ਸਿਡਨੀ (ਬਿਊਰੋ): ਕਿਸੇ ਨੇ ਸੱਚ ਹੀ ਕਿਹਾ ਹੈ ਬੱਚੇ ਬਹੁਤ ਭੋਲੇ ਹੁੰਦੇ ਹਨ। ਅਕਸਰ ਭੁੱਖ ਲੱਗਣ 'ਤੇ ਬੱਚੇ ਕਾਹਲੇ ਪੈ ਜਾਂਦੇ ਹਨ ਅਤੇ ਕਈ ਵਾਰ ਅਜਿਹਾ ਕੁਝ ਕਰ ਬੈਠਦੇ ਹਨ ਜੋ ਖਤਰਨਾਕ ਸਾਬਤ ਹੁੰਦਾ ਹੈ।ਅਜਿਹਾ ਹੀ ਇਕ ਮਾਮਲਾ ਆਸਟ੍ਰੇਲੀਆ ਦਾ ਸਾਹਮਣੇ ਆਇਆ ਹੈ। ਇੱਥੇ ਸਿਡਨੀ ਵਿਚ ਰਹਿਣ ਵਾਲੇ ਇਕ ਪਰਿਵਾਰ ਨੂੰ ਆਪਣਾ ਘਰ ਛੱਡਣਾ ਪਿਆ ਕਿਉਂਕਿ ਉਹਨਾਂ ਦੀ 15 ਸਾਲਾ ਬੱਚੀ ਰਾਤ ਵਿਚ ਭੁੱਖ ਲੱਗਣ 'ਤੇ ਕਿਚਨ ਵਿਚ ਚਿਪਸ ਤਲਣ ਲਈ ਚਲੀ ਗਈ। ਇਸ ਕੋਸ਼ਿਸ਼ ਵਿਚ ਬੱਚੀ ਨੇ ਪੂਰੇ ਘਰ ਵਿਚ ਅੱਗ ਲਗਾ ਦਿੱਤੀ, ਜਿਸ ਦੇ ਕਾਰਨ ਪਰਿਵਾਰ ਦਾ ਕਰੋੜਾਂ ਦਾ ਨੁਕਸਾਨ ਹੋ ਗਿਆ।
ਅਸਲ ਵਿਚ ਕੁੜੀ ਨੂੰ ਅੱਧੀ ਰਾਤ ਨੂੰ ਭੁੱਖ ਲੱਗੀ ਤਾਂ ਉਸ ਨੇ ਕਿਸੇ ਨੂੰ ਉਠਾਉਣ ਦੀ ਬਜਾਏ ਖੁਦ ਹੀ ਚਿਪਸ ਤਲਣ ਬਾਰੇ ਸੋਚਿਆ। ਇਸ ਤੋਂ ਪਹਿਲਾਂ ਉਸ ਨੇ ਇਕੱਲੇ ਕਿਚਨ ਵਿਚ ਕਦੇ ਕੰਮ ਨਹੀਂ ਕੀਤਾ ਸੀ।
ਉੱਧਰ ਤੇਲ ਜ਼ਿਆਦਾ ਗਰਮ ਹੋਣ ਦੇ ਕਾਰਨ ਉਸ ਵਿਚ ਅੱਗ ਲੱਗ ਗਈ ਜੋ ਹੌਲੀ-ਹੌਲੀ ਕਿਚਨ ਤੋਂ ਡਾਈਨਿੰਗ ਰੂਮ, ਲਾਊਂਜ ਅਤੇ ਪੌੜੀਆਂ ਤੱਕ ਪਹੁੰਚ ਗਈ। ਘਰ ਦੇ ਸਾਰੇ ਹਿੱਸੇ ਧੂੰਏਂ ਅਤੇ ਸਵਾਹ ਨਾਲ ਭਰ ਗਏ।ਇਸ ਮਗਰੋਂ ਤੁਰੰਤ ਪਰਿਵਾਰ ਦੀ ਅੱਖ ਖੁੱਲ੍ਹੀ।
ਬਾਹਰ ਦਾ ਨਜ਼ਾਰਾ ਦੇਖ ਕੇ 55 ਸਾਲਾ ਲਿੰਡਾ ਬੇਰੇਟ (ਬੱਚੀ ਦੀ ਮਾਂ) ਹੈਰਾਨ ਰਹਿ ਗਈ। ਉਸ ਨੇ ਤੁਰੰਤ ਸਾਰਿਆਂ ਨੂੰ ਘਰੋਂ ਬਾਹਰ ਕੱਢਿਆ। ਇਸ ਦੇ ਬਾਅਦ ਲਿੰਡਾ ਨੂੰ ਆਪਣੀ 3 ਬੇਟੀਆਂ ਅਤੇ ਪਾਲਤੂ ਕੁੱਤਿਆਂ ਦੇ ਨਾਲ ਘਰ ਛੱਡਣਾ ਪਿਆ। ਭਾਵੇਂਕਿ ਰਾਹਤ ਦੀ ਗੱਲ ਇਹ ਹੈ ਕਿ ਕਿਸੇ ਦੀ ਜਾਨ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ।
ਅੱਗ ਇੰਨੀ ਭਿਆਨਕ ਸੀ ਕਿ ਉਸ ਨੂੰ ਬੁਝਾਉਣ ਲਈ 5 ਦਮਕਲ ਕਰਮੀ 3 ਘੰਟੇ ਤੱਕ ਪਾਣੀ ਪਾਉਂਦੇ ਰਹੇ। ਬੀਬੀ ਨੇ ਦੱਸਿਆ ਕਿ ਇਸ ਦੇ ਕਾਰਨ ਉਹਨਾਂ ਨੂੰ 2 ਕਰੋੜ 56 ਲੱਖ ਰੁਪਏ ਦਾ ਨੁਕਸਾਨ ਹੋਇਆ। ਬੀਬੀ ਨੇ ਦੱਸਿਆ ਕਿ ਮੁਰੰਮਤ ਹੋਣ ਦੇ ਬਾਅਦ ਉਹ ਪੂਰੇ ਪਰਿਵਾਰ ਦੇ ਨਾਲ ਦੁਬਾਰਾ ਉੱਥੇ ਸ਼ਿਫਟ ਹੋ ਜਾਵੇਗੀ।
ਜ਼ਰੂਰਤਮੰਦਾਂ ਨੂੰ ਖਾਣਾ ਖੁਆਉਣ ਲਈ ਵਰਲਡ ਫੂਡ ਪ੍ਰੋਗਰਾਮ ਨੂੰ ਮਿਲਿਆ 2020 ਦਾ ਨੋਬੇਲ ਸ਼ਾਂਤੀ ਪੁਰਸਕਾਰ
NEXT STORY 
