ਆਟੋ ਡੈਸਕ– ਬਿਹਤਰੀਨ ਖੂਬੀਆਂ ਨਾਲ ਲੈਸ ਆਈਫੋਨ, ਆਈਪੈਡ, ਮੈਕਬੁੱਕ ਅਤੇ ਏਅਰਪੌਡਸ ਸਮੇਤ ਢੇਰਾਂ ਇਲੈਕਟ੍ਰਿਕ ਪ੍ਰੋਡਕਟਸ ਲਾਂਚ ਕਰਨ ਵਾਲੀ ਦੁਨੀਆ ਦੀ ਸਭ ਤੋਂ ਪ੍ਰਸਿੱਧਕੰਪਨੀ ਐਪਲ ਹੁਣ ਇਲੈਕਟ੍ਰਿਕ ਕਾਰ ਲਾਂਚ ਕਰਨ ਦੀ ਯੋਜਨਾ ’ਤੇ ਕੰਮ ਕਰ ਰਹੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਸਾਲ 2024 ਤਕ ਐਪਲ ਦੀ ਇਲੈਕਟ੍ਰਿਕ ਕਾਰ ਬਾਜ਼ਾਰ ’ਚ ਆ ਜਾਵੇਗੀ। ਖ਼ਾਸ ਗੱਲ ਇਹ ਹੈ ਕਿ ਐਪਲ ਆਪਣੇ ਸਮਾਰਟਫੋਨ ਦੇ ਪ੍ਰੋਸੈਸਰ ਦੀ ਤਰ੍ਹਾਂ ਹੀ ਆਪਣੀ ਇਲੈਕਟ੍ਰਿਕ ਕਾਰ ਲਈ ਵੀ ਖੁਦ ਦੀ ਬੈਟਰੀ ਤਕਨੀਕ ਡਿਵੈਲਪ ਕਰ ਰਹੀ ਹੈ ਜੋ ਲਾਗਤ ਘੱਟ ਕਰਨ ਦੇ ਨਾਲ ਹੀ ਬਿਹਤਰੀਨ ਮਾਈਲੇਜ ਦੇ ਸਕਦੀ ਹੈ।
ਟੈਸਲਾ ਨਾਲ ਹੋਵੇਗਾ ਮੁਕਾਬਲਾ
ਨਿਊਜ਼ ਏਜੰਸੀ ਰਾਇਟਰ ਦੀ ਰਿਪੋਰਟ ਦੀ ਮੰਨੀਏ ਤਾਂ ਐਪਲ ਸੈਲਫ ਡਰਾਈਵਿੰਗ ਕਾਰ ਬਣਾਉਣ ਦੀ ਯੋਜਨਾ ’ਤੇ ਕੰਮ ਕਰ ਰਹੀ ਹੈ ਜੋ ਸ਼ਾਇਦ ਫਿਊਚਰ ਮੋਬਿਲਿਟੀ ਲਈ ਉਦਾਹਰਣ ਬਣੇ। ਐਪਲ ਦੀ ਆਉਣ ਵਾਲੀ ਇਲੈਕਟ੍ਰਿਕ ਕਾਰ ਦੀ ਖ਼ਬਰ ਨੇ ਅਮਰੀਕਾ ਦੀ ਹੀ ਕੰਪਨੀ ਟੈਸਲਾ ਦੀ ਟੈਨਸ਼ਨ ਵਧਾ ਦਿਤੀ ਹੈ ਕਿਉਂਕਿ ਦੋਵੇਂ ਹੀ ਕੰਪਨੀਆਂ ਆਪਣੇ ਪ੍ਰੀਮੀਅਮ ਪ੍ਰੋਡਕਟਸ ਲਈ ਜਾਣੀਆਂ ਜਾਂਦੀਆਂ ਹਨ। ਆਉਣ ਵਾਲੇ ਸਮੇਂ ’ਚ ਪਤਾ ਚੱਲੇਗਾ ਕਿ ਐਪਲ ਦੀ ਇਲੈਕਟ੍ਰਿਕ ਕਾਰ ਲੁੱਕ, ਫੀਚਰਜ਼, ਪਾਵਰ ਅਤੇ ਬੈਟਰੀ ਦੇ ਮਾਮਲੇ ’ਚ ਕੀ ਕੁਝ ਨਵਾਂ ਲੈ ਕੇ ਆਉਂਦੀ ਹੈ ਅਤੇ ਆਪਣੇ ਵਿਰੋਧੀ ਨੂੰ ਕਿੰਨੀ ਟੱਕਰ ਦਿੰਦੀ ਹੈ।
ਦੱਸ ਦੇਈਏ ਕਿ ਐਪਲ ਦੀ ਕਾਰ ਬਾਰੇ ਸਭ ਤੋਂ ਪਹਿਲਾਂ ਸਾਲ 2014 ’ਚ ਹੀ ਖ਼ਬਰ ਆਈ ਸੀ ਪਰ ਬਾਅਦ ’ਚ ਐਪਲ ਨੇ ਆਪਣੀ ਟੈਕਨਾਲੋਜੀ ਅਤੇ ਸਾਫਟਵੇਅਰ ਦੇ ਡਿਵੈਲਰਪਮੈਂਟ ਤਕ ਖੁਦ ’ਤੇ ਫੋਕਸ ਕੀਤਾ ਅਤੇ ਹਰ ਸਾਲ ਇਕ ਤੋਂ ਵਧ ਕੇ ਇਕ ਜ਼ਬਰਦਸਤ ਪ੍ਰੋਡਕਟ ਲਾਂਚ ਕੀਤੇ। ਹਾਲ ਦੇ ਮਹੀਨਿਆਂ ’ਚ ਖ਼ਬਰ ਆਈ ਹੈ ਕਿ ਐਪਲ ਆਪਣੀ ਪਹਿਲੀ ਇਲੈਕਟ੍ਰਿਕ ਕਾਰ ਨੂੰ ਲਾਂਚ ਕਰਨ ਦੀ ਦਿਸ਼ਾ ’ਚ ਕਾਫੀ ਤੇਜ਼ੀ ਨਾਲ ਕੰਮ ਕਰ ਰਹੀ ਹੈ ਅਤੇ ਦੁਨੀਆ ਸਾਲ 2024 ਅਮਰੀਕੀ ਕੰਪਨੀ ਐਪਲ ਦੀ ਇਲੈਕਟ੍ਰਿਕ ਕਾਰ ਨਾਲ ਰੂ-ਬ-ਰੂ ਹੋ ਜਾਵੇਗੀ। ਐਪਲ ਕਈ ਕੰਪਨੀਆਂ ਨਾਲ ਗੱਲ ਕਰ ਰਹੀ ਹੈ ਜੋ ਇਲੈਕਟਰਿਕ ਕਾਰਾਂ ਦੇ ਡਿਜ਼ਾਇਨ ਦੇ ਨਾਲ ਹੀ ਇਸ ਦੀ ਐਡਵਾਂਸ ਟੈਕਨਾਲੋਜੀ ਨੂੰ ਡਿਵੈਲਪ ਕਰਨ ਦੀ ਦਿਸ਼ਾ ’ਚ ਕੰਮ ਕਰ ਸਕਦੀਆਂ ਹਨ।
ਹੁਣ ਈਸਾਈ ਆਗੂਆਂ ਨੇ ਵੀ ਕੋਰੋਨਾ ਵੈਕਸੀਨ 'ਤੇ ਜਤਾਈ ਚਿੰਤਾ, ਵੈਟੀਕਨ ਨੇ ਕਹੀ ਇਹ ਗੱਲ
NEXT STORY 
