀਨੀ ਬਣਾਓ।
ਰੀਅਲ-ਟਾਈਮ ਮਾਨੀਟਰਿੰਗ ਐਪ ਦਾ ਕਰੋ ਇਸਤੇਮਾਲ
ਸਮਾਰਟ ਮੀਟਰ ਦੇ ਨਾਲ ਮਿਲਣ ਵਾਲੀ ਅਧਿਕਾਰਤ ਮੋਬਾਈਲ ਐਪ ਇਕ ਬਹੁਤ ਉਪਯੋਗੀ ਸਾਧਨ ਹੈ। ਇਸ ਰਾਹੀਂ ਤੁਸੀਂ ਲਾਈਵ ਦੇਖ ਸਕਦੇ ਹੋ ਕਿ ਵਰਤਮਾਨ 'ਚ ਕਿੰਨੀਆਂ ਯੂਨਿਟਾਂ ਖਰਚ ਹੋ ਰਹੀਆਂ ਹਨ। ਜਦੋਂ ਤੁਸੀਂ ਕੋਈ ਭਾਰੀ ਉਪਕਰਨ ਜਿਵੇਂ ਏਸੀ ਜਾਂ ਗੀਜ਼ਰ ਚਲਾਉਂਦੇ ਹੋ, ਤਾਂ ਐਪ 'ਚ ਖਪਤ ਦਾ ਗ੍ਰਾਫ਼ ਦੇਖੋ। ਇਸ ਨਾਲ ਤੁਹਾਨੂੰ ਸਮਝ ਆਵੇਗਾ ਕਿ ਕਿਹੜਾ ਡਿਵਾਈਸ ਤੁਹਾਡੀ ਜੇਬ 'ਤੇ ਭਾਰੀ ਪੈ ਰਿਹਾ ਹੈ।
ਆਫ-ਪੀਕ ਆਵਰਸ ਦਾ ਫਾਇਦਾ ਉਠਾਓ
ਕਈ ਸੂਬਿਆਂ 'ਚ ਬਿਜਲੀ ਦੀਆਂ ਦਰਾਂ ਪੂਰਾ ਦਿਨ ਇਕੋ ਜਿਹੀਆਂ ਨਹੀਂ ਰਹਿੰਦੀਆਂ। ਰਾਤ ਦੇ ਸਮੇਂ ਜਾਂ ਸਵੇਰ ਦੇ ਕੁਝ ਘੰਟਿਆਂ (ਆਫ-ਪੀਕ ਆਵਰਸ) 'ਚ ਬਿਜਲੀ ਸਸਤੀ ਹੋ ਸਕਦੀ ਹੈ। ਵਾਸ਼ਿੰਗ ਮਸ਼ੀਨ, ਪਾਣੀ ਦੀ ਮੋਟਰ ਅਤੇ ਗੀਜ਼ਰ ਵਰਗੇ ਭਾਰੀ ਉਪਕਰਨਾਂ ਨੂੰ ਉਸ ਸਮੇਂ ਚਲਾਓ ਜਦੋਂ ਦਰਾਂ ਘੱਟ ਹੋਣ।
ਓਵਰਲੋਡ ਅਤੇ ਪੈਨਲਟੀ ਤੋਂ ਬਚਾਅ
ਸਮਾਰਟ ਮੀਟਰ ਪ੍ਰੋਗਰਾਮ ਕੀਤੇ ਗਏ ਹੁੰਦੇ ਹਨ। ਜੇਕਰ ਤੁਹਾਡਾ ਮਨਜ਼ੂਰਸ਼ੁਦਾ ਲੋਡ 2 ਕਿਲੋਵਾਟ ਹੈ ਅਤੇ ਤੁਸੀਂ ਇਕੋ ਸਮੇਂ ਕਈ ਭਾਰੀ ਚੀਜ਼ਾਂ ਚਲਾ ਕੇ ਲੋਡ ਵਧਾਉਂਦੇ ਹੋ, ਤਾਂ ਮੀਟਰ ਨਾ ਸਿਰਫ਼ ਅਲਰਟ ਭੇਜਦਾ ਹੈ ਬਲਕਿ ਭਾਰੀ ਪੈਨਲਟੀ ਵੀ ਲਗਾ ਸਕਦਾ ਹੈ। ਇਸ ਲਈ ਭਾਰੀ ਉਪਕਰਨਾਂ ਨੂੰ ਵਾਰੀ-ਵਾਰੀ ਚਲਾਉਣਾ ਬਿਹਤਰ ਹੈ।
ਬਜਟ ਅਤੇ ਸਮਾਰਟ ਅਲਰਟ
ਆਪਣੀ ਬਿਜਲੀ ਐਪ 'ਚ ਮਾਸਿਕ ਬਜਟ ਸੈੱਟ ਕਰੋ। ਜਿਵੇਂ ਹੀ ਤੁਹਾਡੀ ਖਪਤ ਤੈਅ ਸੀਮਾ ਦੇ ਨੇੜੇ ਪਹੁੰਚੇਗੀ, ਐਪ ਤੁਹਾਨੂੰ ਨੋਟੀਫਿਕੇਸ਼ਨ ਭੇਜ ਦੇਵੇਗੀ। ਇਸ ਤੋਂ ਇਲਾਵਾ, 'ਲੋਅ ਬੈਲੇਂਸ ਅਲਰਟ' ਨੂੰ ਹਮੇਸ਼ਾ ਚਾਲੂ ਰੱਖੋ ਤਾਂ ਜੋ ਅਚਾਨਕ ਬਿਜਲੀ ਕੱਟਣ ਦੀ ਨੌਬਤ ਨਾ ਆਵੇ।
1 ਕਰੋੜ ਰੁਪਏ ਸਸਤੀ ਹੋ ਜਾਵੇਗੀ Range Rover ! FTA ਲਾਗੂ ਹੁੰਦਿਆਂ ਹੀ ਭਾਰਤੀਆਂ ਦੀਆਂ ਲੱਗਣਗੀਆਂ ਮੌਜਾਂ
NEXT STORY 
