ਨਵੀਂ ਦਿੱਲੀ — ਪੰਜਾਬ ਨੈਸ਼ਨਲ ਬੈਂਕ ਧੋਖਾਧੜੀ ਮਾਮਲੇ ਦੇ ਮੁੱਖ ਦੋਸ਼ੀ ਅਤੇ ਦੇਸ਼ ਦੇ ਭਗੌੜੇ ਹੀਰਾ ਕਾਰੋਬਾਰੀ ਨੀਰਵ ਮੋਦੀ 'ਤੇ ਸ਼ਿਕੰਜਾ ਕੱਸਣ ਵਾਲਾ ਹੈ। ਦਰਅਸਲ ਇਨਫੋਸਮੈਂਟ ਡਾਇਰੈਕਟੋਰੇਟ(ਈ.ਡੀ.) 7 ਨਵੰਬਰ ਨੂੰ ਨੀਰਵ ਮੋਦੀ ਦੀਆਂ 13 ਲਗਜ਼ਰੀ ਕਾਰਾਂ ਨੂੰ ਨੀਲਾਮ ਕਰਨ ਜਾ ਰਿਹਾ ਹੈ। ਖਬਰਾਂ ਅਨੁਸਾਰ ਜਿਹੜੀਆਂ ਕਾਰਾਂ ਦੀ ਨਿਲਾਮੀ ਹੋਣ ਜਾ ਰਹੀ ਹੈ ਉਨ੍ਹਾਂ 'ਚ ਨੀਰਵ ਮੋਦੀ ਦੀ 2 ਕਰੋੜ ਰੁਪਏ ਦੀ ਕੀਮਤ ਵਾਲੀ ਅਲਟ੍ਰਾ ਲਗਜ਼ਰੀ ਕਾਰ ਬੇਂਟਲੇ ਕਾਰ ਵੀ ਸ਼ਾਮਲ ਹੈ।
ਕਰੋੜਾਂ 'ਚ ਹੈ ਇਨ੍ਹਾਂ ਕਾਰਾਂ ਦੀ ਕੀਮਤ
ਖਬਰਾਂ ਅਨੁਸਾਰ ਈ-ਆਕਸ਼ਨ ਦਾ ਕੰਟਰੈਕਟ ਸਰਕਾਰ ਦੀ ਮਾਲਕੀ ਵਾਲੀ ਈ-ਕਾਮਰਸ ਕੰਪਨੀ ਮੈਟਲ ਸਕ੍ਰੈਪ ਟ੍ਰੇਡ ਕਾਰਪੋਰੇਸ਼ਨ ਲਿਮਟਿਡ ਨੂੰ ਦਿੱਤਾ ਗਿਆ ਹੈ। ਸੰਭਾਵੀ ਬੋਲੀਦਾਤਾਵਾਂ ਨੂੰ ਆਕਸ਼ਨ ਪ੍ਰੋਸੈੱਸ 'ਚ ਸ਼ਾਮਲ ਹੋਣ ਲਈ ਇਕ ਨਿਸ਼ਚਿਤ ਰਕਮ ਜਮ੍ਹਾਂ ਕਰਵਾਉਣੀ ਹੋਵੇਗੀ। ਇਨ੍ਹਾਂ ਵਿਚੋਂ ਕੁਝ ਕਾਰਾਂ ਦੀ ਮੁੜ ਤੋਂ ਬੋਲੀ ਲਗਾਈ ਜਾ ਰਹੀ ਹੈ। ਇਨ੍ਹਾਂ 'ਚ ਰਾਇਲ ਰਾਇਸ ਅਤੇ ਪੋਰਸ਼ ਪਾਨਾਮੇਰਾ ਸ਼ਾਮਿਲ ਹਨ। ਇਨ੍ਹਾਂ ਕਾਰਾਂ ਨੂੰ ਕ੍ਰਮਵਾਰ 1.70 ਕਰੋੜ ਅਤੇ 60 ਲੱਖ ਰੁਪਏ 'ਚ ਵੇਚਿਆ ਗਿਆ ਸੀ ਪਰ ਕੁਝ ਕਾਰਨਾਂ ਕਰਕੇ ਵਿਕਰੀ ਆਖਰੀ ਪੜਾਅ ਤੱਕ ਨਹੀਂ ਪਹੁੰਚ ਸਕੀ। ਬੇਂਟਲੇ ਦੀ ਬੋਲੀ ਦੀ ਕੀਮਤ 2 ਕਰੋੜ ਰੁਪਏ ਤੋਂ ਸ਼ੁਰੂ ਹੋਵੇਗੀ ਜਿਹੜੀ ਕਿ ਨੀਰਵ ਮੋਦੀ ਦੀਆਂ ਜ਼ਬਤ ਕੀਤੀਆਂ ਗਈਆਂ ਕਾਰਾਂ 'ਚ ਸਭ ਤੋਂ ਜ਼ਿਆਦਾ ਹੈ। ਇਸ ਤੋਂ ਪਹਿਲਾਂ ਇਸ ਸਾਲ ਅਗਸਤ 'ਚ ਈ.ਡੀ. ਨੇ ਵਿਸ਼ੇਸ਼ ਪੀ.ਐਮ.ਐਲ.ਏ. ਅਦਾਲਤ 'ਚ ਪਟੀਸ਼ਨ ਦਾਇਰ ਕਰਕੇ ਨੀਰਵ ਮੋਦੀ ਦੀ ਜ਼ਬਤ ਕੀਤੀ ਗਈ ਜਾਇਦਾਦ ਜਿਵੇਂ ਕਾਰਾਂ, ਘੜੀਆਂ ਅਤੇ ਪੇਂਟਿੰਗਸ ਦੀ ਨਿਲਾਮੀ ਕਰਨ ਦੀ ਮੰਗ ਕੀਤੀ ਸੀ।
ਜ਼ਮਾਨਤ ਦੀ ਅਰਜ਼ੀ 'ਤੇ ਅੱਜ ਸੁਣਵਾਈ ਕਰੇਗੀ ਬ੍ਰਿਟੇਨ ਦੀ ਅਦਾਲਤ
ਬ੍ਰਿਟੇਨ ਦੀ ਇਕ ਅਦਾਲਤ ਨੇ ਭਗੌੜੇ ਹੀਰਾ ਕਾਰੋਬਾਰੀ ਨੀਰਵ ਮੋਦੀ ਵਲੋਂ ਜ਼ਮਾਨਤ ਲਈ ਦਾਇਰ ਕੀਤੀ ਗਈ ਨਵੀਂ ਪਟੀਸ਼ਨ 'ਤੇ ਸੁਣਵਾਈ ਕਰਨ ਦੀ ਸਹਿਮਤੀ ਦਿੱਤੀ ਹੈ। ਨੀਰਵ ਮੋਦੀ ਤਕਰੀਬਨ ਦੋ ਅਰਬ ਡਾਲਰ ਦੀ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਧੋਖਾਧੜੀ ਅਤੇ ਮਨੀ ਲਾਂਡਰਿੰਗ ਮਾਮਲੇ 'ਚ ਭਾਰਤ ਹਵਾਲਗੀ ਵਿਰੁੱਧ ਲੜਾਈ ਲੜ ਰਿਹਾ ਹੈ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਨੀਰਵ ਮੋਦੀ ਨੂੰ ਲੰਡਨ 'ਚ ਵੈਸਟਮਿੰਸਟਰ ਮੈਜਿਸਟਰੇਟ ਦੀ ਅਦਾਲਤ 'ਚ ਪੇਸ਼ ਕੀਤਾ ਜਾਵੇਗਾ। ਉਸਦੇ ਖਿਲਾਫ ਮੁਕੱਦਮੇ ਦੀ ਸੁਣਵਾਈ ਅਗਲੇ ਸਾਲ ਮਈ 'ਚ ਸ਼ੁਰੂ ਹੋਵੇਗਾ ਅਤੇ ਹੁਣ ਉਹ ਉਸ ਸਮੇਂ ਤੱਕ ਜ਼ਮਾਨਤ ਲੈਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਉਹ ਮਾਰਚ ਵਿਚ ਦੱਖਣੀ-ਪੱਛਮੀ ਲੰਡਨ ਵਿਚ ਵੈਂਡਸਵਰਥ ਜੇਲ 'ਚ ਰਿਹਾ ਉਹ ਇੰਗਲੈਂਡ ਦੀ ਸਭ ਤੋਂ ਭੀੜਭਾੜ ਵਾਲੀ ਜੇਲਾਂ ਵਿਚੋਂ ਇਕ ਦੱਖਣ-ਪੱਛਮ ਲੰਡਨ ਦੇ ਵੈਂਡਸਵਰਥ ਜੇਲ 'ਚ ਮਾਰਚ ਤੋਂ ਬੰਦ ਹੈ। ਬ੍ਰਿਟੇਨ ਦੀ ਕ੍ਰਾਊਨ ਪ੍ਰੌਸੀਕਿਊਸ਼ਨ ਸਰਵਿਸ (ਸੀਪੀਐਸ) ਦੇ ਇਕ ਬੁਲਾਰੇ ਨੇ ਕਿਹਾ, 'ਜ਼ਮਾਨਤ ਪਟੀਸ਼ਨ 'ਤੇ ਬੁੱਧਵਾਰ 6 ਨਵੰਬਰ ਨੂੰ ਵੈਸਟਮਿੰਸਟਰ ਮੈਜਿਸਟ੍ਰੇਟ ਦੀ ਅਦਾਲਤ ਵਿਚ ਸੁਣਵਾਈ ਹੋਵੇਗੀ।' ਸੁਣਵਾਈ ਤੋਂ ਪਹਿਲਾਂ ਪਟੀਸ਼ਨ ਦਾ ਆਧਾਰ ਜਨਤਕ ਨਹੀਂ ਕੀਤਾ ਜਾ ਸਕਦਾ। ”ਸੀਪੀਐਸ ਹਵਾਲਗੀ ਮਾਮਲੇ 'ਚ ਭਾਰਤ ਸਰਕਾਰ ਦਾ ਪੱਖ ਅਦਾਲਤ 'ਚ ਰੱਖ ਰਹੀ ਹੈ।
ਹਰਜੀਤ ਲਸਾੜਾ ਤੀਸਰੀ ਵਾਰ ਬਣੇ ਕਨਵੀਨਰ
NEXT STORY 
