ਟੋਰੰਟੋ (ਇੰਟਰਨੈਸ਼ਨਲ ਡੈਸਕ)- ਬ੍ਰਿਟਿਸ਼ ਕੰਲੋਬੀਆ ਸਿਵਲ ਲਿਬਰਟੀਜ ਐਸੋਸੀਏਸ਼ਨ (ਬੀ. ਸੀ. ਸੀ. ਐੱਲ. ਏ.) ਦੀ ਕਾਰਜਕਾਰੀ ਡਾਇਰੈਕਟਰ ਹਰਸ਼ਾ ਵਾਲੀਆ ‘ਉਨ੍ਹਾਂ ਸਾਰਿਆਂ ਨੂੰ ਸਾੜ ਦਿਓ’ ਟਿੱਪਣੀ ਕਰ ਕੇ ਵਿਵਾਦਾਂ ਵਿਚ ਘਿਰ ਗਈ ਹੈ। ਵਾਲੀਆ ਨੇ ਇਹ ਟਿੱਪਣੀ ‘ਕੈਨੇਡਾ ਦਿਵਸ’ ਮੌਕੇ 2 ਹੋਰ ਕੈਥੋਲਿਕ ਚਰਚਾਂ ਦੇ ਸੜਨ ਦੀਆਂ ਖਬਰਾਂ ਦੇ ਜਵਾਬ ਵਿਚ ਇਕ ਟਵੀਟ ਵਿਚ ਕੀਤੀ ਸੀ। ਜ਼ਿਕਰਯੋਗ ਹੈ ਕਿ ਹਰਸ਼ਾ ਵਾਲੀਆ ਬ੍ਰਿਟਿਸ਼ ਕੰਲੋਬੀਆ ਸਥਿਤ ਵੈਨਕੂਵਰ ਵਿਚ ਭਾਰਤੀ ਐਕਟੀਵਿਸਟ ਅਤੇ ਲੇਖਿਕਾ ਹੈ ਅਤੇ ਉਹ ਮੈਂਟਲ ਹੈਲਥ, ਵਿਕਲਾਂਗਤਾ, ਲਿੰਗ, ਜਾਤੀ, ਗਰੀਬੀ, ਟਰਾਂਸਜੈਂਡਰਾਂ ਦੇ ਅਧਿਕਾਰਾਂ, ਸਮਾਨਤਾ ਦੇ ਅਧਿਕਾਰਾਂ ਅਤੇ ਕੈਨੇਡਾ ਵਿਚ ਆਪ੍ਰਵਾਸ ਅਤੇ ਸ਼ਰਨਾਰਥੀਆਂ ਦੇ ਅਦਾਲਤਾਂ ਵਿਚ ਕੇਸ ਲੜ ਰਹੀ ਹੈ। ਉਸਦੀ ਇਹ ਟਿੱਪਣੀ ਕੈਨੇਡਾ ਦੇ ਰਿਹਾਇਸ਼ੀ ਸਕੂਲਾਂ ਵਿਚ ਹਜ਼ਾਰਾਂ ਬੱਚਿਆਂ ਦੀਆਂ ਕਬਰਾਂ ਮਿਲਣ ਤੋਂ ਬਾਅਦ ਆਈ ਹੈ।
ਇਹ ਵੀ ਪੜ੍ਹੋ: ਪਾਕਿਸਤਾਨ: ਸਿੱਖਾਂ ਦੇ ਵਿਰੋਧ ਅੱਗੇ ਝੁਕੀ ਸਰਕਾਰ, 100 ਸਾਲ ਪੁਰਾਣੇ ਗੁਰਦੁਆਰੇ ਨੂੰ ਮੁੜ ਖੋਲ੍ਹਣ ਦੀ ਦਿੱਤੀ ਇਜਾਜ਼ਤ
ਸਾਡੇ ਸਮਾਜ ਵਿਚ ਹਿੰਸਾ ਦੀ ਕੋਈ ਥਾਂ ਨਹੀਂ
ਕ੍ਰਿਸ ਸੈਂਕੀ ਨੇ ਕਿਹਾ ਕਿ ਇਸ ਔਰਤ ਨੂੰ ਬੀ. ਸੀ. ਸਿਵਲ ਲਿਬਰਟੀਜ ਤੋਂ ਹਟਾਏ ਜਾਣ ਦੀ ਲੋੜ ਹੈ। ਇਹ ਬ੍ਰਿਟਿਸ਼ ਕੋਲੰਬੀਆ ਲਈ ਸ਼ਰਮਿੰਦਗੀ ਦੀ ਗੱਲ ਹੈ। ਸਾਡੇ ਸਮਾਜ ਵਿਚ ਹਿੰਸਾ ਲਈ ਕੋਈ ਥਾਂ ਨਹੀਂ ਹੈ।
ਉਹ ਸ਼ੁਰੂਆਤ ਵਿਚ ਹੀ ਇਸਦੇ ਬਾਰੇ ਬਹੁਤ ਜਨਤਕ ਸੀ
ਨੈਸ਼ਨਲ ਪੋਸਟ ਦੇ ਕਾਲਮ ਲੇਖਕ ਜੋਨਾਥਨ ਕਾਯੇ ਨੇ ਟਵੀਟ ਕੀਤਾ ਕਿ ਜੇਕਰ ਸਿਰਫ ਬੀ. ਸੀ. ਸੀ. ਐੱਲ. ਏ. ਨੂੰ ਪਤਾ ਹੁੰਦਾ ਕਿ ਹਰਸ਼ਾ ਵਾਲੀਆ ਇਕ ਅਜੀਬ ਕੰਮ ਅਤੇ ਹਿੰਸਾ ਦੀ ਸਮਰੱਥਕ ਹੈ ਤਾਂ ਸ਼ਾਇਦ ਉਹ ਉਸਨੂੰ ਕੰਮ ’ਤੇ ਨਹੀਂ ਰੱਖਦੇ। ਓਹ ਰੁਕੋ, ਉਹ ਜਾਣਦੇ ਸਨ ਕਿਉਂਕਿ ਉਹ 2010 ਦੀ ਸ਼ੁਰੂਆਤ ਵਿਚ ਹੀ ਇਸਦੇ ਬਾਰੇ ਬਹੁਤ ਜਨਤਕ ਸੀ।
ਇਹ ਵੀ ਪੜ੍ਹੋ: ਸਦੀ ਦੇ ਅਖ਼ੀਰ ਤਕ ਦੁਨੀਆ ਦੇ ਲਗਭਗ 840 ਕਰੋੜ ਲੋਕਾਂ ’ਤੇ ਮੰਡਰਾ ਰਿਹਾ ਹੋਵੇਗਾ ਡੇਂਗੂ ਤੇ ਮਲੇਰੀਆ ਦਾ ਖ਼ਤਰਾ
ਚਰਚਾਂ ਖਿਲਾਫ ਹੋਏ 23 ਹਮਲੇ
- ਈਸਾਈ ਚਰਚਾਂ ਦੇ ਖਿਲਾਫ ਘੱਟੋ-ਘੱਟ 23 ਹਮਲੇ ਹੋਏ ਹਨ ਜਿਨ੍ਹਾਂ ਵਿਚੋਂ 5 ਚਰਚਾਂ ਪੂਰੀ ਤਰ੍ਹਾਂ ਅੱਗ ਨਾਲ ਨਸ਼ਟ ਹੋ ਗਈਆਂ।
- 3 ਅੱਗ ਨਾਲ ਨੁਕਸਾਨੀਆਂ ਗਈਆਂ ਅਤੇ 15 ਤੋਂ ਜ਼ਿਆਦਾ ’ਤੇ ਵੱਖ-ਵੱਖ ਤਰ੍ਹਾਂ ਦੇ ਹਮਲੇ ਕੀਤੇ ਗਏ।
ਹਰਸ਼ਾ ਵਾਲੀਆ ਦੇ ਸਰਮਥਨ ਵਿਚ ਉੱਤਰੀ ਐਸੋਸੀਏਸ਼ਨ
ਬੀ. ਸੀ. ਸਿਵਲ ਲਿਬਰਟੀਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਡੇਵਿਡ ਫਈ ਆਪਣੀ ਕਾਰਜਕਾਰੀ ਡਾਇਰੈਕਟਰ ਦਾ ਸਮਰਥਨ ਕਰ ਰਹੇ ਹਨ, ਜਿਨ੍ਹਾਂ ਨੇ ਪੁਰਾਣੇ ਰਿਹਾਇਸ਼ੀ ਸਕੂਲਾਂ ਵਿਚ ਕਬਰਾਂ ਦੀ ਖੋਜ ਤੋਂ ਬਾਅਦ ਪੂਰੇ ਕੈਨੇਡਾ ਵਿਚ ਕੈਥੋਲਿਕ ਚਰਚਾਂ ਨੂੰ ਸਾੜਨ ਦਾ ਸੱਦਾ ਦਿੱਤਾ ਸੀ। ਉਥੇ ਓਂਟਾਰੀਓ ਸੂਬਾਈ ਵਿਧਾਇਕਾ ਦੇ ਇਕ ਐੱਨ. ਡੀ. ਪੀ. ਮੈਂਬਰ ਨੇ ਵੀ ਹਰਸ਼ਾ ਵਾਲੀਆ ਦਾ ਸਮਰਥਨ ਕੀਤਾ ਹੈ। ਡੇਵਿਡ ਫਈ ਨੇ ਕਿਹਾ ਕਿ ਵਾਲੀਆ ਨੇ ਨਿੱਜੀ ਟਿੱਪਣੀ ਕੀਤੀ ਹੈ ਅਤੇ ਇਸਦਾ ਸ਼ਾਬਦਿਕ ਅਰਥ ‘ਉਨ੍ਹਾਂ ਸਾਰਿਆਂ ਨੂੰ ਸਾੜ ਦੇਣਾ’ ਨਹੀਂ ਸੀ। ਫਈ ਨੇ ਟਵੀਟ ਕੀਤਾ ਕਿ ਉਨ੍ਹਾਂ ਦੀਆਂ ਟਿੱਪਣੀਆਂ ਨੂੰ ਸ਼ਾਬਦਿਕ ਰੂਪ ਨਾਲ ਨਹੀਂ ਲਿਆ ਜਾਣਾ ਚਾਹੀਦਾ ਸੀ।
ਇਹ ਵੀ ਪੜ੍ਹੋ: ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਪਾਸਪੋਰਟ ਦੀ ਸੂਚੀ ’ਚ ਚੀਨ ਅਤੇ UAE ਦੀ ਬੱਲੇ-ਬੱਲੇ, ਭਾਰਤ ਨੂੰ ਵੱਡਾ ਝਟਕਾ
ਭਾਰਤ ’ਚ ਅਮਰੀਕਾ ਦੇ ਅਗਲੇ ਰਾਜਦੂਤ ਹੋਣਗੇ ਏਰਿਕ ਗੈਰੇਸਟੀ, ਕਿਹਾ-ਮੈਂ ਇਸ ਸਨਮਾਨ ਤੋਂ ਬੇਹੱਦ ਖ਼ੁਸ਼ ਹਾਂ
NEXT STORY 
