ਗੈਜੇਟ ਡੈਸਕ - ਜੇਕਰ ਤੁਸੀਂ ਵੀ ਵਟਸਐਪ ਚਲਾਉਣ ਦੇ ਵਾਧੂ ਸ਼ੌਕੀਨ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ। ਦੱਸ ਦਈਏ ਕਿ WhatsApp ਨੇ ਆਪਣੇ ਯੂਜ਼ਰਸ ਦੀ ਪ੍ਰਾਇਵੇਸੀ ਨੂੰ ਧਿਆਨ ’ਚ ਰੱਖਦਿਆਂ ਲਗਾਤਾਰ ਕੰਮ ਕਰਦਾ ਰਿਹਾ ਹੈ ਅਤੇ ਹੁਣ ਇਹ ਜਲਦੀ ਹੀ ਇਕ ਬਹੁਤ ਹੀ ਲਾਭਦਾਇਕ ਫੀਚਰ ਲਿਆਉਣ ਜਾ ਰਿਹਾ ਹੈ। ਇਸ ਫੀਚਰ ਦੀ ਖਾਸੀਅਤ ਦੀ ਗੱਲ ਕਰੀਏ ਤਾਂ ਇਸ ਦੀ ਮਦਦ ਨਾਲ ਯੂਜ਼ਰਸ ਦੀ ਪ੍ਰਾਇਵੇਸੀ ਵਧੇਗੀ ਅਤੇ ਉਨ੍ਹਾਂ ਨੂੰ ਅਣਚਾਹੇ ਮੈਸੇਜ ਤੋਂ ਪਰੇਸ਼ਾਨ ਨਹੀਂ ਹੋਣਾ ਪਵੇਗਾ।
ਇਸ ਫੀਚਰ ਦੀ ਵਰਤੋਂ ਕਰਨ 'ਤੇ, ਕੋਈ ਵੀ ਤੁਹਾਡੇ ਫੋਨ ਨੰਬਰ ਦੀ ਬਜਾਏ ਇਕ ਵਿਲੱਖਣ ਯੂਜ਼ਰਨੇਮ ਰਾਹੀਂ ਵਟਸਐਪ 'ਤੇ ਤੁਹਾਡੇ ਨਾਲ ਸੰਪਰਕ ਕਰੇਗਾ। ਆਉਣ ਵਾਲਾ ਨਵਾਂ ਫੀਚਰ ਇਸ ਵਿਲੱਖਣ ਯੂਜ਼ਰਨੇਮ ਨਾਲ ਸਬੰਧਤ ਹੈ। ਇਸ ਫੀਚਰ ਦੇ ਆਉਣ ਤੋਂ ਬਾਅਦ, ਵਟਸਐਪ 'ਤੇ ਤੁਹਾਡੇ ਨਾਲ ਸੰਪਰਕ ਕਰਨ ਵਾਲੇ ਵਿਅਕਤੀ ਨੂੰ ਪਹਿਲਾਂ ਉਹ ਪਿੰਨ ਕੋਡ ਦਰਜ ਕਰਨਾ ਹੋਵੇਗਾ ਜੋ ਤੁਸੀਂ ਆਪਣੇ ਯੂਜ਼ਰਨੇਮ ਲਈ ਸੈੱਟ ਕੀਤਾ ਹੈ। ਵਰਤਮਾਨ ’ਚ ਇਹ ਫੀਚਰ ਬੀਟਾ ਪੜਾਅ ’ਚ ਹੈ ਤੇ ਇਸ ਦੀ ਜਾਣਕਾਰੀ WABetaInfo ਨੇ ਆਪਣੀ ਇਕ ਰਿਪੋਰਟ ਦਿੱਤੀ ਹੈ।
ਜ਼ਿਕਰਯੋਗ ਹੈ ਕਿ WABetaInfo ਲੰਬੇ ਸਮੇਂ ਤੋਂ WhatsApp ਦੇ ਆਉਣ ਵਾਲੇ ਫੀਚਰਾਂ ਬਾਰੇ ਸਹੀ ਜਾਣਕਾਰੀ ਦਿੰਦਾ ਰਿਹਾ ਹੈ ਪਰ ਹੁਣ ਇਸ ਨੇ ਆਪਣੀ ਇਕ ਰਿਪੋਰਟ ’ਚ ਇਸ ਫੀਚਰਜ਼ ਨਾਲ ਸਬੰਧਤ ਇਕ ਸਕ੍ਰੀਨਸ਼ਾਟ ਵੀ ਸਾਂਝਾ ਕੀਤਾ ਹੈ। ਰਿਪੋਰਟ ਅਨੁਸਾਰ, ਇਹ ਫੀਚਰ ਗੂਗਲ ਪਲੇ ਸਟੋਰ 'ਤੇ ਉਪਲਬਧ WhatsApp Beta For Android ਦੇ 2.25.17.48 ਵਰਜਨ ’ਚ ਦੇਖਿਆ ਗਿਆ ਹੈ।
WABetaInfo ਵੱਲੋਂ ਸਾਂਝੇ ਕੀਤੇ ਗਏ ਸਕ੍ਰੀਨਸ਼ਾਟ ਅਨੁਸਾਰ, WhatsApp ਜਲਦੀ ਹੀ ਪ੍ਰਾਇਵੇਸੀ ਸੁਰੱਖਿਆ ਲਈ ਇਸ ਮਹੱਤਵਪੂਰਨ ਫੀਚਰ ਨੂੰ ਲਿਆਉਣ ਦੀ ਤਿਆਰੀ ਕਰ ਰਿਹਾ ਹੈ। ਸਕ੍ਰੀਨਸ਼ਾਟ ’ਚ ਤੁਸੀਂ ਯੂਜ਼ਰਨੇਮ ਨੂੰ ਪਿੰਨ ਕੋਡ ਨਾਲ ਸੁਰੱਖਿਅਤ ਕਰਨ ਦੇ ਫੀਚਰ ਨੂੰ ਸਪੱਸ਼ਟ ਤੌਰ 'ਤੇ ਦੇਖ ਸਕਦੇ ਹੋ। ਤੁਹਾਡੇ ਨਾਲ ਗੱਲ ਕਰਨ ਲਈ, ਕਿਸੇ ਵੀ ਯੂਜ਼ਰ ਨੂੰ ਇਹ ਪਿੰਨ ਸਿਰਫ ਪਹਿਲੀ ਵਾਰ ਦਰਜ ਕਰਨਾ ਹੋਵੇਗਾ। ਇਹ ਲੋਕਾਂ ਨੂੰ ਅਣਚਾਹੇ ਮੈਸੇਜ ਪ੍ਰਾਪਤ ਕਰਨ ਤੋਂ ਰੋਕੇਗਾ।
ਇਸ ਦੌਰਾਨ ਇਸ ਫੀਚਰ ਬਾਰੇ ਇਹ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਇਹ ਫੀਚਰ ਤੁਹਾਡੀ ਪ੍ਰਾਇਵੇਸੀ ਦੇ ਗਾਰਡ ਵਜੋਂ ਕੰਮ ਕਰੇਗਾ। ਇਸ ਫੀਚਰ ਨੂੰ ਚਾਲੂ ਕਰਨ ਤੋਂ ਬਾਅਦ, ਜੇਕਰ ਕੋਈ ਤੁਹਾਨੂੰ ਮੈਸੇਜ ਭੇਜਣਾ ਚਾਹੁੰਦਾ ਹੈ, ਤਾਂ ਯੂਜ਼ਰਨੇਮ ਜਾਣਨ ਤੋਂ ਬਾਅਦ ਵੀ, ਉਸਨੂੰ ਸਹੀ ਪਿੰਨ ਦਰਜ ਕਰਨਾ ਹੋਵੇਗਾ। ਪਿਛਲੇ ਕੁਝ ਦਿਨਾਂ ’ਚ WhatsApp 'ਤੇ ਸਪੈਮ ਮੈਸੇਜਿਸ ਦੀ ਗਿਣਤੀ ਬਹੁਤ ਵੱਧ ਗਈ ਹੈ। WhatsApp ਇਨ੍ਹਾਂ ਸਪੈਮ ਮੈਸੇਜਿਸ ਨਾਲ ਨਜਿੱਠਣ ਲਈ ਇਹ ਫੀਚਰ ਲਿਆ ਰਿਹਾ ਹੈ। ਜੇਕਰ ਕੋਈ ਯੂਜ਼ਰ ਆਪਣੇ ਖਾਤੇ ਦਾ ਯੂਜ਼ਰਨੇਮ ਸੈੱਟ ਕਰਦਾ ਹੈ ਪਰ ਯੂਜ਼ਰਨੇਮ ਲਈ ਪਿੰਨ ਸੈੱਟ ਨਹੀਂ ਕਰਦਾ ਹੈ, ਤਾਂ ਉਸਨੂੰ ਚੈਟਸ ਟੈਬ ’ਚ ਪਿੰਨ ਸੈੱਟ ਕਰਨ ਲਈ ਇਕ ਮੈਸੇਜ ਦਿਖਾਈ ਦੇਵੇਗਾ। ਇਸ ਬੈਨਰ ਮੈਸੇਜ ਰਾਹੀਂ, ਕੰਪਨੀ ਯੂਜ਼ਰਸ ਨੂੰ ਪਿੰਨ ਸੈੱਟ ਕਰਨ ਲਈ ਕਹੇਗੀ।
ਇਹ ਫੀਚਰ ਜਲਦੀ ਹੀ ਬੀਟਾ ਯੂਜ਼ਰਸ ਲਈ ਰੋਲਆਊਟ ਕੀਤਾ ਜਾਵੇਗਾ। ਬੀਟਾ ਯੂਜ਼ਰਸ ਨਾਲ ਟੈਸਟਿੰਗ ਕਰਨ ਤੋਂ ਬਾਅਦ, ਇਸਨੂੰ ਸਾਰੇ ਯੂਜ਼ਰਸ ਲਈ ਰੋਲਆਊਟ ਕੀਤਾ ਜਾਵੇਗਾ। ਫਿਲਹਾਲ ਇਸ ’ਚ ਹਾਲੇ ਕੁਝ ਸਮਾਂ ਲੱਗ ਸਕਦਾ ਹੈ ਪਰ ਜੇਕਰ ਤੁਸੀਂ ਦੇਖਣਾ ਚਾਹੁੰਦੇ ਹੋ ਕਿ ਇਹ ਫੀਚਰ ਤੁਹਾਡੇ ਫੋਨ 'ਤੇ ਆਇਆ ਹੈ ਜਾਂ ਨਹੀਂ, ਤਾਂ ਪਲੇ ਸਟੋਰ ਜਾਂ ਐਪ ਸਟੋਰ 'ਤੇ ਜਾਓ ਅਤੇ ਆਪਣੇ WhatsApp ਐਪ ਨੂੰ ਅਪਡੇਟ ਰੱਖੋ ਅਤੇ ਜਾਂਚ ਕਰਦੇ ਰਹੋ।
ਰਾਤ 12 ਵਜੇ ਤੋਂ ਇਨ੍ਹਾਂ iPhone ਅਤੇ Android Phones 'ਤੇ ਬੰਦ ਹੋ ਜਾਵੇਗਾ ਵਟਸਐਪ
NEXT STORY 
