ਇੰਟਰਨੈਸ਼ਨਲ ਡੈਸਕ- ਯੂਕਰੇਨ ਨੇ ਰੂਸ ਤੇ ਤੇਲ ਉਦਯੋਗ ਨੂੰ ਵੱਡਾ ਨੁਕਸਾਨ ਪਹੁੰਚਾਇਆ ਹੈ। ਅੱਜ ਸਵੇਰੇ ਯੂਕਰੇਨ ਨੇ ਰੂਸ ਦੇ ਸਮਾਰਾ ਖੇਤਰ ਵਿੱਚ ਸਥਿਤ ਸਿਜ਼ਰਾਨ ਤੇਲ ਰਿਫਾਇਨਰੀ 'ਤੇ ਡਰੋਨਾਂ ਦੇ ਇੱਕ ਵੱਡੇ ਸਮੂਹ ਨਾਲ ਹਮਲਾ ਕਰ ਦਿੱਤਾ, ਜਿਸ ਕਾਰਨ ਉੱਥੇ ਭਿਆਨਕ ਅੱਗ ਲੱਗ ਗਈ। ਹਮਲੇ ਤੋਂ ਬਾਅਦ ਸਾਹਮਣੇ ਆਈਆਂ ਨਵੀਂਆਂ ਵੀਡੀਓਜ਼ ਵਿੱਚ ਰਿਫਾਇਨਰੀ ਦੇ ਅੰਦਰ ਤਿੰਨ ਵੱਖ-ਵੱਖ ਥਾਵਾਂ 'ਤੇ ਭਿਆਨਕ ਅੱਗ ਲੱਗੀ ਦਿਖਾਈ ਦੇ ਰਹੀ ਹੈ, ਜਿਸ ਨਾਲ ਰਿਫਾਇਨਰੀ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਡਰੋਨਾਂ ਦੇ ਇਸ ਹਮਲੇ ਨੇ ਰੂਸੀ ਸੁਰੱਖਿਆ ਪ੍ਰਬੰਧਾਂ ਨੂੰ ਚਕਮਾ ਦਿੰਦੇ ਹੋਏ ਰਿਫਾਇਨਰੀ ਦੇ ਅਹਿਮ ਹਿੱਸਿਆਂ ਨੂੰ ਨਿਸ਼ਾਨਾ ਬਣਾਇਆ।
ਜ਼ਿਕਰਯੋਗ ਹੈ ਕਿ ਸਿਜ਼ਰਾਨ ਤੇਲ ਰਿਫਾਇਨਰੀ ਰੂਸ ਦੇ ਸਭ ਤੋਂ ਮਹੱਤਵਪੂਰਨ ਤੇਲ ਪਲਾਂਟਾਂ ਵਿੱਚੋਂ ਇੱਕ ਹੈ। ਇਸ ਰਿਫਾਇਨਰੀ ਦੀ ਸਾਲਾਨਾ ਤੇਲ ਸੋਧਣ ਦੀ ਸਮਰੱਥਾ ਲਗਭਗ 85 ਲੱਖ ਟਨ ਹੈ। ਇਸ ਹਮਲੇ ਕਾਰਨ ਰੂਸ ਦੀ ਤੇਲ ਸੋਧਣ ਦੀ ਸਮਰੱਥਾ 'ਤੇ ਵੱਡਾ ਅਸਰ ਪੈਣ ਦੀ ਉਮੀਦ ਹੈ, ਜੋ ਕਿ ਮਾਸਕੋ ਲਈ ਇੱਕ ਬਹੁਤ ਹੀ 'ਬੁਰੀ ਖ਼ਬਰ' ਸਾਬਤ ਹੋ ਸਕਦੀ ਹੈ। ਯੂਕਰੇਨ ਵੱਲੋਂ ਰੂਸ ਦੇ ਅੰਦਰੂਨੀ ਇਲਾਕਿਆਂ ਵਿੱਚ ਸਥਿਤ ਰਣਨੀਤਕ ਟਿਕਾਣਿਆਂ, ਖ਼ਾਸ ਕਰਕੇ ਤੇਲ ਰਿਫਾਇਨਰੀਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਰਣਨੀਤੀ ਤੇਜ਼ ਹੋ ਗਈ ਹੈ। ਮਾਹਿਰਾਂ ਅਨੁਸਾਰ ਅਜਿਹੇ ਹਮਲਿਆਂ ਦਾ ਉਦੇਸ਼ ਰੂਸ ਦੀ ਜੰਗੀ ਮਸ਼ੀਨਰੀ ਨੂੰ ਮਿਲਣ ਵਾਲੀ ਆਰਥਿਕ ਮਦਦ ਅਤੇ ਈਂਧਨ ਦੀ ਸਪਲਾਈ ਨੂੰ ਰੋਕਣਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੈਨੇਡਾ 'ਚ ਪੰਜਾਬੀ ਜੇਲ੍ਹ ਅਧਿਕਾਰੀ ਦੀ ਦਰਦਨਾਕ ਮੌਤ ! ਸਾਥੀ ਮੁਲਾਜ਼ਮ ਤੇ ਕੈਦੀ ਦੀ ਵੀ ਗਈ ਜਾਨ
NEXT STORY 
