ਹੈਲਥ ਡੈਸਕ- ਤੇਜ਼ੀ ਨਾਲ ਬਦਲਦੇ ਸੱਭਿਆਚਾਰ ਅਤੇ ਜੀਵਨ ਸ਼ੈਲੀ ਦੇ ਵਿਚਕਾਰ ਭੋਜਨ ਖਾਣ ਦੇ ਢੰਗਾਂ ਵਿੱਚ ਵੀ ਵੱਡੇ ਬਦਲਾਅ ਦੇਖਣ ਨੂੰ ਮਿਲੇ ਹਨ। ਖਾਸ ਕਰਕੇ ਚਮਚਿਆਂ ਦੀ ਵਰਤੋਂ ਵਧ ਗਈ ਹੈ। ਅੱਜ-ਕੱਲ੍ਹ ਹੱਥਾਂ ਦੀ ਬਜਾਏ ਚਮਚੇ ਨਾਲ ਖਾਣ ਦਾ ਰੁਝਾਨ ਤੇਜ਼ੀ ਨਾਲ ਵਧਿਆ ਹੈ। ਨੌਜਵਾਨ ਇਸ ਨੂੰ ਬਹੁਤ ਪਸੰਦ ਕਰਦੇ ਹਨ। ਪਰ ਪੋਸ਼ਣ ਮਾਹਿਰਾਂ ਦੇ ਅਨੁਸਾਰ, ਚਮਚ ਦੀ ਬਜਾਏ ਹੱਥਾਂ ਨਾਲ ਖਾਣ ਦੀ ਪ੍ਰਕਿਰਿਆ ਬਹੁਤ ਵਧੀਆ ਹੁੰਦੀ ਹੈ। ਇਸ ਦੇ ਬਹੁਤ ਸਾਰੇ ਫਾਇਦੇ ਹਨ। ਆਓ ਜਾਣਦੇ ਹਾਂ ਭੋਜਨ ਨੂੰ ਚਮਚ ਦੀ ਬਜਾਏ ਹੱਥਾਂ ਨਾਲ ਕਿਉਂ ਖਾਣਾ ਚਾਹੀਦਾ ਹੈ।
ਚਮਚੇ ਨਾਲ ਖਾਣਾ ਹਾਨੀਕਾਰਕ ਕਿਉਂ ਹੈ?
ਹਾਲ ਹੀ ਵਿੱਚ ਪ੍ਰਕਾਸ਼ਿਤ ਇੱਕ ਸਿਹਤ ਰਿਪੋਰਟ ਦੇ ਅਨੁਸਾਰ, ਜੋ ਲੋਕ ਲੰਬੇ ਸਮੇਂ ਤੱਕ ਚਮਚੇ ਜਾਂ ਕਾਂਟੇ ਦੀ ਮਦਦ ਨਾਲ ਭੋਜਨ ਖਾਂਦੇ ਹਨ, ਉਨ੍ਹਾਂ ਵਿੱਚ ਬਲੱਡ ਸ਼ੂਗਰ ਦਾ ਸੰਤੁਲਨ ਵਿਗੜਨ ਦਾ ਖ਼ਤਰਾ ਵੱਧ ਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਟਾਈਪ 2 ਡਾਇਬਟੀਜ਼ ਹੋਣ ਦੀ ਸੰਭਾਵਨਾ ਵੀ ਵੱਧ ਜਾਂਦੀ ਹੈ। ਇਸ ਲਈ ਚਮਚੇ ਦੀ ਬਜਾਏ ਹੱਥਾਂ ਨਾਲ ਖਾਣਾ ਖਾਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ- ਗਲੇ ਸੰਬੰਧੀ ਰੋਗਾਂ ਨੂੰ ਦੂਰ ਕਰਦੇ ਨੇ ਸੰਘਾੜੇ, ਜਾਣੋ ਹੋਰ ਵੀ ਲਾਭ
ਹੱਥਾਂ ਨਾਲ ਖਾਣ ਦੇ ਫਾਇਦੇ
ਸਵਾਦ ਬਿਹਤਰ ਹੁੰਦਾ ਹੈ
ਆਯੁਰਵੈਦ ਅਨੁਸਾਰ ਹੱਥਾਂ ਨਾਲ ਭੋਜਨ ਖਾਣ ਦੇ ਕਈ ਫਾਇਦੇ ਹਨ। ਹੱਥਾਂ ਨਾਲ ਖਾਣਾ ਖਾਣ ਨਾਲ ਸਵਾਦ ਦਾ ਅਹਿਸਾਸ ਬਿਹਤਰ ਹੁੰਦਾ ਹੈ ਅਤੇ ਭੋਜਨ ਨੂੰ ਵੀ ਵਧੀਆ ਤਰੀਕੇ ਨਾਲ ਪਚ ਸਕਦਾ ਹੈ।
ਮਾਸਪੇਸ਼ੀਆਂ ਦੀ ਕਸਰਤ ਹੁੰਦੀ ਹੈ
ਹੱਥਾਂ ਨਾਲ ਖਾਣਾ ਖਾਂਦੇ ਸਮੇਂ ਹੱਥਾਂ ਦੀਆਂ ਮਾਸਪੇਸ਼ੀਆਂ ਦੀ ਕਸਰਤ ਵੀ ਵਧੀਆ ਤਰੀਕੇ ਨਾਲ ਪੂਰੀ ਹੋ ਜਾਂਦੀ ਹੈ। ਇਸ ਤੋਂ ਇਲਾਵਾ ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਹੱਥਾਂ ਨਾਲ ਖਾਣਾ ਖਾਣ ਨਾਲ ਖੂਨ ਦਾ ਸੰਚਾਰ ਵੀ ਠੀਕ ਰਹਿੰਦਾ ਹੈ। ਖਾਣਾ ਖਾਂਦੇ ਸਮੇਂ, ਉਸ ਨੂੰ ਮਿਲਾਉਣ ਜਾਂ ਤਿਆਰ ਕਰਦੇ ਸਮੇਂ, ਹੱਥਾਂ ਦੇ ਸਾਰੇ ਜੋੜਾਂ ਨੂੰ ਵਧੀਆ ਕਸਰਤ ਮਿਲਦੀ ਹੈ, ਜਿਸ ਨਾਲ ਉਨ੍ਹਾਂ ਦੀ ਲਚਕਤਾ ਵਿੱਚ ਵੀ ਸੁਧਾਰ ਹੁੰਦਾ ਹੈ।
ਇਹ ਵੀ ਪੜ੍ਹੋ- ਅੱਜ ਹੀ ਖੁਰਾਕ 'ਚ ਸ਼ਾਮਲ ਕਰੋ 'ਮੂਲੀ', ਸਰੀਰ ਨੂੰ ਹੋਣਗੇ ਚਮਤਕਾਰੀ ਫ਼ਾਇਦੇ
ਖਾਣਾ ਬਿਹਤਰ ਤਰੀਕੇ ਨਾਲ ਹਜ਼ਮ ਹੁੰਦਾ ਹੈ
ਆਯੁਰਵੈਦ ਅਨੁਸਾਰ ਸਾਡੀਆਂ ਉਂਗਲਾਂ ਦੇ ਸਭ ਤੋਂ ਉੱਪਰਲੇ ਹਿੱਸੇ ਵਿੱਚ ਮੌਜੂਦ ਨਾੜੀਆਂ ਨੂੰ ਵਾਰ-ਵਾਰ ਛੂਹਣ ਨਾਲ ਸਾਡੀ ਪਾਚਨ ਸ਼ਕਤੀ ਵੀ ਮਜ਼ਬੂਤ ਹੁੰਦੀ ਹੈ। ਨਾਲ ਹੀ ਹੱਥਾਂ ਨਾਲ ਚੀਜ਼ਾਂ ਖਾਂਦੇ ਸਮੇਂ ਇਸ ਦੀ ਖੁਸ਼ਬੂ ਅਤੇ ਸੁਆਦ ਨੂੰ ਬਿਹਤਰ ਮਹਿਸੂਸ ਕੀਤਾ ਜਾ ਸਕਦਾ ਹੈ।
ਖਾਣਾ ਖਾਣ ਤੋਂ ਪਹਿਲਾਂ ਹੱਥ ਧੋਵੋ
ਸਿਹਤ ਮਾਹਿਰਾਂ ਅਨੁਸਾਰ ਖਾਣਾ ਖਾਣ ਤੋਂ ਪਹਿਲਾਂ ਹੱਥਾਂ ਨੂੰ ਚੰਗੀ ਤਰ੍ਹਾਂ ਧੋਣਾ ਚਾਹੀਦਾ ਹੈ। ਕੋਈ ਵੀ ਕੰਮ ਕਰਦੇ ਸਮੇਂ ਬੈਕਟੀਰੀਆ ਅਤੇ ਕੀਟਾਣੂ ਸਾਡੇ ਹੱਥਾਂ 'ਤੇ ਚਿਪਕ ਜਾਂਦੇ ਹਨ, ਜੋ ਭੋਜਨ ਦੇ ਨਾਲ-ਨਾਲ ਪੇਟ, ਗਲੇ, ਮੂੰਹ ਅਤੇ ਅੰਤੜੀਆਂ ਤੱਕ ਪਹੁੰਚ ਸਕਦੇ ਹਨ ਅਤੇ ਸਮੱਸਿਆਵਾਂ ਪੈਦਾ ਕਰ ਸਕਦੇ ਹਨ। ਇਸ ਲਈ ਬਿਹਤਰ ਹੋਵੇਗਾ ਕਿ ਕੁਝ ਵੀ ਖਾਣ ਤੋਂ ਪਹਿਲਾਂ ਹੱਥ ਧੋ ਲਏ ਜਾਣ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਖਾਣਾ ਖਾਂਦੇ ਸਮੇਂ ਕਿਤੇ ਤੁਸੀਂ ਤਾਂ ਨਹੀਂ ਕਰਦੇ ਅਜਿਹੀ ਗਲਤੀ, ਪੈ ਸਕਦੈ ਪਛਤਾਉਣਾ
NEXT STORY 
