ਬੇਰੂਤ — ਦੱਖਣੀ ਲੇਬਨਾਨ ਦੇ ਕਈ ਇਲਾਕਿਆਂ 'ਤੇ ਸ਼ਨੀਵਾਰ ਨੂੰ ਇਜ਼ਰਾਇਲੀ ਹਵਾਈ ਹਮਲਿਆਂ 'ਚ ਘੱਟੋ-ਘੱਟ 23 ਲੋਕ ਮਾਰੇ ਗਏ ਅਤੇ 65 ਹੋਰ ਜ਼ਖਮੀ ਹੋ ਗਏ। ਲੇਬਨਾਨੀ ਫੌਜੀ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਫੌਜੀ ਸੂਤਰਾਂ ਨੇ ਦੱਸਿਆ ਕਿ ਇਜ਼ਰਾਈਲ ਦੇ ਲੜਾਕੂ ਜਹਾਜ਼ਾਂ ਅਤੇ ਡਰੋਨਾਂ ਨੇ ਦੁਪਹਿਰ ਨੂੰ ਲਗਭਗ 90 ਹਮਲੇ ਕੀਤੇ, ਦੱਖਣੀ ਲੇਬਨਾਨ ਦੇ ਲਗਭਗ 45 ਪਿੰਡਾਂ ਅਤੇ ਕਸਬਿਆਂ ਨੂੰ ਨਿਸ਼ਾਨਾ ਬਣਾਇਆ।
ਸੂਤਰਾਂ ਨੇ ਦੱਸਿਆ ਕਿ ਕਈ ਕਲੀਨਿਕ ਅਤੇ ਸਿਵਲ ਡਿਫੈਂਸ ਸੈਂਟਰ ਵੀ ਹਮਲਿਆਂ 'ਚ ਸ਼ਾਮਲ ਸਨ, ਜਿਨ੍ਹਾਂ 'ਚ 12 ਲੋਕ ਮਾਰੇ ਗਏ ਸਨ ਅਤੇ 15 ਹੋਰ ਜ਼ਖਮੀ ਹੋ ਗਏ ਸਨ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਡਾਕਟਰ, ਪੈਰਾਮੈਡਿਕਸ, ਨਰਸਾਂ ਅਤੇ ਅੱਗ ਬੁਝਾਉਣ ਵਾਲੇ ਸਨ। ਵਰਣਨਯੋਗ ਹੈ ਕਿ 8 ਅਕਤੂਬਰ, 2023 ਤੋਂ, ਹਿਜ਼ਬੁੱਲਾ ਨੇ ਗਾਜ਼ਾ ਪੱਟੀ ਵਿਚ ਫਲਸਤੀਨੀਆਂ ਲਈ ਆਪਣਾ ਸਮਰਥਨ ਦਿਖਾਉਣ ਲਈ ਲੇਬਨਾਨ-ਇਜ਼ਰਾਈਲ ਸਰਹੱਦ 'ਤੇ ਇਜ਼ਰਾਈਲ ਨਾਲ ਗੋਲੀਬਾਰੀ ਕੀਤੀ ਹੈ।
ਹਿਜ਼ਬੁੱਲਾ ਅਤੇ ਇਜ਼ਰਾਈਲ ਵਿਚਕਾਰ ਟਕਰਾਅ ਉਦੋਂ ਵਧ ਗਿਆ ਜਦੋਂ ਇਜ਼ਰਾਈਲ ਨੇ ਘੋਸ਼ਣਾ ਕੀਤੀ ਕਿ ਉਹ ਗਾਜ਼ਾ ਪੱਟੀ ਤੋਂ ਆਪਣਾ ਫੌਜੀ ਫੋਕਸ ਉੱਤਰੀ ਮੋਰਚੇ ਵੱਲ ਤਬਦੀਲ ਕਰ ਦੇਵੇਗਾ, ਜਿਸਦਾ ਉਦੇਸ਼ ਹਿਜ਼ਬੁੱਲਾ ਦੇ ਵਿਰੁੱਧ ਲੜਨਾ ਹੈ ਜਦੋਂ ਤੱਕ ਉੱਤਰੀ ਖੇਤਰ ਦੇ ਵਸਨੀਕ ਸੁਰੱਖਿਅਤ ਘਰ ਵਾਪਸ ਨਹੀਂ ਆ ਜਾਂਦੇ।
ਇਜ਼ਰਾਈਲ ਦੇ ਲੜਾਕੂ ਜਹਾਜ਼ਾਂ ਨੇ ਸ਼ੁੱਕਰਵਾਰ ਸ਼ਾਮ ਨੂੰ ਬੇਰੂਤ ਦੇ ਦੱਖਣੀ ਉਪਨਗਰ ਦਹੀਹ ਵਿਚ ਹਿਜ਼ਬੁੱਲਾ ਦੇ ਮੁੱਖ ਹੈੱਡਕੁਆਰਟਰ 'ਤੇ ਹਵਾਈ ਹਮਲੇ ਕੀਤੇ, ਜਿਸ ਵਿਚ ਹਿਜ਼ਬੁੱਲਾ ਨੇਤਾ ਸੱਯਦ ਹਸਨ ਨਸਰੁੱਲਾ ਮਾਰਿਆ ਗਿਆ। ਨਸਰੁੱਲਾ ਦੀ ਮੌਤ ਦੀ ਪੁਸ਼ਟੀ ਹਿਜ਼ਬੁੱਲਾ ਨੇ ਵੀ ਕੀਤੀ ਸੀ।
UN 'ਚ ਭਾਰਤ ਨੇ ਪਾਕਿਸਤਾਨ ਨੂੰ ਦਿੱਤਾ ਕਰਾਰਾ ਜਵਾਬ ; 'ਹੁਣ ਸਿਰਫ਼ POK ਖ਼ਾਲੀ ਕਰਵਾਉਣਾ ਬਾਕੀ...'
NEXT STORY 
