ਹੈਲਥ ਡੈਸਕ - ਅਲਸੀ ਦੇ ਬੀਜ ਪ੍ਰਾਚੀਨ ਸਮੇਂ ਤੋਂ ਹੀ ਆਯੁਰਵੇਦਿਕ ਅਤੇ ਕੁਦਰਤੀ ਇਲਾਜ ਲਈ ਵਰਤੇ ਜਾਂਦੇ ਹਨ। ਇਹ ਬੀਜ ਓਮੇਗਾ-3 ਫੈਟੀ ਐਸਿਡ, ਫਾਈਬਰ, ਪ੍ਰੋਟੀਨ ਅਤੇ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਹੁੰਦੇ ਹਨ, ਜੋ ਸਾਡੀ ਸਿਹਤ ਲਈ ਬਹੁਤ ਲਾਭਕਾਰੀ ਹਨ। ਜੇਕਰ ਤੁਸੀਂ ਨਿਯਮਿਤ ਰੂਪ ’ਚ ਅਲਸੀ ਦੇ ਬੀਜ ਦਾ ਪਾਣੀ ਪੀਂਦੇ ਹੋ ਤਾਂ ਇਹ ਤੁਹਾਡੀ ਪਚਨ-ਪ੍ਰਣਾਲੀ, ਦਿਲ ਦੀ ਸਿਹਤ, ਵਜਨ ਕਟੌਤੀ ਅਤੇ ਚਮੜੀ ਦੀ ਚਮਕ ਨੂੰ ਸੁਧਾਰਨ ’ਚ ਮਦਦ ਕਰ ਸਕਦਾ ਹੈ। ਆਓ ਜਾਣੀਏ, ਅਲਸੀ ਦੇ ਬੀਜ ਦਾ ਪਾਣੀ ਪੀਣ ਨਾਲ ਕੀ-ਕੀ ਫਾਇਦੇ ਮਿਲ ਸਕਦੇ ਹਨ। ਅਲਸੀ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੁੰਦੀ ਹੈ ਅਤੇ ਜਦੋਂ ਤੁਸੀਂ ਅਲਸੀ ਦੇ ਬੀਜ ਨੂੰ ਪਾਣੀ ’ਚ ਭਿੱਜ ਕੇ ਪੀਂਦੇ ਹੋ, ਤਾਂ ਇਹ ਸਿਹਤ ਲਈ ਕਈ ਤਰੀਕਿਆਂ ਨਾਲ ਲਾਭਦਾਇਕ ਹੁੰਦਾ ਹੈ।
ਅਲਸੀ ਦੇ ਬੀਜ ਦਾ ਪਾਣੀ ਪੀਣ ਦੇ ਫਾਇਦੇ :-
ਹਾਜ਼ਮੇ ’ਚ ਸੁਧਾਰ
- ਅਲਸੀ ’ਚ ਫਾਈਬਰ ਦੀ ਮਾਤਰਾ ਵਧੀਆ ਹੁੰਦੀ ਹੈ, ਜੋ ਹਾਜ਼ਮੇ ਨੂੰ ਮਜ਼ਬੂਤ ਕਰਦੀ ਹੈ ਅਤੇ ਕਬਜ਼ ਨੂੰ ਦੂਰ ਕਰਦੀ ਹੈ।
ਭਾਰ ਘਟਾਉਣ ’ਚ ਮਦਦ
- ਅਲਸੀ ਦੇ ਬੀਜ ਪਾਣੀ ’ਚ ਜੈਲੀ-ਨੁਮਾ ਤੱਤ ਛੱਡਦੇ ਹਨ, ਜੋ ਭੁੱਖ ਨੂੰ ਘਟਾਉਂਦਾ ਹੈ ਅਤੇ ਵਜਨ ਕੰਟ੍ਰੋਲ ਕਰਨ ’ਚ ਮਦਦ ਕਰਦਾ ਹੈ।
ਹਾਰਟ ਦੀ ਸਿਹਤ ਲਈ ਵਧੀਆ
- ਇਹ ਓਮੇਗਾ-3 ਫੈਟੀ ਐਸਿਡ ਨਾਲ ਭਰਪੂਰ ਹੁੰਦੇ ਹਨ, ਜੋ ਕੋਲੈਸਟ੍ਰੋਲ ਨੂੰ ਕੰਟ੍ਰੋਲ ਕਰਦੇ ਹਨ ਅਤੇ ਦਿਲ ਦੀਆਂ ਬਿਮਾਰੀਆਂ ਤੋਂ ਬਚਾਉਂਦੇ ਹਨ।
ਸਕਿਨ ਤੇ ਵਾਲਾਂ ਲਈ ਫਾਇਦੇਮੰਦ
- ਅਲਸੀ ’ਚ ਐਂਟੀ-ਆਕਸੀਡੈਂਟ ਅਤੇ ਓਮੇਗਾ-3 ਹੁੰਦੇ ਹਨ, ਜੋ ਚਮੜੀ ਨੂੰ ਗਲੋ ਕਰਨ ’ਚ ਮਦਦ ਕਰਦੇ ਹਨ ਅਤੇ ਵਾਲਾਂ ਨੂੰ ਮਜ਼ਬੂਤ ਬਣਾਉਂਦੇ ਹਨ।
ਡਾਇਬੀਟੀਜ਼ ’ਚ ਲਾਭਕਾਰੀ
- ਅਲਸੀ ਦਾ ਪਾਣੀ ਬਲੱਡ ਸ਼ੂਗਰ ਨੂੰ ਕੰਟ੍ਰੋਲ ਰੱਖਣ ’ਚ ਮਦਦ ਕਰਦਾ ਹੈ, ਜੋ ਕਿ ਸ਼ੂਗਰ ਪੀੜਤ ਵਿਅਕਤੀਆਂ ਲਈ ਬਹੁਤ ਲਾਭਦਾਇਕ ਹੋ ਸਕਦਾ ਹੈ।
ਹਾਰਮੋਨਲ ਸੰਤੁਲਨ ਬਣਾਉਂਦੈ
- ਇਹ ਵਿਸ਼ੇਸ਼ ਤੌਰ 'ਤੇ ਔਰਤਾਂ ਲਈ ਲਾਭਕਾਰੀ ਹੈ ਕਿਉਂਕਿ ਇਹ ਈਸਟ੍ਰੋਜਨ ਦੇ ਪੱਧਰ ਨੂੰ ਸੰਤੁਲਿਤ ਰੱਖਣ ’ਚ ਮਦਦ ਕਰਦਾ ਹੈ, ਜਿਸ ਨਾਲ PCOS ਅਤੇ ਮਾਹਵਾਰੀ ਦੀਆਂ ਸਮੱਸਿਆਵਾਂ ਨੂੰ ਘਟਾਇਆ ਜਾ ਸਕਦਾ ਹੈ।
ਥਾਇਰਾਈਡ ਲਈ ਲਾਭਕਾਰੀ
- ਅਲਸੀ ਦੇ ਬੀਜ ’ਚ ਮੌਜੂਦ ਓਮੇਗਾ-3 ਅਤੇ ਐਂਟੀ-ਆਕਸੀਡੈਂਟ ਥਾਇਰਾਈਡ ਗਲੈਂਡ ਦੀ ਸਿਹਤ ਨੂੰ ਸਹੀ ਰੱਖਣ ’ਚ ਮਦਦ ਕਰਦੇ ਹਨ।
ਅਲਸੀ ਦਾ ਪਾਣੀ ਬਣਾਉਣ ਦਾ ਤਰੀਕਾ :-
- ਚਮਚ ਅਲਸੀ ਦੇ ਬੀਜ ਇਕ ਗਲਾਸ ਪਾਣੀ ’ਚ ਰਾਤ ਭਰ ਭਿਓਂ ਕੇ ਰੱਖੋ।
- ਸਵੇਰੇ ਇਹ ਪਾਣੀ ਛਾਣ ਕੇ ਖਾਲੀ ਪੇਟ ਪੀਓ।
- ਜੇਕਰ ਚਾਹੋ, ਤਾਂ ਹਲਕਾ ਨਿੰਬੂ ਜਾਂ ਸ਼ਹਿਦ ਵੀ ਮਿਲਾ ਸਕਦੇ ਹੋ।
Thyroid ਦੀ ਸਮੱਸਿਆ ਤੋਂ ਪਾਉਣਾ ਚਾਹੁੰਦੇ ਹੋ ਛੁਟਕਾਰਾ ਤਾਂ ਅਪਣਾਓ ਇਹ ਦੇਸੀ ਨੁਸਖੇ
NEXT STORY 
