ਇੰਟਰਨੈਸ਼ਨਲ ਡੈਸਕ : ਲੰਡਨ ਤੋਂ ਅਮਰੀਕਾ ਦੇ ਸ਼ਿਕਾਗੋ ਜਾ ਰਹੀ ਬ੍ਰਿਟਿਸ਼ ਏਅਰਵੇਜ਼ ਦੀ ਟ੍ਰਾਂਸ-ਅਟਲਾਂਟਿਕ ਫਲਾਈਟ BA295 ਵਿੱਚ ਉਡਾਣ ਦੌਰਾਨ ਇੱਕ ਵੱਡਾ ਤਕਨੀਕੀ ਸੰਕਟ ਆ ਗਿਆ। ਆਇਰਲੈਂਡ ਦੇ ਹਵਾਈ ਖੇਤਰ ਦੇ ਉੱਪਰੋਂ ਲੰਘਦੇ ਸਮੇਂ ਅਚਾਨਕ ਆਈ ਤਕਨੀਕੀ ਖਰਾਬੀ ਤੋਂ ਬਾਅਦ ਕਰੂ ਨੇ ਹਵਾ ਵਿੱਚ ਹੀ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ।
ਰਿਪੋਰਟਾਂ ਅਨੁਸਾਰ ਇਹ ਫਲਾਈਟ ਲੰਡਨ ਦੇ ਹੀਥਰੋ ਏਅਰਪੋਰਟ ਦੇ ਟਰਮੀਨਲ-5 ਤੋਂ ਸਵੇਰੇ ਲਗਭਗ 11:50 ਵਜੇ ਸ਼ਿਕਾਗੋ ਦੇ ਓ'ਹੇਅਰ ਇੰਟਰਨੈਸ਼ਨਲ ਏਅਰਪੋਰਟ ਲਈ ਰਵਾਨਾ ਹੋਈ ਸੀ, ਜਿਸ ਦੀ ਕੁੱਲ ਯਾਤਰਾ ਲਗਭਗ 8 ਘੰਟੇ 40 ਮਿੰਟ ਦੀ ਸੀ। ਉਡਾਣ ਭਰਨ ਦੇ ਲਗਭਗ ਇੱਕ ਘੰਟੇ ਬਾਅਦ, ਜਦੋਂ ਜਹਾਜ਼ 37,000 ਫੁੱਟ ਦੀ ਉਚਾਈ 'ਤੇ ਪਹੁੰਚ ਚੁੱਕਾ ਸੀ, ਤਾਂ ਇੱਕ ਆਪ੍ਰੇਸ਼ਨਲ ਸਮੱਸਿਆ ਆਉਣ ਕਾਰਨ ਜਹਾਜ਼ ਤੇਜ਼ੀ ਨਾਲ ਹੇਠਾਂ ਆਉਣ ਲੱਗਾ ਅਤੇ ਮਿੰਟਾਂ ਵਿੱਚ ਹੀ 9,000 ਫੁੱਟ ਹੇਠਾਂ ਆ ਗਿਆ।
ਜਹਾਜ਼ ਵੱਲੋਂ ਟ੍ਰਾਂਸਪੌਂਡਰ 'ਤੇ ਐਮਰਜੈਂਸੀ ਕੋਡ 7700 ਪ੍ਰਸਾਰਿਤ ਕੀਤਾ ਗਿਆ, ਜੋ ਕਿ ਉਡਾਣ ਦੌਰਾਨ ਆਮ ਆਪਾਤਕਾਲੀਨ ਸਥਿਤੀ ਦਾ ਸੰਕੇਤ ਹੁੰਦਾ ਹੈ। ਇਸ ਤੋਂ ਬਾਅਦ ਏਅਰ ਟ੍ਰੈਫਿਕ ਅਤੇ ਫਲਾਈਟ-ਟ੍ਰੈਕਿੰਗ ਸਿਸਟਮ ਦੁਆਰਾ ਫਲਾਈਟ 'ਤੇ ਲਗਾਤਾਰ ਨਜ਼ਰ ਰੱਖੀ ਜਾ ਰਹੀ ਹੈ ਤੇ ਨੇੜਲੇ ਹਵਾਈ ਅੱਡੇ 'ਤੇ ਇਸ ਦੀ ਸੁਰੱਖਿਅਤ ਜਾਂ ਐਮਰਜੈਂਸੀ ਲੈਂਡਿੰਗ ਦੀ ਪ੍ਰਕਿਰਿਆ ਜਾਰੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀਓ ਦੇ ਪਹਿਲੇ ਪ੍ਰਕਾਸ਼ ਦਿਵਸ ਨੂੰ ਸਮਰਪਿਤ ਵਿਸ਼ਾਲ ਨਗਰ ਕੀਰਤਨ ਪਾਸਿਆਨੋ ਵਿਖੇ 11 ਨੂੰ
NEXT STORY 
